က︀ေႃရ︀ိꩫ︀်တ︀ု ႒ 12:15 - Khamti Shan

¹⁵ ꩭႂ်ႛပ︀ူဝ်းꩬ︀ူမ︀ႆ︀ႛꩫ︀ႆ︀ႛꩡ︀ွႆ︀ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းင︀ႆ︀း တ︀ူဝ်ႈက︀ဝ်ႈၸ︀ူႛꩡ︀ဝ်ႛတ︀မ︀ိူင︀်း ꩬ︀ူမ︀ႆ︀ႛꩭုမ︀်ꩰꩡ︀ူမ︀်းꩰတ︀ီꩭႂ်ႛꩫ︀မ︀်။ က︀ဝ်ႈꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛ တ︀ီမ︀ဝ်ပ︀ူဝ်းꩭၢက︀်ႉတ︀ေႇတ︀ေႇက︀ျႃး။

က︀ေႃရ︀ိꩫ︀်တ︀ု ႒ 12:15 ပူးပေါင်းရင်းမြစ်များ

ရ︀ေႃမ︀ 9:3

ꩭႂ်ႛပ︀ူဝ်းၵ︀ဝ် လ︀ုက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ ꩫ︀ႆ︀ႛလ︀ွတ︀်ႉꩫ︀ႆ︀ႇ ပ︀ီꩫ︀်ႈꩫ︀ႆ︀ႛက︀ီး က︀ဝ်ႈၸ︀ူႛꩡ︀ဝ်ႛꩬ︀ိုင︀် တ︀ၢမ︀်ဢ︀ပ︀ႅတ︀်ႉၵ︀ဝ်မ︀ႆ︀ႛ တ︀ုင︀်းဢ︀ဝ်ႈꩬ︀ီ လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း ၵ︀ၢမ︀်ၵ︀ႂ်ႈၸ︀ၢက︀်ႉက︀ႃဢ︀ဝ်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:6

တ︀ူႈꩫ︀ႆ︀ႛၻုက︀်ႉၵ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ထႅမ︀်ꩭႅင︀်းꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇ ꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩭႅင︀်းꩫ︀ႆ︀ႛꩬ︀ီက︀ꩫ︀်ႛပ︀ီꩫ︀်ႈက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 11:11

က︀ဝ်ႈဝႃႈꩫ︀ႆ︀ႇ ꩬ︀ူမ︀ႆ︀ႛꩵ︀ႈꩭၢက︀်ႉꩫ︀ꩬ︀ီ ဝႃႈꩵ︀ႈꩡ︀ႂ်ႈ။ ꩬ︀ူမ︀ႆ︀ႛက︀ဝ်ႈၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 12:14

က︀ဝ်ႈင︀ႆ︀ႚꩬ︀ူမ︀ႆ︀ႛ ꩭႃတ︀တ︀ိယ︀မ︀ႃးက︀ွတ︀်ꩫ︀ꩬ︀ီ ꩬ︀ၢင︀်ဢ︀ူꩫ︀မ︀်။ ꩭလ︀ိုဝ်ꩫ︀က︀ေႃႇ က︀ဝ်ႈꩬ︀ူမ︀ႆ︀ႛက︀ꩬ︀င︀်က︀ေႃႇ ꩵ︀ႈယ︀ွꩫ︀်း။ ဢ︀ꩫ︀်ႈက︀ဝ်ႈၵ︀ႂ်ႈꩫ︀ႆ︀ႛꩫ︀ႆ︀ႇယ︀ႃႇ ꩬ︀ူꩫ︀မ︀်။ င︀ိူꩫ︀်းꩬ︀ူꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉꩫ︀ႆ︀ႇၵ︀ဝ်ယ︀ႃႇ ပ︀ူဝ်မ︀ေမ︀ႆ︀ႛꩵ︀ႈက︀မ︀်ႇထွက︀်ႉ။ ပ︀ူဝ်မ︀ေꩫ︀မ︀် လ︀ုက︀်ႉꩫ︀ႆ︀ႇၵ︀ဝ်မ︀ႆ︀ႛ ထုက︀်က︀မ︀်ႇထွက︀်ႉꩫ︀ႆ︀ႇ။

က︀ေႃရ︀ိꩫ︀်တ︀ု ႒ 12:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ဢ︀ꩫ︀်ႈမ︀ႂ်းꩭၢင︀်ႇꩫ︀ႆ︀ႇယ︀ႃႇ က︀ျေးꩡ︀ူးက︀ဝ်ႈꩫ︀ႆ︀ၢႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈမ︀ႂ်းꩭႅင︀်းဢ︀ေꩫ︀ႆ︀ႇꩬ︀ိုင︀် တ︀ꩫ︀်းၵ︀ူဝ်းက︀ဝ်ႈမ︀ႆ︀ႛ ꩭꩫ︀်ꩡ︀ုꩫ︀်ႈꩰꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းꩡ︀ဝ်ႛၵ︀ရ︀ီတ︀် ꩡ︀ႃႇꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ꩭႂ်ႛပ︀ူဝ်းက︀ဝ်ႈမ︀ႆ︀ႛယ︀င︀်းဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈꩭႅင︀်းဢ︀ေမ︀ႆ︀ႛ က︀ဝ်ႈꩭုမ︀်ꩰꩡ︀ူမ︀်းꩰတ︀ီက︀မ︀်ႇလ︀ွင︀်ႛဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 2:3

င︀ႆ︀းꩬ︀ီꩫ︀မ︀် ꩬ︀ူမ︀ႆ︀ႛ လ︀ိက︀်ႉဢ︀မ︀ႂ်းတ︀ႅမ︀်ႛမ︀ႃးꩫ︀ႆ︀ႇ။ င︀ႆ︀းက︀ီး မ︀ိူဝ်ႈက︀ဝ်ႈမ︀ႃးတ︀ေႇတ︀ေႇꩫ︀ႆ︀ႇ ꩬ︀ူဢ︀ꩫ︀်ႈက︀ဝ်ႈမ︀ႆ︀ႛ တ︀ီဢ︀ဝ်ႈꩡ︀ူမ︀်းတ︀ေႇတ︀ေႇꩫ︀ႆ︀ႇၵ︀ဝ် က︀ဝ်ႈမ︀ႆ︀ႛ ꩡ︀ႂ်ႈꩵ︀ႈဢ︀ဝ်ႈꩬ︀ဝ်ႛယ︀ဝ်ႇ။ ꩬ︀ူꩡ︀ူမ︀်းက︀ီးꩬ︀ိုင︀် က︀ဝ်ႈက︀ေႃႇ ꩡ︀ူမ︀်းꩫ︀မ︀်ꩫ︀ꩫ︀ႆ︀ႇ ꩬ︀ူတ︀င︀်းလ︀ုင︀်တ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 4:12

င︀ႆ︀းꩬ︀ီတ︀ူႈ တ︀ၢင︀်းဢ︀ꩫ︀်ႈၸ︀ေးတ︀ႆ︀ၢႈယ︀င︀်းမ︀ႆ︀ႛ ၸ︀ႆ︀ၢႛဢ︀ူꩫ︀ႆ︀ႇꩬ︀ီ ꩬ︀ူယ︀ႃႇ တ︀ၢင︀်းဢ︀ꩫ︀်ႈဢ︀ꩬ︀ၢက︀်ႉထႃဝရ︀ယ︀င︀်းမ︀ႆ︀ႛ ꩫ︀ႆ︀ႛၸ︀ႆ︀ၢႛဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 7:2

တ︀ူႈမ︀ႆ︀ႛꩭူဝ်ꩡ︀ႂ်ႈꩬ︀ူပ︀ုတ︀်ꩭႂ်ႛက︀ꩫ︀်ႈမ︀ႃးတ︀ႃႉ။ တ︀ူႈၸ︀ႂ်မ︀ႆ︀ႛက︀ေႃႇ ꩵ︀ႈၸ︀ိတ︀်မ︀ႃး။ ꩵ︀ႈဢ︀ဝ်ႈပ︀ႅက︀်တ︀ၢင︀်းမ︀ႃး။ ၵ︀ွင︀်ၸ︀ႂ်က︀ေႃႇ ꩵ︀ႈမ︀ၢပ︀်က︀ိꩫ︀်ႈမ︀ႃး။

က︀ေႃရ︀ိꩫ︀်တ︀ု ႒ 7:3

က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူမ︀ႆ︀ႛ တ︀ၢင︀်ဢ︀ပ︀ႅတ︀်ႉꩬ︀ီဝႃႈꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဝႃႈꩫ︀က︀ꩫ︀်ႈ ꩫ︀ႂ်းꩡ︀ႂ်ႈတ︀ူႈမ︀ႆ︀ႛꩬ︀ူယ︀င︀်းတ︀ီမ︀်ႈꩰꩫ︀ႆ︀ႇꩬ︀ီ တ︀ူႈယ︀ႃႇ တ︀င︀်းꩬ︀ူတ︀ီꩫ︀ိပ︀် တ︀ီတ︀ႆ︀ၢႈꩫ︀မ︀်။

က︀လ︀ႃတ︀ိ 4:10

ꩭီတ︀်က︀ꩬ︀င︀်ꩫ︀ႆ︀ꩬ︀ူ ဝꩫ︀်းက︀ꩬ︀င︀်၊ ꩫ︀ိူꩫ︀်ႈက︀ꩬ︀င︀်၊ ပ︀ႅင︀်ႈၸ︀ႃႇက︀ꩬ︀င︀်၊ ပ︀ီႈက︀ꩬ︀င︀်ꩫ︀ꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 2:17

ဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ၵ︀ွင︀်လ︀ူꩫ︀က︀ꩫ︀်ႈꩫ︀မ︀်။ င︀ႆ︀းꩬ︀ီ ꩬ︀င︀်ဝႃႈꩬ︀ူၵ︀ွင︀်လ︀ူ မ︀ႆ︀ႛ ꩫ︀ိူတ︀်ႉက︀ဝ်ႈလ︀ူဝ်ꩬ︀ီ က︀ဝ်ႈꩫ︀ႆ︀ႛတ︀ႆ︀ၢႈꩫ︀က︀ေႃႇ က︀ဝ်ႈတ︀င︀်းꩬ︀ူꩡ︀ူမ︀်းလ︀ွေႛဢ︀ူ။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:8

ꩬ︀ူမ︀ႆ︀ႛ တ︀ူႈꩭၢက︀်ႉလ︀ူင︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူမ︀ႆ︀ႛ တ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ၢႆ︀ႈꩬ︀ေႇမ︀ဝ်က︀ႃး ဢ︀ꩬ︀ၢက︀်ႉတ︀ူႈတ︀မ︀ိူင︀်းက︀ေႃႇ ꩬ︀ူမ︀ႆ︀ႛၵ︀ႂ်ႈꩭႂ်ႛမ︀ႃးꩫ︀မ︀်။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

ꩭေပ︀ရ︀ူး 13:17

ꩭူဝ်က︀ေꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ ၵ︀ၢမ︀်းၵ︀ဝ်ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ဢ︀မ︀ူးၵ︀ဝ်ယ︀ႃႇ ဢ︀မ︀ူးဢ︀ꩫ︀်ႈမ︀ိုင︀်ႇၵ︀ွꩫ︀်ꩬ︀ူꩫ︀မ︀်။ ၵ︀ဝ်ဢ︀မ︀ူးꩫ︀ႆ︀ႇ ꩭလ︀ိုဝ်ꩭီတ︀်ꩫ︀ꩫ︀ႆ︀ႇယ︀ႃႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩡ︀ႅပ︀်ႉꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ် မ︀ဝ်ၵ︀င︀်းꩬ︀ီ ပ︀ိဝ်ꩰမ︀ူꩫ︀်းꩰꩭီတ︀်ꩫ︀ႆ︀ႛꩫ︀ႆ︀ႇ ၵ︀ၢမ︀်းၵ︀ဝ်မ︀ႆ︀ႛ ထွမ︀်ꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ႃႇꩬ︀ူဢ︀က︀ိဝ်းꩵ︀ႈယ︀င︀်း။