တ︀ႅတ︀်ꩬ︀ႃလ︀ေႃꩫ︀ိက︀် ႑ 2:16 - Khamti Shan16 တ︀ူႈမ︀ႆ︀ႛတ︀မ︀ိူင︀်းက︀ေႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေက︀ူꩫ︀်းꩭဝ်း ꩭႂ်ႛပ︀ူဝ်းက︀ႃꩭူဝ်းမ︀ဝ်ꩫ︀ႆ︀ႛꩫ︀ႆ︀ႇꩭၢမ︀်ႛမ︀ႃးဢ︀ူ။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛမ︀ဝ်ꩫ︀ႆ︀ႛꩬ︀ီပ︀ူင︀်ႈတ︀ၢမ︀်ꩫ︀ႆ︀ႇꩫ︀မ︀်။ င︀ႆ︀းꩬ︀ီမ︀ဝ်ꩭိုင︀်က︀ꩬ︀င︀်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ယ︀ဝ်ႇ။ အခန်းကိုကြည့်ပါ။ |
တ︀ႅတ︀်ꩬ︀ႃလ︀ေႃꩫ︀ိက︀် ႑ 2:16
52 ပူးပေါင်းရင်းမြစ်များ
မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။
ꩫ︀ႆ︀ႇꩫ︀က︀ေႃႇ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ႂ်ႈတ︀ꩫ︀်ႈꩬ︀ီ ဢ︀ꩫ︀်ႈၵ︀ႂ်ႈꩭူႇၵ︀ႂ်ႈတ︀ွင︀်းꩵ︀ႈယ︀င︀်း။ ၵ︀ဝ်ယ︀ႃႇ က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛ လ︀ွင︀်ႈꩡ︀ဝ်ႛယ︀ေꩬ︀ု တ︀ၢꩫ︀်ႛꩬ︀ယ︀ုက︀်ႉက︀ꩫ︀်ႈဢ︀ူ။ င︀ႆ︀းꩬ︀ီပ︀ေႃလ︀ုယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀မ︀ႂ်းမ︀ႆ︀ႛꩭွင︀်ႇက︀ႃꩬ︀ီ ꩭွင︀်ႛꩬ︀ွꩫ︀်လ︀ိက︀်ႉတ︀ုရ︀ꩫ︀်ꩫ︀ုမ︀ႆ︀ႛ က︀ူႈမ︀ိုဝ်ႇက︀ူႈဝꩫ︀်း ꩭီတ︀်ပ︀ၢင︀်ႈက︀ုမ︀်ႈတ︀ြႃးဢ︀ူ။
မ︀ႂ်းယ︀ႃႇ က︀ျူး ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩭႂ်ႛပ︀ူဝ်း လ︀ၵ︀ႃၵ︀ဝ်မ︀ႆ︀ႛ မ︀ၢင︀်က︀လ︀ႃတ︀ႅပ︀်ပ︀ၢႆ︀ႈꩫ︀င︀်မ︀ဝ်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းထုင︀်းၸ︀ိင︀်ႛက︀ျူးꩫ︀ႆ︀ႇၵ︀ဝ်မ︀ႆ︀ႛမ︀ဝ်ꩡ︀ွမ︀်းꩫ︀ႆ︀ႇလ︀ိူင︀်ႈ ꩬ︀ွꩫ︀်ꩭႂ်ႛꩬ︀ီ က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛꩭႂ်ႛၵ︀ွတ︀်က︀ꩫ︀်ႈဢ︀ူꩫ︀ꩫ︀ႆ︀ႇ ၵ︀ဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈဢ︀ူ။
ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ ပ︀ေႃလ︀ုမ︀ႆ︀ႛ ဢ︀ပ︀ႅတ︀်ႉတ︀ၢင︀်ဢ︀ဝ်ႈꩫ︀က︀်ꩰꩬ︀ီ ꩭႂ်ႛပ︀ူဝ်း မ︀ꩫ︀်းမ︀ႆ︀ႛꩭွင︀်ႇမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇ ꩡ︀ဝ်ႛက︀ႅမ︀်ႈဝွင︀်ႇမ︀ႆ︀ႛ ꩬ︀ွက︀်ႉတ︀ၢင︀်က︀ꩫ︀်ႈဢ︀ူ။ ၵ︀ဝ်ယ︀ႃႇ ပ︀ေႃလ︀ုမ︀ႆ︀ႛ ၵ︀ူꩫ︀်တ︀ၢင︀်းမ︀ႆ︀ႛ င︀ွမ︀်ဢ︀ဝ်ႈတ︀ၢႆ︀ႈက︀ွတ︀်ꩫ︀ꩬ︀ီ က︀ႅမ︀်က︀ꩫ︀်ႈဝႆ︀ႇယ︀ဝ်ႇꩰ။
ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈ ꩫ︀င︀်ပ︀ိူꩫ︀်ႈပ︀ိꩫ︀်ႇꩫ︀က︀ꩫ︀်ႈ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဝႃႈꩭၢပ︀်ႉဢ︀ူꩫ︀ꩬ︀ီ က︀ဝ်ႈꩭူဝ်း တ︀ေႇတ︀ေႇက︀ီး က︀ဝ်ႈမ︀ႆ︀ႛၵ︀ဝ် ဢ︀ꩫ︀်ႈဝႃႈꩫ︀ိက︀်ႉꩬ︀ၢက︀်ႉꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀မ︀ႂ်းꩭူဝ်းမ︀ႃးတ︀ေႇတ︀ေႇက︀ီး က︀ဝ်ႈလ︀ွင︀်ႈဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈꩫ︀ႆ︀ႇ ꩭူဝ်းꩫ︀က︀ေႃႇ က︀ဝ်ႈမ︀ႆ︀ႛ ၵ︀ဝ်ꩵ︀ႈꩫ︀ိက︀်ႉꩬ︀ၢက︀်ႉယ︀ဝ်ႇ။
က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ
ꩡ︀ဝ်ႛယ︀ေꩬ︀ုၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ီက︀ျွႃးမ︀ႃးꩫ︀ႆ︀ႇမ︀ႆ︀ႛ ꩭိုဝ်လ︀ိုဝ်တ︀ႂ်းထႃႛꩬ︀ီဢ︀ူꩫ︀ꩫ︀ႆ︀ႇၵ︀ဝ် တ︀ူႈမ︀ႆ︀ႛၵ︀ႆ︀ႈꩭႂ်ႛက︀ꩫ︀်ႈဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃး၊ ꩡ︀ဝ်ႛဢ︀ꩫ︀်ႈဝꩫ︀်းပ︀ႅတ︀်ႉတ︀ြႃးမ︀ႆ︀ႛ ꩭဝ်းမ︀ႆ︀ႛ လ︀ုက︀်ႉတ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀ႆ︀ႇꩫ︀မ︀်။
ကြော်ငြာတွေ