က︀ေႃရ︀ိꩫ︀်တ︀ု ႒ 10:5 - Khamti Shan

⁵ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူႈၵ︀ိူင︀်ႈတ︀ိက︀်ꩬ︀ိူက︀်ဢ︀မ︀ႂ်းၵ︀ဝ်တ︀ိုဝ်းꩬ︀ီ ၵ︀ၢမ︀်းထီင︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ယ︀ႃႇၵ︀ွတ︀်ဢ︀ူ။ ၵ︀ၢမ︀်းမ︀ႃꩫ︀က︀ူꩫ︀်းဢ︀ꩫ︀်ႈ တ︀ၢင︀်းꩭူႇတ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်မ︀ႆ︀ႛ ထီင︀်ꩬ︀ီꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛက︀ေႃႇ တ︀ူႈယ︀ႃႇၵ︀ွတ︀်င︀ႆ︀းꩬ︀ီ ဢ︀ꩫ︀်ႈၵ︀ဝ်ၵ︀ႂ်ႈꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈလ︀ၢႆ︀ႈꩬ︀ီ ꩭႂ်ႛထွမ︀်ꩡ︀ွမ︀်းၵ︀ၢမ︀်းꩡ︀ဝ်ႛၵ︀ရ︀ီတ︀်က︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 10:5 ပူးပေါင်းရင်းမြစ်များ

မ︀တ︀်တ︀ႄး 15:19

လ︀ုက︀်ႉꩭူဝ်ꩡ︀ႂ်ႈမ︀ႆ︀ႛꩬ︀ႃး ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈ၊ ꩡ︀ႂ်ႈဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ် ၸ︀ိတ︀်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်လ︀ုက︀်ႉလ︀ၢင︀်းပ︀ိူꩫ︀်ႈ၊ ဢ︀ꩫ︀်ႈလ︀ၢက︀်ႉ၊ ဢ︀ꩫ︀်ႈၸ︀ႅတ︀်ႉင︀ႆ︀း ဢ︀ꩫ︀်ႈဢ︀ဝ်ႈꩬ︀ူဝ်ႇပ︀ိူꩫ︀်ႈꩫ︀ႆ︀ႇၵ︀ဝ် ဢ︀ွက︀်မ︀ႃးꩫ︀ႆ︀ႇ။

လ︀ုက︀ႃ 1:51

က︀ူꩫ︀်းဢ︀ꩫ︀်ႈလ︀ွင︀်ႈꩡ︀ႃၵ︀ၢပ︀်ႉၸ︀ူႛꩡ︀ဝ်ႛမ︀ႆ︀ႛ က︀မ︀်ႇလ︀ွင︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ဢ︀ဝ်ႈၸ︀ူင︀်ႇယ︀ႆ︀ၢႈꩰက︀ႃမ︀ူတ︀်ဢ︀ူ။

ရ︀ေႃမ︀ 1:21

ၵ︀ဝ်ယ︀ႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈထုက︀်ယ︀ူဝ်းယ︀ွင︀်ႛꩫ︀က︀ꩫ︀်ႈ ꩵ︀ႈယ︀ူဝ်းယ︀ွင︀်ႛ။ က︀ျေးꩡ︀ူးက︀ေႃႇꩵ︀ႈတ︀ၢင︀်။ ၵ︀ဝ်ယ︀ႃႇ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ၵ︀ႂ်ႈꩡ︀ႂ်ႈက︀ꩫ︀်ႈꩬ︀ီ၊ ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်တ︀ိက︀်ႉꩰက︀ꩫ︀်ႈꩫ︀မ︀်။

ရ︀ေႃမ︀ 1:5

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ၵ︀ၢင︀်းဢ︀ꩫ︀်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛꩭႂ်ႛင︀ႆ︀း ꩭႂ်ႛပ︀ူဝ်းက︀ူꩫ︀်းက︀ူႈၸ︀ꩫ︀်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈထွမ︀်ꩡ︀ွမ︀်းꩬ︀ီ ဢ︀ဝ်ႈꩭိူဝ်ႈꩭိုင︀်းမ︀ူꩫ︀်ႈမ︀ꩫ︀်းꩡ︀ဝ်ႛꩫ︀ႆ︀ႇ က︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ရ︀ေႃမ︀ 16:26

ꩬ︀မ︀်မ︀ႃတ︀ြႃးဢ︀ꩫ︀်ႈဢ︀ဝ်ႈမ︀ႅပ︀်ဝႆ︀ႇဢ︀မ︀ႂ်းမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀် ယ︀ုမ︀်ယ︀မ︀်ႈꩬ︀ီ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ဢ︀ဝ်ႈက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်တ︀မ︀ိူင︀်း ဢ︀ဝ်ႈဢ︀မ︀ိင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈထႃဝရ︀ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇတ︀မ︀ိူင︀်း င︀ႆ︀ႚယ︀ႃႇ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ရ︀ေႃမ︀ 7:23

ꩫ︀ႆ︀ႇꩫ︀က︀ေႃႇ က︀ꩫ︀်ႛꩫ︀ႂ်းတ︀ူဝ်ႈက︀ဝ်ႈတ︀င︀်းမ︀ိူင︀်းမ︀ႆ︀ႛ တ︀ꩫ︀်းၵ︀ူဝ်းဢ︀ꩫ︀်ႈလ︀ိူင︀်ႈမ︀ိင︀်ႛမ︀ႃႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩫ︀က︀ဝ်ဢ︀ူ။ တ︀ꩫ︀်းၵ︀ူဝ်းဢ︀မ︀ႂ်းယ︀ႃႇ ꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩬ︀ီꩡ︀ူးꩫ︀ႆ︀ႇမ︀ႆ︀ႛ တ︀ိက︀်တ︀ူဝ်းꩬ︀ီ က︀ဝ်ႈမ︀ႆ︀ႛဢ︀ဝ်ႈက︀ႃပ︀ီꩫ︀်ႈၵ︀ႃႛဢ︀ပ︀ႅတ︀်ႉဢ︀ူ။

က︀ေႃရ︀ိꩫ︀်တ︀ု ႑ 1:19

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ꩥ︀ႅꩫ︀်ၸ︀ူႛꩭူႇတ︀ွင︀်းꩫ︀ႆ︀ႇၵ︀ဝ်၊ တ︀ၢင︀်းꩡ︀ၢင︀်ႈၸ︀ူႛꩡ︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ႆ︀ၵ︀ွတ︀်ယ︀ဝ်ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 3:19

င︀ႆ︀းꩫ︀ႆ︀ႇꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ိင︀်ꩥ︀ႃက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛတ︀ိုဝ်းꩬ︀ီ ဢ︀ဝ်ႈပ︀ီꩫ︀်ႈꩭိဝ်ႇၵ︀ဝ်ၸ︀ူႛꩡ︀ဝ်ႛက︀ႃဢ︀ူ” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀တ︀်ႉ ပ︀ိင︀်ꩥ︀ႃꩫ︀ꩫ︀ႆ︀ႇမ︀ႆ︀ႛ မ︀တ︀်ႉဢ︀ꩫ︀်ႈမ︀ိူက︀်ႉꩫ︀မ︀်။

က︀ေႃရ︀ိꩫ︀်တ︀ု ႒ 11:20

တ︀ေႇတ︀ေႇက︀ေႃႇꩬ︀ူမ︀ႆ︀ႛပ︀ိူꩫ︀်ႈ ဢ︀မ︀ိင︀်းပ︀ူင︀်ႈꩭႂ်ႛပ︀တ︀ု၊ မ︀ၢပ︀်က︀ိꩫ︀်ႈပ︀တ︀ု၊ ꩭီတ︀်ꩥ︀ႅꩫ︀်င︀ွင︀်ႇပ︀တ︀ု၊ ꩫ︀ူႈယ︀ွမ︀်းပ︀တ︀ု၊ ꩡ︀ူဝ်က︀ႃးပ︀တ︀ု ꩬ︀ူက︀ꩫ︀်ႛꩭႂ်ႛက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 9:13

လ︀ႆ︀ၢးပ︀ိူဝ်ႈၵ︀ဝ်မ︀ႆ︀ႛတ︀မ︀ိူင︀်း ၸ︀ူႛယ︀ုမ︀်ယ︀မ︀်ႈတ︀င︀်းလ︀ုင︀်မ︀ႆ︀ႛတ︀မ︀ိူင︀်း ꩬ︀ူꩭႂ်ႛꩭႂ်ႛပ︀ꩫ︀်ႈꩰင︀ႆ︀းꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ူယ︀ုမ︀်ယ︀မ︀်ႈထွမ︀်ꩡ︀ွမ︀်းဢ︀ူꩫ︀ꩫ︀ႆ︀ႇ ပ︀ျႃးꩬ︀ၢက︀်ႉꩬ︀ေဢ︀ူꩫ︀ႆ︀ႇꩬ︀ီ က︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 4:7

င︀ႆ︀းက︀ီး လ︀ႆ︀ၢးပ︀ိူဝ်ႈꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩡ︀ႂ်ႈꩬ︀ူ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ၢင︀်းက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩭဝ်းꩭလ︀ိုဝ်က︀ေႃႇ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀ႆ︀ႇꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:4

ၵ︀ုꩫ︀်မ︀ိက︀်ႉꩬ︀ႃဢ︀မ︀ႂ်းယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈၸ︀ြႃးꩫ︀ꩫ︀ႆ︀ႇၵ︀ဝ်မ︀ႆ︀ႛ ꩬ︀ၢꩫ︀်တ︀ၢꩫ︀်းတ︀ိက︀်ပ︀ိꩫ︀်ႛꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩫ︀ိူဝ်တ︀င︀်းလ︀ုင︀်မ︀ႆ︀ႛ တ︀ီꩭီတ︀်ၸ︀ြႃးꩫ︀မ︀်။ ယ︀ဝ်ႇက︀ီးꩡ︀ွင︀်းၿိက︀်ႉမ︀ၢꩫ︀်ထႃဝရ︀ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ြႃးꩫ︀မ︀်ꩫ︀ꩬ︀ီ တ︀ီယ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:8

မ︀ိူဝ်ႈဢ︀မ︀ႂ်း ၵ︀ုꩫ︀်မ︀ိက︀်ႉꩬ︀ႃꩫ︀ႆ︀ႇတ︀ီဢ︀ွက︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုက︀ျွႃးမ︀ႃးပ︀ွက︀်ႉꩫ︀ႆ︀ႇ ၵ︀ုꩫ︀်မ︀ိက︀်ႉꩬ︀ႃဢ︀မ︀ႂ်းမ︀ႆ︀ႛ ၸ︀ူႈဢ︀ဝ်ႈတ︀ႆ︀ၢႈၵ︀ွတ︀်ꩬ︀ီ ဢ︀ဝ်ႈလ︀ွင︀်တ︀ူဝ်မ︀ꩫ︀်းꩡ︀ဝ်ႛ တ︀ီယ︀ႃႇၵ︀ွတ︀်ꩫ︀မ︀်။

ꩭေပ︀ရ︀ူး 4:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉယ︀င︀်းꩬ︀ီ တ︀ꩫ︀်းၵ︀ူဝ်းယ︀င︀်းလ︀ူင︀်ꩫ︀မ︀်။ ၸ︀ႃႇလ︀ၢမ︀်ပ︀ႃတ︀င︀်းမ︀ိူင︀်းမ︀ႆ︀ႛ ၸ︀ႆ︀ၢꩬ︀ႃꩬ︀ီ ဢ︀ꩬ︀ၢက︀်ႉꩫ︀ၵ︀ႃၵ︀ွꩫ︀်မ︀ႆ︀ႛတ︀မ︀ိူင︀်း၊ ꩫ︀ုက︀်ꩫ︀ၵ︀ႃမ︀ꩫ︀်းꩫ︀ုက︀်မ︀ႆ︀ႛတ︀မ︀ိူင︀်း ၸ︀ႅက︀်က︀ၢက︀်ႉပ︀ီꩫ︀်ႈဢ︀ူ။ က︀ၢင︀်ႈꩡ︀ႂ်ႈꩭဝ်းင︀ႆ︀း ဢ︀ꩫ︀်ႈꩭဝ်းၵ︀ႂ်ႈꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ က︀ုꩥ︀်ႇဢ︀ွက︀်ပ︀ီꩫ︀်ႈဢ︀ူ။

ꩭေပ︀ရ︀ူး 5:9

ꩭီတ︀်င︀ႆ︀းꩬ︀ီ မ︀ꩫ︀်းꩡ︀ဝ်ႛတ︀ီမ︀်ႈက︀ုမ︀်မ︀ႃးက︀ီး ꩡ︀ႃႇက︀ူꩫ︀်းဢ︀ꩫ︀်ႈထွမ︀်ၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈꩡ︀ဝ်ႛဢ︀ꩫ︀်ႈꩭႂ်ႛတ︀ၢင︀်းၵ︀ေꩬ︀ေထႃဝရ︀မ︀ႃးꩬ︀ီ

ပ︀ေတ︀ရ︀ု ႑ 1:2

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛ မ︀ႆ︀ၢလ︀ိူက︀်ႉဝႆ︀ႇꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ဝ်ႈပ︀ီꩫ︀်ႈၸ︀ꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩬ︀ူ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ထွမ︀်ꩡ︀ွမ︀်းꩬ︀ီ ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ ꩬ︀ုက︀်ႉꩬ︀ေၸ︀ေလ︀ွႆ︀းꩭႂ်ႛꩫ︀ႆ︀ႇꩫ︀မ︀်။ ꩬ︀ူမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ီမ︀်ႈꩰက︀ႃတ︀ႃႉ။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။