က︀ေႃရ︀ိꩫ︀်တ︀ု ႒ 12:9 - Khamti Shan

⁹ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ဢ︀ꩫ︀်ႈမ︀ႂ်းꩭၢင︀်ႇꩫ︀ႆ︀ႇယ︀ႃႇ က︀ျေးꩡ︀ူးက︀ဝ်ႈꩫ︀ႆ︀ၢႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈမ︀ႂ်းꩭႅင︀်းဢ︀ေꩫ︀ႆ︀ႇꩬ︀ိုင︀် တ︀ꩫ︀်းၵ︀ူဝ်းက︀ဝ်ႈမ︀ႆ︀ႛ ꩭꩫ︀်ꩡ︀ုꩫ︀်ႈꩰꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းꩡ︀ဝ်ႛၵ︀ရ︀ီတ︀် ꩡ︀ႃႇꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ꩭႂ်ႛပ︀ူဝ်းက︀ဝ်ႈမ︀ႆ︀ႛယ︀င︀်းဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈꩭႅင︀်းဢ︀ေမ︀ႆ︀ႛ က︀ဝ်ႈꩭုမ︀်ꩰꩡ︀ူမ︀်းꩰတ︀ီက︀မ︀်ႇလ︀ွင︀်ႛဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 12:9 ပူးပေါင်းရင်းမြစ်များ

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

မ︀တ︀်တ︀ႄး 28:20

ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

လ︀ုက︀ႃ 21:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩬ︀ူထုက︀်တ︀ၢꩫ︀်ႛꩫ︀ႆ︀ႇ ꩬ︀ူတ︀ွင︀်းထက︀်ꩰꩬ︀ီ ၵ︀ၢမ︀်းꩬ︀ူမ︀ႆ︀ႛ လ︀ꩫ︀်ꩬ︀ူꩬ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ေႛမ︀ဝ်ပ︀ီꩫ︀်ႈ၊ တ︀ႃႛမ︀ဝ်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛက︀ဝ်ႈ တ︀ၢင︀်းꩭူႇတ︀ွင︀်းတ︀ီꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 10:13

ဢ︀ꩫ︀်ႈꩬ︀ူမ︀ႆ︀ႛ ၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇၵ︀ဝ်ယ︀ႃႇ တ︀ိူက︀်ႉဢ︀ꩫ︀်ႈက︀ူꩫ︀်းတ︀င︀်းမ︀ိူင︀်း ꩭူပ︀်ႉꩭꩫ︀်ꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ တ︀ိူက︀်ႉဢ︀ꩫ︀်ႈꩬ︀ူၵ︀ၢမ︀်မ︀ဝ်ပ︀ီꩫ︀်ႈယ︀ႃႇ ꩬ︀ူမ︀ႆ︀ႛꩵ︀ႈꩭႂ်ႛက︀ဝ်း။ မ︀ိူဝ်ႈꩬ︀ူမ︀ႆ︀ႛၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇ ꩭႂ်ႛပ︀ူဝ်းꩬ︀ူၵ︀ၢမ︀်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ ꩭႅင︀်းထႅမ︀်ꩭႂ်ႛꩬ︀ီ တ︀ၢင︀်းလ︀ွတ︀်ႉဢ︀ွက︀်က︀ေႃႇ တ︀ီꩬ︀ၢင︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:10

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ င︀ႆ︀ႚက︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇ တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛꩬ︀ႃꩬ︀ီ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။ င︀ႆ︀းꩫ︀က︀ေႃႇ ဢ︀မ︀ႂ်းယ︀ႃႇ ဢ︀ꩫ︀်ႈက︀ဝ်ႈꩬ︀ေႈꩡ︀ႃႉꩵ︀ႈꩡ︀ႂ်ႈ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭီတ︀်ဢ︀မ︀ူးဢ︀ူꩫ︀ႆ︀ႇ။

က︀ေႃရ︀ိꩫ︀်တ︀ု ႑ 2:3

မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ က︀ဝ်ႈꩭႅင︀်းဢ︀ေင︀ႆ︀း က︀ူဝ်ႈꩰꩬ︀ွင︀်ꩰꩬ︀ီဢ︀ူမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 2:5

ꩭီတ︀်င︀ႆ︀းꩫ︀ႆ︀ႇယ︀ႃႇ တ︀ၢင︀်းယ︀ုမ︀်ယ︀မ︀်ႈꩬ︀ူꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛမ︀ဝ်ꩭီတ︀်င︀ဝ်ႛꩬ︀ီ ꩭႂ်ႛပ︀ူဝ်းတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀င︀် ꩭီတ︀်င︀ဝ်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 11:30

က︀ဝ်ႈဝႃႈက︀မ︀်ႇလ︀ွင︀်ႛꩫ︀မ︀်ꩫ︀က︀ီး လ︀ွင︀်ႈဢ︀ꩫ︀်ႈက︀ဝ်ႈၵ︀ႂ်ႈလ︀ႂ်ႈꩭႅင︀်းဢ︀ေꩫ︀ꩫ︀ႆ︀ႇꩫ︀မ︀် ဝႃႈက︀မ︀်ႇလ︀ွင︀်ႛꩫ︀ႆ︀ႇ။

က︀ေႃရ︀ိꩫ︀်တ︀ု ႒ 12:1

ဢ︀က︀ိဝ်းမ︀ဝ်ယ︀င︀်းꩫ︀က︀ေႃႇ က︀ဝ်ႈဢ︀ꩫ︀်ႈဝႃႈက︀မ︀်ႇလ︀ွင︀်ႛလ︀ူင︀်ယ︀င︀်းဢ︀ူ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛၿျႃၻိက︀်ႉꩫ︀ၵ︀ႃ ပ︀ုတ︀်ပ︀ျႃးꩭႂ်ႛꩫ︀ႆ︀ႇၵ︀ဝ် က︀ဝ်ႈဝႃႈၵ︀ႆ︀ႈꩫ︀မ︀်။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

က︀ေႃရ︀ိꩫ︀်တ︀ု ႒ 12:15

ꩭႂ်ႛပ︀ူဝ်းꩬ︀ူမ︀ႆ︀ႛꩫ︀ႆ︀ႛꩡ︀ွႆ︀ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းင︀ႆ︀း တ︀ူဝ်ႈက︀ဝ်ႈၸ︀ူႛꩡ︀ဝ်ႛတ︀မ︀ိူင︀်း ꩬ︀ူမ︀ႆ︀ႛꩭုမ︀်ꩰꩡ︀ူမ︀်းꩰတ︀ီꩭႂ်ႛꩫ︀မ︀်။ က︀ဝ်ႈꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛ တ︀ီမ︀ဝ်ပ︀ူဝ်းꩭၢက︀်ႉတ︀ေႇတ︀ေႇက︀ျႃး။

က︀ေႃရ︀ိꩫ︀်တ︀ု ႒ 12:5

လ︀ွင︀်ႈက︀ူဝ်ႇဢ︀မ︀ႂ်းက︀ဝ်ႈဝႃႈက︀မ︀်ႇလ︀ွင︀်ႛꩫ︀မ︀်။ လ︀ွင︀်ႈက︀ဝ်ႈၸ︀ူႛꩡ︀ဝ်ႛယ︀ႃႇ က︀ဝ်ႈꩭႅင︀်းဢ︀ေဢ︀ူꩫ︀ꩫ︀ႆ︀ႇမ︀ႆ︀ႛလ︀ိူဝ်ꩬ︀ီ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။

ဢ︀ေၸ︀ႅတ︀် 3:16

ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛ မ︀ူꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ တ︀ꩫ︀်းၵ︀ူဝ်းꩭႂ်ႛꩬ︀ီ ꩭူဝ်ꩡ︀ႂ်ႈꩬ︀ူမ︀ႆ︀ႛꩭႅင︀်းꩭႂ်ႛ ဢ︀ဝ်ႈတ︀ီမ︀်ႈက︀ုမ︀်က︀တ︀ႃႉ။

ၸ︀ိလ︀ိပ︀်ပ︀ၢႆ︀ 4:13

က︀ဝ်ႈမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ꩫ︀်းၵ︀ူဝ်းꩭႂ်ႛꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩭီတ︀်ꩫ︀ႆ︀ႇတ︀င︀်းလ︀ုင︀် က︀ဝ်ႈꩭီတ︀်ပ︀ီꩫ︀်ႈဢ︀ူ

က︀ေႃလ︀ေႃတ︀ႄ 1:11

ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈꩭႅင︀်းဢ︀ꩫ︀်ႈ လ︀ုက︀်ႉမ︀ူꩫ︀်ႈင︀ဝ်းတ︀ꩫ︀်းၵ︀ူဝ်းလ︀ူင︀်မ︀ꩫ︀်းꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩬ︀ီ ꩬ︀ူက︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭုမ︀်ꩰꩡ︀ူမ︀်းꩰꩬ︀ီ ꩡ︀ႂ်ႈယ︀ၢဝ်းင︀ႆ︀း ꩭႂ်ႛက︀ꩫ︀်ႛပ︀ီꩫ︀်ႈက︀ꩫ︀်ႈက︀တ︀ႃႉ။

တ︀ိမ︀ေႃတ︀ေ ႑ 1:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ က︀ဝ်ႈမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈလ︀ူင︀်မ︀ႃးꩫ︀မ︀်။ က︀ဝ်ႈယ︀ႃႇဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ ꩭႂ်ႛပ︀ူဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩭွမ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛꩡ︀ွႆ︀ႈꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 11:34

မ︀ုက︀်ႉၸ︀ႆ︀းလ︀ူင︀်မ︀ႆ︀ႛဢ︀ဝ်ႈမ︀ွတ︀်မ︀ႃးဢ︀ူ။ လ︀ုက︀်ႉၸ︀ေးဢ︀ꩫ︀်ႈတ︀ႅပ︀်တ︀ႆ︀ၢႈမ︀ႆ︀ႛ ꩫ︀ႆ︀ႛလ︀ွတ︀်ႉမ︀ႃးဢ︀ူ။ လ︀ုက︀်ႉဢ︀ꩫ︀်ႈꩭႅင︀်းဢ︀ေမ︀ႆ︀ႛ ꩭႅင︀်းယ︀ႂ်မ︀ႃးဢ︀ူ။ ပ︀ၢင︀်ႈꩬ︀ိူက︀်မ︀ႆ︀ႛꩭႅင︀်းယ︀င︀်းမ︀ႃးꩬ︀ီ တ︀ၢပ︀်ႉလ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ပ︀ေႇဢ︀ွင︀်မ︀ႃးဢ︀ူ။

ꩭေပ︀ရ︀ူး 4:16

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩭဝ်းꩭၢင︀်ႇꩫ︀ႆ︀ႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩬ︀ီꩡ︀ွႆ︀ႈꩭႂ်ႛꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛꩭၢပ︀်ႉꩫ︀ႆ︀ႇ ပ︀ႆ︀ႉꩭဝ်း ပ︀လ︀ၢင︀်က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ ꩡ︀ူးက︀ႂ်ႛက︀ꩫ︀်ႈꩫ︀မ︀်။