က︀ေႃရ︀ိꩫ︀်တ︀ု ႒ 13:4 - Khamti Shan

⁴ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩫ︀ႆ︀ႛၵ︀ၢမ︀်တ︀ွက︀်တ︀ႆ︀ၢႈꩫ︀ႆ︀ႇ ꩭႅင︀်းဢ︀ေꩫ︀က︀ေႃႇ င︀ႆ︀ႚယ︀ႃႇဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈက︀ေႃႇတ︀င︀်းꩡ︀ဝ်ႛၵ︀ရ︀ီတ︀်လ︀ွမ︀်ႈလ︀မ︀်းက︀ꩫ︀်ႈꩬ︀ီ ꩭႅင︀်းဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛင︀ႆ︀ႚပ︀ီꩫ︀်ႈဢ︀ူꩫ︀က︀ꩫ︀်ႈ တ︀ူႈက︀ေႃႇ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႂ်းꩬ︀ူမ︀ႆ︀ႛ တ︀ီဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 13:4 ပူးပေါင်းရင်းမြစ်များ

ယ︀ေႃးꩭၢꩫ︀် 10:18

ဢ︀ꩬ︀ၢက︀်ႉက︀ဝ်ႈမ︀ႆ︀ႛ ၸ︀ႂ်က︀ေႃႇ ဢ︀ဝ်ႈꩵ︀ႈꩫ︀ႆ︀ႛ။ က︀ဝ်ႈၸ︀ူႛꩡ︀ဝ်ႛꩫ︀မ︀် ၵ︀ွတ︀်ꩫ︀ႆ︀ႇ။ က︀ဝ်ႈမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈၵ︀ွတ︀်ဢ︀ꩬ︀ၢက︀်ႉတ︀မ︀ိူင︀်း ဢ︀ၵ︀ၢင︀်းဢ︀ꩫ︀်ႈဢ︀ဝ်ႈဢ︀ꩬ︀ၢက︀်ႉပ︀ွက︀်ႉꩫ︀ႆ︀ႇတ︀မ︀ိူင︀်း ယ︀င︀်းဢ︀ူ။ က︀ဝ်ႈမ︀ႆ︀ႛ ပ︀ူဝ်က︀ဝ်ႈꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်ဢ︀ꩫ︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:16

တ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛဢ︀မ︀ႂ်းꩫ︀မ︀် က︀ူꩫ︀်းဢ︀ꩫ︀်ႈတ︀ိꩫ︀်ႈမ︀ဝ်ꩫ︀ီႈꩫ︀ႆ︀ႇမ︀ႆ︀ႛ ꩭႅင︀်းꩬ︀ႂ်ꩬ︀ီဢ︀ဝ်ႈꩫ︀ီႈမ︀ႃးꩫ︀ႆ︀ႇ။ ဢ︀ꩫ︀်ႈင︀ႆ︀ႚꩬ︀ူꩭꩫ︀်ꩫ︀ႆ︀ႇ ꩡ︀ိုဝ်ႈꩡ︀ဝ်ႛဢ︀မ︀ႂ်းမ︀ႆ︀ႛ ယ︀ုမ︀်ယ︀မ︀်ႈꩬ︀ီ ပ︀ီꩫ︀်ႈမ︀ႃးꩫ︀မ︀်။ ဢ︀ꩫ︀်ႈꩫ︀င︀်င︀ႆ︀ႚ ꩬ︀ူတ︀င︀်းမ︀ိူင︀်းꩭꩫ︀်ꩫ︀ႆ︀ႇꩫ︀က︀ꩫ︀်ႈ က︀ူဝ်ႇꩫ︀ႆ︀ႇမ︀ႆ︀ႛဢ︀ဝ်ႈꩫ︀ီႈꩭႂ်ႛမ︀ႃးꩫ︀ႆ︀ႇ က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ူႈယ︀ုမ︀်ယ︀မ︀်ႈ ꩬ︀ီꩫ︀ႆ︀ၢႈꩫ︀မ︀်။

ရ︀ေႃမ︀ 1:4

ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩫ︀ႆ︀ႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀ိပ︀်ပ︀ွက︀်ႉꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ။

ရ︀ေႃမ︀ 14:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးꩬ︀ီ ꩭႂ်ႛပ︀ူဝ်းၸ︀ူႛꩫ︀ိပ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ရ︀ေႃမ︀ 6:4

ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛၸ︀င︀်မ︀ႆ︀ႛက︀ေႃႇ ꩭဝ်းမ︀ႆ︀ႛၸ︀င︀်လ︀ွေႛယ︀ဝ်ႇ။ င︀ႆ︀းꩬ︀ီ ꩭဝ်းတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈꩫ︀ႆ︀ႇယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ꩫ︀်းၵ︀ူဝ်း ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩭဝ်းမ︀ႆ︀ႛက︀ေႃႇ ဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်မ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 1:25

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅꩫ︀်းမ︀ိူက︀်ႉꩫ︀ႆ︀ႇ တ︀ၢင︀်းꩭူႇတ︀ွင︀်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ꩭူႇတ︀ွင︀်းꩬ︀ႃဢ︀ူ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႅꩫ︀်းꩭႅင︀်းဢ︀ေꩫ︀ႆ︀ႇက︀ေႃႇ ꩭႅင︀်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀မ︀်ꩬ︀ႃဢ︀ူ။

က︀ေႃရ︀ိꩫ︀်တ︀ု ႑ 15:43

မ︀ိူဝ်ႈၸ︀င︀်ယ︀ႃႇ ꩭၢင︀်ႈꩡ︀ႃႇꩬ︀ီ ꩭႅင︀်းꩵ︀ႈယ︀င︀်း။ မ︀ိူဝ်ႈꩫ︀ိပ︀်ပ︀ွက︀်ႉꩫ︀ႆ︀ႇယ︀ႃႇ ꩭၢင︀်ႈင︀ဝ်းတ︀ီမ︀်ႈက︀ုမ︀်ꩬ︀ီ ꩭႅင︀်းတ︀ီယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႑ 2:3

မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ က︀ဝ်ႈꩭႅင︀်းဢ︀ေင︀ႆ︀း က︀ူဝ်ႈꩰꩬ︀ွင︀်ꩰꩬ︀ီဢ︀ူမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 6:14

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭဝ်းမ︀ႆ︀ႛက︀ေႃႇ တ︀ီဢ︀ဝ်ႈꩫ︀ိပ︀်ပ︀ွက︀်ႉꩫ︀မ︀်။

က︀ေႃရ︀ိꩫ︀်တ︀ု ႒ 10:10

ꩬ︀ူက︀မ︀်ႈၸ︀ွင︀်းဝႃႈꩫ︀ႆ︀ႇ “လ︀ိက︀်ႉပ︀ေႃလ︀ုယ︀ႃႇ လ︀ိူက︀်ႉလ︀မ︀်ꩬ︀ီ ဢ︀ႃꩫ︀ႃလ︀ွေႛꩫ︀က︀ေႃႇ မ︀ိူဝ်ႈမ︀ꩫ︀်းတ︀င︀်းတ︀ူႈဢ︀ူꩫ︀ႆ︀ႇယ︀ႃႇ မ︀ꩫ︀်းၸ︀ူႛꩡ︀ဝ်ႛယ︀ႃႇ ꩭႅင︀်းꩵ︀ႈယ︀င︀်း၊ ဢ︀ꩫ︀်ႈမ︀ꩫ︀်းဝႃႈက︀ေႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈ” ꩫ︀ꩬ︀ီဝႃႈဢ︀ူ။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

က︀ေႃရ︀ိꩫ︀်တ︀ု ႒ 13:9

တ︀ူႈꩭႅင︀်းဢ︀ေၵ︀ႂ်ႈလ︀ႂ်ႈꩫ︀က︀ေႃႇ ꩬ︀ူၵ︀ိူင︀်က︀ိုမ︀်းꩫ︀ႆ︀ႇꩬ︀ီ တ︀ူႈꩡ︀ူမ︀်းဢ︀ူ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်မ︀ႃးꩫ︀ႆ︀ႇက︀ေႃႇ တ︀ူႈယ︀ွꩫ︀်းꩬ︀ူးဢ︀ူ။

ၸ︀ိလ︀ိပ︀်ပ︀ၢႆ︀ 3:10

ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ဝ်ႈၵ︀ႅꩫ︀်းလ︀ႅင︀်ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း၊ တ︀ꩫ︀်းၵ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်း၊ ꩭူႇတ︀ွင︀်းင︀ႆ︀း၊ ꩭႂ်ႛပ︀ူဝ်းၻုက︀်ႉၵ︀မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛၵ︀ၢမ︀်လ︀ွေႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႆ︀ၢႈမ︀ႆ︀ႛ ꩫ︀ႆ︀ႛတ︀ႆ︀ၢႈလ︀ွေႛꩫ︀ႆ︀ႇꩫ︀မ︀်။

ꩭေပ︀ရ︀ူး 5:7

မ︀ိူဝ်ႈꩡ︀ဝ်ႛယ︀ေꩬ︀ု ဢ︀ူမ︀ိူင︀်းက︀ၢင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၵ︀ေꩬ︀ေပ︀ီꩫ︀်ႈမ︀ႆ︀ႛ ဢ︀ိဝ်ꩬ︀ႅꩫ︀်ꩬ︀ီꩫ︀မ︀်ႇတ︀ႃႈတ︀ူက︀်ꩬ︀ီ ဝွꩫ︀်းၵ︀ႅꩫ︀်းမ︀ႃးဢ︀ူ။ မ︀ꩫ︀်းꩡ︀ဝ်ႛယ︀မ︀်ႈင︀ဝ်းတ︀ေႇတ︀ေႇꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ထွမ︀်ꩭႂ်ႛမ︀ႃးဢ︀ူ။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႑ 3:22

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။