Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




က︀ေႃရ︀ိꩫ︀်တ︀ု ႒ 13:5 - Khamti Shan

5 င︀ႆ︀းꩫ︀ႆ︀ႇꩬ︀ီ တ︀ၢင︀်းယ︀ုမ︀်ယ︀မ︀်ႈꩬ︀ူ ꩡ︀ႅတ︀်ႉ၊ မ︀ဝ်ꩡ︀ႅတ︀်ႉꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛꩡ︀ႅပ︀်ႉလ︀ႅမ︀်းꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩡ︀ႅတ︀်ႉက︀ီး ꩬ︀ူမ︀ႆ︀ႛꩡ︀ဝ်ႛၵ︀ရ︀ီတ︀် ၵ︀ိင︀်းဢ︀ူꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး တ︀ၢင︀်းယ︀ုမ︀်ယ︀မ︀်ႈꩬ︀ူꩵ︀ႈꩡ︀ႅတ︀်ႉ။

အခန်းကိုကြည့်ပါ။ ကော်ပီ




က︀ေႃရ︀ိꩫ︀်တ︀ု ႒ 13:5
50 ပူးပေါင်းရင်းမြစ်များ  

မ︀ꩫ︀်းꩡ︀ဝ်ႛယ︀ႃႇ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ꩫ︀်ႈဢ︀ူ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩭၢက︀်ႉꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း က︀ဝ်ႈတ︀မ︀ိူင︀်းတ︀င︀်းꩬ︀ွင︀် ၵ︀ဝ်မ︀ႆ︀ႛက︀ျွႃးမ︀ႃးꩬ︀ီ တ︀င︀်းၵ︀ဝ်တ︀ီꩭူမ︀်ႈၵ︀ိင︀်းꩫ︀မ︀်။


ꩬ︀ူက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛဢ︀ူတ︀ႃႉ။ က︀ဝ်ႈက︀ေႃႇ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းက︀ွတ︀်။ ၵ︀ႃႈမ︀က︀်ꩡ︀ပ︀ႅတ︀်ႉꩫ︀ႆ︀ႇ တ︀ူꩫ︀်ႛမ︀ႆ︀ႛမ︀ဝ်ꩡ︀ပ︀်က︀ီး ပ︀ိူꩫ︀်ႈꩡ︀ဝ်ႛꩫ︀ႆ︀ၢႈမ︀က︀်ꩵ︀ႈပ︀ီꩫ︀်ႈ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛမ︀ဝ်ဢ︀ူက︀ီး မ︀က︀်ပ︀ီꩫ︀်ႈꩵ︀ႈꩫ︀ႆ︀ႛ။


က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ က︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛꩡ︀ဝ်ႛယ︀င︀်းꩬ︀ီ ၵ︀ဝ်က︀ေႃႇၸ︀ွမ︀်ႇလ︀ွမ︀်ႈက︀ꩫ︀်ႈတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ႆ︀ႛꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ က︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇꩭၢက︀်ႉဢ︀ူꩫ︀ꩫ︀ႆ︀ႇလ︀ိူင︀်ႈ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀ီတ︀ွင︀်းမ︀ႃးက︀ꩫ︀်ႈတ︀ီၵ︀ႃႛꩫ︀မ︀်။


မ︀ႅတ︀်ႉတ︀ႃဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭႂ်ႛဝႆ︀ႇꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛတ︀မ︀ိူင︀်း ꩭႂ်ႛပ︀ူဝ်းꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇ ၵ︀ဝ်မ︀ႆ︀ႛလ︀ွင︀်ႈꩡ︀ဝ်ႛ ဢ︀ဝ်ႈတ︀ွင︀်းꩭႂ်ႛတ︀ီၵ︀ႃႛယ︀ဝ်ႇ။ က︀ၢပ︀်ꩬ︀ီက︀ေႃႇ တ︀ီဢ︀ဝ်ႈတ︀ွင︀်းဢ︀ိက︀်ꩭႂ်ႛက︀ႃတ︀ီၵ︀ႃႛꩫ︀မ︀်” ꩫ︀ꩬ︀ီယ︀ွꩫ︀်းꩬ︀ူးဢ︀ူ။


က︀ူဝ်ႇဢ︀ꩫ︀်ႈက︀ိꩫ︀်ႈꩫ︀ိူဝ်ႇက︀ဝ်ႈ၊ ꩫ︀ိူတ︀်ႉက︀ဝ်ႈꩫ︀ႆ︀ႇ ဢ︀ူက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛꩫ︀မ︀်။ က︀ဝ်ႈက︀ေႃႇ က︀ꩫ︀်ႛꩫ︀ႂ်းမ︀ꩫ︀်းမ︀ႆ︀ႛၵ︀ိင︀်းဢ︀ူ။


င︀ႆ︀းꩬ︀ီထၢမ︀်ꩫ︀ႆ︀ႇ ၸ︀ိလ︀ိပ︀်မ︀ႆ︀ႛၵ︀ႂ်ႈꩡ︀ၢမ︀်းꩡ︀ႂ်ႈꩬ︀ီꩫ︀ႆ︀ၢႈꩫ︀မ︀်။ ဢ︀ꩫ︀်ႈတ︀ေႇတ︀ေႇယ︀ႃႇ မ︀ꩫ︀်းꩡ︀ဝ်ႛတ︀ီꩭီတ︀်ꩭိုဝ်လ︀ိုဝ်ꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛတ︀ွင︀်းယ︀ဝ်ႇꩰ။


ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇမ︀ႆ︀ႛ ၵ︀ဝ်မ︀ဝ်ၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛ ၵ︀ွတ︀်ꩬ︀ီ ꩡ︀ႂ်ႈမ︀ိူက︀်ႉၵ︀ဝ်ꩫ︀ႆ︀ႇ ၵ︀ဝ်မ︀ႆ︀ႛပ︀ေႇထူမ︀်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ဢ︀ူမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ဢ︀ူꩫ︀မ︀်။


ꩫ︀ႆ︀ႇꩫ︀က︀ေႃႇ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်းဢ︀ူက︀ီး လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩬ︀ီ ꩬ︀ူဝႃႈတ︀ႆ︀ၢႈꩫ︀က︀ေႃႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩬ︀ီ ၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။


င︀ႆ︀းꩫ︀ႆ︀ႇꩬ︀ီ ꩬ︀ူက︀ူႈက︀ူဝ်ႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩡ︀ႅပ︀်ႉလ︀ႅမ︀်းꩫ︀ီႈꩫ︀ီႈယ︀ဝ်ႇက︀ီးꩬ︀င︀် ၵ︀ဝ်ႛမ︀ုꩫ︀်းꩫ︀ၵ︀ႃက︀ွက︀်ꩫ︀ႆ︀ႇ က︀ိꩫ︀်ႈတ︀ႃႉ။


ꩬ︀င︀်ဝႃႈꩭဝ်း ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩡ︀ႅပ︀်ႉလ︀ႅမ︀်းဢ︀ွꩫ︀်ႈက︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ူင︀်ႈဢ︀ပ︀ႅတ︀်ႉမ︀ႆ︀ႛ ꩫ︀ႆ︀ႛလ︀ွတ︀်ႉဢ︀ူ။


ꩬ︀ူယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈꩫ︀မ︀်ꩫ︀ꩫ︀ႆ︀ႇလ︀ိူင︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းဢ︀ူꩫ︀ꩫ︀ႆ︀ႇလ︀ိူင︀်ႈ ꩬ︀ူတ︀ွင︀်းမ︀ဝ်ꩡ︀ႂ်ႈ။


တ︀ူဝ်ႈꩬ︀ူယ︀ႃႇ ꩬ︀ိက︀်ႉတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းမ︀ဝ်ꩡ︀ႂ်ႈ။ င︀ႆ︀းက︀ီး ꩬ︀ိက︀်ႉတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူဢ︀ဝ်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ေႈမ︀ွက︀်ယ︀ႃႛꩫ︀ႆ︀ႛဢ︀ေႃး။ ꩵ︀ႈꩫ︀ႆ︀ႛပ︀ိူင︀်ႈလ︀ူင︀်။


တ︀ူဝ်ႈꩬ︀ူယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႃး။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛꩭႂ်ႛꩬ︀ီ ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛ ၵ︀ိင︀်းဢ︀ူꩫ︀ႆ︀ႇꩬ︀ႃး။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩵ︀ႈပ︀ႅင︀်။ ၸ︀ြႃးပ︀ီꩫ︀်ႈꩡ︀ဝ်ႛꩬ︀ႃး ꩬ︀ူမ︀ႆ︀ႛပ︀ႅင︀်ꩫ︀ႆ︀ႇ။ ꩬ︀ူမ︀ဝ်တ︀ွင︀်းက︀ျႃး။


ꩭဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩬ︀ိုင︀် မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ႅတ︀်ႉတ︀ြႃးက︀ေႃႇ မ︀ဝ်တ︀ွင︀်းက︀ျႃး။ မ︀ိူင︀်းက︀ၢင︀်ႈမ︀ႆ︀ႛတ︀မ︀ိူင︀်းက︀ေႃႇ ꩭဝ်းတ︀ီပ︀ႅတ︀်ႉတ︀ြႃးက︀ီး ဢ︀မ︀ူးဢ︀ွꩫ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩫ︀ႂ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ႃး ဝႃႈပ︀ႅတ︀်ႉတ︀ြႃးꩫ︀ႆ︀ႇ။


ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်လ︀ႅꩫ︀်ႈꩫ︀က︀ေႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀်ꩬ︀ူးꩫ︀ႆ︀ႛꩫ︀ႆ︀ႇꩫ︀ꩫ︀ႆ︀ႇ ꩬ︀ူတ︀ွင︀်းမ︀ဝ်ꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩬ︀ူးꩫ︀ႆ︀ႛꩫ︀ႆ︀ႇ လ︀ႅꩫ︀်ႈက︀ꩫ︀်ႈတ︀ႃႉ။


ပ︀ိူꩫ︀်ႈမ︀ႆ︀ႛၵ︀ၢဝ်ႈၵ︀ၢမ︀်းꩫ︀ီႈꩬ︀ွꩫ︀်ꩭႂ်ႛꩬ︀ီ ꩭႂ်ႛပ︀ူဝ်းၸ︀ူႛꩡ︀ဝ်ႛ မ︀ဝ်လ︀ူႇꩬ︀ုမ︀်းက︀ႃꩫ︀ႆ︀ႇ က︀ဝ်ႈယ︀ႃႇ ꩫ︀င︀်ၸ︀ူႛလ︀ီꩫ︀်ႛꩭႅင︀်းꩫ︀က︀ꩫ︀်ႈ ပ︀ႅင︀်ႈမ︀ႆ︀ႛꩡ︀ွမ︀်းꩫ︀ီႈꩫ︀ီႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩥ︀ႅပ︀်ႉ​ပ︀ေႇပ︀ေႇဢ︀ူ။


ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းꩭုꩫ︀်ꩭၢင︀်ႈꩫ︀ႆ︀ႇၵ︀ဝ် တ︀ီꩭလ︀ိုဝ်ဢ︀ၢပ︀်ႉက︀ꩫ︀်ႈꩫ︀ႆ︀။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ဝ်ႈ တ︀င︀်းၵ︀ဝ်ၵ︀ိင︀်းꩬ︀ီ ဝူင︀်ႈၵ︀ဝ်မ︀ႆ︀ႛတ︀ီၸ︀ႆ︀ၢႛꩫ︀မ︀်။ ꩫ︀ႂ်းၵ︀ဝ်မ︀ႆ︀ႛပ︀ꩫ︀်ꩬ︀ီ တ︀ီပ︀ီꩫ︀်ႈၸ︀ြႃးၵ︀ဝ်ꩫ︀မ︀်။ ၵ︀ဝ်က︀ေႃႇတ︀ီပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်” ꩫ︀ꩬ︀ီက︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩭဝ်းယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။


င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။


လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴ︀း က︀ႃႈꩬ︀ူမ︀ႆ︀ႛ ꩭူဝ်ꩡ︀ႂ်ႈꩫ︀င︀်ၸ︀ꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ယ︀င︀်းမ︀ႃးယ︀ႃႇ က︀ဝ်ႈꩫ︀င︀်ၸ︀ူႛယ︀ိင︀်းဢ︀ꩫ︀်ႈတ︀ီယ︀င︀်းလ︀ုက︀်ႉꩫ︀က︀ꩫ︀်ႈ ၵ︀ူႈꩡ︀ႂ်ႈၵ︀ၢꩫ︀်ꩡ︀ႂ်ႈဢ︀ူꩫ︀မ︀်။


ꩭဝ်းက︀ူႈက︀ူဝ်ႇ ဢ︀ꩫ︀်ႈၸ︀ူႛꩡ︀ဝ်ႛꩭီတ︀်မ︀ႆ︀ႛၸ︀ူႛꩡ︀ဝ်ႛ ထုက︀်ꩫ︀ီႈꩡ︀ႅပ︀်ႉလ︀ႅမ︀်းꩫ︀ီႈꩫ︀ီႈဢ︀ူ။ င︀ႆ︀းꩬ︀ီꩭီတ︀်ꩫ︀ီႈꩫ︀ီႈက︀ီး ဢ︀ꩫ︀်ႈၸ︀ူႛꩡ︀ဝ်ႛꩭီတ︀်မ︀ႆ︀ႛ ၸ︀ူႛꩡ︀ဝ်ႛꩫ︀ႆ︀ႛꩡ︀ူမ︀်းဢ︀ူ။ တ︀င︀်းပ︀ိူꩫ︀်ႈꩵ︀ႈဝႃႈယ︀ိူင︀်းက︀ꩫ︀်ႈ။


လ︀ႆ︀ၢးပ︀ိူဝ်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩡ︀ဝ်ႛꩬ︀ေꩬ︀ုၵ︀ရ︀ီတ︀် ၵ︀ိင︀်းꩬ︀ီ ꩭႂ်ႛပ︀ူဝ်းꩬ︀ူ မ︀ဝ်လ︀ူမ︀်ႇက︀ႃꩫ︀ႆ︀ႇ ꩬ︀ူမ︀ႆ︀ႛဢ︀ဝ်ႈမ︀ႅတ︀်ႉတ︀ႃ ꩭႂ်ႛဢ︀ဝ်ႈၵ︀ိူင︀်က︀ိုမ︀်းက︀ႃတ︀ႃႉ။


င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။


ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်း၊ ဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩫ︀ႂ်းꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ႅမ︀်က︀တ︀်ႉꩰဝႆ︀ႇ ဢ︀မ︀ႂ်း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်း၊ တ︀ၢင︀်းလ︀ိူင︀်ႈဝႃႈက︀ွတ︀်ꩫ︀က︀ီး ဢ︀ꩫ︀်ႈꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။


ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈပ︀ီꩫ︀်ႈက︀ုမ︀်ꩭူဝ်းꩡ︀ိူဝ်းꩡ︀ဝ်ႛမ︀ႆ︀ႛယ︀ႃႇ ꩵ︀ႈပ︀ိုင︀်ႈဢ︀ိင︀်ႈယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛင︀မ︀်းꩬ︀ီ တ︀ူဝ်ႈမ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ႃႈꩫ︀ုက︀်ꩫ︀ႆ︀ႇၵ︀ဝ်၊ ဢ︀ဝ်ႈမ︀မ︀်ႈက︀ၢပ︀်ꩫ︀ုက︀်ꩫ︀ႆ︀ႇၵ︀ဝ် ဢ︀ႃꩭႃယ︀ꩡ︀ႃႇတ︀င︀်းတ︀ူဝ်ႈꩡ︀ုပ︀်ဢ︀ဝ်ႈꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀လ︀ၢင︀်းယ︀င︀်းꩫ︀က︀ꩫ︀်ႈ ယ︀ႂ်မ︀ႃးꩫ︀မ︀်။


ꩫ︀င︀်ꩬ︀ူꩬ︀ွꩫ︀်ဢ︀ဝ်ႈမ︀ႃးꩫ︀က︀ꩫ︀်ႈ တ︀င︀်းမ︀ꩫ︀်းꩡ︀ဝ်ႛꩡ︀ၢပ︀်ႉလ︀ႅင︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛꩭီတ︀်င︀ဝ်ႛꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ပ︀ူက︀်ၵ︀ိုꩫ︀်ႛက︀ႃက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းယ︀ူဝ်းယ︀ွင︀်ႛꩬ︀ီဢ︀ူက︀ꩫ︀်ႈတ︀ႃႉ။


ꩫ︀ႆ︀ႇဢ︀ူက︀ေႃႇ ၸ︀ူႛယ︀ိင︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ꩰယ︀မ︀်ႈꩰ၊ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩰꩭွမ︀်ꩰ၊ ꩭူဝ်ꩡ︀ႂ်ႈက︀ေႃႇ ꩬ︀ုက︀်ꩰꩬ︀ႂ်ꩰင︀ႆ︀း ဢ︀ိင︀်တ︀ြေယ︀င︀်းက︀ꩫ︀်ႈꩬ︀ီ ဢ︀ူက︀ႃက︀ီးယ︀ႃႇ မ︀ိူဝ်ႈယ︀င︀်းလ︀ၵ︀ႃꩫ︀ႆ︀ႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛဢ︀ူ။


မ︀ေႃꩬ︀ေမ︀ႆ︀ႛ ယ︀ꩫ︀်ꩫ︀ေꩫ︀ၵ︀ႃယ︀ꩫ︀်ပ︀ေ ꩬ︀ၢꩫ︀်တ︀ၢꩫ︀်းမ︀ႃးꩫ︀က︀ꩫ︀်ႈ ၵ︀ဝ်က︀ေႃႇ ꩬ︀မ︀်မ︀ႃတ︀ြႃးမ︀ႆ︀ႛꩬ︀ၢꩫ︀်တ︀ၢꩫ︀်းꩬ︀ီဢ︀ူꩫ︀မ︀်။ ၵ︀ဝ်ယ︀ႃႇ ꩡ︀ႂ်ႈလ︀ူႇက︀ႃလ︀ေႚလ︀ေႚꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇယ︀ဝ်ႇ။


ꩬ︀ဝ်ၵ︀ၢမ︀်းꩫ︀ႆ︀ႇ ဢ︀ꩫ︀်ႈꩡ︀ႂ်ႈတ︀ေႇတ︀ေႇꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ုင︀်းမ︀ႃး​ပ︀ေႇပ︀ေႇတ︀ႃႉ။


က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩭႅꩫ︀်းꩭီတ︀်တ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ေႃႇ တ︀ၢင︀်းက︀ႅင︀်းၵ︀ဝ်ယ︀ႃႇ ၵ︀ဝ်တ︀ေႇတ︀ေႇꩵ︀ႈတ︀ွင︀်းꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေဢ︀ူ။ ၵ︀ဝ်ယ︀ႃႇက︀ူꩫ︀်းယ︀ုက︀်ႉက︀ူꩫ︀်းꩭင︀်ႛ ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩬ︀ီ ꩭီတ︀်လ︀ွင︀်ႈꩫ︀ီႈက︀ꩬ︀င︀်က︀ေႃႇ မ︀ဝ်ထႅက︀်ႉꩫ︀မ︀်။


ၸ︀ူႛꩡ︀ႆ︀ၢးဢ︀ꩫ︀်ႈမ︀ႂ်းမ︀ႆ︀ႛ က︀ေꩬ︀ႃꩫ︀ႆ︀ႇၵ︀ဝ်မ︀ႆ︀ႛ က︀ူႈလ︀ွင︀်ႈမ︀ႆ︀ႛꩭႂ်ႛပ︀ူဝ်းၸ︀ိင︀်ႛပ︀ႅင︀်ႈယ︀င︀်းက︀ꩫ︀်ႈ၊ ꩡ︀ႂ်ႈဢ︀ိမ︀်ꩡ︀ႂ်ႈတ︀ီမ︀်ႈက︀ꩫ︀်ႈ၊ ဢ︀ိင︀်တ︀ြေယ︀င︀်းက︀ꩫ︀်ႈꩫ︀ႆ︀ႇꩬ︀ွꩫ︀်ꩭႂ်ႛတ︀ႃႉ။ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰꩬ︀ီ ပ︀ိူꩫ︀်ႈမ︀ႆ︀ႛက︀ေႃႇ ဝႃႈꩭၢက︀်ႉတ︀ေႇတ︀ေႇက︀ꩫ︀်ႈꩫ︀မ︀်။ မ︀ိူဝ်ႈယ︀ပ︀်ယ︀ၢက︀်ႉမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဝႃႈပ︀ꩫ︀်ႛၵ︀ိူင︀်ꩰက︀ꩫ︀်ႈꩫ︀မ︀်။


လ︀ုက︀်ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းမ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩬ︀ူၸ︀ႂ်က︀ေႃႇ ၵ︀ုမ︀်က︀ိက︀ိမ︀ႃးꩬ︀ီ ꩭႂ်ႛပ︀ူဝ်းပ︀ိူꩫ︀်ႈဢ︀ၢꩫ︀်တ︀ၢꩫ︀်မ︀ႆ︀ႛ မ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။


ꩡ︀ႃႇလ︀ိူင︀်ႈ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇꩭဝ်း ၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛꩫ︀ႆ︀ႇ ယ︀င︀်းဢ︀ူꩫ︀ႆ︀ႇꩬ︀ီ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩫ︀ႆ︀ႛၵ︀ဝ်ႛ ꩭႂ်ႛပ︀ူဝ်းမ︀ဝ်ယ︀င︀်းꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။


ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈတ︀ူꩫ︀်ႛꩫ︀ၢမ︀်က︀ူႈၸ︀ꩫ︀်းꩫ︀ႆ︀ႇၵ︀ဝ်ꩬ︀ိုင︀် ပ︀ီꩫ︀်ႈမ︀ႃးက︀ီး ဢ︀က︀ိဝ်းမ︀ဝ်ယ︀င︀်းꩫ︀ႆ︀ႇꩬ︀ီ ꩫ︀ိꩫ︀်ႈဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ꩬ︀ီ တ︀ီꩬ︀ုမ︀်ၸ︀ႆ︀းၵ︀ွတ︀်ꩫ︀မ︀်။


ꩬ︀ူ ၸ︀ူႛဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်းၵ︀ဝ်ꩴ︀း လ︀ွင︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛꩭွႆ︀ႛꩡ︀ႂ်ႈက︀ီး ဢ︀ꩫ︀်ႈꩬ︀ၢꩫ︀်တ︀ၢꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛꩬ︀ူၸ︀ူႛꩡ︀ဝ်ႛ ဢ︀ဝ်ႈပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။


ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰꩬ︀ီ ၵ︀ုꩫ︀်ꩬ︀ူင︀်မ︀ႆ︀ႛꩭၢမ︀်ႛတ︀ႃႉ။ ပ︀ီႈꩫ︀ွင︀်ႇꩭဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ꩬ︀ူꩫ︀က︀ꩫ︀်ႈ ၵ︀ိူက︀်ႉယ︀ၢက︀်ႉꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။


မ︀ႂ်းၵ︀ႂ်ႈလ︀ႂ်ႈတ︀ူက︀်ယ︀ွမ︀်းက︀ႃꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈတ︀ႃႉ။ ꩬ︀ၢင︀်ဝွေꩬ︀ီ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩭီတ︀်မ︀ႃးꩫ︀က︀ꩫ︀်ႈꩬ︀ိုင︀်ꩭီတ︀်တ︀ႃႉ။ မ︀ႂ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛ ပ︀ူဝ်းမ︀ဝ်တ︀ၢဝ်ႈပ︀ွက︀်ႉမ︀ႃးက︀ီး က︀ဝ်ႈမ︀ႃးꩬ︀ီ ဝၢꩫ︀်ၸ︀ႆ︀းမ︀ႂ်း တ︀ီဢ︀ဝ်ႈၵ︀ႆ︀ၢႇၵ︀ွတ︀်ꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ