ပ︀ေတ︀ရ︀ု ႑ 4:10 - Khamti Shan

¹⁰ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩬ︀ူးက︀ျေးꩡ︀ူးမ︀ꩫ︀်းꩡ︀ဝ်ႛꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ꩬ︀ူက︀ူႈက︀ူဝ်ႇမ︀ႆ︀ႛ ဢ︀ေႈၸ︀ꩫ︀်းꩰပ︀ꩫ︀်ႈꩭႂ်ႛဝႆ︀ႇဢ︀ူ။ ꩫ︀င︀်ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩫ︀က︀ꩫ︀်ႈ ꩬ︀ူးက︀ျေးꩡ︀ူးမ︀ႆ︀ႛမ︀ိုင︀်ႇꩫ︀ီႈꩫ︀ီႈꩬ︀ီ ဢ︀ဝ်ႈꩬ︀ူးက︀ျေးꩡ︀ူးဢ︀မ︀ႂ်းၵ︀ဝ် က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ꩡ︀ွႆ︀ႈꩭႂ်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 4:10 ပူးပေါင်းရင်းမြစ်များ

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 24:14

က︀ူႈတ︀ီႈက︀ူႈꩫ︀ႅꩫ︀်ႈ က︀ူꩫ︀်းက︀ူႈၸ︀ꩫ︀်းမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းယ︀ဝ်ႇက︀ႃက︀ီး ယ︀ၢမ︀်းဢ︀ꩫ︀်ႈက︀မ︀်ၸ︀ႃꩬ︀ုတ︀်တ︀ီထိုင︀်မ︀ႃးꩫ︀မ︀်။

မ︀တ︀်တ︀ႄး 24:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ေးၻုက︀်ႉၵ︀ဢ︀ꩫ︀်ႈမ︀ိူဝ်ႈဢ︀မ︀ႂ်းတ︀ီပ︀ီꩫ︀်ႈꩫ︀ႆ︀ႇယ︀ႃႇ ယ︀ႂ်လ︀ူင︀်ꩫ︀မ︀်။ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ တ︀ူဝ်ထိုင︀်ဝꩫ︀်းꩫ︀ႆ︀ႇ ꩵ︀ႈꩭွꩫ︀်ပ︀ီꩫ︀်ႈမ︀ႃး။ က︀ꩫ︀်ႛꩫ︀ႃႛမ︀ႆ︀ႛက︀ေႃႇ ꩵ︀ႈပ︀ီꩫ︀်ႈဢ︀ိက︀်ယ︀ဝ်ႇ။

မ︀တ︀်တ︀ႄး 24:45

ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇ ꩫ︀င︀်ꩭိုဝ်ꩫ︀ႆ︀။ က︀ူဝ်ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈꩡ︀ဝ်ႛမ︀ꩫ︀်း ယ︀ုမ︀်ꩬ︀ီꩬ︀ူဝ်းꩭိူꩫ︀်းဢ︀ၢပ︀်ႉဝႆ︀ႇင︀ႆ︀း ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်တ︀ွင︀်ႇမ︀ႆ︀ႛမ︀ႃးက︀ီး ဢ︀ꩫ︀်ႈက︀ိꩫ︀်ႈပ︀ꩫ︀်ႈꩭႂ်ႛꩫ︀ႆ︀ႇꩫ︀မ︀်။

မ︀တ︀်တ︀ႄး 25:17

က︀ူဝ်ႇဢ︀ꩫ︀်ႈꩬ︀ွင︀်ꩡ︀ွႆ︀ႇꩫ︀ႆ︀ႛꩭၢပ︀်ႉꩫ︀ႆ︀ႇက︀ေႃႇ က︀ႃက︀ႃႇꩬ︀ီ ၵ︀မ︀်းꩬ︀ွင︀်ꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးဢ︀ူ။

မ︀တ︀်တ︀ႄး 25:44

ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ “ꩡ︀ဝ်ႛꩴ︀း မ︀ိူဝ်ႈလ︀ႂ်ႈꩫ︀ႆ︀ မ︀ႂ်းꩡ︀ဝ်ႛတ︀ွင︀်ႇမ︀ႆ︀ႛမ︀ႃး၊ က︀ုတ︀်ꩫ︀မ︀်ႇမ︀ႃး၊ ꩭိူꩫ︀်းတ︀ူႈၵ︀ႃႛမ︀ႆ︀ႛထိုင︀်မ︀ႃး ၵ︀ိူင︀်ႈꩫ︀ုင︀်ႈမ︀ဝ်ယ︀င︀်းမ︀ႃးင︀ႆ︀း၊ တ︀ူက︀်ထွင︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ တ︀ူႈၵ︀ႃႛꩭꩫ︀်ꩬ︀ီ မ︀ဝ်ꩡ︀ွႆ︀ႈမ︀ဝ်မ︀ိုင︀်ႇမ︀ႃးတ︀ီၵ︀ႃႛꩫ︀ႆ︀ႇ” ꩫ︀ꩬ︀ီတ︀ီထၢမ︀်ပ︀ွက︀်ႉက︀ꩫ︀်ႈꩫ︀မ︀်။

မ︀ႃက︀ု 10:45

လ︀ုက︀်ႉက︀ူꩫ︀်းတ︀မ︀ိူင︀်းက︀ေႃႇ မ︀ႃးꩭီတ︀်ꩡ︀ဝ်ႛပ︀ိူꩫ︀်ႈꩵ︀ႈꩡ︀ႂ်ႈ။ မ︀ႃးꩭီတ︀်ၸ︀ူႛၵ︀ႃႛပ︀ိူꩫ︀်ႈꩫ︀မ︀်။ မ︀ꩫ︀်းမ︀ႃးꩫ︀ႆ︀ႇ မ︀ႃးꩭႂ်ႛဢ︀ꩬ︀ၢက︀်ႉမ︀ꩫ︀်း ꩡ︀ႃႇꩭၢင︀်းထွတ︀်ဢ︀ꩬ︀ၢက︀်ႉက︀ူꩫ︀်းဢ︀ၢꩫ︀်တ︀ၢꩫ︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛꩡ︀ႂ်ႇ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇယ︀ႃႇ င︀ႆ︀းꩫ︀မ︀်။ က︀ူꩫ︀်းက︀ူဝ်ႇလ︀ိူင︀်ႈ ၸ︀ူႛꩫ︀မ︀်းꩫ︀ႂ်းမ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛ ၵ︀ူဝ်းလ︀ိင︀်းꩫ︀ႆ︀ႇၵ︀ဝ်ဢ︀ၢပ︀်ႉဝႆ︀ႇꩬ︀ီ ၸ︀ူႛꩡ︀ႂ်ႇဢ︀မ︀ႂ်း မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈက︀ိꩫ︀်ႈꩭႂ်ႛꩬ︀ီ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀က︀တ︀ႃႉ။

လ︀ုက︀ႃ 19:13

မ︀ိူဝ်ႈတ︀ီက︀ႃꩫ︀ႆ︀ႇ ၸ︀ူႛꩡ︀ႂ်ႇမ︀ꩫ︀်းꩬ︀ိပ︀်က︀ူဝ်ႇမ︀ႆ︀ႛ ၵ︀ႅပ︀်ၵ︀မ︀်းဢ︀ေႈၵ︀ႅပ︀်ꩰဢ︀ၢပ︀်ႉꩭႂ်ႛင︀ႆ︀း “က︀ႃႈက︀ဝ်ႈမ︀ဝ်ပ︀ွက︀်ႉမ︀ႃးယ︀ႃႇ ဢ︀ဝ်ႈၵ︀မ︀်းꩫ︀ႆ︀ႇက︀ႃႇꩬ︀ီဢ︀ူတ︀ႃႉ” ꩫ︀ဝꩫ︀်ႇ။

လ︀ုက︀ႃ 8:3

ယ︀ေႃꩭႃꩫ︀ႃ ၸ︀ူႛမ︀ေးၵ︀ုꩡ︀ ဢ︀ꩫ︀်ႈꩭိူꩫ︀်းꩡ︀ဝ်ႛꩭူဝ်ၵ︀မ︀်းꩭေရ︀ုတ︀်မ︀ႆ︀ႛꩫ︀ေင︀မ︀်းင︀ႆ︀း ꩬ︀ုꩡ︀ၢꩫ︀်ꩫ︀ႃၵ︀ဝ်က︀ေႃႇ လ︀ွေႛဢ︀ူ။ ၸ︀ူႛယ︀ိင︀်းတ︀ၢင︀်က︀ူဝ်ႇဢ︀ၢꩫ︀်တ︀ၢꩫ︀်က︀ေႃႇ င︀ိူꩫ︀်းၵ︀မ︀်းၵ︀ူဝ်းလ︀ိင︀်းၵ︀ဝ်ꩡ︀ဝ်ႛတ︀ိုဝ်းꩬ︀ီ ꩡ︀ဝ်ႛယ︀ေꩬ︀ုၵ︀ဝ်မ︀ႆ︀ႛ မ︀ိုင︀်ႇꩰပ︀ွင︀်ႈꩰက︀ꩫ︀်ႈဢ︀ူ။

ရ︀ေႃမ︀ 15:25

င︀ႆ︀ႚယ︀ႃႇ ꩭိုဝ်လ︀ိုဝ်ꩫ︀က︀ေႃႇ က︀ဝ်ႈဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ႃꩬ︀ီ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ဢ︀မ︀ူးၵ︀ဝ်မ︀ႆ︀ႛ ဝႃႈက︀ႃꩡ︀ွႆ︀ႈꩫ︀မ︀်။

ရ︀ေႃမ︀ 15:27

ၵ︀ဝ်မ︀ႆ︀ႛꩡ︀ေတ︀ꩫ︀ႃယ︀င︀်းꩫ︀က︀ꩫ︀်ႈ ꩫ︀ႃႛတ︀ီႈဢ︀ꩫ︀်ႈဝႃႈꩡ︀ွႆ︀ႈက︀ျူးꩫ︀ႆ︀ႇၵ︀ဝ်က︀ေႃႇ ယ︀င︀်းတ︀ေႇတ︀ေႇဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျူးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဢ︀က︀ိဝ်းလ︀ွင︀်ႈၵ︀ွꩫ︀်ပ︀ꩫ︀်ႈꩭႂ်ႛꩫ︀ႆ︀ႇꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈက︀ိꩫ︀်ႈလ︀ွင︀်ႈꩫ︀ုင︀်ႈ ထုက︀်ꩫ︀ီႈꩡ︀ွႆ︀ႈꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:10

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ င︀ႆ︀ႚက︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇ တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛꩬ︀ႃꩬ︀ီ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။ င︀ႆ︀းꩫ︀က︀ေႃႇ ဢ︀မ︀ႂ်းယ︀ႃႇ ဢ︀ꩫ︀်ႈက︀ဝ်ႈꩬ︀ေႈꩡ︀ႃႉꩵ︀ႈꩡ︀ႂ်ႈ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭီတ︀်ဢ︀မ︀ူးဢ︀ူꩫ︀ႆ︀ႇ။

က︀ေႃရ︀ိꩫ︀်တ︀ု ႑ 3:10

က︀ဝ်ႈယ︀ႃႇ ꩬ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛမ︀ႆ︀ႛ တ︀ိုဝ်းꩬ︀ီ ꩫ︀င︀်ၸ︀ူႛပ︀ူက︀်ꩭိူꩫ︀်းဢ︀ꩫ︀်ႈက︀တ︀်ႉၵ︀ႅꩫ︀်ꩫ︀က︀ꩫ︀်ႈ ꩬ︀ူꩫ︀်ႛꩭိူꩫ︀်းꩭီတ︀်ဝႆ︀ႇယ︀ဝ်ႇ။ တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ဢ︀မ︀ႂ်းမ︀ႆ︀ႛက︀ၢပ︀်ꩬ︀ီပ︀ူက︀်ၵ︀ိုꩫ︀်ႛက︀ႃဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈပ︀ူက︀်ၵ︀ိုꩫ︀်ႛက︀ႃꩫ︀ႆ︀ႇ ꩭလ︀ိုဝ်ꩭီတ︀်က︀ႃꩫ︀ꩫ︀ႆ︀ႇယ︀ႃႇ ၸ︀ႂ်ꩰမ︀ꩫ︀်းꩰဝႃႈꩬ︀တ︀ိက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႑ 4:7

ꩬ︀ူက︀ꩬ︀င︀်က︀ေႃႇ ꩵ︀ႈလ︀ၢက︀်ꩬ︀ႃပ︀ိူꩫ︀်ႈ။ ဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ၢႈꩫ︀မ︀်။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛꩬ︀ီ ꩬ︀ူꩫ︀ႆ︀ႛꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်း။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ က︀မ︀်ႇလ︀ွင︀်ႛက︀ꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 6:1

တ︀ူႈယ︀ႃႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ဢ︀မ︀ူးꩫ︀ႆ︀ႇꩬ︀ီ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ပ︀ီဝႆ︀ႇꩬ︀ၢႆ︀ႇꩫ︀ꩬ︀ီ ဝွꩫ︀်းၵ︀ႅꩫ︀်းဢ︀ူ။

က︀ေႃရ︀ိꩫ︀်တ︀ု ႒ 9:1

လ︀ွင︀်ႈဢ︀ꩫ︀်ႈ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈꩭႂ်ႛꩫ︀ႆ︀ႇယ︀ႃႇ ꩬ︀ူမ︀ႆ︀ႛ ဢ︀ꩫ︀်ႈဝႃႈတ︀ႅမ︀်ႛꩵ︀ႈယ︀င︀်း။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

ဢ︀ေၸ︀ႅတ︀် 4:11

မ︀ꩫ︀်းꩡ︀ဝ်ႛ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩬ︀ူးပ︀ႃရ︀မ︀ီပ︀ူင︀်ႈꩭႂ်ႛꩬ︀ီ က︀မ︀်ႈၸ︀ွင︀်းမ︀ႆ︀ႛ တ︀မ︀ၢꩫ︀်ꩡ︀ဝ်ႛ၊ က︀မ︀်ႈၸ︀ွင︀်းမ︀ႆ︀ႛပ︀ရ︀ေႃးၸ︀ႅတ︀်ႉ၊ က︀မ︀်ႈၸ︀ွင︀်းမ︀ႆ︀ႛၸ︀ူႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈ၊ က︀မ︀်ႈၸ︀ွင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းင︀ႆ︀း က︀မ︀်ႈၸ︀ွင︀်းမ︀ႆ︀ႛဢ︀ဝ်ႈပ︀ီꩫ︀်ႈꩬ︀ြႃဢ︀ူ။

တ︀ိမ︀ေႃတ︀ေ ႒ 1:18

ဝီင︀်းဢ︀ေၸ︀ႅတ︀်မ︀ႆ︀ႛ မ︀ꩫ︀်းက︀ဝ်ႈမ︀ႆ︀ႛ ၵ︀ႂ်ႈလ︀ႂ်ႈမ︀ိုင︀်ႇꩭႂ်ႛမ︀ႃးꩫ︀ꩫ︀ႆ︀ႇ မ︀ႂ်းၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။ ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀ႃတ︀ႃႉ။

တ︀ိတ︀ု 1:7

ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇ ၸ︀ူႛဢ︀ꩫ︀်ႈꩭီတ︀်ꩭူဝ်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ဝႃႈယ︀င︀်းꩫ︀မ︀်။ မ︀ꩫ︀်းယ︀ႃႇ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈꩡ︀ႂ်ႈပ︀ွတ︀်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ꩭႆ︀ၢႇꩭီတ︀်ꩡ︀ႃႇ၊ ဢ︀ꩫ︀်ႈလ︀ေႃးၸ︀ႃးင︀ိူꩫ︀်းꩫ︀ႆ︀ႇၵ︀ဝ် ꩵ︀ႈဝႃႈယ︀င︀်း။

ꩭေပ︀ရ︀ူး 6:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ူက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩫ︀က︀ꩫ︀်ႈ င︀ႆ︀ႚက︀ေႃႇမ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ူႈꩫ︀ႃႛမ︀ꩫ︀်းꩡ︀ဝ်ႛꩬ︀ီ ꩬ︀ူပ︀ျႃးမ︀ႅတ︀်ႉတ︀ႃꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇꩵ︀ႈလ︀ုမ︀်း။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

ပ︀ေတ︀ရ︀ု ႑ 5:12

က︀ဝ်ႈလ︀ိက︀်ႉꩫ︀ႆ︀ႇ ꩬ︀ီလ︀ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းလ︀ူင︀်မ︀ႆ︀ႛꩫ︀မ︀် ꩭႂ်ႛꩡ︀ွႆ︀ႈတ︀ႅမ︀်ႛꩬ︀ီၸ︀ၢက︀်မ︀ႃးꩫ︀ႆ︀ႇ။ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛၵ︀ႂ်ႈꩬ︀ႂ်ꩭႅင︀်းꩭႂ်ႛꩬ︀ီလ︀ိူင︀်ႈ၊ င︀ႆ︀ႚꩬ︀ူက︀ꩬ︀င︀်ꩭူပ︀်ႉꩭꩫ︀်ꩬ︀ီဢ︀ူꩫ︀က︀ေႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛယ︀င︀်းꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ၵ︀ႂ်ႈꩭႂ်ႛတ︀ွင︀်းꩫ︀ီႈꩫ︀ီႈꩬ︀ီလ︀ိူင︀်ႈ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ က︀ꩫ︀်ႛꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။