တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10 - Khamti Shan

¹⁰ ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃး။ ꩭူဝ်ꩡ︀ႂ်ႈဝႆ︀ႇꩫ︀ီႈꩫ︀ီႈ ꩬ︀ီ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩬ︀ူၸ︀ူႛꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10 ပူးပေါင်းရင်းမြစ်များ

လ︀ုက︀ႃ 23:41

ꩭႃးယ︀ႃႇ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩭႃးၸ︀ူႛꩡ︀ဝ်ႛꩬ︀ႃး ꩫ︀ႆ︀ႛၵ︀ၢမ︀်ꩫ︀ႆ︀ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ပ︀ႅတ︀်ႉက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃးꩬ︀ႃး” ꩫ︀ꩬ︀ီꩬ︀ုင︀်းမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 20:18

ၵ︀ဝ်ထိုင︀်မ︀ႃးက︀ီး ပ︀ေႃလ︀ုယ︀ႃႇ “လ︀ုက︀်ႉမ︀ိူဝ်ႈက︀ဝ်ႈ မ︀ိူင︀်းဢ︀ႃꩬ︀ျမ︀ႆ︀ႛထိုင︀်မ︀ႃးꩫ︀ႆ︀ႇက︀ူဝ်ꩬ︀ီ က︀ဝ်ႈတ︀င︀်းꩬ︀ူ ꩭလ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူတ︀င︀်းမ︀ိူင︀်းတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 20:26

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူꩡ︀ဝ်ႛမ︀ႆ︀ႛ ꩬ︀င︀်ဝႃႈက︀ူဝ်ႇလ︀ိူင︀်ႈမ︀ဝ်က︀ူဝ်ႇလ︀ိူင︀်ႈ ၵ︀ွꩫ︀်ဢ︀ꩬ︀ၢက︀်ႉ ꩬ︀ုမ︀်းက︀ႃက︀ီး ꩫ︀ႃႛတ︀ီႈက︀ဝ်ႈꩵ︀ႈꩡ︀ႂ်ႈယ︀ဝ်ႇꩫ︀ꩫ︀ႆ︀ႇ မ︀ိူဝ်ႈꩫ︀ႆ︀ႇက︀ဝ်ႈဝႃႈꩬ︀ိုဝ်ႈꩰမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 24:16

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈၵ︀ႃႛယ︀ုမ︀်ꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛတ︀မ︀ိူင︀်း ꩬ︀ိုဝ်ႈဢ︀ူꩫ︀ꩬ︀ီ က︀ဝ်ႈၵ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩬ︀ေႈꩡ︀ႃႉꩬ︀ီဢ︀ူꩫ︀ႆ︀ႇတ︀ီၵ︀ႃႛꩫ︀မ︀်။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 11:11

က︀ဝ်ႈဝႃႈꩫ︀ႆ︀ႇ ꩬ︀ူမ︀ႆ︀ႛꩵ︀ႈꩭၢက︀်ႉꩫ︀ꩬ︀ီ ဝႃႈꩵ︀ႈꩡ︀ႂ်ႈ။ ꩬ︀ူမ︀ႆ︀ႛက︀ဝ်ႈၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 11:31

ၵ︀ၢမ︀်းꩫ︀ႆ︀ႇၵ︀ဝ် ဢ︀ꩫ︀်ႈၸ︀ႅတ︀်ႉꩵ︀ႈꩡ︀ႂ်ႈꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛၸ︀ြႃးꩫ︀ၵ︀ႃ ပ︀ူဝ်ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ မ︀ူꩫ︀်ႈမ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။

က︀ေႃရ︀ိꩫ︀်တ︀ု ႒ 4:2

ဢ︀မ︀ူးဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈ ဢ︀ꩫ︀်ႈပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီꩭီတ︀်ꩫ︀ႆ︀ႇၵ︀ဝ် တ︀ူႈပ︀ႆ︀ၵ︀ွတ︀်မ︀ႃးဢ︀ူ။ ဢ︀ꩫ︀်ႈၸ︀ႅတ︀်ႉၸ︀ၢမ︀်းꩫ︀ႆ︀ႇၵ︀ဝ် တ︀ူႈꩵ︀ႈꩭီတ︀်ယ︀ဝ်ႇ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ူႈလ︀ိက︀်ꩰင︀ွက︀်ꩰꩬ︀ီꩵ︀ႈꩭူဝ်း။ တ︀ူႈယ︀ႃႇ ပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩬ︀ိုဝ်ႈꩰတ︀ူဝ်ꩰꩭူဝ်းꩫ︀ႆ︀ႇꩬ︀ီ တ︀ူႈပ︀ီꩫ︀်ႈက︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်း တ︀ွင︀်းꩬ︀ိုဝ်ႈꩰဢ︀ူ။

က︀ေႃရ︀ိꩫ︀်တ︀ု ႒ 5:11

ꩡ︀ႃႇလ︀ိူင︀်ႈ တ︀ူႈယ︀ႃႇလ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ႈꩫ︀ီႈက︀ူဝ်ႈယ︀မ︀်ႈꩫ︀ႆ︀ႇ တ︀ွင︀်းꩫ︀ႆ︀ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။ တ︀ူႈꩭီတ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ꩫ︀်ႈ ꩬ︀ူက︀ေႃႇဝႃႈတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 7:2

တ︀ူႈမ︀ႆ︀ႛꩭူဝ်ꩡ︀ႂ်ႈꩬ︀ူပ︀ုတ︀်ꩭႂ်ႛက︀ꩫ︀်ႈမ︀ႃးတ︀ႃႉ။ တ︀ူႈၸ︀ႂ်မ︀ႆ︀ႛက︀ေႃႇ ꩵ︀ႈၸ︀ိတ︀်မ︀ႃး။ ꩵ︀ႈဢ︀ဝ်ႈပ︀ႅက︀်တ︀ၢင︀်းမ︀ႃး။ ၵ︀ွင︀်ၸ︀ႂ်က︀ေႃႇ ꩵ︀ႈမ︀ၢပ︀်က︀ိꩫ︀်ႈမ︀ႃး။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛတ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးꩫ︀ႆ︀ႇ ဢ︀ဝ်ႈꩬ︀ူပ︀်ꩫ︀ႆ︀ၢႈꩵ︀ႈꩡ︀ႂ်ႈ။ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်းꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ိုဝ်ႈꩡ︀ႂ်ႈတ︀ေႇတ︀ေႇဢ︀ူꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛက︀ေႃႇ ဢ︀က︀မ︀်ထက︀်ꩰꩬ︀ီꩭူဝ်းမ︀ႃးꩫ︀မ︀်။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ ꩫ︀ူႈဢ︀က︀ိဝ်းꩬ︀ူꩬ︀ီ ꩭိုဝ်လ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:5

ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ ၵ︀ၢမ︀်းပ︀လ︀ီႛပ︀လ︀ႅပ︀်ꩫ︀ႆ︀ႇၵ︀ဝ် တ︀ူႈꩵ︀ႈဝႃႈမ︀ႃး။ ၵ︀ွင︀်ၸ︀ႂ်က︀ေႃႇ တ︀ူႈꩵ︀ႈၵ︀ျွင︀်းꩵ︀ႈလ︀ဝ်ဢ︀ဝ်ႈမ︀ႃး။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်တ︀ူႈꩭီတ︀်ဢ︀မ︀ူးꩬ︀ေႈꩡ︀ႃႉမ︀ႃးꩫ︀က︀ꩫ︀်ႈ ꩭိုဝ်လ︀ိုဝ် ဝႃႈယ︀ီင︀်ႈꩡ︀ွမ︀်းꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈ ဢ︀ူ။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ တ︀ူႈꩵ︀ႈၵ︀ၢꩫ︀်ႇမ︀ႃး။

တ︀ိမ︀ေႃတ︀ေ ႑ 4:12

မ︀ႂ်းꩫ︀ုမ︀်ꩫ︀ႆ︀ႇꩬ︀ီ ဢ︀ꩫ︀်ႈမ︀ႂ်းမ︀ႆ︀ႛ ပ︀ိူꩫ︀်ႈတ︀ီမ︀ဝ်ၵ︀ၢꩫ︀်းꩫ︀ႆ︀ႇ ပ︀ီꩭႂ်ႛယ︀င︀်း။ ꩭႂ်ႛပ︀ူဝ်းမ︀ႂ်းမ︀ႆ︀ႛ ၵ︀ဝ်ယ︀ီင︀်ႈꩡ︀ွမ︀်းမ︀ႃးꩫ︀ႆ︀ႇ ဢ︀ꩫ︀်ႈတ︀ၢꩫ︀်ႛဢ︀ꩫ︀်ႈလ︀တ︀်ႉ၊ ဢ︀ꩫ︀်ႈꩭီတ︀်ဢ︀ꩫ︀်ႈꩭႆ︀၊ လ︀ွင︀်ႈꩭၢက︀်ႉပ︀ိူꩫ︀်ႈ၊ လ︀ွင︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ႃႇတ︀င︀်းမ︀ိူင︀်း ဢ︀ဝ်ႈပ︀ီꩫ︀်ႈပ︀ႅင︀်ႈꩡ︀ွမ︀်းတ︀ႃႉ။

တ︀ိမ︀ေႃတ︀ေ ႒ 3:10

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်၊ ဢ︀ꩫ︀်ႈက︀ဝ်ႈꩭီတ︀်၊ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ႈꩫ︀တ︀်ꩫ︀ႆ︀ႇၵ︀ဝ်မ︀ႆ︀ႛ ꩡ︀ွမ︀်းမ︀ႃးယ︀ဝ်ႇ။ ဢ︀ꩫ︀်ႈက︀ဝ်ႈယ︀ုမ︀်ယ︀မ︀်ႈ၊ ဢ︀ꩫ︀်ႈက︀ဝ်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈက︀ဝ်ႈပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်၊ ဢ︀ꩫ︀်ႈက︀ဝ်ႈက︀ꩫ︀်ႛပ︀ီꩫ︀်ႈ၊ ဢ︀ꩫ︀်ႈက︀ဝ်ႈမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉမ︀ႃး၊ ဢ︀ꩫ︀်ႈက︀ဝ်ႈꩡ︀မ︀်ႈꩡ︀ႂ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ မ︀ႂ်းတ︀ွင︀်းဢ︀ူ။ ဢ︀ꩫ︀်ႈဝီင︀်းဢ︀ꩫ︀်တ︀ိဢ︀ုက︀်၊ ဝီင︀်းဢ︀ိက︀ေႃꩫ︀ိင︀ႆ︀း ဝီင︀်းလ︀ုတ︀်တ︀ရ︀ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀ꩫ︀ႆ︀ႇၵ︀ဝ်က︀ေႃႇ မ︀ႂ်းတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛ လ︀ုက︀်ႉၸ︀ေးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႑ 5:3

က︀ꩫ︀်ႛꩫ︀ိူဝ်က︀ူꩫ︀်းꩡ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီꩭီတ︀်ꩡ︀ုက︀်။ ꩭီတ︀်ပ︀ႅင︀်ႈꩡ︀ွမ︀်ႈꩬ︀ီꩬ︀ိုင︀် ၵ︀ဝ်မ︀ႆ︀ႛဢ︀ွꩫ︀်ႈꩭႂ်ႛက︀ꩫ︀်ႈတ︀ႃႉ။