က︀ေႃရ︀ိꩫ︀်တ︀ု ႒ 1:7 - Khamti Shan7 ဢ︀ꩫ︀်ႈတ︀ူႈꩫ︀ႆ︀ႛၻုက︀်ႉၵ︀မ︀ႆ︀ႛ ꩬ︀ူၵ︀ၢမ︀်လ︀ွေႛꩫ︀က︀ꩫ︀်ႈ ဢ︀ꩫ︀်ႈတ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ꩬ︀ူတ︀ီꩫ︀ႆ︀ႛꩫ︀မ︀်ꩫ︀ꩫ︀ႆ︀ႇ တ︀ူႈတ︀မ︀်းꩡ︀ႂ်ႈဢ︀ူ။ အခန်းကိုကြည့်ပါ။ |
က︀ေႃရ︀ိꩫ︀်တ︀ု ႒ 1:7
16 ပူးပေါင်းရင်းမြစ်များ
ဢ︀ꩫ︀်ႈꩬ︀ူမ︀ႆ︀ႛ ၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇၵ︀ဝ်ယ︀ႃႇ တ︀ိူက︀်ႉဢ︀ꩫ︀်ႈက︀ူꩫ︀်းတ︀င︀်းမ︀ိူင︀်း ꩭူပ︀်ႉꩭꩫ︀်ꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ တ︀ိူက︀်ႉဢ︀ꩫ︀်ႈꩬ︀ူၵ︀ၢမ︀်မ︀ဝ်ပ︀ီꩫ︀်ႈယ︀ႃႇ ꩬ︀ူမ︀ႆ︀ႛꩵ︀ႈꩭႂ်ႛက︀ဝ်း။ မ︀ိူဝ်ႈꩬ︀ူမ︀ႆ︀ႛၵ︀ုꩫ︀်ꩬ︀ူင︀်က︀ဝ်းꩫ︀ႆ︀ႇ ꩭႂ်ႛပ︀ူဝ်းꩬ︀ူၵ︀ၢမ︀်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ ꩭႅင︀်းထႅမ︀်ꩭႂ်ႛꩬ︀ီ တ︀ၢင︀်းလ︀ွတ︀်ႉဢ︀ွက︀်က︀ေႃႇ တ︀ီꩬ︀ၢင︀်ꩭႂ်ႛꩫ︀မ︀်။
ဢ︀ꩫ︀်ႈက︀ဝ်ႈက︀ပ︀်ႉꩡ︀ႂ်ႈꩫ︀ႆ︀ႇယ︀ႃႇ က︀ဝ်ႈꩬ︀ူမ︀ႆ︀ႛထိုင︀်မ︀ႃးက︀ီး က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ူဝ်ႈမ︀ဝ်ꩥ︀ႃးꩡ︀ႂ်ႈက︀ꩫ︀်ႈလ︀ူင︀်ꩫ︀မ︀်။ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ꩡ︀ႂ်ႈတ︀ိင︀်ႈက︀ုပ︀်၊ က︀ေးလ︀ေးက︀ꩫ︀်ႈ၊ ၵ︀ႃႇက︀ꩫ︀်ႈ၊ မ︀ႃꩫ︀ယ︀ႂ်က︀ꩫ︀်ႈင︀ႆ︀း ဢ︀ꩫ︀်ႈဢ︀ုက︀်တ︀လ︀ုက︀်မ︀ူဝ်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ် က︀ူဝ်ႈꩫ︀ႆ︀ႛꩭꩫ︀်ဢ︀ူ။
ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇက︀ဝ်ႈꩡ︀ူမ︀်းဢ︀ူ။ က︀ဝ်ႈꩡ︀ူမ︀်းꩫ︀ႆ︀ႇယ︀ႃႇ လ︀ၢႆ︀းပ︀ိူဝ်ႈꩬ︀ူမ︀ႆ︀ႛꩡ︀ႂ်ႈဢ︀ဝ်ႈꩬ︀ဝ်ႛꩬ︀ီꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈꩬ︀ူꩡ︀ႂ်ႈꩬ︀ဝ်ႛꩫ︀ႆ︀ႇꩬ︀ီ ꩬ︀ူꩡ︀ႂ်ႈလ︀ႆ︀ၢႈမ︀ႃးꩬ︀ီꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူꩡ︀ႂ်ႈꩬ︀ဝ်ႛင︀ႆ︀း ꩫ︀င︀်ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ူႈꩬ︀ီ ꩬ︀ူꩭလ︀ိုဝ်က︀ေႃႇ ꩵ︀ႈပ︀ီꩫ︀်ႈၸ︀ေးမ︀ႃး။
က︀ဝ်ႈယ︀ႃႇ ပ︀ီႈꩫ︀ွင︀်ႇꩬ︀ူ ယ︀ေႃးꩭၢꩫ︀် ဢ︀ꩫ︀်ႈꩫ︀င︀်ꩬ︀ူꩫ︀က︀ꩫ︀်ႈ ပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုꩫ︀မ︀်။ က︀ဝ်ႈက︀ေႃႇ ꩫ︀င︀်က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ မ︀တ︀်ႉꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်ꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ꩫ︀ႆ︀ႛၵ︀ၢမ︀်င︀ႆ︀း ꩫ︀ႆ︀ႛက︀ꩫ︀်ႛဢ︀ူꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ုတ︀်ပ︀ျႃးꩭႂ်ႛꩫ︀ႆ︀ႇ တ︀ႅဝ်လ︀ေꩫ︀ႆ︀ႇꩬ︀ီ က︀ဝ်ႈမ︀ႆ︀ႛင︀ွꩫ︀်ႈပ︀ၢတ︀်မ︀ုမ︀ႆ︀ႛ ꩬ︀ူင︀်ၵ︀ွတ︀်ဝႆ︀ႇꩫ︀မ︀်။
ကြော်ငြာတွေ