က︀ေႃရ︀ိꩫ︀်တ︀ု ႒ 11:19 - Khamti Shan19 ꩬ︀ူယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ၵ︀ꩫ︀်တ︀ႂ်းပ︀ိင︀်ꩥ︀ႃယ︀င︀်းလ︀ူင︀်ꩫ︀မ︀်။ ꩭလ︀ိုဝ်ꩫ︀ႆ︀ ၸ︀ူႛမ︀ိူက︀်ႉꩫ︀ႆ︀ႇၵ︀ဝ်မ︀ႆ︀ႛꩬ︀လ︀ႂ်ႈ ꩬ︀ူꩡ︀ူမ︀်းꩰꩭုမ︀်ꩰက︀ꩫ︀်ႛꩭႂ်ႛက︀ꩫ︀်ႈꩫ︀ႆ︀ႇ။ အခန်းကိုကြည့်ပါ။ |
တ︀ူႈꩭူဝ်းလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛယ︀ႃႇပ︀ိူꩫ︀်ႈၵ︀ꩫ︀်တ︀ႂ်း က︀ူꩫ︀်းမ︀ိူက︀်ႉꩫ︀မ︀်။ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၵ︀ꩫ︀်တ︀ႂ်း ၸ︀ူႛꩭူႇတ︀ွင︀်းꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇꩵ︀ႈꩡ︀ႂ်ႈ။ တ︀ူႈမ︀ႆ︀ႛပ︀ိူꩫ︀်ႈ ၵ︀ꩫ︀်တ︀ႂ်းတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇၵ︀ꩫ︀်တ︀ႂ်းꩬ︀ူတ︀ꩫ︀်းၵ︀ူဝ်းယ︀င︀်းဢ︀ူ။ ꩬ︀ူမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩬ︀ီ တ︀ူႈမ︀ႆ︀ႛယ︀ႃႇ ပ︀ိူꩫ︀်ႈꩫ︀ူႈꩫ︀ၢႆ︀ႈဢ︀ူ။ ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ꩬ︀ူယ︀ႃႇၵ︀ꩫ︀်တ︀ႂ်းꩫ︀ီႈꩫ︀က︀ေႃႇ ဢ︀ꩫ︀်ႈတ︀ေႇတ︀ေႇယ︀ႃႇ ꩵ︀ႈꩫ︀ီႈ။
ꩡ︀ႃႇလ︀ိူင︀်ႈ လ︀ိက︀်ႉဢ︀ꩫ︀်ႈꩬ︀ူတ︀ႅမ︀်ႛမ︀ႃးမ︀ႆ︀ႛ လ︀ွင︀်ႈဢ︀ꩫ︀်ႈက︀ိꩫ︀်ႈဢ︀ꩫ︀်ႈꩭုꩫ︀်ꩭၢင︀်ႈမ︀ႆ︀ႛ ပ︀ုက︀်ႉꩡ︀ူဝ်ဝႆ︀ႇမ︀ႆ︀ႛ တ︀ွပ︀်ꩭႂ်ႛက︀ွတ︀်ꩫ︀က︀ီးယ︀ႃႇ က︀ဝ်ႈၵ︀ႂ်ႈဝႃႈင︀ႆ︀းꩫ︀မ︀်။ ꩫ︀င︀်ၵ︀ဝ်ဝႃႈꩫ︀က︀ꩫ︀်ႈ “ꩭဝ်းတ︀င︀်းလ︀ုင︀်မ︀ႆ︀ႛ လ︀ွင︀်ႈꩭူႇတ︀ၢင︀်းꩭꩫ︀်ယ︀င︀်းဢ︀ူ” ꩫ︀ꩫ︀ႆ︀ႇꩡ︀ႂ်ႈဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩭူႇတ︀ွင︀်းၸ︀ꩫ︀်းဢ︀မ︀ႂ်းယ︀ႃႇ က︀ူꩫ︀်းꩭဝ်းမ︀ႆ︀ႛ ꩭၢင︀်းꩭႂ်ႛက︀မ︀်ႇလ︀ွင︀်ႛꩫ︀ႆ︀ၢႈꩫ︀မ︀်။ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩭႂ်ႛꩵ︀ႈꩫ︀ႆ︀ႛ။ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩫ︀မ︀် ပ︀ိူꩫ︀်ႈမ︀ႆ︀ႛꩡ︀ွႆ︀ႈꩭႂ်ႛꩫ︀ႆ︀ႛꩫ︀ႆ︀ႇ။
မ︀ႂ်းယ︀ႃႇ “က︀ဝ်ႈမ︀ီးတ︀ꩫ︀်းဢ︀ူ။ ၵ︀ိုꩫ︀်ႛယ︀ႂ်ဢ︀ူ။ ဢ︀ꩫ︀်ႈက︀ဝ်ႈꩭၢင︀်ႇꩫ︀ႆ︀ႇတ︀င︀်းမ︀ိူင︀်း က︀ဝ်ႈမ︀ႆ︀ႛယ︀င︀်းဢ︀ူ” ꩫ︀ꩬ︀ီဝႃႈၵ︀ႂ်ႈလ︀ႂ်ႈꩫ︀က︀ေႃႇ မ︀ႂ်းၸ︀ူႛꩡ︀ဝ်ႛယ︀ႃႇ ၵ︀ႂ်ႈလ︀ႂ်ႈၻုက︀်ႉၵ︀၊ ၵ︀ႂ်ႈလ︀ႂ်ႈၵ︀ိူင︀်ႈꩫ︀ီႈဢ︀ီꩫ︀ူႈꩫ︀ꩫ︀ႆ︀ႇ မ︀ႂ်းꩵ︀ႈတ︀ွင︀်း။ မ︀ႂ်းယ︀ႃႇ ၸ︀ၢꩫ︀်ၵ︀ႅတ︀်ႉꩰ၊ ၵ︀ိူင︀်ႈက︀ေႃႇမ︀ဝ်ꩫ︀ုင︀်ႈ၊ တ︀ႃႈက︀ေႃႇ မ︀ွတ︀်င︀ႆ︀းꩫ︀မ︀်။