က︀ေႃရ︀ိꩫ︀်တ︀ု ႒ 11:10 - Khamti Shan

¹⁰ က︀ႃႈꩫ︀င︀်က︀ဝ်ႈ ꩭူဝ်းꩬ︀မ︀်မ︀ႃတ︀ြႃးꩡ︀ဝ်ႛၵ︀ရ︀ီတ︀်ယ︀ႃႇ က︀ူꩫ︀်းတ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ် လ︀ွင︀်ႈဢ︀ꩫ︀်ႈင︀ႆ︀ႚက︀ဝ်ႈက︀မ︀်ႇလ︀ွင︀်ႛမ︀ႆ︀ႛ ၸ︀ႂ်က︀ေႃႇꩡ︀တ︀်ꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႒ 11:10 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 18:27

ဢ︀ႃပ︀ေႃလ︀ု မ︀ိူင︀်းဢ︀ႃၵ︀ႃယ︀မ︀ႆ︀ႛၵ︀ႂ်ႈက︀ႃꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းမ︀ꩫ︀်းမ︀ႆ︀ႛ ၸ︀ူႛယ︀ုမ︀်ယ︀မ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ်ꩭၢပ︀်ႉꩫ︀ႆ︀ႇ ၵ︀ဝ်မ︀ႆ︀ႛ လ︀ိက︀်ႉက︀ၢပ︀်က︀ၢႆ︀ꩡ︀ႃႇမ︀ꩫ︀်း တ︀ႅမ︀်ႛꩭႂ်ႛဢ︀ူ။ မ︀ိူင︀်းဢ︀ႃၵ︀ႃယ︀မ︀ႆ︀ႛ မ︀ꩫ︀်းထိုင︀်က︀ႃက︀ီး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭီတ︀်က︀ျေးꩡ︀ူးꩬ︀ီ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ၢꩫ︀်တ︀ၢꩫ︀်ꩡ︀ွႆ︀ႈꩭႂ်ႛဢ︀ူ။

ရ︀ေႃမ︀ 1:9

က︀ဝ်ႈ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းꩡ︀ႂ်ႈတ︀င︀်းၵ︀ူဝ်းတ︀ႅဝ်ꩬ︀ီ ꩡ︀ႃႇꩬ︀ူက︀ေႃႇ ၵ︀မ︀်ႈꩰလ︀ႂ်ꩰ ယ︀ွꩫ︀်းꩬ︀ူးဢ︀ူꩫ︀မ︀်ꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

ရ︀ေႃမ︀ 16:5

က︀ူꩫ︀်းဢ︀ꩫ︀်ႈꩭိူꩫ︀်းၵ︀ဝ်မ︀ႆ︀ႛꩭီတ︀်ꩡ︀ွင︀်းၸ︀ြႃးꩬ︀ီ ꩭူမ︀်ႈဝႆ︀ႈၸ︀ြႃးꩫ︀ႆ︀ႇၵ︀ဝ်၊ က︀ူဝ်ႇꩬ︀ေႛꩭၢက︀်ႉက︀ဝ်ႈ ဢ︀ေပ︀ႄꩫ︀တ︀်ဢ︀ꩫ︀်ႈလ︀ုက︀်ႉꩡ︀ေႈဝီင︀်းဢ︀ႃꩬ︀ျမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚ ပ︀ီꩫ︀်ႈၵ︀ရ︀ီတ︀်ယ︀ၢꩫ︀်မ︀ႃး၊

ရ︀ေႃမ︀ 9:1

က︀ဝ်ႈပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩫ︀မ︀် က︀ဝ်ႈဝႃႈꩫ︀ႆ︀ႇ။ က︀ဝ်ႈꩵ︀ႈၸ︀ႅတ︀်ႉ။ ၵ︀ၢမ︀်းက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩡ︀ႂ်ႈၵ︀ွꩫ︀်က︀ဝ်ႈမ︀ႆ︀ႛ ဢ︀ဝ်ႈတ︀မ︀်းꩡ︀ႂ်ႈꩭႂ်ႛဢ︀ူ။ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩭၢင︀်းꩡ︀ိူဝ်ႇၸ︀ꩫ︀်းက︀ျူးက︀ဝ်ႈၵ︀ဝ် က︀ဝ်ႈ ၵ︀ီၵ︀ီၵ︀ုမ︀်ꩰꩬ︀ီ မ︀ႆ︀ႛꩡ︀ႂ်ႈဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛဝီင︀်းက︀ေႃရ︀ိꩫ︀်တ︀ုၵ︀ဝ် တ︀င︀်းက︀ူပ︀် က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ိူင︀်းဢ︀ႃၵ︀ႃယ︀မ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈပ︀ေႃလ︀ု ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩫ︀ွင︀်ႇꩭဝ်းတ︀ိမ︀ေႃတ︀ေ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 1:23

က︀ဝ်ႈဝီင︀်းက︀ေႃရ︀ိꩫ︀်တ︀ုမ︀ႆ︀ႛ မ︀ဝ်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛ ၵ︀ၢꩫ︀်ႇတ︀ၢင︀်ဢ︀ပ︀ႅတ︀်ႉꩫ︀က︀်ꩰꩬ︀ီꩫ︀မ︀်ꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ၢက︀်ႉꩬ︀ေက︀ဝ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

က︀ေႃရ︀ိꩫ︀်တ︀ု ႒ 10:15

တ︀ူႈယ︀ႃႇ ဢ︀မ︀ူးဢ︀ꩫ︀်ႈပ︀ိူꩫ︀်ႈꩭီတ︀်ဝႆ︀ႇမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩬ︀ိုင︀်ꩭီတ︀်ဝႆ︀ႇꩫ︀က︀ꩫ︀်ႈ ꩵ︀ႈက︀မ︀်ႇလ︀ွင︀်ႛ။ င︀ႆ︀းမ︀ဝ်ꩡ︀ႂ်ႈꩬ︀ေႇမ︀ဝ်က︀ႃး မ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ူ ယ︀ႂ်က︀ေမ︀ႃးꩫ︀ႆ︀ႇ ꩫ︀ႂ်းꩬ︀ူမ︀ႆ︀ႛ ဢ︀မ︀ူးဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇၵ︀ဝ် တ︀ူႈတ︀မ︀်းꩡ︀ႂ်ႈꩬ︀ီ တ︀ီꩭီတ︀်က︀ႃꩫ︀မ︀်။

က︀ေႃရ︀ိꩫ︀်တ︀ု ႒ 11:12

ꩫ︀ႆ︀ႇꩬ︀ေႇမ︀ဝ်က︀ႃး တ︀မ︀ၢꩫ︀်မ︀ိက︀်ႉꩬ︀ႃဢ︀ꩫ︀်ႈꩫ︀င︀်တ︀ူႈꩫ︀က︀ꩫ︀်ႈꩭီတ︀်ဢ︀ူꩫ︀ꩬ︀ီ က︀မ︀်ႇလ︀ွင︀်ႛဢ︀မ︀ႂ်းၵ︀ဝ် ꩭႂ်ႛပ︀ူဝ်းက︀မ︀်ႇလ︀ွင︀်ႛမ︀ဝ်ꩫ︀ႆ︀ႛꩫ︀ႆ︀ႇ က︀ဝ်ႈꩫ︀င︀်င︀ႆ︀ႚꩫ︀က︀ꩫ︀်ႈ တ︀ီက︀ၢပ︀်ꩭီတ︀်က︀ႃꩫ︀မ︀်။

က︀ေႃရ︀ိꩫ︀်တ︀ု ႒ 11:31

ၵ︀ၢမ︀်းꩫ︀ႆ︀ႇၵ︀ဝ် ဢ︀ꩫ︀်ႈၸ︀ႅတ︀်ႉꩵ︀ႈꩡ︀ႂ်ႈꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛၸ︀ြႃးꩫ︀ၵ︀ႃ ပ︀ူဝ်ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ မ︀ူꩫ︀်ႈမ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။

က︀ေႃရ︀ိꩫ︀်တ︀ု ႒ 12:19

တ︀ူႈၵ︀ႆ︀ႇလ︀ိူင︀်ႈဝႃႈမ︀ႃးꩫ︀ႆ︀ႇ ဢ︀ꩫ︀်ႈပ︀ၢင︀်ႈꩫ︀ႃႛꩬ︀ူမ︀ႆ︀ႛ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ က︀ုမ︀်ႇၵ︀ႅꩫ︀်ꩵ︀ႈꩡ︀ႂ်ႈပ︀ိူင︀်ႈလ︀ူင︀်။ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ꩡ︀ဝ်ႛၵ︀ရ︀ီတ︀်ꩭႂ်ႛဝႃႈꩫ︀က︀ꩫ︀်ႈ ဝႃႈꩫ︀ႆ︀ၢႈꩫ︀မ︀်။ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈတ︀ူႈꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ႃႇဢ︀က︀ိဝ်းꩬ︀ူꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 9:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူပ︀ိူꩫ︀်ႈမ︀ႆ︀ႛ ၵ︀ႂ်ႈꩡ︀ွႆ︀ႈꩭႅင︀်းဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းꩫ︀ႆ︀ႇꩬ︀ီ ꩬ︀ူက︀ူꩫ︀်းꩡ︀ိူဝ်းတ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ် လ︀ုက︀်ႉပ︀ီႈက︀ႆ︀ၢႈပ︀ုꩫ︀်ႛ ၵ︀ွင︀်လ︀ူꩭႅမ︀်းဝႆ︀ႇဢ︀ူꩫ︀ꩬ︀ီ က︀ူꩫ︀်းꩡ︀ိူဝ်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်မ︀ႆ︀ႛက︀ေႃႇ က︀ဝ်ႈလ︀ွင︀်ႈꩬ︀ူယ︀ွင︀်ႛမ︀ႃးဢ︀ူ။ ဢ︀ꩫ︀်ႈတ︀ေႇတ︀ေႇက︀ေႃႇ ၵ︀ဝ်ꩭႂ်ႛပ︀ူဝ်းလ︀ူမ︀ႃးꩫ︀ႆ︀ႇက︀ေႃႇ ꩡ︀ေတ︀ꩫ︀ႃꩬ︀ူꩫ︀မ︀် ၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ူꩫ︀်းꩭႂ်ႛမ︀ႃးꩫ︀ႆ︀ႇ။

က︀လ︀ႃတ︀ိ 1:20

ၵ︀ၢမ︀်းꩫ︀ႆ︀ႇၵ︀ဝ် ဢ︀ꩫ︀်ႈꩬ︀ိုဝ်ႈꩫ︀ႆ︀ၢႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10

ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃး။ ꩭူဝ်ꩡ︀ႂ်ႈဝႆ︀ႇꩫ︀ီႈꩫ︀ီႈ ꩬ︀ီ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩬ︀ူၸ︀ူႛꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:5

ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ ၵ︀ၢမ︀်းပ︀လ︀ီႛပ︀လ︀ႅပ︀်ꩫ︀ႆ︀ႇၵ︀ဝ် တ︀ူႈꩵ︀ႈဝႃႈမ︀ႃး။ ၵ︀ွင︀်ၸ︀ႂ်က︀ေႃႇ တ︀ူႈꩵ︀ႈၵ︀ျွင︀်းꩵ︀ႈလ︀ဝ်ဢ︀ဝ်ႈမ︀ႃး။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇတ︀ွင︀်းဢ︀ူ။

တ︀ိမ︀ေႃတ︀ေ ႑ 2:7

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ႃꩭူဝ်းꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ ဢ︀ꩫ︀်ႈꩫ︀ႆ︀ႇၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။