က︀ေႃရ︀ိꩫ︀်တ︀ု ႒ 10:4 - Khamti Shan

⁴ ၵ︀ိူင︀်ႈတ︀ိက︀်ꩬ︀ိူက︀်ဢ︀ꩫ︀်ႈꩭဝ်းတ︀ိုဝ်းꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈတ︀ိက︀်ꩬ︀ိူက︀်မ︀ိူင︀်းက︀ၢင︀်ႈꩵ︀ႈꩡ︀ႂ်ႈ။ ၵ︀ိူင︀်ႈတ︀ိက︀်ꩬ︀ိူက︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်လ︀ူင︀် ဢ︀ꩫ︀်ႈတ︀ၢပ︀်ႉꩬ︀ွꩫ︀်ႈၵ︀ုꩫ︀်ꩬ︀ူင︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႃႇပ︀ေႇꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 10:4 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 7:22

မ︀ေႃꩬ︀ေယ︀ႃႇ တ︀ၢင︀်းꩡ︀ၢင︀်ႈက︀ူꩫ︀်းဢ︀ီက︀ျီပ︀်ၵ︀ဝ် တ︀င︀်းမ︀ိူင︀်းꩬ︀ွꩫ︀်ဢ︀ဝ်ႈဝႆ︀ႇꩫ︀ႆ︀ႇꩬ︀ီ ဢ︀ꩫ︀်ႈတ︀ၢꩫ︀်ႛဢ︀ꩫ︀်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀မ︀်ႇꩡ︀ႂ်ႈ၊ ꩫ︀မ︀်ႇက︀ူꩫ︀်းတ︀ီမ︀်ႈတ︀ုပ︀်ꩰꩫ︀မ︀်။

ရ︀ေႃမ︀ 6:13

တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 2:5

ꩭီတ︀်င︀ႆ︀းꩫ︀ႆ︀ႇယ︀ႃႇ တ︀ၢင︀်းယ︀ုမ︀်ယ︀မ︀်ႈꩬ︀ူꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛမ︀ဝ်ꩭီတ︀်င︀ဝ်ႛꩬ︀ီ ꩭႂ်ႛပ︀ူဝ်းတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀င︀် ꩭီတ︀်င︀ဝ်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 9:7

လ︀ုက︀်ႉꩬ︀ိူက︀်ဢ︀ꩫ︀်ႈလ︀ႂ်ႈꩫ︀ႆ︀ ꩡ︀ႃႇၸ︀ူႛꩡ︀ဝ်ႛဝႃႈၵ︀ႃက︀ိꩫ︀်ႈꩬ︀ီ တ︀ိက︀်ꩬ︀ိူက︀်ꩫ︀ႆ︀ႇ။ ၸ︀ႂ်ꩫ︀ႆ︀ ꩭီတ︀်ꩫ︀ႃးꩬ︀ီ ၵ︀ဝ်ႛꩫ︀ႃးဢ︀မ︀ႂ်းမ︀ဝ်က︀ိꩫ︀်ႈꩫ︀ႆ︀ႇ။ ၸ︀ႂ်ꩫ︀ႆ︀လ︀ီင︀်ႇင︀ူဝ်းꩬ︀ီ ꩫ︀မ︀်ႇꩡ︀ေႉင︀ူဝ်းမ︀ဝ်က︀ိꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 10:8

ꩬ︀င︀်ဝႃႈလ︀ွင︀်ႈဢ︀ႃꩫ︀ႃဢ︀ꩫ︀်ႈတ︀ူႈမ︀ႆ︀ႛ ꩡ︀ဝ်ႛယ︀ေꩬ︀ုꩭႂ်ႛꩫ︀ႆ︀ႇ က︀ဝ်ႈက︀မ︀်ႇလ︀ွင︀်ႛပ︀ူꩫ︀်ႇမ︀ႃးက︀ီးက︀ေႃႇ က︀ဝ်ႈꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃꩫ︀ႃဢ︀မ︀ႂ်းယ︀ႃႇ တ︀ၢင︀်းယ︀ုမ︀်ယ︀မ︀်ႈꩬ︀ူမ︀ႆ︀ႛ ꩡ︀ႃႇဢ︀ဝ်ႈယ︀ွမ︀်းꩵ︀ႈꩡ︀ႂ်ႈ။ ꩡ︀ႃႇဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 13:10

မ︀ိူဝ်ႈက︀ဝ်ႈꩵ︀ႈပ︀ႆ︀မ︀ႃးပ︀ုꩫ︀်ႛ လ︀ွင︀်ႈꩫ︀ႆ︀ႇၵ︀ဝ်က︀ဝ်ႈတ︀ႅမ︀်ႛမ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈထိုင︀်မ︀ႃးꩫ︀ႆ︀ႇ ဢ︀ႃꩫ︀ႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ဝ်ဝႃႈတ︀ိုဝ်းꩫ︀က︀်ꩰꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ႃꩫ︀ႃဢ︀မ︀ႂ်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ꩭၢင︀်းယ︀ႃႇꩬ︀ူꩵ︀ႈꩡ︀ႂ်ႈ။ ꩭၢင︀်းꩬ︀ူမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 3:5

ဢ︀မ︀ူးꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈၸ︀ူႛꩡ︀ဝ်ႛပ︀ီꩫ︀်ႈပ︀ေႇꩬ︀ီ ꩭီတ︀်ꩵ︀ႈꩡ︀ႂ်ႈ။ ဢ︀ꩫ︀်ႈတ︀ူႈꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ွႆ︀ႈꩭႂ်ႛꩬ︀ီ ꩭီတ︀်ပ︀ီꩫ︀်ႈမ︀ႃးꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 4:7

ꩫ︀ႆ︀ႇꩫ︀က︀ေႃႇ တ︀ꩫ︀်းၵ︀ူဝ်းလ︀ူင︀်ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉတ︀ူႈမ︀ႆ︀ႛမ︀ႃးꩵ︀ႈꩡ︀ႂ်ႈ။ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ျႃးꩫ︀ႆ︀ႇ တ︀ူႈယ︀ႃႇ ꩫ︀င︀်မ︀ူဝ်ႛꩫ︀ိꩫ︀်ႈဢ︀ꩫ︀်ႈꩬ︀ႂ်ꩬ︀ႅင︀်ၵ︀ွꩫ︀်ဝႆ︀ႇꩫ︀က︀ꩫ︀်ႈꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 6:7

တ︀ူႈꩬ︀မ︀်မ︀ႃတ︀ြႃးꩭူဝ်းမ︀ႃးꩬ︀ီ က︀ꩫ︀်ႛꩫ︀ႂ်းတ︀ူႈမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ွႆ︀ႈꩭႂ်ႛမ︀ႃးဢ︀ူ။ တ︀ူႈဢ︀ꩫ︀်ႈယ︀ပ︀်ယ︀ၢက︀်ႉက︀ꩬ︀င︀်ꩭူပ︀်ႉမ︀ႃးꩫ︀က︀ေႃႇ ꩫ︀င︀်တ︀ိုဝ်းၵ︀ိူင︀်ႈတ︀ိက︀်ꩬ︀ိူက︀်ဢ︀ꩫ︀်ႈꩬ︀ိုဝ်ႈတ︀ူဝ်ꩫ︀က︀ꩫ︀်ႈ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ၢႆ︀ႈꩬ︀ိုင︀် တ︀ူႈဝႃႈမ︀ႃးꩭီတ︀်မ︀ႃးဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:8

ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇက︀ူꩫ︀်းဢ︀ꩫ︀်ႈဢ︀ူပ︀ႃႛဢ︀ꩫ︀်ႈလ︀ႅင︀်းꩫ︀ႆ︀ႇꩬ︀ီ ထုက︀်ꩫ︀ီႈၵ︀ႅတ︀်က︀ꩫ︀်ႈꩫ︀မ︀်။ ꩫ︀င︀်ꩭဝ်းꩫ︀ုင︀်ႈꩬ︀ိူဝ်ႛလ︀ီက︀်ꩬ︀ီ က︀ုမ︀်ႇတ︀ူဝ်ႈꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩭၢက︀်ႉꩭွမ︀်ꩬ︀ီ တ︀ူဝ်ႈၸ︀ူႛꩡ︀ဝ်ႛမ︀ႆ︀ႛက︀ုမ︀်ႇတ︀ႃႉ။ ꩫ︀င︀်ꩭဝ်းꩬ︀ုပ︀်မ︀ူက︀်လ︀ီက︀်ꩬ︀ီ က︀ုမ︀်ႇꩭူဝ်ꩫ︀က︀ꩫ︀်ႈ ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေဝႆ︀ႇꩫ︀ႆ︀ႇမ︀ႆ︀ႛ ဢ︀က︀မ︀်က︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 1:18

လ︀ုက︀်ႉက︀ဝ်ႈတ︀ိမ︀ေႃတ︀ေꩴ︀း ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃႈက︀ꩫ︀်ႛꩫ︀ႃႛမ︀ႆ︀ႛ ပ︀ရ︀ေႃးၸ︀ႅတ︀်ႉၵ︀ဝ် မ︀ႂ်းမ︀ႆ︀ႛꩡ︀ိုဝ်ꩬ︀ီꩭူဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ꩬ︀ြႃဢ︀ꩫ︀်ႈꩬ︀ွꩫ︀်ၸ︀ိတ︀်ꩫ︀ႆ︀ႇၵ︀ဝ်မ︀ႆ︀ႛꩡ︀တ︀်တ︀ႃႉ၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀မ︀်မ︀ႃတ︀ြႃး ꩬ︀ွꩫ︀်ꩭႂ်ႛထက︀်ꩰတ︀ႃႉ။

တ︀ိမ︀ေႃတ︀ေ ႒ 2:3

မ︀ႂ်းက︀ေႃႇလ︀ုက︀်ႉꩬ︀ိူက︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ၻုက︀်ႉၵ︀ꩫ︀က︀ေႃႇ ꩫ︀င︀်က︀ဝ်ႈꩫ︀က︀ꩫ︀်ႈၵ︀ၢမ︀်တ︀ႃႉ။

ꩭေပ︀ရ︀ူး 11:30

လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ ဢ︀ီတ︀်ꩬ︀ြေးၵ︀ဝ် ဝီင︀်းယ︀ေရ︀ိၵ︀ေႃးမ︀ႆ︀ႛ ꩡ︀ီတ︀်ဝꩫ︀်းပ︀ꩫ︀်ယ︀ဝ်ႇက︀ီး တ︀ႃဝီင︀်းဢ︀မ︀ႂ်းလ︀ူမ︀်ႇက︀ႃဢ︀ူ။