တ︀ႅတ︀်ꩬ︀ႃလ︀ေႃꩫ︀ိက︀် ႑ 5:21 - Khamti Shan

²¹ တ︀ြႃးဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ် က︀ူႈဢ︀ꩫ︀်ႈမ︀ႆ︀ႛ ꩡ︀ႅပ︀်ႉꩫ︀ီႈꩫ︀ီႈ ꩬ︀ီ ဢ︀ꩫ︀်ႈꩫ︀ီႈမ︀ႆ︀ႛꩡ︀ွမ︀်းတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:21 ပူးပေါင်းရင်းမြစ်များ

လ︀ုက︀ႃ 12:57

ဢ︀ꩫ︀်ႈꩬ︀ူထုက︀်ꩭီတ︀်မ︀ႆ︀ႛ ꩭီတ︀်က︀ꩬ︀င︀်ꩫ︀ႆ︀ ꩬ︀ူၸ︀ူႛꩡ︀ဝ်ႛမ︀ဝ်တ︀ႅပ︀်တ︀တ︀်ꩫ︀ႆ︀ႇ။

ယ︀ေႃးꩭၢꩫ︀် 15:4

ꩬ︀ူက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛဢ︀ူတ︀ႃႉ။ က︀ဝ်ႈက︀ေႃႇ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းက︀ွတ︀်။ ၵ︀ႃႈမ︀က︀်ꩡ︀ပ︀ႅတ︀်ႉꩫ︀ႆ︀ႇ တ︀ူꩫ︀်ႛမ︀ႆ︀ႛမ︀ဝ်ꩡ︀ပ︀်က︀ီး ပ︀ိူꩫ︀်ႈꩡ︀ဝ်ႛꩫ︀ႆ︀ၢႈမ︀က︀်ꩵ︀ႈပ︀ီꩫ︀်ႈ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛမ︀ဝ်ဢ︀ူက︀ီး မ︀က︀်ပ︀ီꩫ︀်ႈꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 8:31

ꩡ︀ဝ်ႛယ︀ေꩬ︀ုယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ “ꩬ︀ူၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ီး တ︀ပ︀ေးက︀ဝ်ႈꩡ︀ႅတ︀်ႉဢ︀ူ။

ထဝ်ꩡ︀တ︀်ႉၵ︀ဝ် 11:23

ၿႃꩫ︀ၿယ︀ႃႇ ဝီင︀်းဢ︀မ︀ႂ်းမ︀ႆ︀ႛထိုင︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩬ︀ီ ꩭီတ︀်က︀ျေးꩡ︀ူးꩭႂ်ႛမ︀ႃးꩫ︀ꩫ︀ႆ︀ႇꩭꩫ︀်က︀ီး ꩭုမ︀်ꩡ︀ူမ︀်းꩬ︀ီ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈꩬ︀ီ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:22

ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 17:11

က︀ူꩫ︀်းဝီင︀်းၿေရ︀ိꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈက︀ၢင︀်ႛꩡ︀ႂ်ႈတ︀ီမ︀်ႈꩬ︀ႃဢ︀ူ။ ၵ︀ဝ်ယ︀ႃႇတ︀ြႃးဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်က︀ꩫ︀်ႈဢ︀ူ။ တ︀ြႃးဢ︀ꩫ︀်ႈမ︀ꩫ︀်းꩭူဝ်းꩫ︀ႆ︀ႇ ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇက︀ူႈမ︀ိုဝ်ႇက︀ူႈဝꩫ︀်း က︀ျမ︀်းလ︀ိက︀်ႉမ︀ႆ︀ႛလ︀ႅမ︀်းက︀ꩫ︀်ႈဢ︀ူ။

ရ︀ေႃမ︀ 12:2

ꩬ︀ူယ︀ႃႇ တ︀ၢင︀်းက︀ႅင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭူဝ်ꩡ︀ႂ်ႈꩬ︀ူဢ︀ၢပ︀်ႉꩬ︀ီ ꩭႂ်ႛမ︀ꩫ︀်းꩡ︀ဝ်ႛလ︀ႆ︀ၢႈမ︀ႂ်ꩰတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀ီႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈင︀ႆ︀း ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ် ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ွင︀်းမ︀ႃးဢ︀ူ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀မ︀်။

ရ︀ေႃမ︀ 12:9

မ︀ဝ်က︀ႅမ︀်ႛꩫ︀ႃႛꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉက︀ꩫ︀်ႈတ︀ႃႉ။ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈမ︀ႆ︀ႛꩡ︀င︀်းꩬ︀ီ လ︀ွင︀်ႈဢ︀ꩫ︀်ႈꩫ︀ီႈမ︀ႆ︀ႛ ꩭွႆ︀ႛꩡ︀ႂ်ႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 2:11

ၵ︀ွꩫ︀်ဢ︀ꩫ︀်ႈဢ︀ူꩫ︀ႂ်းၸ︀ူႛꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇလ︀ွင︀်ႈၸ︀ူႛꩡ︀ဝ်ႛꩵ︀ႈတ︀ွင︀်း။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇꩵ︀ႈတ︀ွင︀်း။

က︀လ︀ႃတ︀ိ 6:10

င︀ႆ︀းꩫ︀ႆ︀ႇꩬ︀ီ က︀ႃႈꩫ︀င︀်တ︀ၢင︀်းတ︀ူဝ်ꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩭီတ︀်ꩭႂ်ႛတ︀ႃႉ။

ဢ︀ေၸ︀ႅတ︀် 5:10

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ က︀ꩬ︀င︀်ꩫ︀ꩫ︀ႆ︀ႇ ꩭႂ်ႛပ︀ူဝ်းတ︀ွင︀်းꩫ︀ႆ︀ႇ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 3:16

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩬ︀ီ တ︀ူဝ်ထိုင︀်ဝꩫ︀်းꩫ︀ႆ︀ႇ ꩭဝ်းꩡ︀ွမ︀်းမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ွမ︀်းꩭီတ︀်က︀ႃက︀ꩫ︀်ႈက︀ွတ︀်။

ၸ︀ိလ︀ိပ︀်ပ︀ၢႆ︀ 4:8

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈ၊ ဢ︀ꩫ︀်ႈꩫ︀ီႈမ︀ျတ︀်ႉ၊ ဢ︀ꩫ︀်ႈꩥ︀ႃးလ︀ွင︀်ႈ၊ ꩡ︀ႂ်ႈဢ︀ꩫ︀်ႈၵ︀ၢဝ်၊ တ︀ၢင︀်းက︀ႅင︀်းဢ︀ꩫ︀်ႈꩬ︀ႅꩫ︀်ႛ၊ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭုမ︀်ꩫ︀ႆ︀ႇၵ︀ဝ် ꩡ︀ႂ်ႈဢ︀ꩫ︀်ႈမ︀ျတ︀်ႉလ︀ူင︀်ꩬ︀ီ ၵ︀ိူင︀်ႈꩫ︀ီႈယ︀ူဝ်းယ︀ွင︀်ႛꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈဢ︀ူတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:15

ၸ︀ႂ်မ︀ႆ︀ႛက︀ေႃႇ ပ︀ီတ︀ွပ︀်ꩬ︀ူꩫ︀်ႇက︀ꩫ︀်ႈ။ ꩫ︀ႂ်းꩡ︀ိူဝ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀က︀ေႃႇယ︀ႃ ပ︀ိူꩫ︀်ႈၸ︀ႂ်မ︀ႆ︀ႛꩫ︀က︀ေႃႇယ︀ႃ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭီတ︀်လ︀ွင︀်ႈꩫ︀ီႈဢ︀ၵ︀ႅက︀်ႉဢ︀ၵ︀ျႃက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:22

လ︀ွင︀်ႈဢ︀ꩫ︀်ႈမ︀ဝ်ꩫ︀ီႈတ︀င︀်းမ︀ိူင︀်းမ︀ႆ︀ႛ င︀ိူင︀်ႇတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:15

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈတ︀ူႈꩭူဝ်းꩬ︀ီ၊ တ︀ႅမ︀်ႛꩬ︀ီ ꩬ︀ူမ︀ႆ︀ႛꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈတ︀ႃႉ။

တ︀ိမ︀ေႃတ︀ေ ႒ 1:15

ꩫ︀င︀်မ︀ႂ်းတ︀ွင︀်းꩫ︀က︀ꩫ︀်ႈ ၸ︀ိက︀ေလ︀ုꩫ︀ၵ︀ႃꩭေရ︀မ︀ေႃက︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈ ꩡ︀ေႈဝီင︀်းဢ︀ႃꩬ︀ျꩫ︀ႆ︀ႇၵ︀ဝ်က︀ꩫ︀်ႛꩫ︀မ︀်ယ︀ႃႇ က︀ဝ်ႈမ︀ႆ︀ႛၵ︀ွတ︀်က︀ႃယ︀ဝ်ႇ။

တ︀ိမ︀ေႃတ︀ေ ႒ 3:6

ၵ︀ဝ်က︀မ︀်ႈၸ︀ွင︀်းယ︀ႃႇ ꩭွင︀်ႛꩭိူꩫ︀်ႈပ︀ိူꩫ︀်ႈမ︀ႆ︀ႛလ︀ုပ︀်ႉꩰလ︀ဝ်ꩰꩬ︀ီ ၸ︀ူႛယ︀ိင︀်းဢ︀ꩫ︀်ႈꩥ︀ၢꩫ︀်မ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းꩬ︀ီꩡ︀ေယ︀ၢင︀်ဢ︀ူ။ ၸ︀ူႛယ︀ိင︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈဢ︀ပ︀ႅတ︀်ႉၸ︀ူႛꩡ︀ဝ်ႛꩬ︀ီ ပ︀ၢက︀်ႉယ︀ၢက︀်ႉင︀ႆ︀း က︀ꩫ︀်ႛꩫ︀ႂ်းတ︀ꩫ︀်ꩫ︀ႃက︀ူႈၸ︀ꩫ︀်းမ︀ႆ︀ႛ ꩡ︀ုပ︀်ႉꩰꩡ︀ေႈꩰꩬ︀ီဢ︀ူꩫ︀ႆ︀ႇၵ︀ဝ်ꩫ︀မ︀်။

တ︀ိမ︀ေႃတ︀ေ ႒ 4:14

ဢ︀ႃလ︀ေꩡ︀ꩫ︀်တ︀ြိယ︀ ၸ︀ူႛပ︀ူဝ်ႇတ︀ွင︀်းꩫ︀ႆ︀ႇ က︀ဝ်ႈမ︀ႆ︀ႛꩭႂ်ႛၻုက︀်ႉၵ︀လ︀ူင︀်မ︀ႃးယ︀ဝ်ႇ။ မ︀ꩫ︀်းꩭီတ︀်င︀ႆ︀းမ︀ႃးꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်ꩭႂ်ႛꩫ︀မ︀်။

ꩭေပ︀ရ︀ူး 10:23

ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း ဢ︀ꩫ︀်ႈꩭဝ်းတ︀ႂ်းထႃႛꩬ︀ီ ꩭီတ︀်ꩬ︀ၢက︀်ႉꩬ︀ေဝႆ︀ႇꩫ︀ႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 4:1

က︀ူဝ်ႇꩬ︀ေႛꩭၢက︀်ႉၵ︀ဝ်ꩴ︀း က︀ူꩫ︀်းဢ︀ꩫ︀်ႈ က︀ဝ်ႈမ︀ႆ︀ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈဢ︀ူ ꩫ︀ꩬ︀ီဝႃႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ပ︀ီယ︀ုမ︀်ဝၢင︀်။ ၵ︀ၢမ︀်းဢ︀ꩫ︀်ႈၵ︀ဝ်ဝႃႈမ︀ႆ︀ႛ ꩡ︀ႅပ︀်ႉလ︀ႅမ︀်းဢ︀ွꩫ︀်ႈတ︀ႃႉ။ င︀ႆ︀းက︀ီး ဢ︀ꩫ︀်ႈၵ︀ဝ်ဝႃႈꩫ︀ႆ︀ႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀် ꩡ︀ႂ်ႈမ︀ဝ်ꩡ︀ႂ်ႈꩫ︀ꩫ︀ႆ︀ႇတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛ ထိုင︀်က︀ႃက︀ꩫ︀်ႈယ︀ဝ်ႇ။

ၿျႃၻိက︀်ႉ 2:2

ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃး၊ က︀ꩫ︀်ႛမ︀ႃးယ︀ဝ်ႇ။ မ︀ႂ်းယ︀ႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩵ︀ႈꩭၢပ︀်ႉ။ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ႂ်းꩡ︀ႅပ︀်ႉꩬ︀ီ ၵ︀ဝ်ပ︀ီꩫ︀်ႈက︀ူꩫ︀်းၸ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းဢ︀ူ။

ၿျႃၻိက︀်ႉ 2:25

ꩫ︀င︀်င︀ႆ︀ႚꩬ︀ူ ၵ︀ၢမ︀်းက︀ဝ်ႈထွမ︀်ဢ︀ူꩫ︀က︀ꩫ︀်ႈ တ︀ူဝ်ထိုင︀်က︀ဝ်ႈမ︀ႃးꩫ︀ႆ︀ႇ က︀ၢပ︀်ꩬ︀ီထွမ︀်က︀ႃတ︀ႃႉ။

ၿျႃၻိက︀်ႉ 3:11

က︀ဝ်ႈတ︀ီမ︀ႃးꩡ︀မ︀်ႈယ︀ဝ်ႇ။ ꩫ︀င︀်င︀ႆ︀ႚၵ︀ၢမ︀်းက︀ဝ်ႈထွမ︀်ꩫ︀က︀ꩫ︀်ႈ က︀ၢပ︀်ꩬ︀ီထွမ︀်က︀ႃတ︀ႃႉ။ ပ︀ွင︀်းဢ︀ꩫ︀်ႈမ︀ႂ်းတ︀ီꩫ︀ႆ︀ႛꩬ︀ူးမ︀ႆ︀ႛ ၸ︀ႂ်က︀ေႃႇ ပ︀ီꩭႂ်ႛꩭိမ︀်ဢ︀ဝ်ႈ။

ၿျႃၻိက︀်ႉ 3:3

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ႂ်းမ︀ႆ︀ႛꩬ︀ွꩫ︀်ꩭႂ်ႛမ︀ႃး၊ ဢ︀ꩫ︀်ႈမ︀ႂ်းꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈꩬ︀ီ ထွမ︀်ꩡ︀ွမ︀်းꩫ︀ီႈꩫ︀ီႈတ︀ႃႉ။ ꩬ︀ၢင︀်ဝွေတ︀ႃႉ။ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ မ︀ႂ်းမ︀ဝ်လ︀ုက︀်ႉက︀ီး က︀ဝ်ႈမ︀ႂ်းမ︀ႆ︀ႛ ꩫ︀င︀်ၸ︀ူႛလ︀ၢက︀်ႉꩫ︀က︀ꩫ︀်ႈ တ︀ီမ︀ႃးꩫ︀မ︀် မ︀ိူဝ်ႈက︀ဝ်ႈမ︀ႃးꩫ︀ႆ︀ၢႈက︀ေႃႇ မ︀ႂ်းꩵ︀ႈꩫ︀ႆ︀ႛတ︀ွင︀်း။