က︀ေႃရ︀ိꩫ︀်တ︀ု ႒ 1:6 - Khamti Shan

⁶ တ︀ူႈꩫ︀ႆ︀ႛၻုက︀်ႉၵ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ထႅမ︀်ꩭႅင︀်းꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇ ꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩭႅင︀်းꩫ︀ႆ︀ႛꩬ︀ီက︀ꩫ︀်ႛပ︀ီꩫ︀်ႈက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:6 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 21:5

ꩫ︀ႆ︀ႇꩫ︀က︀ေႃႇ ꩡ︀ီတ︀်ဝꩫ︀်းထူꩫ︀်ႛက︀ီး တ︀ူႈက︀ၢပ︀်ꩬ︀ီဢ︀ွက︀်တ︀ၢင︀်းဢ︀ူ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀င︀်းမ︀ေးလ︀ုက︀်ႉၵ︀ဝ် တ︀ူႈမ︀ႆ︀ႛဢ︀ဝ်ႈထိုင︀် ꩭိမ︀်းပ︀ၢင︀်လ︀ၢႆ︀က︀ꩫ︀်ႛꩫ︀ွက︀်ႉဝီင︀်း ꩭူမ︀်ႈꩬ︀ူင︀်ꩭႂ်ႛက︀ꩫ︀်ႈဢ︀ူ။ ꩭိမ︀်းꩫ︀မ︀်ႇပ︀ၢင︀်လ︀ၢႆ︀မ︀ႆ︀ႛ တ︀ူႈၵ︀ုပ︀်ႉၵ︀ဝ်ꩬ︀ီ ꩭူမ︀်ႈယ︀ွꩫ︀်းꩬ︀ူးက︀ꩫ︀်ႈဢ︀ူ။

ရ︀ေႃမ︀ 8:28

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩬ︀ီ ဢ︀ꩫ︀်ႈꩫ︀င︀်ဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀က︀ꩫ︀်ႈ ꩭွင︀်ႇလ︀ိူက︀်ႉဢ︀ဝ်ႈꩫ︀ႆ︀ႇၵ︀ဝ် ပ︀ီꩫ︀်ႈꩭိုဝ်မ︀ႃးဢ︀ူက︀ေႃႇ လ︀ုက︀်ႉဢ︀မ︀ႂ်းၵ︀ဝ်မ︀ႆ︀ႛ ꩡ︀ႃႇꩭၢင︀်းၵ︀ဝ် ꩭႂ်ႛပ︀ူဝ်းဢ︀က︀ိဝ်းယ︀င︀်းꩫ︀ႆ︀ႇ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩭီတ︀်ꩭႂ်ႛဢ︀ူꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 1:4

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇယ︀ႃႇ ꩫ︀င︀်ꩭဝ်းၸ︀ူႛꩡ︀ဝ်ႛ ꩫ︀ႆ︀ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩭႂ်ႛပ︀ူဝ်းꩭဝ်းက︀ေႃႇ ပ︀ိူꩫ︀်ႈဢ︀ꩫ︀်ႈꩫ︀ႆ︀ႛယ︀ပ︀်ယ︀ၢက︀်ႉက︀ူႈၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 12:15

ꩭႂ်ႛပ︀ူဝ်းꩬ︀ူမ︀ႆ︀ႛꩫ︀ႆ︀ႛꩡ︀ွႆ︀ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းင︀ႆ︀း တ︀ူဝ်ႈက︀ဝ်ႈၸ︀ူႛꩡ︀ဝ်ႛတ︀မ︀ိူင︀်း ꩬ︀ူမ︀ႆ︀ႛꩭုမ︀်ꩰꩡ︀ူမ︀်းꩰတ︀ီꩭႂ်ႛꩫ︀မ︀်။ က︀ဝ်ႈꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛ တ︀ီမ︀ဝ်ပ︀ူဝ်းꩭၢက︀်ႉတ︀ေႇတ︀ေႇက︀ျႃး။

က︀ေႃရ︀ိꩫ︀်တ︀ု ႒ 5:5

ꩭႂ်ႛပ︀ူဝ်းꩭဝ်းင︀ႆ︀းꩬ︀ီ လ︀ွက︀်ႉလ︀ႆ︀ၢႈမ︀ႃးꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် မ︀ေးꩭႅမ︀်းထုက︀်ꩰဝႆ︀ႇꩫ︀ႆ︀ႇ။ မ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီꩭီတ︀်ꩭႂ်ႛတ︀ေႇတ︀ေႇꩫ︀မ︀်ꩫ︀ꩫ︀ႆ︀ႇက︀ေႃႇꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛပ︀ူင︀်ႈꩭႂ်ႛꩬ︀ီ ဢ︀ႃႛမ︀ၵ︀ၢမ︀်ꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 3:1

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ဝ်ႈပ︀ေႃလ︀ု ဢ︀ꩫ︀်ႈလ︀ႆ︀ၢးပ︀ိူဝ်ႈꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇ ꩡ︀ႃႇꩬ︀ူယ︀ွꩫ︀်းꩬ︀ူးဢ︀ူꩫ︀မ︀်။

ဢ︀ေၸ︀ႅတ︀် 3:13

င︀ႆ︀းꩫ︀ႆ︀ႇꩬ︀ီ က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇမ︀ႆ︀ႛ ꩬ︀ူꩡ︀ႂ်ႈပ︀ီၸ︀ေႛမ︀ႃႉ။

ၸ︀ိလ︀ိပ︀်ပ︀ၢႆ︀ 1:19

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ွꩫ︀်းꩬ︀ူးꩭႂ်ႛꩬ︀ီလ︀ိူင︀်ႈ၊ ၵ︀ွꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ွႆ︀ႈꩭႂ်ႛꩬ︀ီလ︀ိူင︀်ႈ က︀ဝ်ႈလ︀ုက︀်ႉထွင︀်မ︀ႆ︀ႛ တ︀ီꩫ︀ႆ︀ႛလ︀ွတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းꩫ︀ီႈꩫ︀ီႈꩬ︀ီꩫ︀မ︀်။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။