က︀ေႃရ︀ိꩫ︀်တ︀ု ႒ 10:6 - Khamti Shan6 ꩬ︀ူၵ︀ၢမ︀်းမ︀ꩫ︀်းꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ထွမ︀်ယ︀ဝ်ႇꩫ︀က︀ီး က︀ူဝ်ႇဢ︀ꩫ︀်ႈမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈတ︀ီꩬ︀ုင︀်းမ︀ႃးꩫ︀မ︀်။ အခန်းကိုကြည့်ပါ။ |
မ︀ိူဝ်ႈက︀ဝ်ႈꩵ︀ႈပ︀ႆ︀မ︀ႃးပ︀ုꩫ︀်ႛ လ︀ွင︀်ႈꩫ︀ႆ︀ႇၵ︀ဝ်က︀ဝ်ႈတ︀ႅမ︀်ႛမ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈထိုင︀်မ︀ႃးꩫ︀ႆ︀ႇ ဢ︀ႃꩫ︀ႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ဝ်ဝႃႈတ︀ိုဝ်းꩫ︀က︀်ꩰꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ႃꩫ︀ႃဢ︀မ︀ႂ်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ꩭၢင︀်းယ︀ႃႇꩬ︀ူꩵ︀ႈꩡ︀ႂ်ႈ။ ꩭၢင︀်းꩬ︀ူမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။
မ︀ိူဝ်ႈက︀ဝ်ႈ ꩭႃတ︀ုတ︀ိယ︀မ︀ႃးꩫ︀ႆ︀ႇ “က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ဝ်ၸ︀ႃႛꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်ꩫ︀မ︀်” ꩫ︀ꩬ︀ီ က︀ဝ်ႈꩬ︀ူမ︀ႆ︀ႛ ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီက︀ႆ︀ႈပ︀ုꩫ︀်ႛ ဝႃႈꩫ︀က︀ဝ်က︀ွတ︀်။ လ︀ဝ်းꩫ︀ႆ︀ႇမ︀ႃးက︀ီး က︀ူဝ်ႇဢ︀ꩫ︀်ႈဢ︀ပ︀ႅတ︀်ႉယ︀င︀်းက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်တ︀ေႇတ︀ေႇꩫ︀မ︀်။
င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ ဢ︀ꩫ︀်ႈမ︀ꩫ︀်းꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီက︀ုꩥ︀်ႇဢ︀ွက︀်ꩭႂ်ႛꩫ︀မ︀်။ ဢ︀ꩫ︀်ႈမ︀ꩫ︀်းတ︀ူႈမ︀ႆ︀ႛ က︀ေးလ︀ေးꩫ︀ႆ︀ႇၵ︀ဝ် ဢ︀ꩫ︀်ႈမ︀ꩫ︀်းၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ီယ︀ႃးပ︀ွက︀်ႉꩫ︀မ︀်။ ဢ︀ꩫ︀်ႈမ︀ꩫ︀်းမ︀ဝ်ꩫ︀ီႈမ︀ႃးꩫ︀ႆ︀ႇယ︀ႃႇ ၵ︀ႆ︀ႇလ︀ိူင︀်ႈꩫ︀ႆ︀ၢႈꩵ︀ႈက︀ႃး။ မ︀ꩫ︀်းယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႃးꩫ︀က︀ေႃႇ မ︀ဝ်ꩭၢပ︀်ႉတ︀ွꩫ︀်ႛ။ က︀ူဝ်ႇဢ︀ꩫ︀်ႈၵ︀ႂ်ႈꩭၢပ︀်ႉတ︀ွꩫ︀်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩡ︀တ︀်ꩬ︀ီ လ︀ုက︀်ႉꩡ︀ိူဝ်းꩡ︀ဝ်ႛမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်င︀ႆ︀းꩫ︀မ︀်။