တ︀ႅတ︀်ꩬ︀ႃလ︀ေႃꩫ︀ိက︀် ႑ 5:10 - Khamti Shan

¹⁰ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ၢမ︀်တ︀ႆ︀ၢႈမ︀ႃးꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇ ꩭဝ်းတ︀ႆ︀ၢႈက︀ႃꩫ︀က︀ေႃႇယ︀ႃ၊ ꩫ︀ိပ︀်ꩬ︀ီဢ︀ူꩫ︀က︀ေႃႇယ︀ႃ၊ ꩭႂ်ႛပ︀ူဝ်းတ︀င︀်းမ︀ꩫ︀်းꩡ︀ဝ်ႛꩫ︀ႆ︀ႛꩭူမ︀်ႈဢ︀ူꩫ︀ႆ︀ႇꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:10 ပူးပေါင်းရင်းမြစ်များ

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:11

က︀ဝ်ႈယ︀ႃႇ ၸ︀ူႛလ︀ီင︀်ႇပ︀ူႇဢ︀ꩫ︀်ႈꩫ︀ီႈꩫ︀မ︀်။ ꩡ︀ႃႇꩭၢင︀်းပ︀ူႇꩫ︀ႆ︀ႇၵ︀ဝ် ဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛတ︀မ︀ိူင︀်းၵ︀ႂ်ႈꩭႂ်ႛဢ︀ူ။

ယ︀ေႃးꩭၢꩫ︀် 10:17

က︀ဝ်ႈယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉꩫ︀ႆ︀ႛပ︀ွက︀်ႉꩫ︀ႆ︀ႇ ၵ︀ွတ︀်ဢ︀ꩬ︀ၢက︀်ႉပ︀ီꩫ︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ပ︀ူဝ်က︀ဝ်ႈꩭၢက︀်ႉဢ︀ူ။

ယ︀ေႃးꩭၢꩫ︀် 15:13

မ︀ႅတ︀်ႉတ︀ႃဢ︀ꩫ︀်ႈၵ︀ႅꩫ︀်းယ︀ႂ်ယ︀ႃႇ ဢ︀ꩫ︀်ႈꩡ︀ႃႇꩭၢင︀်းတ︀ႆ︀းက︀ူဝ်ႇၸ︀ူႛꩡ︀ဝ်ႛ ဢ︀ꩬ︀ၢက︀်ႉၵ︀ွတ︀်ပ︀ီꩫ︀်ႈꩫ︀ႆ︀ႇꩫ︀မ︀်။

ရ︀ေႃမ︀ 8:34

င︀ႆ︀းꩫ︀ႆ︀ႇꩬ︀ီ ၸ︀ႂ်ꩫ︀ႆ︀ၵ︀ဝ်မ︀ႆ︀ႛ ပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႛꩫ︀ႆ︀ႇ။ ၸ︀ႂ်က︀ေႃႇꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ ၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛꩫ︀ိပ︀်ပ︀ွက︀်ႉမ︀ႃးꩬ︀ီ ပ︀ႃႛၵ︀ႃမ︀ိုဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူꩬ︀ီꩫ︀မ︀်။

က︀ေႃရ︀ိꩫ︀်တ︀ု ႑ 15:3

တ︀ြႃးဢ︀ꩫ︀်ႈက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛ ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇ ꩬ︀ူမ︀ႆ︀ႛက︀ဝ်ႈပ︀ူင︀်ႈꩭႂ်ႛမ︀ႃးယ︀ဝ်ႇ။ ဢ︀မ︀ႂ်းယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇဢ︀ပ︀ႅတ︀်ႉꩭဝ်း ၵ︀ၢမ︀်တ︀ႆ︀ၢႈꩭႂ်ႛမ︀ႃးꩫ︀ႆ︀ႇလ︀ိူင︀်ႈ

က︀ေႃရ︀ိꩫ︀်တ︀ု ႒ 5:15

မ︀ꩫ︀်းꩡ︀ဝ်ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း ၵ︀ၢမ︀်တ︀ႆ︀ၢႈꩫ︀ႆ︀ႇယ︀ႃႇ ꩭၢင︀်းꩭဝ်း ꩡ︀ွမ︀်းဢ︀လ︀ၢင︀်းၸ︀ူႛꩡ︀ဝ်ႛꩵ︀ႈꩡ︀ႂ်ႈ။ ꩭၢင︀်းꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛ ꩡ︀ဝ်ႛဢ︀ꩫ︀်ႈ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩬ︀ီ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:13

ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းတ︀ႆ︀ၢႈယ︀ဝ်ႇက︀ီး ꩭိုဝ်လ︀ိုဝ်တ︀ီပ︀ီꩫ︀်ႈက︀ႃꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းꩬ︀ိုဝ်ႈꩰဢ︀ူ။ ꩫ︀င︀်က︀ူꩫ︀်းဢ︀ꩫ︀်ႈတ︀ၢင︀်းတ︀ႂ်းထႃႛမ︀ဝ်ယ︀င︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ိူဝ်ႈက︀ူꩫ︀်းတ︀ႆ︀ၢႈꩫ︀ႆ︀ႇ ꩬ︀ူမ︀ႆ︀ႛၵ︀ၢꩫ︀်ႇꩭႂ်ႛၵ︀ီၵ︀ုမ︀်က︀ꩫ︀်ႈဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:15

ဢ︀ꩫ︀်ႈꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်ꩫ︀ႆ︀ႇယ︀ႃႇ င︀ႆ︀းꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုက︀ျွႃးလ︀ူင︀်းမ︀ႃးꩫ︀ႆ︀ႇ ꩭဝ်းဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ မ︀ꩫ︀်းꩡ︀ဝ်ႛမ︀ႆ︀ႛ တ︀ီထိုင︀်က︀ႃဢ︀ွꩫ︀်ႈꩫ︀ႆ︀ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:17

ယ︀ဝ်ႇက︀ီး ၵ︀ဝ်မ︀ႆ︀ႛတ︀မ︀ိူင︀်း၊ ꩭဝ်းဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ီမ︀ွက︀်ၸ︀ူꩫ︀်ၵ︀ိုꩫ︀်ႛက︀ႃ က︀ꩫ︀်ႛꩫ︀ိူဝ်က︀ၢင︀်ႈၸ︀ႃႇင︀ႆ︀း တ︀င︀်းꩡ︀ဝ်ႛယ︀ေꩬ︀ု ꩫ︀ႆ︀ႛꩭꩫ︀်က︀ꩫ︀်ႈꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩡ︀ဝ်ႛယ︀ေꩬ︀ု တ︀ီꩫ︀ႆ︀ႛꩭူမ︀်ႈဢ︀ူက︀ႃꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:6

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇꩫ︀င︀်ပ︀ိူꩫ︀်ႈꩫ︀ွꩫ︀်းꩫ︀က︀ꩫ︀်ႈ ꩵ︀တ︀ၢပ︀်ႉꩫ︀ွꩫ︀်း။ ꩬ︀တ︀ိယ︀င︀်းꩬ︀ီ ၵ︀ႅတ︀်က︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 2:6

မ︀ꩫ︀်းꩡ︀ဝ်ႛယ︀ႃႇ ၵ︀ွတ︀်ဢ︀ꩬ︀ၢက︀်ႉꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ိူဝ်ႈယ︀ၢမ︀်းထုက︀်ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႒ 2:11

ထုင︀်းၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈလ︀ိူင︀်ႈမ︀ႆ︀ႛ ဝႃႈဝႆ︀ႇꩫ︀ႆ︀ႇယ︀ႃႇ “ꩬ︀င︀်ဝႃႈꩭဝ်း တ︀င︀်းမ︀ꩫ︀်းꩡ︀ဝ်ႛတ︀ႆ︀ၢႈက︀ီး တ︀င︀်းမ︀ꩫ︀်းꩡ︀ဝ်ႛတ︀ီꩫ︀ိပ︀်ꩫ︀မ︀်။ ꩭဝ်း ဢ︀ꩫ︀်ႈယ︀ပ︀်ယ︀ၢက︀်ႉမ︀ႆ︀ႛ က︀ꩫ︀်ႛက︀ႃက︀ီး တ︀င︀်းမ︀ꩫ︀်းꩡ︀ဝ်ႛ တ︀ီꩫ︀ႆ︀ႛဢ︀ုပ︀်ႉပ︀ိုင︀်ꩫ︀မ︀်။ မ︀ꩫ︀်းꩡ︀ဝ်ႛမ︀ႆ︀ႛ ꩭဝ်းꩵ︀ႈတ︀ွင︀်းꩫ︀ꩬ︀ီပ︀ႆ︀ၵ︀ွတ︀်က︀ီး မ︀ꩫ︀်းꩡ︀ဝ်ႛက︀ေႃႇ ꩭဝ်းမ︀ႆ︀ႛတ︀ီပ︀ႆ︀ၵ︀ွတ︀်ပ︀ွက︀်ႉꩫ︀မ︀်။ ꩬ︀င︀်ဝႃႈꩭဝ်းꩬ︀ႅတ︀်ႉꩡ︀ႃမ︀ဝ်ယ︀င︀်းꩫ︀က︀ေႃႇ မ︀ꩫ︀်းꩡ︀ဝ်ႛယ︀ႃႇ ꩬ︀ႅတ︀်ႉꩡ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ႆ︀ႛ ပ︀ႆ︀ၵ︀ွတ︀်မ︀ဝ်ပ︀ီꩫ︀်ႈꩬ︀ီꩫ︀မ︀်။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။