က︀ေႃရ︀ိꩫ︀်တ︀ု ႒ 3:7 - Khamti Shan

⁷ မ︀ိူဝ်ႈꩫ︀ꩫ︀်ႇ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၵ︀ႅပ︀်ꩭိꩫ︀်မ︀ႆ︀ႛ ꩬ︀ိꩫ︀်တ︀ႅမ︀်ႛꩭႂ်ႛꩫ︀ႆ︀ႇ ꩫ︀ႃႛမ︀ေႃꩬ︀ေမ︀ႆ︀ႛ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩭုင︀်ႈတ︀ွင︀်မ︀ႃးဢ︀ူ။ င︀ဝ်းဢ︀ꩫ︀်ႈꩫ︀ႃႛမ︀ေႃꩬ︀ေမ︀ႆ︀ႛ ꩭုင︀်ႈတ︀ွင︀်ꩫ︀ႆ︀ႇ လ︀ွႆ︀းလ︀ွႆ︀းꩭႆ︀ၢက︀ႃꩫ︀က︀ေႃႇ ဢ︀ီတ︀်ꩬ︀ြေးၵ︀ဝ်ယ︀ႃႇ မ︀ေႃꩬ︀ေမ︀ႆ︀ႛ ယ︀ိုဝ်ႈꩫ︀ူႈ ꩵ︀ႈပ︀ီꩫ︀်ႈမ︀ႃး။ င︀ႆ︀းꩫ︀ႆ︀ႇꩬ︀ီ ꩬ︀ိꩫ︀်ဢ︀ꩫ︀်ႈဢ︀ꩬ︀ၢက︀်ႉက︀ူꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈꩫ︀ႆ︀ၢႈက︀ေႃႇ ၵ︀ႆ︀ႇလ︀ိူင︀်ႈမ︀ူꩫ︀်ႈင︀ဝ်းယ︀င︀်းမ︀ႃးက︀ီး

က︀ေႃရ︀ိꩫ︀်တ︀ု ႒ 3:7 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 6:15

က︀ူꩫ︀်းဢ︀ꩫ︀်ႈယ︀ုင︀်းတ︀ြႃးမ︀ႆ︀ႛꩫ︀င︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ꩬ︀တ︀ေၸ︀ꩫ︀်မ︀ႆ︀ႛတ︀ႃႈက︀ိုဝ်ႈꩬ︀ီꩫ︀ူႈက︀ီး ꩫ︀ႃႛမ︀ꩫ︀်းယ︀ႃႇ ꩫ︀ႃႛၵ︀ုꩫ︀်ꩬ︀ၢင︀်ꩫ︀က︀ꩫ︀်ႈꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်ဢ︀ူ။

ရ︀ေႃမ︀ 10:4

က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းပ︀ီꩫ︀်ႈက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ တ︀ၢင︀်းဢ︀ꩫ︀်ႈက︀မ︀်ႈက︀ႅင︀်းက︀ျမ︀်းꩬ︀ိꩫ︀်မ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩬ︀ုတ︀်ꩬ︀ႆ︀ၢမ︀ႃးယ︀ဝ်ႇ။

ရ︀ေႃမ︀ 4:15

က︀ူꩫ︀်းꩭဝ်း ၸ︀ိတ︀်ꩬ︀ိꩫ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛတ︀ေႃးꩬ︀ႃးဢ︀ူ။ ꩫ︀ႆ︀ႇꩫ︀က︀ေႃႇ က︀ျမ︀်းꩬ︀ိꩫ︀်မ︀ဝ်ယ︀င︀်းက︀ီးယ︀ႃႇ ဢ︀ꩫ︀်ႈၸ︀ိတ︀်ꩬ︀ိꩫ︀်ꩫ︀ꩫ︀ႆ︀ႇ ꩵ︀ႈယ︀င︀်း။

ရ︀ေႃမ︀ 5:20

ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းꩬ︀ိꩫ︀်ꩭႂ်ႛꩫ︀ႆ︀ႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ႂ်ႈလ︀ႂ်ႈဢ︀ပ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀ႃးꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းဢ︀ပ︀ႅတ︀်ႉဢ︀ေႈꩫ︀မ︀်က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းꩫ︀မ︀်င︀ႆ︀းꩫ︀မ︀်။

ရ︀ေႃမ︀ 7:10

င︀ႆ︀းꩫ︀ႆ︀ႇꩬ︀ီ တ︀ြႃးꩬ︀ိꩫ︀်ဢ︀ꩫ︀်ႈက︀ဝ်ႈမ︀ႆ︀ႛ ပ︀ျႃးတ︀ၢင︀်းဢ︀ꩬ︀ၢက︀်ႉꩫ︀ႆ︀ႇ က︀ဝ်ႈမ︀ႆ︀ႛဢ︀ဝ်ႈတ︀ႆ︀ၢႈတ︀ေႇတ︀ေႇက︀ႃဢ︀ူ။

ရ︀ေႃမ︀ 7:22

ꩡ︀ႂ်ႈက︀ဝ်ႈတ︀ေႇတ︀ေႇယ︀ႃႇ ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထုက︀်ꩡ︀ႂ်ႈလ︀ူင︀်ꩫ︀မ︀်။

ရ︀ေႃမ︀ 7:5

မ︀ိူဝ်ႈꩭဝ်းꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩬ︀ီဢ︀ူꩫ︀ႆ︀ႇ က︀ꩫ︀်ႛꩫ︀ႂ်းတ︀ူဝ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ ထူမ︀်ႛတ︀ူဝ်ႈꩬ︀ီဢ︀ူꩫ︀မ︀်။ ꩬ︀ိꩫ︀်ယ︀ႃႇ ꩡ︀ႂ်ႈဢ︀မ︀ႂ်းမ︀ႆ︀ႛတ︀ိက︀်ꩬ︀ူꩫ︀်းꩭႂ်ႛꩫ︀ႆ︀ႇꩬ︀ီ ꩭဝ်းꩭီတ︀်ဢ︀ပ︀ႅတ︀်ႉꩬ︀ီ ꩫ︀ႆ︀ႛထိုင︀်တ︀ၢင︀်းတ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 13:10

ꩫ︀ႆ︀ႇꩫ︀က︀ေႃႇ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛလ︀ွင︀်ႈꩫ︀ီႈဢ︀ꩫ︀်ႈတ︀ီမ︀်ႈက︀ုမ︀်မ︀ႆ︀ႛ ဢ︀ဝ်ႈတ︀ွင︀်းꩭႂ်ႛꩫ︀ႆ︀ႇယ︀ႃႇ လ︀ွင︀်ႈꩫ︀ီႈဢ︀ꩫ︀်ႈမ︀ဝ်တ︀ီမ︀်ႈက︀ုမ︀်ꩫ︀ႆ︀ႇၵ︀ဝ် တ︀ီဢ︀ဝ်ႈꩭႆ︀ၢက︀ႃꩫ︀မ︀်။

က︀ေႃရ︀ိꩫ︀်တ︀ု ႒ 3:3

ꩬ︀ူယ︀ႃႇ လ︀ိက︀်ႉဢ︀ꩫ︀်ႈꩡ︀ဝ်ႛၵ︀ရ︀ီတ︀် ဢ︀ဝ်ႈဢ︀မ︀ူးတ︀ူႈတ︀ႅမ︀်ႛဝႆ︀ႇꩫ︀မ︀် ꩫ︀ꩫ︀ႆ︀ႇꩡ︀ုꩫ︀်ႈꩬ︀ၢက︀်ꩰꩫ︀မ︀်။ လ︀ိက︀်ႉဢ︀မ︀ႂ်းယ︀ႃႇ ဢ︀ꩫ︀်ႈဢ︀ဝ်ႈမ︀ိုက︀်ႉတ︀ႅမ︀်ႛဝႆ︀ႇမ︀ဝ်ꩡ︀ႂ်ႈꩬ︀ီ ဢ︀ꩫ︀်ႈဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်တ︀ႅမ︀်ႛဝႆ︀ႇ၊ ဢ︀ꩫ︀်ႈၵ︀ႅပ︀်ꩭိꩫ︀်မ︀ႆ︀ႛ တ︀ႅမ︀်ႛဝႆ︀ႇမ︀ဝ်ꩡ︀ႂ်ႈꩬ︀ီ ဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းမ︀ႆ︀ႛ တ︀ႅမ︀်ႛဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 3:6

မ︀ꩫ︀်းꩡ︀ဝ်ႛꩫ︀မ︀် တ︀ူႈမ︀ႆ︀ႛတ︀ꩫ︀်းၵ︀ူဝ်းꩭႂ်ႛꩬ︀ီ ꩭႂ်ႛထၢမ︀်းဢ︀မ︀ူး ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ။ ၵ︀ၢမ︀်းၵ︀တ︀်ႉꩫ︀ႆ︀ႇယ︀ႃႇ ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩵ︀ႈꩡ︀ႂ်ႈ။ တ︀ြႃးဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩭဝ်းမ︀ႆ︀ႛတ︀ၢင︀်းတ︀ႆ︀ၢႈꩭႂ်ႛꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႒ 3:8

မ︀ူꩫ︀်ႈင︀ဝ်းၵ︀ၢမ︀်းၵ︀တ︀်ႉမ︀ႂ်ဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ၵ︀ႆ︀ႇမ︀ဝ်က︀ႃး တ︀ီတ︀ီမ︀်ႈက︀ုမ︀်မ︀ဝ်ပ︀ိတ︀်ႉꩫ︀မ︀်။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

က︀လ︀ႃတ︀ိ 3:21

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ဢ︀ꩫ︀်ႈက︀ျမ︀်းꩬ︀ိꩫ︀်ꩫ︀ၵ︀ႃက︀တ︀ိမ︀ꩫ︀်းꩡ︀ဝ်ႛ မ︀ဝ်ꩥ︀ႃးက︀ꩫ︀်ႈꩵ︀ႈꩡ︀ႂ်ႈပ︀ိူင︀်ႈလ︀ူင︀်။ ꩬ︀င︀်ဝႃႈက︀ျမ︀်းꩬ︀ိꩫ︀်ꩫ︀ႆ︀ႇ ဢ︀ꩬ︀ၢက︀်ႉမ︀ႂ်ꩭႂ်ႛꩫ︀ႆ︀ႛꩫ︀မ︀်ꩫ︀က︀ီး က︀ူꩫ︀်းꩭဝ်းက︀မ︀်ႈက︀ျမ︀်းꩬ︀ိꩫ︀်ꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛထုက︀်က︀ꩫ︀်ႈပ︀ွက︀်ႉဢ︀ူ။

ꩭေပ︀ရ︀ူး 12:18

ꩬ︀ူယ︀ႃႇ ꩫ︀င︀်ဢ︀ီတ︀်ꩬ︀ြေးꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩫ︀ွႆ︀ႈတ︀ိꩫ︀ႃတ︀ေႇတ︀ေႇဢ︀ꩫ︀်ႈꩬ︀ူတ︀ႅတ︀်ႉꩫ︀ႆ︀ႛမ︀ႆ︀ႛ ꩵ︀ႈ မ︀ႃးမ︀ႃး။ ꩫ︀ွႆ︀ႈဢ︀မ︀ႂ်းမ︀ႆ︀ႛယ︀ႃႇ မ︀ုက︀်ႉၸ︀ႆ︀းဢ︀ွက︀်၊ မ︀ွက︀်မ︀ဝ်း၊ ꩫ︀မ︀်ႈꩬ︀ိင︀်၊ ၸ︀ူꩫ︀်လ︀ူင︀်လ︀ႅင︀်ႇလ︀ူင︀်တ︀ူက︀်င︀ႆ︀း

ꩭေပ︀ရ︀ူး 3:3

ၸ︀ူႛပ︀ူက︀်ꩭိူꩫ︀်းယ︀ႃႇ ꩭိူꩫ︀်းမ︀ႆ︀ႛလ︀ႅင︀်ႇꩬ︀ႃꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုက︀ေႃႇ မ︀ေႃꩬ︀ေမ︀ႆ︀ႛ မ︀ူꩫ︀်ႈၸ︀ုင︀်းꩭၢပ︀်ႉထႅက︀်ႉꩬ︀ႃဢ︀ူ။

ꩭေပ︀ရ︀ူး 9:4

တ︀ီႈဢ︀မ︀ႂ်းမ︀ႆ︀ႛယ︀ႃႇ ၵ︀ီင︀်ၵ︀ႅက︀်ၵ︀မ︀်း ဢ︀ꩫ︀်ႈꩡ︀ပ︀်ꩬ︀မ︀ီးꩭွမ︀်င︀ႆ︀း တ︀ႅက︀်ႉလ︀ိက︀်ႉၵ︀တ︀်ႉ ဢ︀ꩫ︀်ႈက︀ူႈပ︀ႃႛမ︀ႆ︀ႛ ဢ︀ဝ်ႈၵ︀မ︀်းဢ︀ူမ︀်ဝႆ︀ႇꩫ︀ႆ︀ႇယ︀င︀်းဢ︀ူ။ တ︀ႅက︀်ႉဢ︀မ︀ႂ်းမ︀ႆ︀ႛ မ︀ူဝ်ႛၵ︀မ︀်းဢ︀ꩫ︀်ႈၵ︀ဝ်ႛမ︀ုꩫ︀်းမ︀ၢꩫ︀်ꩫ︀ꩬ︀ႂ်ဝႆ︀ႇ၊ ၵ︀ွꩫ︀်ႇတ︀ဝ်ႇဢ︀ႃရ︀ုꩫ︀်ဢ︀ꩫ︀်ႈပ︀ူင︀်လ︀ီင︀ႆ︀း ၵ︀ႅပ︀်ꩭိꩫ︀်လ︀ိက︀်ႉၵ︀တ︀်ႉꩫ︀ႆ︀ႇၵ︀ဝ်ယ︀င︀်းဢ︀ူ။