ပ︀ေတ︀ရ︀ု ႑ 3:9 - Khamti Shan

⁹ ၸ︀ႂ်မ︀ႆ︀ႛက︀ေႃႇပ︀ီ တ︀ွပ︀်ꩬ︀ူꩫ︀်ႇ။ ပ︀ီပ︀ၢဝ်ပ︀ွက︀်ႉ။ ဢ︀က︀ိဝ်းꩬ︀ိုင︀်ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛꩭွင︀်ႇꩫ︀ႆ︀ႇ ꩭၢင︀်းꩭီတ︀်င︀ႆ︀းꩫ︀မ︀်။ ꩭီတ︀်င︀ႆ︀းက︀ီး ꩬ︀ူမ︀ႆ︀ႛမ︀ꩫ︀်းꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူ။

ပ︀ေတ︀ရ︀ု ႑ 3:9 ပူးပေါင်းရင်းမြစ်များ

မ︀တ︀်တ︀ႄး 19:29

ꩡ︀ႃႇလ︀ိူင︀်ႈ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ပ︀ူဝ်မ︀ေ၊ ပ︀ီႈꩫ︀ွင︀်ႇ၊ လ︀ုက︀်ႉလ︀ၢင︀်းꩫ︀ႆ︀ႇၵ︀ဝ်၊ ꩭိူꩫ︀်း၊ ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ွတ︀်ꩫ︀ႆ︀ႇယ︀ႃႇ ဢ︀က︀ိဝ်းပ︀ၢက︀်ꩡ︀ူးꩫ︀ႆ︀ႛပ︀ွက︀်ႉꩬ︀ေႇမ︀ဝ်က︀ႃးဢ︀ꩬ︀ၢက︀်ႉထႃဝရ︀တ︀မ︀ိူင︀်းꩫ︀ႆ︀ႛဢ︀ူ။

မ︀တ︀်တ︀ႄး 25:34

ယ︀ဝ်ႇက︀ီး က︀ဝ်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းယ︀ႃႇ က︀ူꩫ︀်းပ︀ႃႛၵ︀ႃꩫ︀ႆ︀ႇၵ︀ဝ်မ︀ႆ︀ႛ “ꩬ︀ူဢ︀ꩫ︀်ႈပ︀ူဝ်က︀ဝ်ႈ ပ︀ူင︀်ႈဢ︀က︀ိဝ်းꩫ︀ႆ︀ႇၵ︀ဝ်မ︀ႃးတ︀ႃႉ။ မ︀ိူင︀်းဢ︀ꩫ︀်ႈꩡ︀ႃႇꩭၢင︀်းꩬ︀ူ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛꩭႅမ︀်းဝႆ︀ႇမ︀ႆ︀ႛ မ︀ႃးဢ︀ူတ︀ႃႉ။

မ︀တ︀်တ︀ႄး 5:39

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ꩬ︀ူမ︀ႆ︀ႛပ︀ိူꩫ︀်ႈၸ︀ိတ︀်မ︀ႃးက︀ီး ပ︀ီတ︀ွပ︀်ꩬ︀ူꩫ︀်ႇပ︀ွက︀်ႉ။ က︀ႅမ︀်ႛပ︀ႃႛၵ︀ႃꩬ︀ူမ︀ႆ︀ႛ ပ︀ိူꩫ︀်ႈတ︀ၢပ︀်က︀ီး က︀ႅမ︀်ႛပ︀ႃႛꩬ︀ႆ︀ၢႇက︀ေႃႇတ︀ုင︀်းဢ︀ိက︀်ꩭႂ်ႛတ︀ႃႉ။

မ︀တ︀်တ︀ႄး 5:44

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ လ︀ꩫ︀်ꩬ︀ူမ︀ႆ︀ႛꩭၢက︀်ႉတ︀ႃႉ။ ꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉက︀ီး က︀ူဝ်ႇဢ︀မ︀ႂ်းမ︀ႆ︀ႛ ယ︀ွꩫ︀်းꩬ︀ူးꩭႂ်ႛတ︀ႃႉ။

မ︀ႃက︀ု 10:17

မ︀ိူဝ်ႈꩡ︀ဝ်ႛယ︀ေꩬ︀ု လ︀ုက︀်ႉဢ︀မ︀ႂ်းမ︀ႆ︀ႛ ꩬ︀ၢင︀်တ︀ီဢ︀ွက︀်က︀ႃꩫ︀ႆ︀ႇ က︀ူꩫ︀်းက︀ူဝ်ႇလ︀ိူင︀်ႈလ︀ႅꩫ︀်ႈမ︀ႃးင︀ႆ︀း ပ︀ၢင︀်းꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ပ︀ႅပ︀်ၵ︀ုပ︀်ႉꩬ︀ီ “ꩡ︀ဝ်ႛꩬ︀ြႃဢ︀ꩫ︀်ႈꩫ︀ီႈတ︀ီၵ︀ႃႛ ꩭႂ်ႛပ︀ူဝ်းဢ︀ꩬ︀ၢက︀်ႉထႃဝရ︀ꩫ︀ႆ︀ႛꩫ︀ႆ︀ႇ က︀ဝ်ႈၵ︀ႃႛဝႃႈꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀” ꩫ︀ꩬ︀ီ မ︀ꩫ︀်းꩡ︀ဝ်ႛမ︀ႆ︀ႛထၢမ︀်ဢ︀ူ။

လ︀ုက︀ႃ 10:25

ဝꩫ︀်းလ︀ိူင︀်ႈ ꩬ︀ြႃတ︀ြႃးက︀ူဝ်ႇလ︀ိူင︀်ႈယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ႂ်ႈꩡ︀ၢမ︀်းꩬ︀ီ “ꩬ︀ြႃꩴ︀း ꩭႂ်ႛပ︀ူဝ်းꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇ က︀ꩬ︀င︀်ꩫ︀ႆ︀ဝႃႈꩭီတ︀်တ︀ီၵ︀ႃႛꩫ︀ႆ︀ႇ” ꩫ︀ဝꩫ︀်ႇ။

လ︀ုက︀ႃ 18:18

က︀ူꩫ︀်းယ︀ႂ်ယ︀ုတ︀က︀ူဝ်ႇလ︀ိူင︀်ႈယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ “ꩬ︀ြႃဢ︀ꩫ︀်ႈꩫ︀ီႈꩴ︀း ꩭႂ်ႛပ︀ူဝ်းꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇ က︀ꩬ︀င︀်ꩫ︀ႆ︀ဝႃႈꩭီတ︀်တ︀ီၵ︀ႃႛꩫ︀ႆ︀ႇ” ꩫ︀ဝꩫ︀်ႇ။

ရ︀ေႃမ︀ 12:14

က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛ ꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ီက︀ိꩫ︀်။ ꩭႂ်ႛပ︀ူဝ်းၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈဢ︀က︀ိဝ်းꩫ︀ႆ︀ႇꩬ︀ိုင︀် ယ︀ွꩫ︀်းꩬ︀ူးꩭႂ်ႛက︀ꩫ︀်ႈတ︀ႃႉ။

ရ︀ေႃမ︀ 12:17

ꩬ︀ူမ︀ႆ︀ႛပ︀ိူꩫ︀်ႈၸ︀ိတ︀်က︀ီး ပ︀ီၸ︀ိတ︀်ပ︀ွက︀်ႉ။ ဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်း ꩫ︀ူႈတ︀ီထုက︀်ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။

ရ︀ေႃမ︀ 8:28

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩬ︀ီ ဢ︀ꩫ︀်ႈꩫ︀င︀်ဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀က︀ꩫ︀်ႈ ꩭွင︀်ႇလ︀ိူက︀်ႉဢ︀ဝ်ႈꩫ︀ႆ︀ႇၵ︀ဝ် ပ︀ီꩫ︀်ႈꩭိုဝ်မ︀ႃးဢ︀ူက︀ေႃႇ လ︀ုက︀်ႉဢ︀မ︀ႂ်းၵ︀ဝ်မ︀ႆ︀ႛ ꩡ︀ႃႇꩭၢင︀်းၵ︀ဝ် ꩭႂ်ႛပ︀ူဝ်းဢ︀က︀ိဝ်းယ︀င︀်းꩫ︀ႆ︀ႇ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩭီတ︀်ꩭႂ်ႛဢ︀ူꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ရ︀ေႃမ︀ 8:30

င︀ႆ︀းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩭွင︀်ႇဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်မ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ူင︀်ႈꩭႂ်ႛမ︀ႃးဢ︀ူ။

က︀လ︀ႃတ︀ိ 3:14

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭီတ︀်င︀ႆ︀းꩫ︀ႆ︀ႇꩬ︀ီ ဢ︀က︀ိဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛ ပ︀ူင︀်ႈꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇꩫ︀ႆ︀ႛꩭၢပ︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛတ︀ီꩭႂ်ႛꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းက︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛꩭၢပ︀်ႉယ︀ဝ်ႇ။

ဢ︀ေၸ︀ႅတ︀် 4:32

ꩬ︀ူယ︀ႃႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ွႆ︀ႈက︀ꩫ︀်ႈꩬ︀ီ ꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ဢ︀ပ︀ႅတ︀်ႉꩭႂ်ႛမ︀ႃးꩫ︀က︀ꩫ︀်ႈ ဢ︀ပ︀ႅတ︀်ႉပ︀ွႆ︀က︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:15

ၸ︀ႂ်မ︀ႆ︀ႛက︀ေႃႇ ပ︀ီတ︀ွပ︀်ꩬ︀ူꩫ︀်ႇက︀ꩫ︀်ႈ။ ꩫ︀ႂ်းꩡ︀ိူဝ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀က︀ေႃႇယ︀ႃ ပ︀ိူꩫ︀်ႈၸ︀ႂ်မ︀ႆ︀ႛꩫ︀က︀ေႃႇယ︀ႃ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭီတ︀်လ︀ွင︀်ႈꩫ︀ီႈဢ︀ၵ︀ႅက︀်ႉဢ︀ၵ︀ျႃက︀ꩫ︀်ႈတ︀ႃႉ။

ꩭေပ︀ရ︀ူး 12:17

ꩫ︀င︀်ꩬ︀ူတ︀ွင︀်းꩫ︀က︀ꩫ︀်ႈ က︀ꩫ︀်ႛလ︀င︀်မ︀ႆ︀ႛꩬ︀ိုင︀်မ︀ꩫ︀်းယ︀ွꩫ︀်ႛꩬ︀ီ လ︀ုက︀်ႉၸ︀ူႛပ︀ူဝ်ႈမ︀ႆ︀ႛ ယ︀ွꩫ︀်းဢ︀က︀ိဝ်းၵ︀ႂ်ႈလ︀ႂ်ႈꩫ︀က︀ေႃႇ မ︀ꩫ︀်းမ︀ႆ︀ႛၸ︀ူႛပ︀ူဝ်ႈပ︀ႆ︀ၵ︀ွတ︀်ဢ︀ူ။ မ︀ꩫ︀်းၵ︀ီၵ︀ီၵ︀ုမ︀်ꩰင︀ႆ︀း ꩫ︀မ︀်ႇတ︀ႃႈတ︀ူက︀်ꩬ︀ီ ၵ︀ႂ်ႈလ︀ႂ်ႈၵ︀ႅꩫ︀်းဝွꩫ︀်းꩫ︀က︀ေႃႇ ဢ︀ꩫ︀်ႈၸ︀ူႛပ︀ူဝ်ႈဝႃႈယ︀ဝ်ႇꩰမ︀ႆ︀ႛ ဢ︀ဝ်ႈလ︀ႆ︀ၢႈꩵ︀ႈꩫ︀ႆ︀ႛယ︀ဝ်ႇ။

ꩭေပ︀ရ︀ူး 6:14

“က︀ဝ်ႈ မ︀ႂ်းမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀က︀ိဝ်းပ︀ူင︀်ႈꩭႂ်ႛꩬ︀ီ ၵ︀ိူဝ်းမ︀ႂ်းမ︀ႆ︀ႛ တ︀ီဢ︀ဝ်ႈꩫ︀မ︀်လ︀ႆ︀ၢꩭႂ်ႛတ︀ေႇတ︀ေႇꩫ︀မ︀်” ꩫ︀ဝꩫ︀်ႇ။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။