တ︀ႅတ︀်ꩬ︀ႃလ︀ေႃꩫ︀ိက︀် ႑ 2:5 - Khamti Shan

⁵ ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ ၵ︀ၢမ︀်းပ︀လ︀ီႛပ︀လ︀ႅပ︀်ꩫ︀ႆ︀ႇၵ︀ဝ် တ︀ူႈꩵ︀ႈဝႃႈမ︀ႃး။ ၵ︀ွင︀်ၸ︀ႂ်က︀ေႃႇ တ︀ူႈꩵ︀ႈၵ︀ျွင︀်းꩵ︀ႈလ︀ဝ်ဢ︀ဝ်ႈမ︀ႃး။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:5 ပူးပေါင်းရင်းမြစ်များ

မ︀တ︀်တ︀ႄး 22:16

ယ︀ဝ်ႇက︀ီး တ︀ပ︀ေးၵ︀ဝ်က︀မ︀်ႈၸ︀ွင︀်းင︀ႆ︀း က︀ူꩫ︀်းက︀ုမ︀်ႛꩭေရ︀ုတ︀်ၵ︀ဝ်က︀မ︀်ႈၸ︀ွင︀်းမ︀ႆ︀ႛပ︀ွႆ︀ꩡ︀ႂ်ႇဢ︀ူ။ ၵ︀ဝ်က︀ေႃႇꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ၢႆ︀ႈꩫ︀မ︀်ဝႃႈꩫ︀ႆ︀ႇ။ ꩫ︀ႃႛက︀ူꩫ︀်းမ︀ႆ︀ႛမ︀ဝ်ꩫ︀ူႈ၊ မ︀ဝ်က︀ူဝ်ႈမ︀ဝ်ꩬ︀ွင︀်ꩬ︀ီ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ၢႆ︀ႈꩬ︀ိုင︀် ꩬ︀ွꩫ︀်ꩭႂ်ႛဢ︀ူꩫ︀မ︀်ꩫ︀ꩫ︀ႆ︀ႇ တ︀ူႈတ︀ွင︀်းဢ︀ူ။

မ︀တ︀်တ︀ႄး 23:13

“ꩬ︀ြႃတ︀ြႃးၵ︀ဝ်၊ ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ က︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ပ︀ိူꩫ︀်ႈꩬ︀ၢင︀်တ︀ီၵ︀ဝ်ႛမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ တ︀ၢင︀်းပ︀တ︀ူႈꩭၢပ︀်ၵ︀ွတ︀်ဢ︀ူ။ ꩬ︀ူၸ︀ူႛꩡ︀ဝ်ႛက︀ေႃႇမ︀ဝ်ၵ︀ဝ်ႛ၊ ပ︀ိူꩫ︀်ႈဢ︀ꩫ︀်ႈၵ︀ႂ်ႈၵ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူꩵ︀ႈꩭႂ်ႛၵ︀ဝ်ႛ။

ထဝ်ꩡ︀တ︀်ႉၵ︀ဝ် 20:33

ၵ︀ိူင︀်ႈၵ︀ဝ်းၸ︀ႂ်၊ င︀ိူꩫ︀်းၵ︀မ︀်းၸ︀ႂ်က︀ေႃႇ က︀ဝ်ႈꩵ︀ႈၵ︀ႂ်ႈꩫ︀ႆ︀ႛမ︀ႃး။

ရ︀ေႃမ︀ 1:9

က︀ဝ်ႈ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းꩡ︀ႂ်ႈတ︀င︀်းၵ︀ူဝ်းတ︀ႅဝ်ꩬ︀ီ ꩡ︀ႃႇꩬ︀ူက︀ေႃႇ ၵ︀မ︀်ႈꩰလ︀ႂ်ꩰ ယ︀ွꩫ︀်းꩬ︀ူးဢ︀ူꩫ︀မ︀်ꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

ရ︀ေႃမ︀ 16:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇဢ︀ꩫ︀်ႈꩭီတ︀်ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩵ︀ႈꩡ︀ႂ်ႈ။ ꩡ︀ႃႇၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈꩫ︀မ︀်ꩭီတ︀်ꩫ︀ႆ︀ႇ။ ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈဝၢꩫ︀်၊ ဢ︀ꩫ︀်ႈယ︀ူဝ်ႇꩬ︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ဝႃႈꩬ︀ီ က︀ူꩫ︀်းꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းဢ︀ူꩫ︀မ︀်။

ရ︀ေႃမ︀ 9:1

က︀ဝ်ႈပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩫ︀မ︀် က︀ဝ်ႈဝႃႈꩫ︀ႆ︀ႇ။ က︀ဝ်ႈꩵ︀ႈၸ︀ႅတ︀်ႉ။ ၵ︀ၢမ︀်းက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩡ︀ႂ်ႈၵ︀ွꩫ︀်က︀ဝ်ႈမ︀ႆ︀ႛ ဢ︀ဝ်ႈတ︀မ︀်းꩡ︀ႂ်ႈꩭႂ်ႛဢ︀ူ။ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩭၢင︀်းꩡ︀ိူဝ်ႇၸ︀ꩫ︀်းက︀ျူးက︀ဝ်ႈၵ︀ဝ် က︀ဝ်ႈ ၵ︀ီၵ︀ီၵ︀ုမ︀်ꩰꩬ︀ီ မ︀ႆ︀ႛꩡ︀ႂ်ႈဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႒ 12:17

ꩫ︀ႆ︀ႇက︀ီး က︀ဝ်ႈꩭလ︀ိုဝ်ၸ︀ၢမ︀်းမ︀ႃးꩫ︀ႆ︀။ ဢ︀ဝ်ႈက︀ူꩫ︀်းဢ︀ꩫ︀်ႈက︀ဝ်ႈပ︀ွႆ︀ꩡ︀ႂ်ႇမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛၵ︀ႅက︀်ႉလ︀ိူင︀်ႈꩫ︀ႆ︀ၢႈက︀ေႃႇ ꩭွꩫ︀်မ︀ၢပ︀်က︀ိꩫ︀်ႈမ︀ႃးက︀ျႃး။

က︀ေႃရ︀ိꩫ︀်တ︀ု ႒ 2:17

တ︀ူႈယ︀ႃႇ ꩫ︀င︀်ပ︀ိူꩫ︀်ႈက︀ꩫ︀်ႛꩫ︀မ︀်ꩫ︀က︀ꩫ︀်ႈ ၵ︀ႂ်ႈꩫ︀ႆ︀ႛဢ︀က︀ိဝ်းပ︀ၢင︀်ႈꩬ︀ီ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀ꩬ︀ီꩵ︀ႈꩭူဝ်း။ ꩫ︀ႆ︀ႇꩫ︀က︀ေႃႇ တ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ႃꩫ︀ႃꩡ︀ဝ်ႛၵ︀ရ︀ီတ︀် ꩬ︀ိုဝ်ႈꩰတ︀ူဝ်ꩰꩭူဝ်းꩫ︀မ︀်။

က︀ေႃရ︀ိꩫ︀်တ︀ု ႒ 4:2

ဢ︀မ︀ူးဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈ ဢ︀ꩫ︀်ႈပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီꩭီတ︀်ꩫ︀ႆ︀ႇၵ︀ဝ် တ︀ူႈပ︀ႆ︀ၵ︀ွတ︀်မ︀ႃးဢ︀ူ။ ဢ︀ꩫ︀်ႈၸ︀ႅတ︀်ႉၸ︀ၢမ︀်းꩫ︀ႆ︀ႇၵ︀ဝ် တ︀ူႈꩵ︀ႈꩭီတ︀်ယ︀ဝ်ႇ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ူႈလ︀ိက︀်ꩰင︀ွက︀်ꩰꩬ︀ီꩵ︀ႈꩭူဝ်း။ တ︀ူႈယ︀ႃႇ ပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩬ︀ိုဝ်ႈꩰတ︀ူဝ်ꩰꩭူဝ်းꩫ︀ႆ︀ႇꩬ︀ီ တ︀ူႈပ︀ီꩫ︀်ႈက︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်း တ︀ွင︀်းꩬ︀ိုဝ်ႈꩰဢ︀ူ။

က︀ေႃရ︀ိꩫ︀်တ︀ု ႒ 7:2

တ︀ူႈမ︀ႆ︀ႛꩭူဝ်ꩡ︀ႂ်ႈꩬ︀ူပ︀ုတ︀်ꩭႂ်ႛက︀ꩫ︀်ႈမ︀ႃးတ︀ႃႉ။ တ︀ူႈၸ︀ႂ်မ︀ႆ︀ႛက︀ေႃႇ ꩵ︀ႈၸ︀ိတ︀်မ︀ႃး။ ꩵ︀ႈဢ︀ဝ်ႈပ︀ႅက︀်တ︀ၢင︀်းမ︀ႃး။ ၵ︀ွင︀်ၸ︀ႂ်က︀ေႃႇ ꩵ︀ႈမ︀ၢပ︀်က︀ိꩫ︀်ႈမ︀ႃး။

က︀လ︀ႃတ︀ိ 1:20

ၵ︀ၢမ︀်းꩫ︀ႆ︀ႇၵ︀ဝ် ဢ︀ꩫ︀်ႈꩬ︀ိုဝ်ႈꩫ︀ႆ︀ၢႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10

ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃး။ ꩭူဝ်ꩡ︀ႂ်ႈဝႆ︀ႇꩫ︀ီႈꩫ︀ီႈ ꩬ︀ီ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩬ︀ူၸ︀ူႛꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ွင︀်းဢ︀ူ။

တ︀ိမ︀ေႃတ︀ေ ႑ 3:3

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ူႛင︀မ︀်းꩡ︀ိူဝ်းယ︀ႃႇ တ︀ၢင︀်းက︀ႅင︀်းဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈတ︀ုက︀်ႉက︀ꩫ︀်ႈပ︀ူဝ်ႇက︀ꩫ︀်ႈꩫ︀ႆ︀ႇၵ︀ဝ်ꩵ︀ႈဝႃႈꩭီတ︀်။ ဢ︀ꩫ︀်ႈၵ︀ၢမ︀်းꩫ︀မ︀်က︀ꩫ︀်ႈင︀ႆ︀း ꩡ︀ႂ်ႈဢ︀ꩫ︀်ႈလ︀ေႃးၸ︀ႃးင︀ိူꩫ︀်းၵ︀မ︀်းꩫ︀ႆ︀ႇၵ︀ဝ်က︀ေႃႇ ꩵ︀ႈထုက︀်ယ︀င︀်း။

တ︀ိမ︀ေႃတ︀ေ ႑ 3:8

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်က︀ေႃႇ တ︀ၢင︀်ႈက︀ႅင︀်းဝႃႈꩫ︀ီႈ၊ ဝႃႈတ︀ၢꩫ︀်ႛꩬ︀ိုဝ်ႈꩰ၊ မ︀ဝ်ဝႃႈပ︀ီꩫ︀်ႈယ︀ႃလ︀ဝ်ႛ၊ ပ︀ွင︀်ႛင︀ိူꩫ︀်းၵ︀မ︀်းမ︀ႆ︀ႛ ꩡ︀ႂ်ႈမ︀ဝ်ဝႃႈင︀ွက︀်ꩫ︀မ︀်။

တ︀ိတ︀ု 1:7

ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇ ၸ︀ူႛဢ︀ꩫ︀်ႈꩭီတ︀်ꩭူဝ်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ဝႃႈယ︀င︀်းꩫ︀မ︀်။ မ︀ꩫ︀်းယ︀ႃႇ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈꩡ︀ႂ်ႈပ︀ွတ︀်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ꩭႆ︀ၢႇꩭီတ︀်ꩡ︀ႃႇ၊ ဢ︀ꩫ︀်ႈလ︀ေႃးၸ︀ႃးင︀ိူꩫ︀်းꩫ︀ႆ︀ႇၵ︀ဝ် ꩵ︀ႈဝႃႈယ︀င︀်း။

ပ︀ေတ︀ရ︀ု ႑ 5:2

ပ︀ီႈꩫ︀ွင︀်ႇၵ︀ဝ်ꩴး ꩫ︀င︀်ၸ︀ူႛလ︀ီင︀်ႇပ︀ူႇ လ︀ီင︀်ႇၸ︀ုင︀်ပ︀ူႇꩫ︀က︀ꩫ︀်ႈ က︀ူꩫ︀်းꩡ︀ိူဝ်းဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းမ︀ိုင︀်ႇက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩫ︀ႃႛတ︀ီႈ လ︀ႆ︀ၢးပ︀ိူဝ်ႈလ︀ေႃးၸ︀ႃးင︀ိူꩫ︀်းၵ︀မ︀်းမ︀ဝ်ꩡ︀ႂ်ႈꩬ︀ီ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭုမ︀်ꩰꩡ︀ူမ︀်းꩰꩬ︀ီꩭီတ︀်က︀ꩫ︀်ႈမ︀တ︀ႃႉ။

ပ︀ေတ︀ရ︀ု ႒ 2:18

ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈက︀မ︀်ႇလ︀ွင︀်ႛ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်ဝႃႈꩬ︀ီ က︀ူꩫ︀်းဢ︀ꩫ︀်ႈꩬ︀င︀်က︀ူဝ်လ︀ုက︀်ႉတ︀ၢင︀်းၸ︀ိတ︀်မ︀ႆ︀ႛ တ︀ၢဝ်ႈပ︀ွက︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ၢင︀်းပ︀ိဝ်ꩭင︀်ႛပ︀ိဝ်ꩭိုက︀်ꩫ︀ႆ︀ႇၵ︀ဝ် က︀ဝ်းꩬ︀ီဢ︀ဝ်ႈပ︀ႅက︀်တ︀ၢင︀်းက︀ႃꩫ︀က︀ဝ်ဢ︀ူ။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။

ယ︀ုတ︀ 1:11

ꩡ︀ႃႇၵ︀ဝ်ယ︀ႃႇၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ၵ︀ဝ်ယ︀ႃႇ ꩫ︀င︀်က︀ႃဢ︀ိꩫ︀ ၸ︀ိတ︀်မ︀ႃးꩫ︀က︀ꩫ︀်ႈ ၸ︀ိတ︀်၊ ꩫ︀င︀်ၿႃလ︀မ︀် ၵ︀ႂ်ႈꩫ︀ႆ︀ႛင︀ိူꩫ︀်းꩬ︀ီ ၸ︀ိတ︀်ꩫ︀က︀ꩫ︀်ႈၸ︀ိတ︀်ꩡ︀ွမ︀်းင︀ႆ︀း ꩫ︀င︀်က︀ေႃရ︀ꩫ︀က︀ꩫ︀်ႈက︀ေႃႇ ꩬ︀ၢꩫ︀်တ︀ၢꩫ︀်းꩬ︀ီ လ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။