ပ︀ေတ︀ရ︀ု ႑ 5:4 - Khamti Shan

⁴ င︀ႆ︀းက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၸ︀ူႛလ︀ီင︀်ႇပ︀ူႇလ︀ူင︀် က︀ျွႃးပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛ ပ︀ွင︀်းမ︀ူꩫ︀်ႈၸ︀ုင︀်းဢ︀ꩫ︀်ႈမ︀ဝ်ꩭိဝ်ꩭႆ︀ၢꩡ︀ၢင︀်ႈꩫ︀ႆ︀ႇတ︀ီꩭႂ်ႛꩫ︀မ︀်။

ပ︀ေတ︀ရ︀ု ႑ 5:4 ပူးပေါင်းရင်းမြစ်များ

ယ︀ေႃးꩭၢꩫ︀် 10:11

က︀ဝ်ႈယ︀ႃႇ ၸ︀ူႛလ︀ီင︀်ႇပ︀ူႇဢ︀ꩫ︀်ႈꩫ︀ီႈꩫ︀မ︀်။ ꩡ︀ႃႇꩭၢင︀်းပ︀ူႇꩫ︀ႆ︀ႇၵ︀ဝ် ဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛတ︀မ︀ိူင︀်းၵ︀ႂ်ႈꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 9:25

က︀ူꩫ︀်းဢ︀ꩫ︀်ႈလ︀ီꩫ︀်ႛꩭႅင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းꩫ︀ႆ︀ႛ ပ︀ွင︀်းꩬ︀ူးဢ︀ꩫ︀်ႈတ︀ီꩭိဝ်ꩭႆ︀ၢက︀ႃꩫ︀ႆ︀ႇ ꩡ︀ွမ︀်းၸ︀ိင︀်ႛပ︀ႅင︀်ႈꩬ︀ီ ၸ︀ိူက︀်ဢ︀ၵ︀ႅက︀်ႉက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇ ꩭႂ်ႛပ︀ူဝ်းꩫ︀ႆ︀ႛပ︀ွင︀်းꩬ︀ူးဢ︀ꩫ︀်ႈတ︀ီမ︀ဝ်ꩭိဝ်ꩭႆ︀ၢက︀ႃꩫ︀ႆ︀ႇꩫ︀မ︀် ꩬ︀ေႈꩡ︀ႃႉက︀ꩫ︀်ႈꩫ︀ႆ︀ႇ။

တ︀ိမ︀ေႃတ︀ေ ႒ 4:8

င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။

ꩭေပ︀ရ︀ူး 13:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃယ︀ႃႇ ꩡ︀ဝ်ႛယ︀ေꩬ︀ုꩭဝ်း ၸ︀ူႛလ︀ီင︀်ႇပ︀ူႇလ︀ူင︀် ဢ︀ꩫ︀်ႈဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ တ︀ွက︀်ꩡ︀ုမ︀်ႛလ︀ိက︀်ႉၵ︀တ︀်ႉထႃဝရ︀မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ပ︀ေတ︀ရ︀ု ႑ 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ꩫ︀်ႈၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛက︀ွတ︀်ꩫ︀ꩬ︀ီ က︀ၢင︀်ႈꩭၢဝ်မ︀ႆ︀ႛ ဢ︀မ︀ွေဢ︀ꩫ︀်ႈမ︀ဝ်ꩫ︀ွက︀်မ︀ဝ်ꩫ︀ဝ်ႈꩡ︀ၢင︀်ႈ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈ မ︀ဝ်လ︀ူႇꩡ︀ၢင︀်ႈꩫ︀ႆ︀ႇ ꩭႅမ︀်းဝႆ︀ႇယ︀ဝ်ႇꩰ။ ꩭဝ်းတ︀ႂ်းထႃႛꩬ︀ီဢ︀ူꩫ︀ႆ︀ႇ ဢ︀မ︀ွေဢ︀မ︀ႂ်းꩫ︀မ︀်။

ပ︀ေတ︀ရ︀ု ႑ 2:25

မ︀ိူဝ်ႈင︀ႃးပ︀ုꩫ︀်ႛယ︀ႃႇꩬ︀ူ ꩫ︀င︀်ပ︀ူႇဢ︀ꩫ︀်ႈꩭႆ︀ၢက︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈ ၵ︀ွꩫ︀်ꩬ︀ူမ︀ႆ︀ႛက︀ုမ︀်ႇၵ︀ႅꩫ︀်ꩭႂ်ႛမ︀ႆ︀ႛ ဢ︀ဝ်ႈထိုင︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႑ 5:2

ပ︀ီႈꩫ︀ွင︀်ႇၵ︀ဝ်ꩴး ꩫ︀င︀်ၸ︀ူႛလ︀ီင︀်ႇပ︀ူႇ လ︀ီင︀်ႇၸ︀ုင︀်ပ︀ူႇꩫ︀က︀ꩫ︀်ႈ က︀ူꩫ︀်းꩡ︀ိူဝ်းဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းမ︀ိုင︀်ႇက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩫ︀ႃႛတ︀ီႈ လ︀ႆ︀ၢးပ︀ိူဝ်ႈလ︀ေႃးၸ︀ႃးင︀ိူꩫ︀်းၵ︀မ︀်းမ︀ဝ်ꩡ︀ႂ်ႈꩬ︀ီ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭုမ︀်ꩰꩡ︀ူမ︀်းꩰꩬ︀ီꩭီတ︀်က︀ꩫ︀်ႈမ︀တ︀ႃႉ။

ယ︀ေႃးꩭၢꩫ︀် ႑ 3:2

ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။

ၿျႃၻိက︀်ႉ 1:7

လ︀ႅမ︀်းတ︀ႃႉ။ မ︀ꩫ︀်းꩡ︀ဝ်ႛဢ︀ဝ်ႈမ︀ွက︀်ၸ︀ူꩫ︀် တ︀ီက︀ျွႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းက︀ူႈက︀ူဝ်ႇ ꩡ︀ိူမ︀်ႈက︀ႃႈက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅင︀်းတ︀ႆ︀ၢႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းတ︀င︀်းက︀မ︀်ၸ︀ႃ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ တ︀ီꩫ︀ႆ︀ႛꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩫ︀မ︀်။ တ︀ီပ︀ီꩫ︀်ႈင︀ႆ︀း တ︀ေႇတ︀ေႇꩫ︀မ︀်။ ꩭႂ်ႛပ︀ီꩫ︀်ႈက︀တ︀ႃႉ။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ၿျႃၻိက︀်ႉ 3:11

က︀ဝ်ႈတ︀ီမ︀ႃးꩡ︀မ︀်ႈယ︀ဝ်ႇ။ ꩫ︀င︀်င︀ႆ︀ႚၵ︀ၢမ︀်းက︀ဝ်ႈထွမ︀်ꩫ︀က︀ꩫ︀်ႈ က︀ၢပ︀်ꩬ︀ီထွမ︀်က︀ႃတ︀ႃႉ။ ပ︀ွင︀်းဢ︀ꩫ︀်ႈမ︀ႂ်းတ︀ီꩫ︀ႆ︀ႛꩬ︀ူးမ︀ႆ︀ႛ ၸ︀ႂ်က︀ေႃႇ ပ︀ီꩭႂ်ႛꩭိမ︀်ဢ︀ဝ်ႈ။