က︀ေႃရ︀ိꩫ︀်တ︀ု ႒ 3:2 - Khamti Shan

² ꩬ︀ူၸ︀ူႛꩡ︀ဝ်ႛꩬ︀င︀် လ︀ိက︀်ႉက︀မ︀်ႇထွက︀်ႉတ︀ူႈꩫ︀က︀ꩫ︀်ႈꩫ︀မ︀်။ ꩬ︀ူယ︀ႃႇလ︀ိက︀်ႉဢ︀ꩫ︀်ႈꩫ︀ႂ်းꩡ︀ႂ်ႈတ︀ူႈမ︀ႆ︀ႛတ︀ႅမ︀်ႛဝႆ︀ႇ ဢ︀ꩫ︀်ႈက︀ူꩫ︀်းတ︀င︀်းမ︀ိူင︀်းလ︀ႅမ︀်းꩬ︀ီ ဢ︀မ︀ူးတ︀ူႈၵ︀ႂ်ႈလ︀ႂ်ႈꩫ︀ီႈꩫ︀ꩫ︀ႆ︀ႇ တ︀ွင︀်းꩫ︀ႆ︀ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 3:2 ပူးပေါင်းရင်းမြစ်များ

ရ︀ေႃမ︀ 1:8

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။

က︀ေႃရ︀ိꩫ︀်တ︀ု ႑ 3:10

က︀ဝ်ႈယ︀ႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛမ︀ႆ︀ႛ တ︀ိုဝ်းꩬ︀ီ ꩫ︀င︀်ၸ︀ူႛပ︀ူက︀်ꩭိူꩫ︀်းဢ︀ꩫ︀်ႈက︀တ︀်ႉၵ︀ႅꩫ︀်ꩫ︀က︀ꩫ︀်ႈ ꩬ︀ူꩫ︀်ႛꩭိူꩫ︀်းꩭီတ︀်ဝႆ︀ႇယ︀ဝ်ႇ။ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ဢ︀မ︀ႂ်းမ︀ႆ︀ႛက︀ၢပ︀်ꩬ︀ီပ︀ူက︀်ၵ︀ိုꩫ︀်ႛက︀ႃဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈပ︀ူက︀်ၵ︀ိုꩫ︀်ႛက︀ႃꩫ︀ႆ︀ႇ ꩭလ︀ိုဝ်ꩭီတ︀်က︀ႃꩫ︀ꩫ︀ႆ︀ႇယ︀ႃႇ ၸ︀ႂ်ꩰမ︀ꩫ︀်းꩰဝႃႈꩬ︀တ︀ိက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 11:11

က︀ဝ်ႈဝႃႈꩫ︀ႆ︀ႇ ꩬ︀ူမ︀ႆ︀ႛꩵ︀ႈꩭၢက︀်ႉꩫ︀ꩬ︀ီ ဝႃႈꩵ︀ႈꩡ︀ႂ်ႈ။ ꩬ︀ူမ︀ႆ︀ႛက︀ဝ်ႈၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 12:15

ꩭႂ်ႛပ︀ူဝ်းꩬ︀ူမ︀ႆ︀ႛꩫ︀ႆ︀ႛꩡ︀ွႆ︀ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းင︀ႆ︀း တ︀ူဝ်ႈက︀ဝ်ႈၸ︀ူႛꩡ︀ဝ်ႛတ︀မ︀ိူင︀်း ꩬ︀ူမ︀ႆ︀ႛꩭုမ︀်ꩰꩡ︀ူမ︀်းꩰတ︀ီꩭႂ်ႛꩫ︀မ︀်။ က︀ဝ်ႈꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛ တ︀ီမ︀ဝ်ပ︀ူဝ်းꩭၢက︀်ႉတ︀ေႇတ︀ေႇက︀ျႃး။

က︀ေႃရ︀ိꩫ︀်တ︀ု ႒ 3:1

ဝႃႈင︀ႆ︀းꩬ︀ီ တ︀ူႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ယ︀ူဝ်းယ︀ွင︀်ႛꩫ︀က︀ဝ်ꩵ︀ႈꩡ︀ႂ်ႈ။ လ︀ိက︀်ႉက︀မ︀်ႇထွက︀်ႉ ꩭၢင︀်းပ︀ျႃးꩬ︀ူက︀ေႃႇတ︀ူႈꩵ︀ႈꩭၢင︀်ႇ။ လ︀ိက︀်ႉဢ︀ꩫ︀်ႈꩬ︀ူက︀မ︀်ႇထွက︀်ႉꩭႂ်ႛက︀ေႃႇ ꩵ︀ႈꩭၢင︀်ႇပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႒ 7:3

က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူမ︀ႆ︀ႛ တ︀ၢင︀်ဢ︀ပ︀ႅတ︀်ႉꩬ︀ီဝႃႈꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဝႃႈꩫ︀က︀ꩫ︀်ႈ ꩫ︀ႂ်းꩡ︀ႂ်ႈတ︀ူႈမ︀ႆ︀ႛꩬ︀ူယ︀င︀်းတ︀ီမ︀်ႈꩰꩫ︀ႆ︀ႇꩬ︀ီ တ︀ူႈယ︀ႃႇ တ︀င︀်းꩬ︀ူတ︀ီꩫ︀ိပ︀် တ︀ီတ︀ႆ︀ၢႈꩫ︀မ︀်။

ၸ︀ိလ︀ိပ︀်ပ︀ၢႆ︀ 1:7

က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ႅင︀်းင︀ႆ︀းꩫ︀ႆ︀ႇꩬ︀ီ က︀ူꩫ︀်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်၊ က︀ူꩫ︀်းတ︀ိူင︀်းဢ︀ႃၵ︀ႃယ︀ၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩫ︀ႆ︀ႛꩥ︀ိꩫ︀်းက︀ႃမ︀ူတ︀်ယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭိုဝ်လ︀ိုဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ꩫ︀ႆ︀ႇက︀ေႃႇ က︀ူႈတ︀ီႈꩬ︀ႅꩫ︀်ꩫ︀ႅꩫ︀်ႈမ︀ႆ︀ႛ ꩭူင︀်က︀ꩫ︀်ႈꩫ︀ႆ︀ႇꩬ︀ီ တ︀ူႈꩫ︀ႆ︀ၢႈက︀ေႃႇ ၵ︀ဝ်မ︀ႆ︀ႛဢ︀ꩫ︀်ႈဝႃႈၵ︀ႆ︀ႈꩵ︀ႈယ︀င︀်းယ︀ဝ်ႇ။