က︀ေႃရ︀ိꩫ︀်တ︀ု ႒ 10:13 - Khamti Shan

¹³ တ︀ူႈယ︀ႃႇ က︀မ︀်ႇလ︀ွင︀်ႛꩫ︀က︀ေႃႇ ဢ︀ၵ︀ၢင︀်းဢ︀ꩫ︀်ႈတ︀ူႈက︀မ︀်ႇလ︀ွင︀်ႛꩫ︀ႆ︀ႛမ︀ႆ︀ႛ ပ︀ူꩫ︀်ႇၸ︀ိင︀်ႛꩬ︀ီ ꩵ︀ႈက︀မ︀်ႇလ︀ွင︀်ႛ။ တ︀ိူက︀်ႉꩬ︀ႃꩬ︀ꩫ︀ႃဢ︀ꩫ︀်ႈတ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ၢႈꩫ︀မ︀် တ︀ူႈက︀မ︀်ႇလ︀ွင︀်ႛꩫ︀ႆ︀ႇ။ ꩬ︀ႃꩬ︀ꩫ︀ႃဢ︀မ︀ႂ်းမ︀ႆ︀ႛ ꩬ︀ူက︀ေႃႇလ︀ွေႛဢ︀ူ။

က︀ေႃရ︀ိꩫ︀်တ︀ု ႒ 10:13 ပူးပေါင်းရင်းမြစ်များ

မ︀တ︀်တ︀ႄး 25:15

က︀ူꩫ︀်းဢ︀မ︀ႂ်းယ︀ႃႇ ၸ︀ူႛꩡ︀ႂ်ႇမ︀ꩫ︀်းၵ︀ဝ်မ︀ႆ︀ႛꩭွင︀်ႇꩬ︀ီ ဢ︀ꩫ︀်ႈꩫ︀င︀်ၵ︀ဝ်က︀တ︀်ႉꩫ︀က︀ꩫ︀်ႈ က︀ူဝ်ႇလ︀ိူင︀်ႈမ︀ႆ︀ႛၵ︀မ︀်းꩭႃႛꩡ︀ွႆ︀ႇ၊ တ︀ၢင︀်က︀ူဝ်ႇမ︀ႆ︀ႛꩬ︀ွင︀်ꩡ︀ွႆ︀ႇင︀ႆ︀း ဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ꩡ︀ွႆ︀ႇလ︀ိူင︀်ႈဢ︀ၢပ︀်ႉꩭႂ်ႛဢ︀ူ။ ယ︀ဝ်ႇက︀ီး မ︀ꩫ︀်းက︀ႃတ︀ီႈက︀ႆ︀ႈဢ︀ူ။

ရ︀ေႃမ︀ 10:18

င︀ႆ︀းဝႃႈꩬ︀ီ က︀ူꩫ︀်းဢ︀မ︀ႂ်းꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩥ︀ိꩫ︀်းꩫ︀ꩬ︀ီ ၵ︀ႂ်ႈဝႃႈꩵ︀ႈꩡ︀ႂ်ႈ။ “ၸ︀ူႛꩭူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛ က︀ႃတ︀ႅဝ်ယ︀ဝ်ႇ။ ၵ︀ၢဝ်ႈၵ︀ၢမ︀်းဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၵ︀ဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈတ︀ေႇတ︀ေႇယ︀ဝ်ႇ။

ရ︀ေႃမ︀ 12:3

က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးက︀ျေးꩡ︀ူးꩭႂ်ႛဝႆ︀ႇꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်းမ︀ႆ︀ႛ က︀ဝ်ႈဝႃႈက︀ွတ︀်။ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီꩭꩫ︀်ပ︀ူꩫ︀်ႇ။ ꩫ︀င︀်ၸ︀ူႛꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ꩭꩫ︀်ꩬ︀ိုဝ်ႈꩰက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭႅင︀်းꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭႂ်ႛဝႆ︀ႇꩫ︀က︀ꩫ︀်ႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ တ︀ွင︀်းက︀ꩫ︀်ႈတ︀ႃႉ။

ရ︀ေႃမ︀ 12:6

င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်က︀ျေးꩡ︀ူးမ︀ꩫ︀်းꩡ︀ဝ်ႛꩫ︀က︀ꩫ︀်ႈ ပ︀ူင︀်ႈꩭႂ်ႛꩫ︀ႆ︀ႇၵ︀ဝ် တ︀ိုဝ်းက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းက︀ီး က︀ႃႈꩫ︀င︀်ၸ︀ူႛꩡ︀ဝ်ႛယ︀ုမ︀်ယ︀မ︀်ႈꩫ︀ႆ︀ႇ ꩭူဝ်းတ︀ႃႉ။

ရ︀ေႃမ︀ 15:20

က︀ဝ်ႈယ︀ႃႇ လ︀ုက︀်ႉဢ︀မ︀ူးဢ︀ꩫ︀်ႈပ︀ိူꩫ︀်ႈက︀ူဝ်ဝႆ︀ႇမ︀ႆ︀ႛ ပ︀ိတ︀်က︀ိꩫ︀်ႈꩫ︀က︀ꩫ︀်ႈ ꩭႂ်ႛပ︀ူဝ်းမ︀ဝ်ပ︀ီꩫ︀်ႈꩫ︀ႆ︀ႇ တ︀ီႈဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ဝ်ပ︀ႆ︀ꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် က︀ႃꩭူဝ်းၵ︀ၢဝ်ႈၵ︀ၢမ︀်းꩫ︀ီႈက︀ွတ︀်ꩫ︀ꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩫ︀တ︀်ꩡ︀ႂ်ႈဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 12:11

ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ꩬ︀ူးꩫ︀ႆ︀ႇၵ︀ဝ်တ︀င︀်းမ︀ိူင︀်းꩭႂ်ႛꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ပ︀ꩫ︀်ႈꩭႂ်ႛꩫ︀ႆ︀ႇ။

ဢ︀ေၸ︀ႅတ︀် 4:7

ꩭဝ်းက︀ူႈက︀ူဝ်ႇမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ွင︀်းꩰလ︀ွင︀်းꩰꩬ︀ီ ꩬ︀ူးပ︀ႃရ︀မ︀ီပ︀ူင︀်ႈပ︀ꩫ︀်ႈꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႑ 4:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩬ︀ူးက︀ျေးꩡ︀ူးမ︀ꩫ︀်းꩡ︀ဝ်ႛꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ꩬ︀ူက︀ူႈက︀ူဝ်ႇမ︀ႆ︀ႛ ဢ︀ေႈၸ︀ꩫ︀်းꩰပ︀ꩫ︀်ႈꩭႂ်ႛဝႆ︀ႇဢ︀ူ။ ꩫ︀င︀်ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩫ︀က︀ꩫ︀်ႈ ꩬ︀ူးက︀ျေးꩡ︀ူးမ︀ႆ︀ႛမ︀ိုင︀်ႇꩫ︀ီႈꩫ︀ီႈꩬ︀ီ ဢ︀ဝ်ႈꩬ︀ူးက︀ျေးꩡ︀ူးဢ︀မ︀ႂ်းၵ︀ဝ် က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ꩡ︀ွႆ︀ႈꩭႂ်ႛက︀ꩫ︀်ႈတ︀ႃႉ။