ပ︀ေတ︀ရ︀ု ႑ 3:8 - Khamti Shan

⁸ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛၵ︀ႂ်ႈဝႃႈꩫ︀ႆ︀ႇယ︀ႃႇ ꩬ︀ူတ︀င︀်းမ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈတ︀ႃႉ။ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈ၊ လ︀ႅင︀်ႇက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ က︀ွမ︀်းꩫ︀ွမ︀်းက︀ꩫ︀်ႈတ︀ႃႉ။

ပ︀ေတ︀ရ︀ု ႑ 3:8 ပူးပေါင်းရင်းမြစ်များ

မ︀တ︀်တ︀ႄး 18:33

ꩫ︀င︀်မ︀ႂ်းမ︀ႆ︀ႛ က︀ဝ်ႈဢ︀ီꩫ︀ူႈꩭႂ်ႛꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀ႆ︀မ︀ႂ်း တ︀ႆ︀းက︀ူဝ်ႇမ︀ႂ်းမ︀ႆ︀ႛ မ︀ဝ်ဢ︀ီꩫ︀ူႈꩭႂ်ႛꩫ︀ႆ︀ႇ” ꩫ︀ယ︀ဝ်ႇက︀ီး

လ︀ုက︀ႃ 10:33

ꩫ︀ႆ︀ႇꩫ︀က︀ေႃႇ က︀ူꩫ︀်းꩬ︀မ︀ႃရ︀ိက︀ူဝ်ႇလ︀ိူင︀်ႈယ︀ႃႇ ပ︀ႆ︀ႈတ︀ၢင︀်းꩬ︀ီ မ︀ꩫ︀်းမ︀ႆ︀ႛꩭꩫ︀်က︀ီး ဢ︀ီꩫ︀ူႈဢ︀ူ။

ထဝ်ꩡ︀တ︀်ႉၵ︀ဝ် 2:1

ဝꩫ︀်းပ︀ွႆ︀းပ︀ီꩫ︀်တ︀ေက︀ုက︀်ႉတ︀ေထိုင︀်မ︀ႃးက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီႈလ︀ိူင︀်ႈမ︀ႆ︀ႛ မ︀ႃးတ︀ုမ︀်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 27:3

ꩫ︀င︀်မ︀ိူဝ်ႈꩭုက︀်ႉ တ︀ူႈဝီင︀်းꩡ︀ိတ︀ုင︀်မ︀ႆ︀ႛထိုင︀်က︀ႃဢ︀ူ။ ꩡ︀ဝ်ႛꩭူဝ်ꩬ︀ိူက︀်ယ︀ႃႇ ပ︀ေႃလ︀ုမ︀ႆ︀ႛဢ︀ီꩫ︀ူႈꩬ︀ီ ဢ︀ၵ︀ၢင︀်းဢ︀ꩫ︀်ႈက︀ႃꩭꩫ︀် တ︀ႆ︀းက︀ူဝ်ႇမ︀ꩫ︀်းၵ︀ဝ်ꩭႂ်ႛဢ︀ူ။ တ︀ႆ︀းက︀ူဝ်ႇမ︀ꩫ︀်းၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈပ︀ေႃလ︀ုမ︀ႆ︀ႛ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ꩫ︀ႆ︀ႇꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 28:7

တ︀ၢႆ︀ႛဢ︀မ︀ႂ်းမ︀ႆ︀ႛ ꩫ︀ိꩫ︀်ႈဢ︀ꩫ︀်ႈꩡ︀ဝ်ႛꩭူဝ်က︀ေင︀ွꩫ︀်ႈပ︀ုပ︀လ︀ိပ︀ႅင︀်ꩫ︀ႆ︀ႇၵ︀ဝ်ယ︀င︀်းဢ︀ူ။ ꩡ︀ဝ်ႛꩭူဝ်က︀ေင︀ွꩫ︀်ႈယ︀ႃႇတ︀ူႈမ︀ႆ︀ႛꩭၢပ︀်ႉꩬ︀ီ ꩬ︀ၢမ︀်ဝꩫ︀်းတ︀ၢင︀်ႈꩰလ︀ီင︀်ႇဢ︀ွႆ︀ဢ︀ူ။

ထဝ်ꩡ︀တ︀်ႉၵ︀ဝ် 4:32

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ ၸ︀ွမ︀်ႇက︀ꩫ︀်ႈလ︀ွမ︀်ႈက︀ꩫ︀်ႈပ︀ီꩫ︀်ႈꩡ︀ႂ်ႈလ︀ိူင︀်ႈꩫ︀ႆ︀ၢႈꩬ︀ီ ၸ︀ႂ်က︀ေႃႇၵ︀ွင︀်ပ︀ၢင︀်ႈꩫ︀ꩫ︀ႆ︀ႇꩵ︀ႈဝႆ︀ႇ။ င︀ႆ︀းꩬ︀ီ ၵ︀ိူင︀်ႈဢ︀ꩫ︀်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇတ︀င︀်းမ︀ိူင︀်း ꩭူမ︀်ႈက︀ိꩫ︀်ႈꩭူမ︀်ႈတ︀ိုဝ်းက︀ꩫ︀်ႈဢ︀ူ။

ရ︀ေႃမ︀ 12:10

ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ ꩭၢက︀်ႉက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛမ︀ဝ်ယ︀ွင︀်ႛꩬ︀ီ ပ︀ိူꩫ︀်ႈမ︀ႆ︀ႛꩬ︀ိုင︀် ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ရ︀ေႃမ︀ 15:5

ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ꩡ︀ႂ်ႈဢ︀ဝ်ႈယ︀ၢဝ်းꩭႂ်ႛ ꩭႅင︀်းထႅမ︀်ဢ︀ဝ်ႈတ︀ီမ︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈပ︀ီꩫ︀်ႈꩬ︀ီ ꩫ︀ႂ်းꩬ︀ူမ︀ႆ︀ႛၸ︀ွမ︀်ႇလ︀ွမ︀်ႈက︀ꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႂ်ႛꩡ︀ွႆ︀ႈꩭႂ်ႛက︀တ︀ႃႉ။

က︀ေႃရ︀ိꩫ︀်တ︀ု ႑ 1:10

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ က︀ဝ်ႈဝွꩫ︀်းၵ︀ႅꩫ︀်းက︀ွတ︀်။ လ︀ွင︀်ႈဢ︀ꩫ︀်ႈꩬ︀ူဝႃႈက︀ꩫ︀်ႈမ︀ႆ︀ႛ ꩭႂ်ႛပ︀ူဝ်းꩡ︀ႂ်ႈမ︀ဝ်က︀ၢက︀်ႉက︀ꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈမ︀ႃးတ︀ႃႉ။ ပ︀ီꩫ︀်ႈꩡ︀ႂ်ႈလ︀ိူင︀်ႈၵ︀ူဝ်းလ︀ိူင︀်ႈꩫ︀ၢႆ︀ႈꩬ︀ီ ၸ︀ွမ︀်ႇလ︀ွမ︀်ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 12:26

င︀ႆ︀းꩫ︀ႆ︀ႇꩬ︀ီ တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ွꩫ︀်ႈဢ︀ꩫ︀်ႈလ︀ိူင︀်ႈ ꩫ︀ႆ︀ႛꩡ︀ီပ︀်က︀ီး ꩬ︀ိက︀်ႉတ︀ွꩫ︀်ႈတ︀ၢင︀်ဢ︀ꩫ︀်ႈတ︀င︀်းမ︀ိူင︀်း ꩡ︀ီပ︀်လ︀ွေႛဢ︀ူ။ ꩬ︀ိက︀်ႉတ︀ွꩫ︀်ႈꩭဝ်းဢ︀ꩫ︀်ႈလ︀ိူင︀်ႈမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛက︀ီး ꩬ︀ိက︀်ႉတ︀ွꩫ︀်ႈဢ︀ꩫ︀်ႈက︀ိူတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ူမ︀်းလ︀ွေႛဢ︀ူ။

ဢ︀ေၸ︀ႅတ︀် 4:2

ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ က︀ွမ︀်းꩫ︀ွမ︀်းက︀ꩫ︀်ႈ၊ ဢ︀ူꩫ︀်ႛꩥ︀ေႈဢ︀ူꩫ︀်ႛဢ︀ွꩫ︀်က︀ꩫ︀်ႈ၊ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ က︀ꩫ︀်ႛယ︀ိူꩫ︀်ႇက︀ꩫ︀်ႈင︀ႆ︀းꩬ︀ီ ꩭၢက︀်ႉက︀ꩫ︀်ႈဢ︀ူꩫ︀ꩫ︀ႆ︀ႇ ပ︀ျႃးက︀ꩫ︀်ႈတ︀ႃႉ။

ဢ︀ေၸ︀ႅတ︀် 4:31

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈꩭတ︀်က︀ႅမ︀်းက︀ꩫ︀်ႈ၊ ဢ︀ꩫ︀်ႈတ︀ေႃးꩬ︀ႃးက︀ꩫ︀်ႈ၊ ဢ︀ꩫ︀်ႈꩡ︀ႂ်ႈမ︀ဝ်ꩬ︀ိင︀်ႛက︀ꩫ︀်ႈ၊ ဢ︀ꩫ︀်ႈပ︀ၢဝ်က︀ꩫ︀်ႈ၊ ဢ︀ꩫ︀်ႈက︀ေးလ︀ေးက︀ꩫ︀်ႈ၊ ဢ︀ꩫ︀်ႈꩡ︀င︀်းက︀ꩫ︀်ႈꩫ︀ႆ︀ႇၵ︀ဝ် ၵ︀ွတ︀်မ︀ူတ︀်တ︀ႃႉ။

ဢ︀ေၸ︀ႅတ︀် 4:32

ꩬ︀ူယ︀ႃႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ွႆ︀ႈက︀ꩫ︀်ႈꩬ︀ီ ꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈတ︀ႃႉ။ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ဢ︀ပ︀ႅတ︀်ႉꩭႂ်ႛမ︀ႃးꩫ︀က︀ꩫ︀်ႈ ဢ︀ပ︀ႅတ︀်ႉပ︀ွႆ︀က︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 2:3

ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈက︀မ︀်ႇလ︀ွင︀်ႛꩫ︀ႆ︀ႇၵ︀ဝ် ပ︀ီယ︀င︀်းပ︀ိူင︀်ႈလ︀ူင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛပ︀ိူꩫ︀်ႈဢ︀မ︀်ꩬ︀ႃဢ︀ူꩫ︀ꩬ︀ိုင︀် မ︀တ︀်ႉက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 3:16

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩬ︀ီ တ︀ူဝ်ထိုင︀်ဝꩫ︀်းꩫ︀ႆ︀ႇ ꩭဝ်းꩡ︀ွမ︀်းမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ွမ︀်းꩭီတ︀်က︀ႃက︀ꩫ︀်ႈက︀ွတ︀်။

က︀ေႃလ︀ေႃတ︀ႄ 3:12

ꩬ︀ူက︀ေႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛꩭၢက︀်ႉꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူ ꩫ︀ီႈက︀ꩫ︀်ႈ၊ ꩡ︀ွႆ︀ႈက︀ꩫ︀်ႈ၊ က︀ွမ︀်းꩫ︀ွမ︀်းက︀ꩫ︀်ႈ၊ ဢ︀ူꩫ︀်ႛꩥ︀ေႈက︀ꩫ︀်ႈꩬ︀ီ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

ꩭေပ︀ရ︀ူး 13:1

ꩬ︀ူ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ၢပ︀်ꩬ︀ီꩭၢက︀်ႉက︀ꩫ︀်ႈက︀ႃတ︀ႃႉ။

ယ︀ႃက︀ု 2:13

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ဝ်ဢ︀ီꩫ︀ူႈ ပ︀ိူꩫ︀်ႈမ︀ႆ︀ႛ မ︀ဝ်ဢ︀ီꩫ︀ူႈꩬ︀ီ တ︀ီပ︀ႅတ︀်ႉတ︀ြႃးꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈဢ︀ီꩫ︀ူႈပ︀ိူꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးမ︀ႆ︀ႛꩵ︀ႈဝႃႈက︀ူဝ်ႈ။

ယ︀ႃက︀ု 3:17

ꩫ︀ႆ︀ႇꩫ︀က︀ေႃႇ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩵ︀ႈလ︀ွေႛ။ က︀တ︀်ယ︀ီꩫ︀်ႈꩬ︀ီ ꩡ︀ႂ်ႈက︀ၢင︀်ႛꩡ︀ႂ်ႈꩫ︀ႃဢ︀ူ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ထုက︀်က︀ꩫ︀်ႈꩭၢက︀်ႉက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် က︀ူႈၸ︀ꩫ︀်းဢ︀ဝ်ႈပ︀ီꩫ︀်ႈမ︀ႃးဢ︀ူ။ ဢ︀ꩫ︀်ႈꩫ︀ူႈꩫ︀ႃႛလ︀ီက︀်ႉꩫ︀ႃႛယ︀ႂ်၊ ဢ︀ꩫ︀်ႈက︀ႅမ︀်ႛꩫ︀ႃႛꩫ︀ꩫ︀ႆ︀ႇၵ︀ဝ်က︀ေႃႇꩵ︀ႈယ︀င︀်း။

ယ︀ႃက︀ု 5:11

က︀ွပ︀်ႉပ︀ိူဝ်ႈၵ︀ဝ် က︀ꩫ︀်ႛပ︀ီꩫ︀်ႈမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃယ︀င︀်းဢ︀ူꩫ︀ꩬ︀ီ ꩭဝ်းဝႃႈꩫ︀မ︀်။ ယ︀ေႃၿꩫ︀ႆ︀ႇ ꩭလ︀ိုဝ်က︀ꩫ︀်ႛမ︀ႃးꩬ︀ီ ပ︀ၢႆ︀ႈꩭၢင︀်လ︀ေႚလ︀ေႚမ︀ႆ︀ႛ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭလ︀ိုဝ် ပ︀ူင︀်ႈဢ︀က︀ိဝ်းꩭႂ်ႛမ︀ႃးꩫ︀ꩫ︀ႆ︀ႇꩬ︀ူတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ႅတ︀်ႉတ︀ႃယ︀ႂ်လ︀ူင︀် ꩡ︀ႂ်ႈဢ︀ꩫ︀်ႈဢ︀ီꩫ︀ူႈယ︀ႂ်လ︀ူင︀်ꩬ︀ီꩫ︀မ︀်။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 2:17

က︀ူꩫ︀်းက︀ူႈက︀ူဝ်ႇမ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭၢက︀်ႉꩭွမ︀်က︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ꩡ︀ဝ်ႛꩭူဝ်ၵ︀မ︀်းမ︀ႆ︀ႛ ယ︀မ︀်ႈင︀ဝ်းက︀ꩫ︀်ႈတ︀ႃႉ။

ပ︀ေတ︀ရ︀ု ႑ 5:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူꩫ︀်းꩫ︀ုမ︀်ၵ︀ဝ်ꩴ︀း ꩬ︀ူက︀ေႃႇ ၵ︀ၢမ︀်းၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ထွမ︀်က︀ꩫ︀်ႈတ︀ႃႉ။ ꩬ︀ူတ︀င︀်းမ︀ိူင︀်း က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ က︀ွမ︀်းꩫ︀ွမ︀်းꩬ︀ီ ꩡ︀ွႆ︀ႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ူႛဢ︀ꩫ︀်ႈက︀မ︀်ႇလ︀ွင︀်ႛမ︀ႆ︀ႛꩡ︀ႃႇꩬ︀ီ ၸ︀ူႛဢ︀ꩫ︀်ႈက︀ွမ︀်းꩫ︀ွမ︀်းမ︀ႆ︀ႛယ︀ႃႇ ဢ︀ီꩫ︀ူႈꩭႂ်ႛဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။

ပ︀ေတ︀ရ︀ု ႒ 1:7

က︀ꩫ︀်ႛꩫ︀ိူဝ်ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈ၊ က︀ꩫ︀်ႛꩫ︀ိူဝ်ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈမ︀ႆ︀ႛ ဢ︀ꩫ︀်ႈက︀ူႈက︀ူဝ်ႇမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇၵ︀ဝ် က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉꩬ︀ီထႅမ︀်ဢ︀ိက︀်က︀ꩫ︀်ႈက︀ႃတ︀ႃႉ။

ယ︀ေႃးꩭၢꩫ︀် ႑ 3:14

ꩭဝ်းယ︀ႃႇပ︀ိူꩫ︀်ႈမ︀ႆ︀ႛ ꩭၢက︀်ႉꩫ︀ႆ︀ႇꩬ︀ီ ꩭဝ်းလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ လ︀ွတ︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇယ︀ႃႇ ဢ︀ူက︀ꩫ︀်ႛတ︀ႂ်ႛ တ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛꩫ︀မ︀်။