Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




တ︀ႅတ︀်ꩬ︀ႃလ︀ေႃꩫ︀ိက︀် ႑ 2:19 - Khamti Shan

19 မ︀ိူဝ်ႈꩡ︀ဝ်ႛယ︀ေꩬ︀ုပ︀ွက︀်ႉမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူယ︀ႃႇ တ︀ီပ︀ီꩫ︀်ႈဢ︀ꩫ︀်ႈတ︀ူႈ တ︀ႂ်းထႃႛ၊ ဢ︀ꩫ︀်ႈတ︀ူႈမ︀ႆ︀ႛ ဢ︀ဝ်ႈꩡ︀ူမ︀်းꩭုမ︀်၊ ဢ︀ꩫ︀်ႈဢ︀ဝ်ႈပ︀ေႇꩡ︀ူမ︀်းꩭုမ︀်ယ︀ႂ်ꩫ︀မ︀်။

အခန်းကိုကြည့်ပါ။ ကော်ပီ




တ︀ႅတ︀်ꩬ︀ႃလ︀ေႃꩫ︀ိက︀် ႑ 2:19
35 ပူးပေါင်းရင်းမြစ်များ  

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း တ︀င︀်းၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ် ဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီက︀ျွႃးမ︀ႃးꩫ︀မ︀်။ မ︀ိူဝ်ႈဢ︀မ︀ႂ်း ဢ︀ꩫ︀်ႈꩫ︀င︀်က︀ူꩫ︀်းꩫ︀ႆ︀ႇၵ︀ဝ်ꩭီတ︀်မ︀ႃးꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ဢ︀က︀ိဝ်းဢ︀ပ︀ႅတ︀်ႉတ︀ီပ︀ူင︀်ႈꩭႂ်ႛꩫ︀မ︀်။


ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။


ꩡ︀ဝ်ႛယ︀ေꩬ︀ုယ︀ႃႇ “ꩬ︀င︀်ဝႃႈတ︀ူဝ်ထိုင︀်ဝꩫ︀်းဢ︀ꩫ︀်ႈက︀ဝ်ႈက︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛ က︀ဝ်ႈဢ︀ꩬ︀ၢက︀်ႉၵ︀ႂ်ႈꩭႂ်ႛꩫ︀ိပ︀်ꩬ︀ီဢ︀ူꩫ︀က︀ေႃႇ ဢ︀မ︀ူးမ︀ႂ်းꩵ︀ႈꩡ︀ႂ်ႈ။ မ︀ႂ်းယ︀ႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛꩬ︀ိုင︀်ꩡ︀ွမ︀်းမ︀ႃးလ︀ႃး” ꩫ︀ဝꩫ︀်ႇ။


ꩫ︀ႆ︀ႇꩫ︀က︀ေႃႇ ꩡ︀ႃၵ︀ၢပ︀်ႉဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇယ︀ႃႇ ပ︀ီꩫ︀်ႈင︀ႆ︀းꩫ︀မ︀်။ ꩡ︀ဝ်ႛၵ︀ရ︀ီတ︀်ယ︀ႃႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛꩭီတ︀်ꩭူဝ်ꩬ︀ီꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ထတ︀်မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် မ︀ိူဝ်ႈမ︀ꩫ︀်းꩡ︀ဝ်ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩫ︀ိပ︀်ပ︀ွက︀်ႉက︀ꩫ︀်ႈꩫ︀မ︀်။


င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩡ︀ူဝ်ႈက︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ႂ်မ︀ႆ︀ႛက︀ေႃႇ ပ︀ီပ︀ႅတ︀်ႉတ︀ြႃး။ ယ︀ၢမ︀်းထိုင︀်က︀ီး မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ႂ်ႈက︀ူꩫ︀်းꩭဝ်းမ︀ႆ︀ႛ က︀ႅမ︀်က︀တ︀်ႉꩰဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီဢ︀ဝ်ႈဢ︀ွက︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထႅက︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်။


ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈꩭၢက︀်ႉလ︀ူင︀် ဢ︀ွက︀်ꩡ︀ႂ်ႈလ︀ူင︀်ꩫ︀မ︀်။ လ︀ႆ︀ၢးပ︀ိူဝ်ႈꩬ︀ူꩬ︀ီ က︀ဝ်ႈꩡ︀ူမ︀်းလ︀ူင︀် ꩭုမ︀်လ︀ူင︀်ꩫ︀မ︀်။ ꩬ︀ူ ပ︀ီႈꩫ︀ွင︀်ႇꩭၢက︀်ႉက︀ဝ်ႈ ၸ︀ူႛပ︀ီꩫ︀်ႈꩬ︀ူးက︀ဝ်ႈၵ︀ဝ်ꩴ︀း က︀ၢပ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းၵ︀ိူင︀်ꩰက︀ꩫ︀်ႈတ︀ႃႉ။


ꩡ︀ႂ်ႈတ︀ေႇတ︀ေႇဢ︀ူ။ ꩬ︀ူယ︀ႃႇ မ︀ူꩫ︀်ႈၸ︀ုင︀်းတ︀ူႈ၊ လ︀ွင︀်ႈဢ︀ꩫ︀်ႈတ︀ူႈꩡ︀ူမ︀်းꩭုမ︀်တ︀ေႇတ︀ေႇꩫ︀မ︀်။


ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛꩡ︀ဝ်ႛယ︀ေꩬ︀ု ꩭႂ်ႛဢ︀ဝ်ႈၵ︀ိူင︀်က︀ိုမ︀်းꩭႂ်ႛက︀ႃတ︀ႃႉ။ င︀ႆ︀းꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ တ︀င︀်းၵ︀ုꩫ︀်ꩬ︀ၢင︀်မ︀ꩫ︀်းꩡ︀ဝ်ႛၵ︀ဝ် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ ꩬ︀ူꩭႂ်ႛပ︀ီꩫ︀်ႈၸ︀ူႛမ︀ူတ︀်ꩡ︀ၢင︀် ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းက︀ႃတ︀ႃႉ။


ဢ︀ꩫ︀်ႈꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်ꩫ︀ႆ︀ႇယ︀ႃႇ င︀ႆ︀းꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုက︀ျွႃးလ︀ူင︀်းမ︀ႃးꩫ︀ႆ︀ႇ ꩭဝ်းဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ မ︀ꩫ︀်းꩡ︀ဝ်ႛမ︀ႆ︀ႛ တ︀ီထိုင︀်က︀ႃဢ︀ွꩫ︀်ႈꩫ︀ႆ︀ႇ။


ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈꩭႂ်ႛꩫ︀ႆ︀ႇ ꩬ︀ူမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈ ꩭႂ်ႛဢ︀ဝ်ႈမ︀ူတ︀်ꩡ︀ၢင︀်က︀ႃတ︀ႃႉ။ တ︀ူဝ်ထိုင︀်ဝꩫ︀်းဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ တ︀ူဝ်ႈꩬ︀ူ၊ ꩡ︀ႂ်ႈꩬ︀ူ၊ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛမ︀ိုင︀်ႇပ︀ွင︀်ႈက︀ႃတ︀ႃႉ။


ꩬ︀ူမ︀ႆ︀ႛ ပ︀ိူꩫ︀်ႈက︀ေးလ︀ေးꩫ︀ိက︀်ႉꩬ︀ၢက︀်ႉꩭႅင︀်းꩬ︀ီ ꩫ︀ႆ︀ႛယ︀ပ︀်ယ︀ၢက︀်ႉꩬ︀ၢင︀်းလ︀ေးၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈꩫ︀ႆ︀ႇꩬ︀ီ တ︀ူႈၸ︀ူႛꩡ︀ဝ်ႛꩡ︀ူမ︀်းꩭုမ︀်ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ိူဝ်းꩡ︀ဝ်ႛတ︀ၢင︀်ဝီင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭုမ︀်ꩰꩡ︀ူမ︀်းꩰၵ︀ႆ︀ႈပ︀ျႃးလ︀ေဢ︀ူ။


က︀ူꩫ︀်းဢ︀ꩫ︀်ႈꩫ︀င︀်င︀ႆ︀ႚꩭဝ်းꩫ︀က︀ꩫ︀်ႈ ယ︀ပ︀်ယ︀ၢက︀်ႉꩬ︀ၢင︀်းလ︀ေးꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၵ︀ုꩫ︀်ꩬ︀ၢင︀်ဢ︀ꩫ︀်ႈတ︀ꩫ︀်းၵ︀ူဝ်းယ︀ႂ်ꩫ︀ႆ︀ႇၵ︀ဝ် လ︀ွမ︀်ႇလ︀ၢမ︀်က︀ꩫ︀်ႈꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဢ︀ဝ်ႈမ︀ုက︀်ႉၸ︀ႆ︀းလ︀ူင︀်က︀ျွႃးလ︀ူင︀်းမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ူင︀်ႈတ︀ၢမ︀်ꩫ︀မ︀်။


ပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ီက︀ျွႃးပ︀ွက︀်ႉမ︀ႃးꩫ︀ႆ︀ႇꩫ︀ၵ︀ႃ ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩭဝ်းတ︀ုမ︀်ႈက︀ꩫ︀်ႈမ︀ႃးꩬ︀ီ တ︀င︀်းမ︀ꩫ︀်းꩡ︀ဝ်ႛတ︀ီꩭူမ︀်ႈဢ︀ူꩫ︀ႆ︀ႇ ၵ︀ႂ်ႈဝႃႈဢ︀ူ။


ပ︀ီႈꩫ︀ွင︀်ႇၵ︀ဝ်ꩴ︀း က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ိူဝ်ႈꩭဝ်းမ︀ႆ︀ႛပ︀ိူꩫ︀်ႈပ︀ေႇက︀ိꩫ︀်ႈꩫ︀ႆ︀ႇ က︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်က︀ျွႃးမ︀ႃးယ︀ႃႇ ꩡ︀ႂ်ႈꩭီးꩡ︀ႂ်ႈယ︀ၢဝ်းꩬ︀ီ တ︀ႂ်းထႃႛက︀ꩫ︀်ႈတ︀ႃႉ။ ၸ︀ူႛꩭီတ︀်ꩭႆ︀ႈꩭီတ︀်ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းတ︀ႃႉ။ ၵ︀ဝ်ယ︀ႃႇ ၵ︀ဝ်ႛꩫ︀မ︀်ႇၵ︀ဝ်ႛꩬ︀ၢꩫ︀် ဢ︀ꩫ︀်ႈၵ︀ꩫ︀်ယ︀ႂ်ꩫ︀ႆ︀ႇၵ︀ဝ် က︀ႃႈမ︀ဝ်ဢ︀ွက︀်မ︀ႃးယ︀ႃႇ ၸ︀ူꩫ︀်ꩭူဝ်၊ ၸ︀ူꩫ︀်ꩭၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈꩭီးꩡ︀ႂ်ႈယ︀ၢဝ်းꩬ︀ီ တ︀ႂ်းထႃႛက︀ꩫ︀်ႈဢ︀ူ။


က︀ဝ်ႈပ︀ိူဝ်ႈꩫ︀ႆ︀ႇꩬ︀ီ ꩭဝ်းက︀ေႃႇ ဝႃႈꩡ︀ႂ်ႈꩭီးꩡ︀ႂ်ႈယ︀ၢဝ်းက︀ꩫ︀်ႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀ႃးꩡ︀မ︀်ႈယ︀ဝ်ႇ။ ꩡ︀ႂ်ႈဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ꩬ︀ီ တ︀ႂ်းထႃႛက︀ꩫ︀်ႈတ︀ႃႉ။


င︀ႆ︀းက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၸ︀ူႛလ︀ီင︀်ႇပ︀ူႇလ︀ူင︀် က︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛ ပ︀ွင︀်းမ︀ူꩫ︀်ႈၸ︀ုင︀်းဢ︀ꩫ︀်ႈမ︀ဝ်ꩭိဝ်ꩭႆ︀ၢꩡ︀ၢင︀်ႈꩫ︀ႆ︀ႇတ︀ီꩭႂ်ႛꩫ︀မ︀်။


တ︀ူႈယ︀ႃႇ ꩬ︀ူမ︀ႆ︀ႛ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈတ︀ꩫ︀်းၵ︀ူဝ်းလ︀ူင︀် တ︀ီက︀ျွႃးမ︀ႃးꩫ︀ႆ︀ႇ မ︀ၢက︀်မ︀ူဝ်ꩬ︀ီၵ︀ႆ︀ႈမ︀ႃးꩵ︀ႈꩡ︀ႂ်ႈ။ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈယ︀ႂ်မ︀ႅတ︀်ႉꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛ ꩭꩫ︀်တ︀ေႇတ︀ေႇမ︀ႃးꩬ︀ီၵ︀ႆ︀ႈꩫ︀မ︀်။


ၵ︀ဝ်ယ︀ႃႇ “ꩡ︀ဝ်ႛယ︀ေꩬ︀ုတ︀ီမ︀ႃးပ︀ွက︀်ႉꩫ︀ꩫ︀ႆ︀ႇ ဢ︀မ︀ႆ︀ႚꩫ︀ႆ︀။ င︀ႆ︀ႚက︀ေႃႇမ︀ဝ်မ︀ႃးဢ︀ေႃ။ ပ︀ူလ︀ီꩫ︀်ယ︀ႃႈမ︀ွꩫ︀်ꩭဝ်းၵ︀ဝ်တ︀မ︀ိူင︀်းပ︀ူဝ်းတ︀ႆ︀ၢႈမ︀ူတ︀်က︀ေႃႇ၊ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေမ︀ႃးပ︀ုꩫ︀်ႛ က︀ꩬ︀င︀်က︀ေႃႇမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈဢ︀ေႃ၊ တ︀င︀်းမ︀ိူင︀်းလ︀ႃပ︀ီꩫ︀်ႈင︀ႆ︀းက︀ꩫ︀်ႈဢ︀ူဢ︀ေႃ” ꩫ︀ꩬ︀ီတ︀ီꩭီတ︀်ၸ︀ိူက︀်ႉက︀ꩫ︀်ႈꩫ︀မ︀်။


လ︀ုက︀်ႉꩭၢက︀်ႉၵ︀ဝ်ꩴ︀း မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ꩭႂ်ႛပ︀ူဝ်းဢ︀ꩫ︀်ႈဝႃႈက︀ူဝ်ႈꩰဢ︀ႆ︀ၢႈꩰမ︀ဝ်ယ︀င︀်းꩫ︀ႆ︀ႇ က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛဢ︀ူက︀ꩫ︀်ႈတ︀ႃႉ။


ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးꩬ︀ူလ︀ိဝ်ႈ၊ ꩡ︀ဝ်ႛၵ︀ေꩬ︀ေꩭဝ်း၊ ဢ︀ꩫ︀်ႈꩬ︀ူမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ူမ︀်ႇꩫ︀ႂ်းဢ︀ပ︀ႅတ︀်ႉꩫ︀ႆ︀ႇ က︀ုမ︀်ႇၵ︀ႅꩫ︀်ꩭႂ်ႛပ︀ီꩫ︀်ႈ၊ ဢ︀ꩫ︀်ႈꩭႂ်ႛပ︀ူဝ်းꩬ︀ူပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းꩭိူဝ်ႈꩭိုင︀်းမ︀ႆ︀ႛက︀ေႃႇ ဢ︀ꩫ︀်ႈဝႃႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ꩡ︀ူမ︀်းꩰꩭုမ︀်ꩰဢ︀ဝ်ႈထိုင︀်ꩭႂ်ႛပ︀ီꩫ︀်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်း၊ ဢ︀ႃꩫ︀ုပ︀ေႃ၊ တ︀ꩫ︀်းၵ︀ူဝ်းင︀ႆ︀း ဢ︀ႃꩫ︀ႃꩫ︀ႆ︀ႇၵ︀ဝ် လ︀ုက︀်ႉင︀ႆ︀ႚက︀ူဝ်ꩬ︀ီ ထႃဝရ︀ꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ ꩬ︀ႃႈထု။


လ︀ႅမ︀်းတ︀ႃႉ။ မ︀ꩫ︀်းꩡ︀ဝ်ႛဢ︀ဝ်ႈမ︀ွက︀်ၸ︀ူꩫ︀် တ︀ီက︀ျွႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းက︀ူႈက︀ူဝ်ႇ ꩡ︀ိူမ︀်ႈက︀ႃႈက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅင︀်းတ︀ႆ︀ၢႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းတ︀င︀်းက︀မ︀်ၸ︀ႃ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ တ︀ီꩫ︀ႆ︀ႛꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩫ︀မ︀်။ တ︀ီပ︀ီꩫ︀်ႈင︀ႆ︀း တ︀ေႇတ︀ေႇꩫ︀မ︀်။ ꩭႂ်ႛပ︀ီꩫ︀်ႈက︀တ︀ႃႉ။


ꩡ︀ဝ်ႛယ︀ေꩬ︀ုဝႃႈꩫ︀ႆ︀ႇ “ထွမ︀်တ︀ႃႉ။ က︀ဝ်ႈꩡ︀ိဝ်းꩰတ︀ီမ︀ႃးꩫ︀မ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းꩭီတ︀်မ︀ႃးꩫ︀ႆ︀ႇ က︀ဝ်ႈဢ︀က︀ိဝ်းဢ︀ပ︀ႅတ︀်ႉ တ︀ီပ︀ူင︀်ႈꩭႂ်ႛပ︀ွက︀်ႉꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ