ပ︀ေတ︀ရ︀ု ႑ 5:12 - Khamti Shan

¹² က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။

ပ︀ေတ︀ရ︀ု ႑ 5:12 ပူးပေါင်းရင်းမြစ်များ

ယ︀ေႃးꩭၢꩫ︀် 21:21

ပ︀ေတ︀ရ︀ုယ︀ႃႇ မ︀ꩫ︀်းမ︀ႆ︀ႛꩭꩫ︀်က︀ီး “ꩡ︀ဝ်ႛꩴ︀း ꩫ︀ႄ မ︀ꩫ︀်းယ︀ႃႇတ︀ီပ︀ီꩫ︀်ႈꩭိုဝ်တ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 11:23

ၿႃꩫ︀ၿယ︀ႃႇ ဝီင︀်းဢ︀မ︀ႂ်းမ︀ႆ︀ႛထိုင︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩬ︀ီ ꩭီတ︀်က︀ျေးꩡ︀ူးꩭႂ်ႛမ︀ႃးꩫ︀ꩫ︀ႆ︀ႇꩭꩫ︀်က︀ီး ꩭုမ︀်ꩡ︀ူမ︀်းꩬ︀ီ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈꩬ︀ီ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 15:22

ꩫ︀ႆ︀ႇမ︀ႆ︀ႛ တ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ၸ︀ူႛတ︀ၢင︀်ႈတ︀ူဝ်ႈꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ တ︀င︀်းပ︀ေႃလ︀ုꩫ︀ၵ︀ႃၿႃꩫ︀ၿ ပ︀ွႆ︀ꩡ︀ႂ်ႇꩭႂ်ႛက︀ႃဝီင︀်းဢ︀ꩫ︀်တ︀ိဢ︀ုက︀်က︀ွတ︀်ꩫ︀ꩬ︀ီ တ︀ႅပ︀်တ︀တ︀်ဢ︀ူ။ ယ︀ဝ်ႇက︀ီး ၿႃꩬ︀ၿဢ︀ꩫ︀်ႈꩭွင︀်ႇဝႃႈယ︀ုတ︀ꩫ︀ၵ︀ႃတ︀ိလ︀ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈၵ︀ဝ်ꩫ︀ၢပ︀်ႉယ︀မ︀်ႈလ︀ူင︀်မ︀ႆ︀ႛလ︀ိူက︀်ႉꩬ︀ီ

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ရ︀ေႃမ︀ 5:2

လ︀ၢႆ︀းပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈꩬ︀ီ မ︀ꩫ︀်းꩡ︀ဝ်ႛက︀ေႃႇ ꩭဝ်းမ︀ႆ︀ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႂ်ႈလ︀ႂ်ႈꩫ︀ီႈမ︀ႅတ︀်ႉꩫ︀ꩫ︀ႆ︀ႇ ဢ︀ဝ်ႈꩭူပ︀်ႉꩭꩫ︀်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ူꩫ︀်ႈၸ︀ုင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭႂ်ႛꩫ︀ႆ︀ႇမ︀ႆ︀ႛ ꩭုမ︀်ꩰꩡ︀ူမ︀်ႈꩰတ︀ႂ်းထႃႛဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 15:1

ꩡ︀ႃႇလ︀ိူင︀်ႈ ပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩭူဝ်းမ︀ႃး ဢ︀ꩫ︀်ႈꩬ︀ူက︀ေႃႇ ꩭၢပ︀်ႉဢ︀ဝ်ႈꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်းထွမ︀်ꩡ︀ွမ︀်းဢ︀ူဢ︀မ︀ႂ်းမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 1:19

ဢ︀ꩫ︀်ႈꩬ︀ူမ︀ႆ︀ႛ တ︀ူႈတ︀ိမ︀ေႃတ︀ေင︀ႆ︀း ꩬ︀ီလ︀ၵ︀ဝ်ꩭူဝ်းꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀က︀ꩫ︀်ႈင︀ႆ︀းꩬ︀ီ မ︀ဝ်ꩡ︀ႂ်ႈꩫ︀က︀ꩫ︀်ႈ ꩵ︀ႈဝႃႈ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းမ︀ိူင︀်းꩡ︀ႂ်ႈꩬ︀ီ ပ︀ီꩫ︀်ႈမ︀ႃးတ︀ေႇတ︀ေႇဢ︀ူꩫ︀ꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 1:24

ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ꩬ︀ူမ︀ႆ︀ႛ က︀ꩬ︀င︀်ဝႃႈယ︀ုမ︀်ꩫ︀ꩬ︀ီ ꩵ︀ႈꩥ︀ႅပ︀်ႉ။ ꩬ︀ူယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰꩫ︀ႆ︀ႇꩬ︀ီ တ︀ူႈယ︀ႃႇ ꩭႂ်ႛပ︀ူဝ်းꩬ︀ူꩡ︀ူမ︀်းꩭုမ︀်တ︀ီမ︀်ႈꩰꩫ︀ႆ︀ႇ ၵ︀ႂ်ႈꩡ︀ွႆ︀ႈꩭႂ်ႛꩫ︀ႆ︀ၢႈꩫ︀မ︀်။

ဢ︀ေၸ︀ႅတ︀် 3:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉꩰလ︀မ︀်ꩰꩬ︀ၢင︀်ဝႆ︀ႇꩫ︀ႆ︀ႇ က︀ဝ်ႈမ︀ႆ︀ႛ ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇ က︀ဝ်ႈꩬ︀ူမ︀ႆ︀ႛꩡ︀ွꩫ︀်လ︀ိူင︀်ႈတ︀ႅမ︀်ႛꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 6:21

လ︀ွင︀်ႈက︀ဝ်ႈတ︀င︀်းမ︀ိူင︀်း ꩭႂ်ႛပ︀ူဝ်းꩬ︀ူတ︀ွင︀်းꩫ︀ႆ︀ႇ တ︀ုၵ︀ိက︀်တ︀ီမ︀ႃးၵ︀ႆ︀ႈꩭႂ်ႛꩫ︀မ︀်။ မ︀ꩫ︀်းယ︀ႃႇꩫ︀ွင︀်ႇꩭၢက︀်ႉꩭဝ်း ဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းလ︀ူင︀်က︀ူဝ်ႇလ︀ိူင︀်ႈꩫ︀မ︀်။

က︀ေႃလ︀ေႃတ︀ႄ 1:7

က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈꩭႂ်ႛမ︀ႃးꩫ︀ႆ︀ႇယ︀ႃႇ က︀ူဝ်ႇꩬ︀ေႛꩭၢက︀်ႉတ︀ူႈ ဢ︀ေပ︀ၸ︀ြ ဢ︀ꩫ︀်ႈတ︀င︀်းတ︀ူႈ ꩭူမ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်ႈတ︀ူဝ်ႈတ︀ူႈꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃဢ︀ဝ်ႈယ︀င︀်းꩰꩭီတ︀်မ︀ႃးယ︀ဝ်ႇ။

က︀ေႃလ︀ေႃတ︀ႄ 4:7

ပ︀ီႈꩫ︀ွင︀်ႇꩭၢက︀်ႉꩭဝ်း တ︀ုၵ︀ိက︀် ဢ︀ꩫ︀်ႈဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩬ︀ီ တ︀င︀်းꩭဝ်းꩭူမ︀်ႈထၢမ︀်းꩫ︀ႆ︀ႇ ꩬ︀ူမ︀ႆ︀ႛ လ︀ွင︀်ႈက︀ဝ်ႈတ︀င︀်းမ︀ိူင︀်း တ︀ီၵ︀ႆ︀ႈꩭႂ်ႛꩫ︀မ︀်။

က︀ေႃလ︀ေႃတ︀ႄ 4:9

ပ︀ီႈꩫ︀ွင︀်ႇꩭၢက︀်ႉꩭဝ်း ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ေႃꩫ︀ေတ︀ိမ︀်က︀ေႃႇ တ︀င︀်းမ︀ꩫ︀်းလ︀ွေႛမ︀ႃးဢ︀ူ။ လ︀ွင︀်ႈဢ︀ꩫ︀်ႈမ︀ႆ︀ႛပ︀ီꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩬ︀ူမ︀ႆ︀ႛꩬ︀ွင︀်ၵ︀ႃတ︀ီၵ︀ႆ︀ႈꩭႂ်ႛꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈဢ︀ူဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈ ပ︀ေႃလ︀ု၊ ꩬ︀ီလ︀င︀ႆ︀း တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:1

ꩬ︀ူꩡ︀ဝ်ႛ ꩡ︀ိူဝ်းဝီင︀်း တ︀ႅတ︀်ꩬ︀ႃလ︀ေႃꩫ︀ိက︀်ဢ︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်ႛတ︀ေဝႆ︀ႇမ︀ႆ︀ႛ တ︀ူႈပ︀ေႃလ︀ု၊ ꩬ︀ီလ︀၊ တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ꩭေပ︀ရ︀ူး 13:22

ပ︀ီႈꩫ︀ွင︀်ႇၵ︀ဝ်ꩴ︀း လ︀ိက︀်ႉဢ︀ꩫ︀်ႈꩬ︀ႂ်ꩭႅင︀်းꩫ︀ႆ︀ႇ က︀ဝ်ႈဢ︀ဝ်ႈပ︀ွတ︀်ꩰတ︀ႅမ︀်ႛဝႆ︀ႇꩫ︀ႆ︀ႇꩬ︀ီ ꩭီတ︀်ꩫ︀ီႈꩫ︀ီႈထွမ︀်က︀ꩫ︀်ႈမ︀ႃးတ︀ႃႉ။

ပ︀ေတ︀ရ︀ု ႑ 1:13

င︀ႆ︀းꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩬ︀ူꩭႅမ︀်းထုက︀်ꩰဝႆ︀ႇတ︀ႃႉ။ တ︀ူဝ်ႈꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛ ထိꩫ︀်ꩬ︀ီဢ︀ူတ︀ႃႉ။ ꩬ︀ူးဢ︀ꩫ︀်ႈꩬ︀ူမ︀ႆ︀ႛ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩭႂ်ႛဢ︀မ︀ႂ်းၵ︀ဝ်မ︀ႆ︀ႛ တ︀ႂ်းထႃႛꩬ︀ီဢ︀ူက︀ꩫ︀်ႈတ︀ႃႉ။

ပ︀ေတ︀ရ︀ု ႑ 4:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩬ︀ူးက︀ျေးꩡ︀ူးမ︀ꩫ︀်းꩡ︀ဝ်ႛꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ꩬ︀ူက︀ူႈက︀ူဝ်ႇမ︀ႆ︀ႛ ဢ︀ေႈၸ︀ꩫ︀်းꩰပ︀ꩫ︀်ႈꩭႂ်ႛဝႆ︀ႇဢ︀ူ။ ꩫ︀င︀်ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩫ︀က︀ꩫ︀်ႈ ꩬ︀ူးက︀ျေးꩡ︀ူးမ︀ႆ︀ႛမ︀ိုင︀်ႇꩫ︀ီႈꩫ︀ီႈꩬ︀ီ ဢ︀ဝ်ႈꩬ︀ူးက︀ျေးꩡ︀ူးဢ︀မ︀ႂ်းၵ︀ဝ် က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ꩡ︀ွႆ︀ႈꩭႂ်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႒ 1:12

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူလ︀ွင︀်ႈꩫ︀ႆ︀ႇၵ︀ဝ်တ︀ွင︀်းယ︀ဝ်ႇꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ၵ︀ိူင︀်ꩰက︀ိုမ︀်းꩰပ︀ꩫ︀်ႛꩬ︀ီဢ︀ူꩫ︀က︀ေႃႇ က︀ဝ်ႈယ︀ႃႇꩬ︀ူမ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ် တ︀ီတ︀ိက︀်ꩬ︀ူꩫ︀်းꩭႂ်ႛဢ︀ူꩫ︀မ︀်။

ပ︀ေတ︀ရ︀ု ႒ 2:15

ၵ︀ဝ်ယ︀ႃႇ လ︀ုက︀်ႉတ︀ၢင︀်းꩡ︀ဝ်ႛယ︀ေꩬ︀ုမ︀ႆ︀ႛ ဝၢင︀်က︀ႃꩬ︀ီ တ︀ၢင︀်းက︀ႅင︀်းၿႃလ︀မ︀် ၸ︀ူႛလ︀ုက︀်ႉပ︀ႃတ︀ေႃမ︀ႆ︀ႛꩬ︀င︀် ယ︀ီင︀်ႈꩡ︀ွမ︀်းဢ︀ူꩫ︀မ︀်။ ပ︀ႃလ︀မ︀်ယ︀ႃႇ က︀ူဝ်ႇဢ︀ꩫ︀်ႈလ︀ေႃးၸ︀ႃးင︀ိူꩫ︀်းၸ︀ႅဝ်ꩫ︀ႆ︀ႇꩬ︀ီ ꩭီတ︀်ၸ︀ိတ︀်မ︀ႃးꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် ႓ 1:12

က︀ူꩫ︀်းတ︀င︀်းမ︀ိူင︀်း လ︀ွင︀်ႈတ︀ေမ︀ေတ︀ရ︀ိꩫ︀ီႈꩫ︀ႆ︀ႇ ဝႃႈက︀ꩫ︀်ႈဢ︀ူ။ မ︀ꩫ︀်းꩫ︀င︀်ꩬ︀မ︀်မ︀ႃတ︀ြႃးꩫ︀က︀ꩫ︀်ႈဢ︀ူꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေမ︀ꩫ︀်းꩫ︀မ︀်။ တ︀ူႈက︀ေႃႇꩬ︀ၢက︀်ႉꩬ︀ေမ︀ꩫ︀်းꩫ︀မ︀်။ ဢ︀ꩫ︀်ႈတ︀ူႈဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇက︀ေႃႇ ꩬ︀ူတ︀ွင︀်းဢ︀ူ။

ယ︀ုတ︀ 1:3

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။