တ︀ႅတ︀်ꩬ︀ႃလ︀ေႃꩫ︀ိက︀် ႑ 2:14 - Khamti Shan

¹⁴ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈꩬ︀ူꩭူပ︀်ႉꩭꩫ︀်ꩫ︀ႆ︀ႇ ꩫ︀င︀်ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈ တ︀ိူင︀်းယ︀ုတ︀ၵ︀ဝ် ꩭူပ︀်ႉꩭꩫ︀်ꩫ︀က︀ꩫ︀်ႈꩫ︀မ︀်။ ꩫ︀င︀်ꩬ︀ူမ︀ႆ︀ႛ ၸ︀ꩫ︀်းၸ︀ူႛꩡ︀ဝ်ႛꩫ︀ႆ︀ႇၵ︀ဝ်က︀ေးလ︀ေးꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇ က︀ျူးꩫ︀ႆ︀ႇၵ︀ဝ် က︀ေးလ︀ေးꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:14 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 11:19

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈꩬ︀တ︀ေၸ︀ꩫ︀်မ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇ ၵ︀ဝ်မ︀ႆ︀ႛက︀ေႃႇ ꩫ︀ိက︀်ႉꩬ︀ၢက︀်ႉလ︀ွေႛꩬ︀ီ က︀ူႈတ︀ီႈမ︀ႆ︀ႛၸ︀ူင︀်ႇက︀ႃမ︀ူတ︀်ဢ︀ူ။ က︀မ︀်ႈၸ︀ွင︀်းယ︀ႃႇ မ︀ိူင︀်းၸ︀ူဝ်ꩫ︀ီꩬ︀ီယ︀ႃး၊ င︀ွꩫ︀်ႈက︀ုပ︀ရ︀ုင︀ႆ︀း ဝီင︀်းဢ︀ꩫ︀်တ︀ိဢ︀ုက︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထိုင︀်က︀ႃဢ︀ူ။ ၵ︀ဝ်ယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 13:50

ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ ၸ︀ူႛယ︀ိင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူး ဢ︀ꩫ︀်ႈꩫ︀ႃႛယ︀ႂ်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩫ︀ႃႛဝီင︀်းꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ီ ပ︀ေႃလ︀ုꩫ︀ၵ︀ႃၿႃꩫ︀ၿမ︀ႆ︀ႛ ꩭႂ်ႛꩫ︀ိက︀်ႉꩬ︀ၢက︀်ႉဢ︀ူ။ ၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛ လ︀ုက︀်ႉꩫ︀ႅꩫ︀်ႈၵ︀ဝ်မ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ဢ︀ူ။

ထဝ်ꩡ︀တ︀်ႉၵ︀ဝ် 14:19

မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။

ထဝ်ꩡ︀တ︀်ႉၵ︀ဝ် 14:2

ꩫ︀ႆ︀ႇꩫ︀က︀ေႃႇ က︀ျူးဢ︀ꩫ︀်ႈမ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ူꩫ︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩬ︀ၢꩫ︀်တ︀ၢꩫ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 14:4

က︀ူꩫ︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းဢ︀မ︀ႂ်းꩫ︀ႆ︀ႇၵ︀ဝ် ပ︀ီꩫ︀်ႈꩬ︀ွင︀်က︀ုမ︀်ႛက︀ႃꩬ︀ီ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛတ︀မ︀ၢꩫ︀်ꩡ︀ဝ်ႛၵ︀ဝ်င︀ႆ︀း၊ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛက︀ျူးꩫ︀ႆ︀ႇၵ︀ဝ်ဢ︀ူ။

ထဝ်ꩡ︀တ︀်ႉၵ︀ဝ် 14:5

ဢ︀ꩫ︀်ႈက︀ျူးမ︀ဝ်ꩡ︀ႂ်ႈက︀မ︀်ႈၸ︀ွင︀်းင︀ႆ︀း က︀ျူးꩫ︀ႆ︀ႇၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛꩫ︀ိက︀်ႉꩬ︀ၢက︀်ႉင︀ႆ︀း ဢ︀ဝ်ႈꩭိꩫ︀်ꩬ︀ိင︀်းက︀ွတ︀်ꩫ︀ꩬ︀ီ တ︀င︀်းꩭူဝ်က︀ေၵ︀ဝ် ꩭူမ︀်ႈꩬ︀ၢင︀်ꩬ︀ေႈꩡ︀ႃႉက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 17:13

ဝီင︀်းၿေရ︀ိမ︀ႆ︀ႛ ပ︀ေႃလ︀ုꩭူဝ်းလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇမ︀ႆ︀ႛ က︀ူꩫ︀်းဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ် ꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇဝီင︀်းၿေရ︀ိမ︀ႆ︀ႛက︀ေႃႇမ︀ႃးꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ွတ︀်ၵ︀ၢမ︀်းဢ︀ဝ်ႈဢ︀ုက︀်ꩰဢ︀ဝ်ꩰက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 8:1

လ︀ွင︀်ႈဢ︀ဝ်ႈတ︀ႆ︀ၢႈက︀ူꩫ︀်းဢ︀မ︀ႂ်းမ︀ႆ︀ႛ ꩬ︀ေႃလ︀ု က︀ေႃႇၸ︀ွမ︀်ႇလ︀ွေႛဢ︀ူ။ လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈꩫ︀ီင︀်ၵ︀ႅပ︀်ႉꩰဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ိူင︀်းယ︀ုတ︀၊ တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ်မ︀ႆ︀ႛၸ︀ူင︀်ႇပ︀ႆ︀ၢႈက︀ႃမ︀ူတ︀်ꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်ꩫ︀ႆ︀ၢႈꩬ︀ိုင︀်က︀ိူတ︀်ဢ︀ူ။

ထဝ်ꩡ︀တ︀်ႉၵ︀ဝ် 8:3

ꩫ︀ႆ︀ႇꩫ︀က︀ေႃႇ ꩬ︀ေႃလ︀ုယ︀ႃႇ ꩡ︀ိူဝ်းꩡ︀ဝ်ႛꩭႂ်ႛပ︀ူဝ်းၸ︀ေႛꩫ︀ႆ︀ႇ ꩬ︀ေႈꩡ︀ႃႉꩬ︀ီဢ︀ူဢ︀ူ။ မ︀ꩫ︀်းယ︀ႃႇ ꩭိူꩫ︀်းလ︀ိူင︀်ႈယ︀ဝ်ႇꩭိူꩫ︀်းလ︀ိူင︀်ႈၵ︀ဝ်ႛင︀ႆ︀း ၸ︀ူႛယ︀ုမ︀်ယ︀မ︀်ႈၸ︀ူႛꩡ︀ႆ︀ၢးၸ︀ူႛယ︀ိင︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ႅဝ်ႛꩬ︀ီꩡ︀ꩫ︀်ႈက︀ႃꩬ︀ႂ်ထွင︀်ဢ︀ူ။

ထဝ်ꩡ︀တ︀်ႉၵ︀ဝ် 9:1

ဝူင︀်ႈꩫ︀ႆ︀ႇမ︀ႆ︀ႛ ꩬ︀ေႃလ︀ုယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ႆ︀ၢႈက︀ွတ︀်ꩫ︀ꩬ︀ီ ꩭီတ︀်ꩭႆ︀ၢႇꩬ︀ီလ︀ွက︀်ဢ︀ူ။ မ︀ꩫ︀်းယ︀ႃႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛက︀ႃꩬ︀ီ လ︀ိက︀်ႉဢ︀မ︀ိင︀်းꩡ︀ႃႇꩭၢင︀်းဢ︀ဝ်ႈက︀ႃꩡ︀ွင︀်းꩬ︀ွꩫ︀်တ︀ြႃးဝီင︀်းတ︀မ︀ႃတ︀ႅတ︀်က︀ႃယ︀ွꩫ︀်းဢ︀ူ။ မ︀ꩫ︀်းယ︀ႃႇ လ︀ိက︀်ႉဢ︀မ︀ႂ်းꩫ︀ႆ︀ႛက︀ီး ဝီင︀်းတ︀မ︀ႃတ︀ႅတ︀်မ︀ႆ︀ႛက︀ႃꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး ၵ︀ဝ်မ︀ႆ︀ႛꩬ︀ႅဝ်ႛꩬ︀ီ ၵ︀ႂ်ႈꩡ︀ꩫ︀်ႈဢ︀ဝ်ႈမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀မ︀်။

ထဝ်ꩡ︀တ︀်ႉၵ︀ဝ် 9:13

ꩫ︀ႆ︀ႇမ︀ႆ︀ႛ ဢ︀ႃꩫ︀ꩫ︀ိယ︀ႃႇ “ꩡ︀ဝ်ႛꩴ︀း လ︀ွင︀်ႈမ︀ꩫ︀်းတ︀မ︀ိူင︀်း၊ လ︀ွင︀်ႈဢ︀ꩫ︀်ႈက︀ူꩫ︀်းၵ︀ိင︀်းတ︀ူဝ်ꩡ︀ဝ်ႛ ဢ︀ꩫ︀်ႈဢ︀ူဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းၵ︀ႂ်ႈလ︀ႂ်ႈဢ︀ဝ်ႈယ︀ပ︀်ယ︀ၢက︀်ႉမ︀ႃးꩫ︀ꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛမ︀ႆ︀ႛ ပ︀ိူꩫ︀်ႈဢ︀ၢꩫ︀်တ︀ၢꩫ︀်ၵ︀ႆ︀ႈꩭႂ်ႛတ︀ီၵ︀ႃႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 9:31

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဝူင︀်ႈမ︀ိူဝ်ႈဢ︀မ︀ႂ်း တ︀ိူင︀်းယ︀ုတ︀၊ တ︀ိူင︀်းက︀ႃလ︀ိလ︀ႄးင︀ႆ︀း တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛ ꩡ︀ိူဝ်းꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈဢ︀ူ။ ꩡ︀ိူဝ်းꩡ︀ဝ်ႛက︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛဢ︀ူ။ င︀ႆ︀းꩬ︀ီ ꩡ︀ိူဝ်းꩡ︀ဝ်ႛက︀ေႃႇ ꩭႅင︀်းယ︀င︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀မ︀်မ︀ႃးက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 10:32

လ︀ႆ︀ၢးပ︀ိူဝ်ႈꩬ︀ူꩬ︀ီ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု က︀ူꩫ︀်းꩡ︀ိူဝ်းꩡ︀ဝ်ႛၵ︀ဝ်ပ︀တ︀ု ꩭႂ်ႛပ︀ူဝ်းၸ︀ႂ်က︀ေႃႇ မ︀ဝ်တ︀ွင︀်ႛလ︀ူမ︀်ႇꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 7:17

ꩫ︀ႆ︀ႇꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူက︀ူႈက︀ူဝ်ႇမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇ ဢ︀ဝ်ႈပ︀ီꩫ︀်ႈဝႆ︀ႇဢ︀ူ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ ꩬ︀ူꩭလ︀ိုဝ်ဢ︀ူမ︀ႃးꩫ︀က︀ေႃႇ ꩫ︀င︀်ဢ︀မ︀ႂ်းꩫ︀က︀ꩫ︀်ႈ က︀ၢပ︀်ꩬ︀ီဢ︀ူက︀ႃက︀ꩫ︀်ႈတ︀ႃႉ။ ꩫ︀ႆ︀ႇယ︀ႃႇ တ︀ြႃးဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛဢ︀ူꩫ︀ႆ︀ႇꩫ︀မ︀်။

က︀လ︀ႃတ︀ိ 1:22

မ︀ိူဝ်ႈဢ︀မ︀ႂ်း ၵ︀ရ︀ီတ︀်ယ︀ၢꩫ︀် ဢ︀ꩫ︀်ႈတ︀ိူင︀်းယ︀ုတ︀မ︀ႆ︀ႛယ︀င︀်းꩫ︀ႆ︀ႇၵ︀ဝ်ၸ︀ူႛꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩵ︀ႈꩭွꩫ︀်ꩭꩫ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈဢ︀ူဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈ ပ︀ေႃလ︀ု၊ ꩬ︀ီလ︀င︀ႆ︀း တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:6

ꩬ︀ူယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈတ︀မ︀ိူင︀်း၊ ꩫ︀င︀်တ︀ူႈꩫ︀က︀ꩫ︀်ႈတ︀မ︀ိူင︀်း ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ꩬ︀ူမ︀ႆ︀ႛ ပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩡ︀ူမ︀်းꩭုမ︀်ꩭႂ်ႛꩬ︀ီ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:4

မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ ꩭဝ်းမ︀ႆ︀ႛပ︀ိူꩫ︀်ႈတ︀ီက︀ေးလ︀ေးꩫ︀ိက︀်ႉꩬ︀ၢက︀်ႉမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈဝႃႈမ︀ႃးယ︀ဝ်ႇ။ ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ ဢ︀ꩫ︀်ႈတ︀ူႈဝႃႈမ︀ႃးꩫ︀ႆ︀ႇ ပ︀ီꩫ︀်ႈမ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:1

ꩬ︀ူꩡ︀ဝ်ႛ ꩡ︀ိူဝ်းဝီင︀်း တ︀ႅတ︀်ꩬ︀ႃလ︀ေႃꩫ︀ိက︀်ဢ︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်ႛတ︀ေဝႆ︀ႇမ︀ႆ︀ႛ တ︀ူႈပ︀ေႃလ︀ု၊ ꩬ︀ီလ︀၊ တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:4

ꩬ︀ူမ︀ႆ︀ႛ ပ︀ိူꩫ︀်ႈက︀ေးလ︀ေးꩫ︀ိက︀်ႉꩬ︀ၢက︀်ႉꩭႅင︀်းꩬ︀ီ ꩫ︀ႆ︀ႛယ︀ပ︀်ယ︀ၢက︀်ႉꩬ︀ၢင︀်းလ︀ေးၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈꩫ︀ႆ︀ႇꩬ︀ီ တ︀ူႈၸ︀ူႛꩡ︀ဝ်ႛꩡ︀ူမ︀်းꩭုမ︀်ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ိူဝ်းꩡ︀ဝ်ႛတ︀ၢင︀်ဝီင︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭုမ︀်ꩰꩡ︀ူမ︀်းꩰၵ︀ႆ︀ႈပ︀ျႃးလ︀ေဢ︀ူ။