တ︀ိမ︀ေႃတ︀ေ ႑ 6:19 - Khamti Shan

¹⁹ ၵ︀ဝ်ꩭီတ︀်င︀ႆ︀းက︀ီး ꩡ︀ႃႇꩡ︀ူဝ်ႈထႃဝရ︀ ꩡ︀ေးꩡ︀ိမ︀်ဢ︀ꩫ︀်ႈꩡ︀ႅတ︀်ႉ ꩭွမ︀်ဝႆ︀ႇယ︀ဝ်ႇꩰ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀တ︀်ႉꩫ︀ႆ︀ႇက︀ေႃႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ဢ︀ꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩫ︀ႆ︀ႇꩫ︀ႆ︀ႛဢ︀ူ။

တ︀ိမ︀ေႃတ︀ေ ႑ 6:19 ပူးပေါင်းရင်းမြစ်များ

မ︀တ︀်တ︀ႄး 19:21

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းက︀ူႈꩡ︀ွင︀်ႈၵ︀ႂ်ႈတ︀ီမ︀်ႈက︀ုမ︀်တ︀ေႇတ︀ေႇက︀ီး မ︀ိူဝ်းတ︀ႃႉ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀ိုင︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဢ︀ူ။

လ︀ုက︀ႃ 12:33

ၵ︀ူဝ်းလ︀ိင︀်းꩬ︀ူၵ︀ႆ︀ၢꩬ︀ီ ၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ တ︀ႅက︀်ႉဢ︀ꩫ︀်ႈမ︀ဝ်ၸ︀ေႛꩡ︀ၢင︀်ႈꩫ︀ႆ︀ႇၵ︀ဝ် တ︀ိုဝ်းꩬ︀ီ က︀ၢင︀်ႈꩭၢဝ်မ︀ႆ︀ႛ ၵ︀ူဝ်းလ︀ိင︀်းꩭွမ︀်က︀ꩫ︀်ႈတ︀ႃႉ။ ဢ︀မ︀ႂ်းမ︀ႆ︀ႛယ︀ႃႇ ꩵ︀ႈမ︀ူတ︀်ꩡ︀ၢင︀်ႈ။ ၸ︀ူႛလ︀ၢက︀်ႉက︀ေႃႇꩵ︀ႈလ︀ၢက︀်ႉ။ ပ︀ူက︀်က︀ေႃႇꩵ︀ႈက︀ိꩫ︀်ႈ။

လ︀ုက︀ႃ 16:25

ꩫ︀ႆ︀ႇꩫ︀က︀ေႃႇ ဢ︀ႃပ︀ြႃꩭၢမ︀်ယ︀ႃႇ “လ︀ုက︀်ႉက︀ဝ်ႈꩴ︀း မ︀ိူဝ်ႈမ︀ႂ်းဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ မ︀ႂ်းၵ︀ႅမ︀်းꩬ︀ႃတ︀ီမ︀်ႈက︀ုမ︀်မ︀ႃးꩫ︀ႆ︀ႇမ︀ႆ︀ႛင︀ႆ︀း လ︀ႃꩡ︀ရ︀ုꩬ︀ၢင︀်းလ︀ေးမ︀ႃးꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈတ︀ႃႉ။ င︀ႆ︀ႚယ︀ႃႇ မ︀ႆ︀ႛ မ︀ꩫ︀်းၵ︀ႅမ︀်းꩬ︀ႃꩬ︀ီ မ︀ႂ်းꩫ︀ႆ︀ႛၻုက︀်ႉၵ︀လ︀ူင︀်ယ︀ဝ်ႇ။

လ︀ုက︀ႃ 16:9

ꩡ︀ဝ်ႛယ︀ေꩬ︀ု က︀ၢပ︀်ꩬ︀ီဝႃႈꩫ︀ႆ︀ႇယ︀ႃႇ “က︀ဝ်ႈဝႃႈက︀ွတ︀်။ ဢ︀ဝ်ႈꩡ︀ေးꩡ︀ိမ︀်မ︀ိူင︀်းက︀ၢင︀်ႈꩬ︀ူ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩬ︀ီ တ︀ႆ︀းက︀ူဝ်ႇꩫ︀မ︀်ꩰဢ︀ဝ်ႈꩫ︀ႆ︀ႛတ︀ႃႉ။ င︀ႆ︀းက︀ီး မ︀ိူဝ်ႈꩡ︀ေးꩡ︀ိမ︀်ꩬ︀ူမ︀ူတ︀်က︀ႃꩫ︀ႆ︀ႇ ꩬ︀ူမ︀ႆ︀ႛၵ︀ဝ် မ︀ိူင︀်းထႃဝရ︀မ︀ႆ︀ႛ တ︀ီꩭၢပ︀်ႉတ︀ွꩫ︀်ႛက︀ꩫ︀်ႈꩫ︀မ︀်။

လ︀ုက︀ႃ 18:2

မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “ဝီင︀်းဢ︀ꩫ︀်ႈလ︀ိူင︀်ႈမ︀ႆ︀ႛ ꩡ︀ဝ်ႛတ︀ြႃးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ မ︀ဝ်က︀ူဝ်ႈ၊ က︀ူꩫ︀်းမ︀ႆ︀ႛက︀ေႃႇမ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇ က︀ူဝ်ႇလ︀ိူင︀်ႈယ︀င︀်းဢ︀ူ။

လ︀ုက︀ႃ 18:22

ၵ︀ၢမ︀်းꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩫ︀ႆ︀ႛꩥ︀ိꩫ︀်းက︀ီး “မ︀ႂ်းဢ︀ꩫ︀်ႈလ︀ိူင︀်ႈꩭၢင︀်ႇဢ︀ိက︀်ဢ︀ူ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀င︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဝꩫ︀်ႇ။

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 3:17

လ︀ႆ︀ၢးပ︀ိူဝ်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩡ︀ဝ်ႛꩬ︀ေꩬ︀ုၵ︀ရ︀ီတ︀် ၵ︀ိင︀်းꩬ︀ီ ꩭႂ်ႛပ︀ူဝ်းꩬ︀ူ မ︀ဝ်လ︀ူမ︀်ႇက︀ႃꩫ︀ႆ︀ႇ ꩬ︀ူမ︀ႆ︀ႛဢ︀ဝ်ႈမ︀ႅတ︀်ႉတ︀ႃ ꩭႂ်ႛဢ︀ဝ်ႈၵ︀ိူင︀်က︀ိုမ︀်းက︀ႃတ︀ႃႉ။

ၸ︀ိလ︀ိပ︀်ပ︀ၢႆ︀ 3:12

ဢ︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈꩫ︀ႆ︀ႛမ︀ႃးယ︀ဝ်ႇ။ တ︀ီမ︀်ႈက︀ုမ︀်ယ︀ဝ်ႇꩫ︀ꩬ︀ီဝႃႈꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ ꩭႂ်ႛတ︀ီမ︀်ႈက︀ုမ︀်မ︀ႃးက︀ွတ︀်ꩫ︀ꩬ︀ီ လ︀ိူက︀်ႉဝႆ︀ႇꩫ︀ႆ︀ႇꩫ︀က︀ꩫ︀်ႈ က︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း ꩬ︀ေႈꩡ︀ႃႉꩬ︀ီဢ︀ူꩫ︀မ︀်။

ၸ︀ိလ︀ိပ︀်ပ︀ၢႆ︀ 3:14

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩬ︀ူးဢ︀မ︀ႂ်းꩫ︀ႆ︀ႛꩫ︀ႆ︀ႇ က︀ဝ်ႈပ︀ဝ်းမ︀ႆ︀ၢမ︀ႆ︀ႛ ꩬ︀ိုဝ်ႈꩰလ︀ႅꩫ︀်ႈꩬ︀ီဢ︀ူꩫ︀မ︀်။ ꩬ︀ူးဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 6:12

ဢ︀ꩬ︀ၢက︀်ႉထႃဝရ︀ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႆ︀ႛပ︀ꩫ︀်ႛၵ︀ိူင︀်ꩰꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ꩭႂ်ႛပ︀ူဝ်းꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ေႈꩡ︀ႃႉတ︀ႃႉ။ မ︀ိူဝ်ႈမ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈဢ︀ူꩫ︀ꩬ︀ီ ပ︀ၢင︀်ႈꩫ︀ႃႛက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛဝႃႈမ︀ႃးꩫ︀ႆ︀ႇ မ︀ႂ်းမ︀ႆ︀ႛမ︀ꩫ︀်းꩡ︀ဝ်ႛ ဢ︀ꩬ︀ၢက︀်ႉဢ︀မ︀ႂ်း ꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 1:1

လ︀ုက︀်ႉꩭၢက︀်ႉက︀ဝ်ႈ တ︀ိမ︀ေႃတ︀ေꩴ︀း က︀ဝ်ႈပ︀ေႃလ︀ု လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ လ︀ွင︀်ႈဢ︀ꩬ︀ၢက︀်ႉထႃဝရ︀ ဢ︀ꩫ︀်ႈမ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇ၊ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီတ︀ီꩫ︀ႆ︀ႛꩫ︀ႆ︀ႇ ꩭႂ်ႛꩭူဝ်းက︀ွတ︀်ꩫ︀ꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ဝႆ︀ႇယ︀ဝ်ႇ။

တ︀ိမ︀ေႃတ︀ေ ႒ 2:19

ꩫ︀ႆ︀ႇꩫ︀က︀ေႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ၸ︀ႃꩭိꩫ︀်လ︀ူင︀်ꩫ︀က︀ꩫ︀်ႈ မ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛထႃဝရ︀ၸ︀ြႃးယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛတ︀ွင︀်းဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀် ဝႃႈၸ︀ႃႛဢ︀ူ” ꩫ︀ဝꩫ︀်ႇ။

ပ︀ေတ︀ရ︀ု ႑ 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ꩫ︀်ႈၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛက︀ွတ︀်ꩫ︀ꩬ︀ီ က︀ၢင︀်ႈꩭၢဝ်မ︀ႆ︀ႛ ဢ︀မ︀ွေဢ︀ꩫ︀်ႈမ︀ဝ်ꩫ︀ွက︀်မ︀ဝ်ꩫ︀ဝ်ႈꩡ︀ၢင︀်ႈ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ဝ်လ︀ူႇꩡ︀ၢင︀်ႈꩫ︀ႆ︀ႇ ꩭႅမ︀်းဝႆ︀ႇယ︀ဝ်ႇꩰ။ ꩭဝ်းတ︀ႂ်းထႃႛꩬ︀ီဢ︀ူꩫ︀ႆ︀ႇ ဢ︀မ︀ွေဢ︀မ︀ႂ်းꩫ︀မ︀်။