တ︀ႅတ︀်ꩬ︀ႃလ︀ေႃꩫ︀ိက︀် ႑ 5:13 - Khamti Shan

¹³ ၵ︀ဝ်ꩭီတ︀်ꩭူဝ်က︀ေꩡ︀ိူဝ်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉꩭွမ︀်ꩬ︀ီ ꩫ︀ၢပ︀်ႉယ︀မ︀်ႈက︀ꩫ︀်ႈတ︀ႃႉ။ ꩬ︀ူၸ︀ူႛꩡ︀ဝ်ႛက︀ေႃႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ူꩫ︀ီႈꩫ︀ီႈ က︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:13 ပူးပေါင်းရင်းမြစ်များ

မ︀တ︀်တ︀ႄး 10:40

က︀ူဝ်ႇဢ︀ꩫ︀်ႈ ꩬ︀ူမ︀ႆ︀ႛꩭၢပ︀်ႉꩫ︀ႆ︀ႇ က︀ဝ်ႈမ︀ႆ︀ႛက︀ေႃႇꩭၢပ︀်ႉယ︀ဝ်ႇ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ꩭၢပ︀်ႉꩫ︀ႆ︀ႇ ꩡ︀ဝ်ႛ ဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭၢပ︀်ႉတ︀ွꩫ︀်ႛယ︀ဝ်ႇ။

မ︀ႃက︀ု 9:50

က︀ိူဝ်ႈယ︀ႃႇ တ︀ိုဝ်းꩫ︀ီႈဢ︀ူ။ ꩫ︀ႆ︀ႇꩫ︀က︀ေႃႇ က︀ိူဝ်ႈဢ︀မ︀ႂ်းꩡ︀ုတ︀်က︀ႃက︀ီး က︀ိူဝ်ႈဢ︀မ︀ႂ်းမ︀ႆ︀ႛ ꩭလ︀ိုဝ်က︀ေႃႇဢ︀ဝ်ႈꩡ︀ိမ︀်းပ︀ွက︀်ႉꩵ︀ႈꩫ︀ႆ︀ႛ။ ꩬ︀ူမ︀ႆ︀ႛ ꩫ︀င︀်က︀ိူဝ်ႈဢ︀ꩫ︀်ႈꩡ︀ိမ︀်းꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈက︀ူဝ်ႇလ︀ိူင︀်ႈꩫ︀ႆ︀ႇ က︀ူဝ်ႇလ︀ိူင︀်ႈꩭီတ︀်ထုက︀်က︀ꩫ︀်ႈꩫ︀ႆ︀ႇ ဢ︀ဝ်ႈယ︀င︀်းꩬ︀ီ ဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ ꩫ︀ဝꩫ︀်ႇ။

ယ︀ေႃးꩭၢꩫ︀် 15:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူꩭၢက︀်ႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 13:11

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်ꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭႂ်ႛပ︀ူဝ်းဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်ထွမ︀်ꩬ︀ီ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈင︀ႆ︀း ꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛမ︀ႅတ︀်ႉတ︀ႃ၊ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃ တ︀င︀်းꩬ︀ူၵ︀ိင︀်းလ︀ွေႛဢ︀ူ။

က︀လ︀ႃတ︀ိ 4:14

က︀ဝ်ႈဢ︀ူမ︀ဝ်ꩫ︀ီႈꩫ︀ႆ︀ႇꩬ︀ီ ꩡ︀ႃႇꩭၢင︀်းꩬ︀ူယ︀ပ︀်ယ︀ၢက︀်ႉၵ︀ႂ်ႈလ︀ႂ်ႈꩫ︀က︀ေႃႇ ꩬ︀ူက︀ဝ်ႈမ︀ႆ︀ႛ မ︀ဝ်င︀ိူင︀်ႇꩬ︀ေႇမ︀ဝ်က︀ႃး မ︀တ︀်ႉꩫ︀င︀်ၵ︀ုꩫ︀်ꩬ︀ၢင︀်ꩬ︀ီတ︀မ︀ိူင︀်း၊ မ︀တ︀်ႉꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛꩬ︀ီတ︀မ︀ိူင︀်း ꩭၢပ︀်ႉမ︀ႃးယ︀ဝ်ႇ။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

က︀လ︀ႃတ︀ိ 6:6

မ︀ူဝ်ꩬ︀ွꩫ︀်ဢ︀ꩫ︀်ႈꩬ︀ူမ︀ႆ︀ႛ ꩬ︀ွꩫ︀်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ူဝ်းလ︀ိင︀်းဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇၵ︀ဝ် ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။

ဢ︀ေၸ︀ႅတ︀် 4:3

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူတ︀င︀်းမ︀ိူင︀်းမ︀ႆ︀ႛ ဢ︀ဝ်ႈလ︀ွမ︀်ႈက︀ꩫ︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းက︀ၢပ︀်ꩬ︀ီလ︀ွမ︀်ႈက︀ꩫ︀်ႈက︀ႃꩫ︀ႆ︀ႇ က︀ႃႈꩫ︀င︀်ပ︀ီꩫ︀်ႈꩫ︀ႆ︀ႛꩫ︀ႆ︀ႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈထုက︀်က︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:14

ၸ︀ူႛၵ︀ၢꩫ︀်ႇꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈက︀ူဝ်ႈꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛတ︀ႃႉ။ ဢ︀ꩫ︀်ႈꩭႅင︀်းꩡ︀ႂ်ႈꩭႅင︀်းၵ︀ွꩫ︀်ဢ︀ေꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈက︀ꩫ︀်ႈတ︀ႃႉ။ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:16

ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ူႈၸ︀ꩫ︀်း ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။ ꩬ︀ူꩡ︀ဝ်ႛက︀ူႈက︀ူဝ်ႇမ︀ႆ︀ႛ ꩡ︀ဝ်ႛꩭဝ်းꩭႂ်ႛၵ︀ိင︀်းလ︀ွေႛက︀ႃတ︀ႃႉ။

တ︀ိမ︀ေႃတ︀ေ ႒ 2:22

င︀ႆ︀းꩫ︀ႆ︀ႇꩬ︀ီ တ︀ၢင︀်းပ︀ိဝ်ဢ︀ꩫ︀်ႈꩬ︀ူ က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ်ပ︀ိဝ်၊ ဢ︀ꩫ︀်ႈꩬ︀ူမ︀ႆ︀ႛက︀ဝ်းꩬ︀ီတ︀ီဢ︀ဝ်ႈၸ︀ေႛက︀ႃꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈတ︀ႃႉ။ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀်ꩭီတ︀်တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ႅတ︀်ႉꩡ︀ႃယ︀င︀်းတ︀ႃႉ။ ပ︀ိူꩫ︀်ႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉꩭွမ︀်တ︀ႃႉ။ တ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူတ︀ႃႉ။ လ︀ွင︀်ႈꩫ︀ႆ︀ႇၵ︀ဝ်တ︀င︀်းက︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႆ︀ၢႛဝႆ︀ႈꩫ︀ႆ︀ႇၵ︀ဝ် ꩭူမ︀်ႈꩭီတ︀်တ︀ႃႉ။

ꩭေပ︀ရ︀ူး 12:14

တ︀င︀်းပ︀ိူꩫ︀်ႈက︀ူႈက︀ူဝ်ႇ ꩬ︀ေႈꩡ︀ႃႉꩬ︀ီ ဢ︀ဝ်ႈထုက︀်က︀ꩫ︀်ႈတ︀ႃႉ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ꩬ︀ေႈꩡ︀ႃႉꩬ︀ီ ဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။ မ︀ဝ်မ︀ူတ︀်ꩡ︀ၢင︀်က︀ီး ၸ︀ႂ်က︀ေႃႇ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛꩭꩫ︀်။

ယ︀ႃက︀ု 3:18

ၸ︀ူႛဢ︀ဝ်ႈꩫ︀ီႈက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ဢ︀ဝ်ႈꩬ︀ိုဝ်ႈဢ︀ဝ်ႈတ︀ူဝ်ꩭႂ်ႛဢ︀ူ။