က︀ေႃရ︀ိꩫ︀်တ︀ု ႒ 1:8 - Khamti Shan

⁸ ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈဢ︀ꩫ︀်ႈတ︀ူႈ တ︀ိူင︀်းဢ︀ႃꩬ︀ျမ︀ႆ︀ႛ ꩫ︀ႆ︀ႛၻုက︀်ႉၵ︀မ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းလ︀ူင︀်ꩫ︀မ︀်။ ၻုက︀်ႉၵ︀ဢ︀ꩫ︀်ႈတ︀ူႈၵ︀ၢမ︀်မ︀ႃးꩫ︀ႆ︀ႇ ꩫ︀က︀်ၸ︀ႅဝ်ꩫ︀ႆ︀ႇꩬ︀ီ တ︀ူႈယ︀ႃႇ တ︀ၢင︀်းဢ︀ꩫ︀်ႈဢ︀ꩬ︀ၢက︀်ႉတ︀ီꩫ︀ိပ︀်ꩫ︀ႆ︀ၢႈက︀ေႃႇ မ︀ဝ်ယ︀င︀်းမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 1:8 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 16:6

ၵ︀ဝ်ယ︀ႃႇ တ︀ိူင︀်းၸ︀ျုက︀ိꩫ︀ၵ︀ႃ တ︀ိူင︀်းက︀လ︀ႃတ︀ိမ︀ႆ︀ႛ ၸ︀ႃက︀ႃဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛဢ︀ၵ︀ၢင︀်းဢ︀ꩫ︀်ႈ မ︀ိူင︀်းဢ︀ႃꩬ︀ျမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ဝ်ꩭႂ်ႛꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 19:41

င︀ႆ︀းꩬ︀ီဝႃႈယ︀ဝ်ႇက︀ီး ꩡ︀ဝ်ႛꩡ︀လ︀ေးမ︀ိူင︀်းꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ လ︀ုက︀်ႉဢ︀မ︀ႂ်းမ︀ႆ︀ႛ ꩭႂ်ႛမ︀ိူဝ်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:9

ꩭဝ်းယ︀ႃႇ လ︀ုက︀်ႉမ︀ိူင︀်းပ︀ႃတ︀ိ၊ မ︀ိူင︀်းမ︀ေတ︀ိ၊ မ︀ိူင︀်းဢ︀ေလ︀ံ၊ မ︀ိူင︀်းမ︀ေꩬ︀ူဝ်ပ︀ူဝ်တ︀ေမ︀ိယ︀၊ မ︀ိူင︀်းယ︀ုတ︀၊ မ︀ိူင︀်းက︀ပ︀်ပ︀တ︀ေႃက︀ိ၊ မ︀ိူင︀်းပ︀ုꩫ︀်တ︀ု၊ မ︀ိူင︀်းဢ︀ႃꩬ︀ျ၊

ရ︀ေႃမ︀ 1:13

ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈꩬ︀ူမ︀ႆ︀ႛမ︀ႃးက︀ွတ︀်ꩫ︀ꩬ︀ီ က︀ီလ︀ႆ︀ၢပ︀ၢꩫ︀်ႈꩬ︀ၢင︀်မ︀ႃးၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈက︀ဝ်ႈမ︀ႆ︀ႛꩭေႇဝႆ︀ႇꩫ︀ႆ︀ႇယ︀င︀်းꩬ︀ီ မ︀ႃးမ︀ဝ်ꩫ︀ႆ︀ႛꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ꩫ︀င︀်က︀ူꩫ︀်းတ︀ၢင︀်မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇ က︀ဝ်ႈꩭီတ︀်မ︀ႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇမ︀ႃးꩬ︀ီ ၵ︀ႂ်ႈꩭီတ︀်ꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 15:32

ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀ဝ်ဢ︀ဝ်ႈꩫ︀ိပ︀်ပ︀ွက︀်ႉꩫ︀မ︀်ꩫ︀က︀ီး ဢ︀ꩫ︀်ႈက︀ဝ်ႈဝီင︀်းဢ︀ေၸ︀ႅတ︀်မ︀ႆ︀ႛ တ︀င︀်းလ︀ꩫ︀်ꩬ︀ူဢ︀ꩫ︀်ႈꩭႆ︀ၢႇလ︀ူင︀်ꩫ︀ႆ︀ႇၵ︀ဝ် တ︀ိက︀်တ︀ူဝ်းမ︀ႃးꩫ︀ႆ︀ႇ ဢ︀က︀ိဝ်းက︀ꩬ︀င︀်က︀ေႃႇꩵ︀ႈယ︀င︀်း။ ꩫ︀င︀်ၵ︀ၢမ︀်းဢ︀ꩫ︀်ႈ “မ︀ိူဝ်ႈꩭုက︀်ႉꩭဝ်းတ︀ီတ︀ႆ︀ၢႈꩫ︀ႆ︀ႇꩬ︀ီ ပ︀ႆ︀ႉက︀ိꩫ︀်ႈပ︀ိဝ်က︀ꩫ︀်ႈꩫ︀မ︀်” ꩫ︀ꩫ︀ႆ︀ႇမ︀ႆ︀ႛ တ︀ပ︀ူဝ်းꩡ︀ွမ︀်းက︀ႃꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 16:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝီင︀်းꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈက︀ဝ်ႈမ︀ႆ︀ႛ ꩬ︀ၢꩫ︀်တ︀ၢꩫ︀်း ဢ︀ၢꩫ︀်တ︀ၢꩫ︀်ယ︀င︀်းꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛ တ︀ၢင︀်းꩡ︀ႃႇ ꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ပ︀ုတ︀်က︀ၢင︀်ႛက︀ၢင︀်ႛ ဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 4:8

ꩬ︀ူ ၵ︀ꩫ︀်တ︀ႂ်းက︀ꩬ︀င︀်က︀ေႃႇမ︀ဝ်ꩭၢင︀်ႇꩬ︀ီ တ︀ီမ︀်ႈက︀ုမ︀်က︀ႃက︀ျႃး။ ၵ︀ꩫ︀်တ︀ႂ်းဢ︀က︀ိဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းမ︀ိူင︀်းꩫ︀ႆ︀ႛက︀ႃက︀ျႃး။ တ︀ူႈမ︀ဝ်လ︀ွေႛꩬ︀ီ ၵ︀ꩫ︀်တ︀ႂ်းꩬ︀ူၸ︀ူႛꩡ︀ဝ်ႛꩫ︀ႆ︀ၢႈ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩡ︀ၢမ︀်က︀ႃက︀ျႃး။ တ︀ေႇတ︀ေႇက︀ေႃႇ ꩬ︀ူꩭႂ်ႛꩡ︀ၢမ︀်က︀ႃတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူꩫ︀ႆ︀ႛꩡ︀ၢမ︀်က︀ီး တ︀ူႈက︀ေႃႇတ︀ီꩫ︀ႆ︀ႛꩡ︀ၢမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 1:9

တ︀ူႈယ︀ႃႇ ၵ︀ꩫ︀်တ︀ႂ်းတ︀ီꩫ︀ႆ︀ႛတ︀ႆ︀ၢႈလ︀ေႚလ︀ေႚမ︀ႃးꩫ︀မ︀်။ ꩫ︀ႆ︀ႇၵ︀ဝ်ပ︀ီꩫ︀်ႈမ︀ႃးꩫ︀ႆ︀ႇယ︀ႃႇ ꩭႂ်ႛပ︀ူဝ်းတ︀ူႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၸ︀ူႛတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 6:9

တ︀ူႈမ︀ႆ︀ႛ ပ︀ိူꩫ︀်ႈမ︀ဝ်လ︀ႅင︀်ႇꩫ︀က︀ေႃႇ တ︀ူႈꩡ︀ိုဝ်ႈယ︀ႂ်ဢ︀ူ။ ꩫ︀င︀်ၸ︀ူႛတ︀ႆ︀ၢႈꩫ︀က︀ꩫ︀်ႈ တ︀ူႈမ︀ႆ︀ႛပ︀ိူꩫ︀်ႈမ︀တ︀်ႉꩫ︀က︀ေႃႇ တ︀ူႈဢ︀ꩬ︀ၢက︀်ႉꩫ︀ိပ︀်ဢ︀ူ။ တ︀ၢမ︀်ၵ︀ွꩫ︀်ႇꩬ︀ႆ︀ၢလ︀ီက︀်ꩫ︀ႆ︀ႛၵ︀ၢမ︀်ꩫ︀က︀ေႃႇ တ︀ူႈꩵ︀ႈတ︀ႆ︀ၢႈမ︀ႃး။