က︀ေႃရ︀ိꩫ︀်တ︀ု ႒ 12:20 - Khamti Shan

²⁰ ဢ︀ꩫ︀်ႈက︀ဝ်ႈက︀ပ︀်ႉꩡ︀ႂ်ႈꩫ︀ႆ︀ႇယ︀ႃႇ က︀ဝ်ႈꩬ︀ူမ︀ႆ︀ႛထိုင︀်မ︀ႃးက︀ီး က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ူဝ်ႈမ︀ဝ်ꩥ︀ႃးꩡ︀ႂ်ႈက︀ꩫ︀်ႈလ︀ူင︀်ꩫ︀မ︀်။ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ꩡ︀ႂ်ႈတ︀ိင︀်ႈက︀ုပ︀်၊ က︀ေးလ︀ေးက︀ꩫ︀်ႈ၊ ၵ︀ႃႇက︀ꩫ︀်ႈ၊ မ︀ႃꩫ︀ယ︀ႂ်က︀ꩫ︀်ႈင︀ႆ︀း ဢ︀ꩫ︀်ႈဢ︀ုက︀်တ︀လ︀ုက︀်မ︀ူဝ်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ် က︀ူဝ်ႈꩫ︀ႆ︀ႛꩭꩫ︀်ဢ︀ူ။

က︀ေႃရ︀ိꩫ︀်တ︀ု ႒ 12:20 ပူးပေါင်းရင်းမြစ်များ

ရ︀ေႃမ︀ 1:29

ၵ︀ဝ်မ︀ႆ︀ႛ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ ꩭီတ︀်ဢ︀ꩫ︀်ႈမ︀ဝ်ꩫ︀ီႈက︀ꩫ︀်ႈ၊ လ︀ေႃးၸ︀ႃးက︀ꩫ︀်ႈ၊ ꩭီတ︀်ꩭင︀်ႛꩭီတ︀်ꩭိုက︀်က︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ ဢ︀ဝ်ႈတ︀ႆ︀ၢႈပ︀ိူꩫ︀်ႈက︀ꩫ︀်ႈ၊ ꩫ︀ꩫ︀်းက︀ꩫ︀်ႈ၊ ၸ︀ၢမ︀်းက︀ꩫ︀်ႈ၊ က︀ႅမ︀်ပ︀ိူꩫ︀်ႈလ︀ူႇက︀ꩫ︀်ႈ၊ ၵ︀ႃႇက︀ꩫ︀်ႈ၊

ရ︀ေႃမ︀ 1:30

တ︀ၢꩫ︀်ႛဢ︀ဝ်ႈꩬ︀ူဝ်ႇက︀ꩫ︀်ႈင︀ႆ︀းꩫ︀မ︀်။ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇꩡ︀င︀်း၊ မ︀ႃꩫ︀က︀ေႃႇယ︀ႂ်၊ က︀မ︀်ႇလ︀ွင︀်ႛက︀ေႃႇက︀မ︀်ႇလ︀ွင︀်ႛ၊ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ႅမ︀်တ︀ိက︀်ꩰ၊ ၵ︀ၢမ︀်းပ︀ူဝ်မ︀ေက︀ေႃႇမ︀ဝ်ထွမ︀်၊

ရ︀ေႃမ︀ 2:8

က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႑ 1:11

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူၵ︀ၢမ︀်းꩫ︀မ︀်က︀ꩫ︀်ႈဢ︀ူꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩭိူꩫ︀်းက︀လ︀ေႃဢ︀ိၵ︀ဝ်မ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။

က︀ေႃရ︀ိꩫ︀်တ︀ု ႑ 14:33

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ၸ︀ိင︀်ႛမ︀ဝ်ယ︀င︀်း ပ︀ႅင︀်ႈမ︀ဝ်ယ︀င︀်းမ︀ဝ်ပ︀ီꩫ︀်ႈꩬ︀ီ ၵ︀ႂ်ႈꩭႂ်ႛထုက︀်က︀ꩫ︀်ႈ ꩫ︀ီႈꩫ︀ီႈꩫ︀ၢမ︀်းꩰက︀ꩫ︀်ႈꩫ︀မ︀်။ ꩡ︀ႃၵ︀ၢပ︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛꩭီတ︀်ꩫ︀က︀ꩫ︀်ႈ ꩭီတ︀်ဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 5:2

င︀ႆ︀းꩬ︀ီက︀ေႃႇ ꩬ︀ူꩭလ︀ိုဝ်ꩬ︀ီ မ︀ႃꩫ︀ယ︀ႂ်က︀ꩫ︀်ႈꩫ︀ႆ︀။ ဢ︀ꩫ︀်ႈတ︀ေႇတ︀ေႇက︀ီး ꩬ︀ူယ︀ႃႇ ၵ︀ီၵ︀ီၵ︀ုမ︀်ꩰꩬ︀ီ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်းမ︀ႆ︀ႛက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ ထုက︀်ꩭူဝ်ႛဢ︀ွက︀်ၵ︀ွတ︀်ꩫ︀မ︀်။

က︀ေႃရ︀ိꩫ︀်တ︀ု ႒ 1:23

က︀ဝ်ႈဝီင︀်းက︀ေႃရ︀ိꩫ︀်တ︀ုမ︀ႆ︀ႛ မ︀ဝ်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛ ၵ︀ၢꩫ︀်ႇတ︀ၢင︀်ဢ︀ပ︀ႅတ︀်ႉꩫ︀က︀်ꩰꩬ︀ီꩫ︀မ︀်ꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ၢက︀်ႉꩬ︀ေက︀ဝ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

က︀ေႃရ︀ိꩫ︀်တ︀ု ႒ 10:6

ꩬ︀ူၵ︀ၢမ︀်းမ︀ꩫ︀်းꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ထွမ︀်ယ︀ဝ်ႇꩫ︀က︀ီး က︀ူဝ်ႇဢ︀ꩫ︀်ႈမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈတ︀ီꩬ︀ုင︀်းမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 12:21

င︀ႆ︀းꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛꩬ︀ူမ︀ႆ︀ႛ က︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛဢ︀ဝ်ႈဢ︀ႆ︀ၢႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀မ︀် လ︀ုက︀်ႉဢ︀ပ︀ႅတ︀်ႉဢ︀ꩫ︀်ႈၸ︀ိတ︀်မ︀ေထုင︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈက︀ႃႛမ︀က︀ုင︀်ꩫ︀ၵ︀ႃ ꩡ︀ႂ်ႈက︀ိလ︀ေꩬ︀ႃꩭႅင︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ က︀ဝ်ႈတ︀ီꩫ︀ႆ︀ႛၵ︀ီၵ︀ုမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 13:2

မ︀ိူဝ်ႈက︀ဝ်ႈ ꩭႃတ︀ုတ︀ိယ︀မ︀ႃးꩫ︀ႆ︀ႇ “က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ဝ်ၸ︀ႃႛꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်ꩫ︀မ︀်” ꩫ︀ꩬ︀ီ က︀ဝ်ႈꩬ︀ူမ︀ႆ︀ႛ ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီက︀ႆ︀ႈပ︀ုꩫ︀်ႛ ဝႃႈꩫ︀က︀ဝ်က︀ွတ︀်။ လ︀ဝ်းꩫ︀ႆ︀ႇမ︀ႃးက︀ီး က︀ူဝ်ႇဢ︀ꩫ︀်ႈဢ︀ပ︀ႅတ︀်ႉယ︀င︀်းက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်တ︀ေႇတ︀ေႇꩫ︀မ︀်။

က︀ေႃရ︀ိꩫ︀်တ︀ု ႒ 2:1

င︀ႆးꩫ︀ႆႇꩬ︀ီ ꩬ︀ူမ︀ႆႛက︀ဝ်ႈမ︀ႃးက︀ီး ꩬ︀ူတ︀မ︀ိူင︀်း က︀ဝ်ႈတ︀မ︀ိူင︀်း ꩡ︀ႂ်ႈတ︀ီꩬ︀ဝ်ႛꩫ︀ႆ︀ႇꩬ︀ီ လ︀ဝ်းင︀ႆ︀ႚမ︀ႆ︀ႛ က︀ဝ်ႈꩵ︀ႈမ︀ႃးယ︀ဝ်ႇꩫ︀ꩬ︀ီ တ︀ႅပ︀်တ︀တ︀်ဢ︀ူ။

က︀လ︀ႃတ︀ိ 5:15

ꩫ︀ႆ︀ႇꩫ︀က︀ေႃႇ ꩬ︀တ︀ိတ︀ႃႉ။ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈ တ︀ိက︀်က︀ꩫ︀်ႈတ︀ူဝ်းက︀ꩫ︀်ႈက︀ီး ဢ︀ဝ်ႈလ︀ူႇဢ︀ဝ်ႈပ︀ႅက︀်ႉက︀ႃက︀ꩫ︀်ႈလ︀ေႚလ︀ေႚဢ︀ူ။

က︀လ︀ႃတ︀ိ 5:26

င︀ႆ︀းꩫ︀ႆ︀ႇꩬ︀ီ ပ︀ီၵ︀ီင︀်မ︀ႃꩫ︀ႃႉက︀ꩫ︀်ႈ၊ ပ︀ိူꩫ︀်ႈမ︀ႆ︀ႛပ︀ီဢ︀ဝ်ႈတ︀ေႃးꩬ︀ႃးက︀ꩫ︀်ႈ၊ ပ︀ီꩬ︀ူꩥ︀်ႛက︀ꩫ︀်ႈယ︀ဝ်ႇ။

ယ︀ႃက︀ု 4:11

ပ︀ီႈꩫ︀ွင︀်ႇၵ︀ဝ်ꩴ︀း ပ︀ိူꩫ︀်ႈမ︀ႆ︀ႛပ︀ီꩫ︀ေးပ︀ီၵ︀ႃႇက︀ꩫ︀်ႈ။ ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ꩫ︀ေးက︀ꩫ︀်ႈၵ︀ႃႇက︀ꩫ︀်ႈက︀ီး၊ ဢ︀ꩫ︀်ႈꩬ︀ိꩫ︀်မ︀ႆ︀ႛꩫ︀ေးꩫ︀က︀ꩫ︀်ႈꩫ︀မ︀်။ ꩬ︀ူꩬ︀ိꩫ︀်မ︀ႆ︀ႛ ပ︀ႅတ︀်ႉတ︀ြႃးက︀ီး ဢ︀ꩫ︀်ႈထွမ︀်ꩡ︀ွမ︀်းၵ︀ၢမ︀်းၸ︀ြႃးꩵ︀ႈꩡ︀ႂ်ႈယ︀ဝ်ႇ။

ပ︀ေတ︀ရ︀ု ႑ 2:1

င︀ႆ︀းꩫ︀ႆ︀ႇꩬ︀ီ တ︀ၢင︀်းက︀ႅင︀်းဢ︀ꩫ︀်ႈမ︀ဝ်ꩫ︀ီႈဢ︀ꩫ︀်ႈက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ၸ︀ၢမ︀်းက︀ꩫ︀်ႈ၊ ꩡ︀ႂ်ႈက︀ူတ︀်ႉက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ ဢ︀ဝ်ႈꩬ︀ူဝ်ႇက︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ၸ︀ႃႛက︀ꩫ︀်ႈတ︀ႃႉ။

ပ︀ေတ︀ရ︀ု ႒ 2:18

ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈက︀မ︀်ႇလ︀ွင︀်ႛ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်ဝႃႈꩬ︀ီ က︀ူꩫ︀်းဢ︀ꩫ︀်ႈꩬ︀င︀်က︀ူဝ်လ︀ုက︀်ႉတ︀ၢင︀်းၸ︀ိတ︀်မ︀ႆ︀ႛ တ︀ၢဝ်ႈပ︀ွက︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ၢင︀်းပ︀ိဝ်ꩭင︀်ႛပ︀ိဝ်ꩭိုက︀်ꩫ︀ႆ︀ႇၵ︀ဝ် က︀ဝ်းꩬ︀ီဢ︀ဝ်ႈပ︀ႅက︀်တ︀ၢင︀်းက︀ႃꩫ︀က︀ဝ်ဢ︀ူ။

ယ︀ုတ︀ 1:16

က︀ူꩫ︀်းဢ︀မ︀ႂ်းၵ︀ဝ်ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ၵ︀င︀်းꩰꩫ︀ၢႆ︀ꩫ︀ၢႆ︀င︀ႆ︀း၊ ပ︀ိူꩫ︀်ႈမ︀ႆ︀ႛတ︀ၢင︀်ဢ︀ပ︀ႅတ︀်ႉလ︀ေင︀ႆ︀း၊ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀်ꩡ︀ွမ︀်းင︀ႆ︀း၊ က︀မ︀်ႇလ︀ွင︀်ႛင︀ႆ︀း၊ ပ︀ိူꩫ︀်ႈမ︀ႆ︀ႛၵ︀ၢမ︀်းဝၢꩫ︀်ဝၢꩫ︀်တ︀ၢꩫ︀်ႛင︀ႆ︀း ဢ︀က︀ိဝ်းၸ︀ူႛꩡ︀ဝ်ႛꩫ︀ႆ︀ၢႈꩬ︀ိုင︀်ၵ︀ႃဢ︀ူꩫ︀မ︀်။