တ︀ႅတ︀်ꩬ︀ႃလ︀ေႃꩫ︀ိက︀် ႑ 5:11 - Khamti Shan

¹¹ င︀ႆ︀းꩫ︀ႆ︀ႇꩬ︀ီ ꩫ︀င︀်င︀ႆ︀ႚꩬ︀ူ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထႅမ︀်ꩭႅင︀်းက︀ꩫ︀်ႈ ꩡ︀ွႆ︀ႈက︀ꩫ︀်ႈꩬ︀ီဢ︀ူꩫ︀က︀ꩫ︀်ႈ က︀ၢပ︀်ꩬ︀ီꩭီတ︀်က︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:11 ပူးပေါင်းရင်းမြစ်များ

ရ︀ေႃမ︀ 14:19

င︀ႆ︀းꩫ︀ႆ︀ႇꩬ︀ီ ꩭဝ်း ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ထႅမ︀်ꩭႅင︀်းꩭႂ်ႛက︀ꩫ︀်ႈꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဝႃႈꩬ︀ေႈꩡ︀ႃႉꩬ︀ီဢ︀ူꩫ︀မ︀်။

ရ︀ေႃမ︀ 15:14

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူꩫ︀ီႈလ︀ူင︀်ꩫ︀မ︀်။ ꩬ︀ူယ︀ႃႇ လ︀ွင︀်ႈဢ︀ꩫ︀်ႈꩬ︀ူထုက︀်ꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းတ︀ွင︀်းꩬ︀ီ ပ︀ိူꩫ︀်ႈမ︀ႆ︀ႛက︀ေႃႇ ꩬ︀ွꩫ︀်ꩭႂ်ႛပ︀ီꩫ︀်ႈဢ︀ူꩫ︀ꩫ︀ႆ︀ႇ က︀ဝ်ႈတ︀မ︀်းꩡ︀ႂ်ႈဢ︀ူ။

ရ︀ေႃမ︀ 15:2

ꩭဝ်းတ︀င︀်းမ︀ိူင︀်း ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ် က︀ေၵ︀ိူင︀်မ︀ႃးꩫ︀ႆ︀ႇ ဢ︀က︀ိဝ်းၵ︀ဝ်မ︀ႆ︀ႛꩫ︀ူႈꩬ︀ီ ဢ︀လ︀ၢင︀်းၵ︀ဝ်မ︀ႆ︀ႛ ဝႃႈꩡ︀ွမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 10:23

လ︀ွင︀်ႈတ︀င︀်းလ︀ုင︀် ꩭီတ︀်ꩫ︀ႆ︀ႛဢ︀ူꩫ︀ꩬ︀ီ ဝႃႈꩫ︀ႆ︀ႛၵ︀ႂ်ႈလ︀ႂ်ႈꩫ︀က︀ေႃႇ တ︀င︀်းလ︀ုင︀်ꩭီတ︀်ꩫ︀ီႈꩵ︀ႈꩡ︀ႂ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛက︀ူႈꩡ︀ွင︀်ႈဢ︀ၵ︀ၢင︀်းꩭႂ်ႛဢ︀ူꩫ︀ꩬ︀ီ ဝႃႈꩫ︀ႆ︀ႛၵ︀ႂ်ႈလ︀ႂ်ႈꩫ︀က︀ေႃႇ တ︀င︀်းလ︀ုင︀်ယ︀ႃႇ ꩡ︀ႃႇပ︀ိူꩫ︀်ႈဢ︀က︀ိဝ်းယ︀င︀်းꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 14:12

င︀ႆ︀းꩫ︀ႆ︀ႇꩬ︀ီ ꩬ︀င︀်ဝႃႈꩬ︀ူ ꩬ︀ူးဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇၵ︀ဝ် ၵ︀ႂ်ႈꩫ︀ႆ︀ႛတ︀ေႇတ︀ေႇက︀ီး ꩬ︀ူးဢ︀ꩫ︀်ႈꩡ︀ႃႇꩡ︀ိူဝ်းꩡ︀ဝ်ႛ ၵ︀ႅꩫ︀်းဢ︀ဝ်ႈၵ︀ိုꩫ︀်ႛယ︀ႂ်ꩫ︀ႆ︀ႇၵ︀ဝ်ꩬ︀ိုင︀် ယ︀ွꩫ︀်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 14:29

ၸ︀ူႛꩭူဝ်းၵ︀ၢမ︀်းၸ︀ြႃးꩫ︀ႆ︀ႇၵ︀ဝ်က︀ေႃႇ ꩬ︀ွင︀်ꩬ︀ၢမ︀်က︀ူဝ်ႇလ︀ိူင︀်ႈꩭူဝ်းင︀ႆ︀းꩬ︀ီ တ︀ၢင︀်က︀ူဝ်ႇယ︀ႃႇ ၵ︀ၢမ︀်းဢ︀မ︀ႂ်းမ︀ႆ︀ႛ ဝႃႈတ︀ႅပ︀်တ︀တ︀်ꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 14:5

ꩬ︀ူတ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႂ်ႈꩭႂ်ႛတ︀ၢꩫ︀်ႛၵ︀ၢမ︀်းလ︀ၢက︀်လ︀ၢႆ︀းဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ႅꩫ︀်းၵ︀ႂ်ႈꩭႂ်ႛꩭီတ︀်ꩫ︀ႆ︀ႇယ︀ႃႇ ၵ︀ႂ်ႈꩭႂ်ႛꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူဝ်ႇဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ၢႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ိုꩫ︀်ႛယ︀ႂ်ꩫ︀ႆ︀ႛꩫ︀ႆ︀ႇ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းမ︀ႆ︀ႛ ၸ︀ုꩫ︀်ႇꩭႂ်ႛꩫ︀ႆ︀ႇမ︀ဝ်ယ︀င︀်းက︀ီး ဢ︀က︀ိဝ်းꩵ︀ႈယ︀င︀်း။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းမ︀ႆ︀ႛဢ︀က︀ိဝ်းယ︀င︀်းꩬ︀ႃဢ︀ူ။

က︀ေႃရ︀ိꩫ︀်တ︀ု ႒ 12:19

တ︀ူႈၵ︀ႆ︀ႇလ︀ိူင︀်ႈဝႃႈမ︀ႃးꩫ︀ႆ︀ႇ ဢ︀ꩫ︀်ႈပ︀ၢင︀်ႈꩫ︀ႃႛꩬ︀ူမ︀ႆ︀ႛ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ က︀ုမ︀်ႇၵ︀ႅꩫ︀်ꩵ︀ႈꩡ︀ႂ်ႈပ︀ိူင︀်ႈလ︀ူင︀်။ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ꩡ︀ဝ်ႛၵ︀ရ︀ီတ︀်ꩭႂ်ႛဝႃႈꩫ︀က︀ꩫ︀်ႈ ဝႃႈꩫ︀ႆ︀ၢႈꩫ︀မ︀်။ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈတ︀ူႈꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ႃႇဢ︀က︀ိဝ်းꩬ︀ူꩫ︀ႆ︀ၢႈꩫ︀မ︀်။

ဢ︀ေၸ︀ႅတ︀် 4:12

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ဢ︀ꩫ︀်ႈၵ︀ဝ်ထုက︀်ꩫ︀ီႈꩭီတ︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛမ︀ႆ︀ႛ ပ︀ူက︀်ဢ︀ဝ်ႈယ︀ႂ် ပ︀ီꩫ︀်ႈꩫ︀ႆ︀ႇꩫ︀မ︀်။ ꩡ︀ိူဝ်းဢ︀မ︀ႂ်းယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ဢ︀ေၸ︀ႅတ︀် 4:16

ꩭဝ်းက︀ူꩫ︀်းꩡ︀ိူဝ်းတ︀င︀်းမ︀ိူင︀်း ဢ︀ꩫ︀်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ွꩫ︀်ႈꩭူဝ်မ︀ႆ︀ႛ က︀ၢပ︀်က︀ႆ︀ၢက︀ꩫ︀်ႈတ︀ီမ︀်ႈꩰဢ︀ူꩫ︀မ︀်။ င︀ႆ︀းꩬ︀ီ ꩭဝ်းတ︀င︀်းမ︀ိူင︀်း ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထုက︀်ꩭီတ︀်ꩫ︀ႆ︀ႇ ꩭီတ︀်က︀ꩫ︀်ႈက︀ီး ꩭဝ်းၸ︀ူႛပ︀ီꩫ︀်ႈꩬ︀ိက︀်ႉတ︀ူဝ်ႈꩫ︀ႆ︀ႇၵ︀ဝ် ꩬ︀ိက︀်ႉလ︀ိူင︀်ႈꩫ︀ႆ︀ႇꩬ︀ိက︀်ႉလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈမ︀ႃးꩬ︀ီ ꩡ︀ိူဝ်းꩡ︀ဝ်ႛတ︀င︀်းတ︀ူဝ်ႈဢ︀ူꩫ︀ီႈင︀ႆ︀း ယ︀ႂ်က︀ေမ︀ႃးဢ︀ူ။

ဢ︀ေၸ︀ႅတ︀် 4:29

ၵ︀ၢမ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ီပ︀ီꩫ︀်ႈၸ︀ေးꩫ︀ႆ︀ႇၵ︀ဝ် ပ︀ီတ︀ၢꩫ︀်ႛပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈꩡ︀ႃႇပ︀ိူꩫ︀်ႈတ︀ီꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀င︀် ꩭႂ်ႛပ︀ူဝ်းပ︀ိူꩫ︀်ႈꩭႅင︀်းၵ︀ိုꩫ︀်ႛꩫ︀ႆ︀ႇတ︀ၢꩫ︀်ႛတ︀ႃႉ။ င︀ႆ︀းက︀ီး ꩡ︀ႃႇၸ︀ူႛထွမ︀်ꩫ︀ႆ︀ႇၵ︀ဝ် ဢ︀က︀ိဝ်းယ︀င︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:10

ꩬ︀ူၸ︀ူႛꩡ︀ဝ်ႛက︀ေႃႇ ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈဢ︀ူတ︀ိူင︀်းမ︀ႃက︀ေတ︀ေႃꩫ︀ိꩫ︀ႆ︀ႇၵ︀ဝ် တ︀င︀်းမ︀ိူင︀်းမ︀ႆ︀ႛ ꩭၢက︀်ႉꩭွမ︀်တ︀ေႇတ︀ေႇမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း က︀ၢပ︀်ꩬ︀ီဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:18

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈၵ︀ၢမ︀်းꩫ︀ႆ︀ႇၵ︀ဝ် ထႅမ︀်ꩭႅင︀်းက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 1:4

ၵ︀ဝ်ယ︀ႃႇ ပ︀ုင︀်ဢ︀ꩫ︀်ႈပ︀ူလ︀ီင︀်ယ︀ႃႈမ︀ွꩫ︀်ၵ︀ဝ် မ︀ႃႚမ︀ူဝ်မ︀ႃးꩫ︀ႆ︀ႇၵ︀ဝ်၊ ထဝ်ꩡ︀ိူဝ်ႇထဝ်ၸ︀ꩫ︀်း ဢ︀ꩫ︀်ႈꩬ︀ုတ︀်ꩰမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ၵ︀ႅက︀်ႉဢ︀ၵ︀ျႃၵ︀ူꩫ︀်ႇၵ︀ႃꩬ︀ီ ထီင︀်က︀ꩫ︀်ႈထႅင︀်းက︀ꩫ︀်ႈဢ︀ူ။ င︀ႆ︀း ပ︀ီꩭႂ်ႛꩭီတ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈက︀ီးꩬ︀ိုင︀် တ︀ွင︀်းꩫ︀ႆ︀ႛꩫ︀မ︀်။

ꩭေပ︀ရ︀ူး 10:25

က︀ူꩫ︀်းက︀မ︀်ႈၸ︀ွင︀်းယ︀ႃႇ တ︀ၢင︀်းက︀ႅင︀်းဢ︀ꩫ︀်ႈတ︀ုမ︀်ႈက︀ꩫ︀်ႈꩬ︀ီ ꩭူမ︀်ႈဝႆ︀ႈၸ︀ြႃးꩫ︀ႆ︀ႇꩫ︀ႂ်ယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇမ︀ဝ်ꩫ︀ႂ်ꩬ︀ေႇမ︀ဝ်က︀ႃး ꩡ︀ဝ်ႛꩭဝ်းတ︀ီပ︀ွက︀်ႉမ︀ႃးꩡ︀မ︀်ႈꩫ︀ႆ︀ႇꩬ︀ီ ပ︀ႆ︀ႉဢ︀ေႈၵ︀ႅꩫ︀်းတ︀ိက︀်ꩬ︀ူꩫ︀်းꩭႂ်ႛက︀ꩫ︀်ႈꩫ︀မ︀်။

ꩭေပ︀ရ︀ူး 3:13

ꩫ︀ႂ်းꩬ︀ူမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ဢ︀ပ︀ႅတ︀်ႉၸ︀ၢမ︀်းꩬ︀ီ ꩭႂ်ႛပ︀ူဝ်းꩭူဝ်ꩡ︀ႂ်ႈမ︀ဝ်ၵ︀ႅင︀်က︀ႃꩫ︀ႆ︀ႇ “ဝꩫ︀်းမ︀ိူဝ်ႈꩫ︀ႆ︀ႇ” ꩫ︀ꩫ︀ႆ︀ႇ ဝꩫ︀်းဢ︀ꩫ︀်ႈꩭဝ်းဢ︀ꩬ︀ၢက︀်ႉꩫ︀ိပ︀် က︀ူႈဝꩫ︀်းမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ႂ်ꩭႅင︀်းꩭႂ်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႒ 1:12

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူလ︀ွင︀်ႈꩫ︀ႆ︀ႇၵ︀ဝ်တ︀ွင︀်းယ︀ဝ်ႇꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ၵ︀ိူင︀်ꩰက︀ိုမ︀်းꩰပ︀ꩫ︀်ႛꩬ︀ီဢ︀ူꩫ︀က︀ေႃႇ က︀ဝ်ႈယ︀ႃႇꩬ︀ူမ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ် တ︀ီတ︀ိက︀်ꩬ︀ူꩫ︀်းꩭႂ်ႛဢ︀ူꩫ︀မ︀်။

ယ︀ုတ︀ 1:20

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ꩭီတ︀်င︀ဝ်ႛꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈယ︀ႂ်က︀ေꩬ︀ီဢ︀ူက︀ꩫ︀်ႈတ︀ႃႉ။ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ယ︀ွꩫ︀်းꩬ︀ူးက︀ꩫ︀်ႈတ︀ႃႉ။