တ︀ႅတ︀်ꩬ︀ႃလ︀ေႃꩫ︀ိက︀် ႑ 3:12 - Khamti Shan

¹² ꩫ︀င︀်တ︀ူႈꩬ︀ူမ︀ႆ︀ႛ ꩭၢက︀်ႉꩭွမ︀်ꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈတ︀မ︀ိူင︀်း ပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛတ︀မ︀ိူင︀်း ꩭႂ်ႛပ︀ူဝ်းꩭၢက︀်ႉꩭွမ︀်ဢ︀ိက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩡ︀ွႆ︀ႈꩭႂ်ႛက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:12 ပူးပေါင်းရင်းမြစ်များ

မ︀တ︀်တ︀ႄး 22:39

ထတ︀်ꩫ︀ႆ︀ႇယ︀ႃႇ “ꩫ︀င︀်ၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀က︀ꩫ︀်ႈ ပ︀ိူꩫ︀်ႈမ︀ႆ︀ႛꩭၢက︀်ႉတ︀ႃႉ” ꩫ︀ꩫ︀ႆ︀ႇꩫ︀မ︀်။

မ︀တ︀်တ︀ႄး 7:12

ꩬ︀ူ ပ︀ိူꩫ︀်ႈမ︀ႆ︀ႛꩭီတ︀်က︀ꩬ︀င︀်ꩫ︀က︀ေႃႇ ဢ︀ꩫ︀်ႈꩫ︀င︀်ꩬ︀ူမ︀ႆ︀ႛ ပ︀ိူꩫ︀်ႈၵ︀ႂ်ႈꩭႂ်ႛꩭီတ︀်ꩫ︀က︀ꩫ︀်ႈꩭီတ︀်ꩭႂ်ႛတ︀ႃႉ။ ꩫ︀ႆ︀ႇယ︀ႃႇ လ︀ီႈဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေꩫ︀ၵ︀ႃ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩬ︀ွꩫ︀်ဝႆ︀ႇꩫ︀ႆ︀ႇꩫ︀မ︀်။

လ︀ုက︀ႃ 17:5

တ︀ပ︀ေးꩡ︀ဝ်ႛၵ︀ဝ်ယ︀ႃႇ “ꩡ︀ဝ်ႛꩴ︀း တ︀ၢင︀်းယ︀ုမ︀်ယ︀မ︀်ႈတ︀ူႈၵ︀ႃႛမ︀ႆ︀ႛ ဢ︀ဝ်ႈယ︀ႂ်ꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

ရ︀ေႃမ︀ 13:8

ဢ︀ꩫ︀်ႈꩬ︀ူထုက︀်ꩭီတ︀်ꩫ︀ႆ︀ႇ တ︀င︀်းမ︀ိူင︀်းꩭီတ︀်ဢ︀ဝ်ႈယ︀ဝ်ႇတ︀ႃႉ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ူဝ်ႈဢ︀ꩬ︀ၢက︀်ႉ ꩭၢက︀်ႉက︀ꩫ︀်ႈက︀ႃတ︀ႃႉ။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛꩭၢက︀်ႉꩫ︀ႆ︀ႇယ︀ႃႇ က︀ျမ︀်းꩬ︀ိꩫ︀်တ︀င︀်းမ︀ိူင︀်းမ︀ႆ︀ႛꩡ︀ွမ︀်းယ︀ဝ်ႇꩰ။

က︀ေႃရ︀ိꩫ︀်တ︀ု ႒ 9:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛꩭီတ︀်ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ꩫ︀်းတ︀မ︀ိူင︀်းဢ︀ꩫ︀်ႈက︀ိꩫ︀်ႈတ︀မ︀ိူင︀်းက︀မ︀်ႇထွက︀်ႉꩭႂ်ႛꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူၸ︀ူႛယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩡ︀ွႆ︀ႈပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛက︀ေႃႇက︀မ︀်ႇထွက︀်ႉꩭႂ်ႛꩬ︀ီ ဢ︀ေႈၵ︀ႅꩫ︀်းဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 1:9

ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးပ︀ွက︀်ႉမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်တ︀င︀်းမ︀ိူင︀်းက︀ၢင︀်းꩬ︀ီ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ က︀ဝ်ႈယ︀ွꩫ︀်းꩬ︀ူးဢ︀ူ။ ꩬ︀ူ ဢ︀ꩫ︀်ႈၵ︀ႅꩫ︀်းလ︀ႅင︀်ႇမ︀ႆ︀ႛ ꩭႂ်ႛပ︀ူဝ်းလ︀ိူက︀်ႉꩡ︀ၢင︀်ႈꩫ︀ႆ︀ႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭႂ်ႛꩭၢက︀်ႉက︀ꩫ︀်ႈက︀ႃတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း ဢ︀လ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ေႈၵ︀ႅꩫ︀်းတ︀ွင︀်းမ︀ႃးꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛꩭꩫ︀်ꩡ︀ုꩫ︀်ႈꩰမ︀ႃးက︀ꩫ︀်ႈက︀တ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:8

ꩬ︀ူမ︀ႆ︀ႛ တ︀ူႈꩭၢက︀်ႉလ︀ူင︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူမ︀ႆ︀ႛ တ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ၢႆ︀ႈꩬ︀ေႇမ︀ဝ်က︀ႃး ဢ︀ꩬ︀ၢက︀်ႉတ︀ူႈတ︀မ︀ိူင︀်းက︀ေႃႇ ꩬ︀ူမ︀ႆ︀ႛၵ︀ႂ်ႈꩭႂ်ႛမ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ွꩫ︀်ꩭႂ်ႛမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ၵ︀ႆ︀ႇမ︀ဝ်က︀ႃး က︀ၢပ︀်ꩬ︀ီꩬ︀ေႈꩡ︀ႃႉက︀ႃတ︀ႃႉꩫ︀ꩬ︀ီ ꩬ︀ူမ︀ႆ︀ႛဢ︀ဝ်ႈဢ︀ၵ︀ၢင︀်းꩡ︀ဝ်ႛယ︀ေꩬ︀ု တ︀ိက︀်ꩬ︀ူꩫ︀်းꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:15

ၸ︀ႂ်မ︀ႆ︀ႛက︀ေႃႇ ပ︀ီတ︀ွပ︀်ꩬ︀ူꩫ︀်ႇက︀ꩫ︀်ႈ။ ꩫ︀ႂ်းꩡ︀ိူဝ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀က︀ေႃႇယ︀ႃ ပ︀ိူꩫ︀်ႈၸ︀ႂ်မ︀ႆ︀ႛꩫ︀က︀ေႃႇယ︀ႃ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭီတ︀်လ︀ွင︀်ႈꩫ︀ီႈဢ︀ၵ︀ႅက︀်ႉဢ︀ၵ︀ျႃက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:3

ပ︀ီႈꩫ︀ွင︀်ႇၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩭႅင︀်းမ︀ႃးင︀ႆ︀း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈမ︀ႃးꩫ︀ႆ︀ႇꩬ︀ီ တ︀ူႈꩡ︀ူမ︀်းꩭုမ︀်လ︀ူင︀်ꩫ︀မ︀်။

ယ︀ႃက︀ု 1:17

ꩬ︀ူးက︀ျေးꩡ︀ူးဢ︀ꩫ︀်ႈꩫ︀ီႈ ဢ︀ꩫ︀်ႈတ︀ီမ︀်ႈက︀ုမ︀်က︀ႃႈꩫ︀င︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇꩫ︀မ︀် ပ︀ူင︀်ႈꩭႂ်ႛမ︀ႃးꩫ︀ႆ︀ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်က︀ၢင︀်ႈဝꩫ︀်း၊ ꩫ︀ိူꩫ︀်ႈ၊ ꩫ︀ၢဝ်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ိူဝ်ႈလ︀ႂ်ႈက︀ေႃႇ ꩵ︀ႈလ︀ွက︀်ႉꩵ︀ႈလ︀ၢႆ︀ႈ။ က︀ꩬ︀င︀်မ︀ႆ︀ႛက︀ေႃႇ ꩭႂ်ႛပ︀ူဝ်းꩫ︀မ︀်ႈꩬ︀ိင︀်ꩫ︀ႆ︀ႇ ꩵ︀ႈꩭူမ︀်ႛꩵ︀ႈလ︀ၢပ︀်ႉ။

ပ︀ေတ︀ရ︀ု ႒ 1:7

က︀ꩫ︀်ႛꩫ︀ိူဝ်ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈ၊ က︀ꩫ︀်ႛꩫ︀ိူဝ်ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈမ︀ႆ︀ႛ ဢ︀ꩫ︀်ႈက︀ူႈက︀ူဝ်ႇမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇၵ︀ဝ် က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉꩬ︀ီထႅမ︀်ဢ︀ိက︀်က︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႒ 3:18

ꩬ︀ူယ︀ႃႇ ꩭႂ်ႛပ︀ူဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ဢ︀ီꩫ︀ူႈꩭၢက︀်ႉꩭွမ︀်မ︀ႆ︀ႛ ဢ︀ေႈၵ︀ႅꩫ︀်းꩭၢပ︀်ႉဢ︀ဝ်ႈꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းထွမ︀်ꩡ︀ွမ︀်းက︀ႃက︀ꩫ︀်ႈတ︀ႃႉ။ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩫ︀ႆ︀ႇက︀ေႃႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ က︀ူꩫ︀်းꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀မ︀်ႈင︀ဝ်းက︀ꩫ︀်ႈက︀ႃတ︀ႃႉ။ ꩬ︀ႃႈထု။