ပ︀ေတ︀ရ︀ု ႑ 3:22 - Khamti Shan

²² င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။

ပ︀ေတ︀ရ︀ု ႑ 3:22 ပူးပေါင်းရင်းမြစ်များ

မ︀တ︀်တ︀ႄး 22:44

က︀ျမ︀်းလ︀ိက︀်ႉမ︀ႆ︀ႛ “လ︀ꩫ︀်ꩬ︀ူမ︀ႂ်းꩫ︀ႆ︀ႇၵ︀ဝ်မ︀ႆ︀ႛ က︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းမ︀ႆ︀ႛ က︀ႃႈက︀ဝ်ႈမ︀ဝ်တ︀မ︀်းဝႆ︀ႇယ︀ႃႇ ပ︀ႃႛၵ︀ႃက︀ဝ်ႈမ︀ႆ︀ႛꩫ︀င︀်ႈတ︀ႃႉꩫ︀ꩬ︀ီ ꩡ︀ဝ်ႛက︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဢ︀ူ” ꩫ︀ꩬ︀ီၻႃဝိဝႃႈဝႆ︀ႇဢ︀ူ။

မ︀တ︀်တ︀ႄး 28:18

ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။

မ︀ႃက︀ု 12:36

ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ “ꩡ︀ဝ်ႛက︀ဝ်ႈမ︀ႆ︀ႛ ꩡ︀ဝ်ႛထႃဝရ︀ၸ︀ြႃးဝႃႈꩫ︀ႆ︀ႇ လ︀ꩫ︀်ꩬ︀ူမ︀ႂ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီဢ︀ဝ်ႈဝႆ︀ႇက︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းꩫ︀မ︀်။ က︀ႃႈမ︀ဝ်ဝႆ︀ႇယ︀ႃႇ ပ︀ႃႛၵ︀ႃမ︀ိုဝ်းက︀ဝ်ႈမ︀ႆ︀ႛꩫ︀င︀်ႈꩬ︀ီဢ︀ူတ︀ႃႉ” ꩫ︀ꩬ︀ီꩫ︀င︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈဝႃႈဝႆ︀ႇဢ︀ူ။

မ︀ႃက︀ု 16:19

င︀ႆ︀းꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ယ︀ဝ်ႇက︀ီး မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩬ︀ီ ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ဝ်ႛယ︀ေꩬ︀ု ꩫ︀င︀်ႈꩬ︀ီဢ︀ူဢ︀ူ။

လ︀ုက︀ႃ 20:42

က︀ျမ︀်းꩬ︀ႃလ︀ၢမ︀်မ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိပ︀ိူꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ႃႈလ︀ꩫ︀်ꩬ︀ူမ︀ႂ်းၵ︀ဝ်မ︀ႆ︀ႛ က︀ဝ်ႈက︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းမ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ ပ︀ႃႛၵ︀ႃက︀ဝ်ႈမ︀ႆ︀ႛဢ︀ူတ︀ႃႉꩫ︀ꩬ︀ီ ꩡ︀ဝ်ႛက︀ဝ်ႈမ︀ႆ︀ႛဝႃႈဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:32

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ဝ်ႈမ︀ႆ︀ႛမ︀ူꩫ︀်ႈၸ︀ုင︀်းတ︀ီꩭိူဝ်ႈꩭိုင︀်းꩡ︀မ︀်ႈယ︀ဝ်ႇ။

ထဝ်ꩡ︀တ︀်ႉၵ︀ဝ် 1:11

ယ︀ဝ်ႇက︀ီး “က︀ူꩫ︀်းတ︀ိူင︀်းက︀ႃလ︀ိလ︀ႄးၵ︀ဝ်ꩴ︀း ꩬ︀ူꩭီတ︀်က︀ꩬ︀င︀်ꩫ︀ႆ︀ မ︀ႆ︀ႛꩬ︀ဝ်းꩬ︀ီ က︀ၢင︀်ႈꩭၢဝ်မ︀ႆ︀ႛလ︀ႅမ︀်းဢ︀ူꩫ︀ႆ︀ႇ။ ꩫ︀င︀်င︀ႆ︀ႚမ︀ꩫ︀်းꩡ︀ဝ်ႛၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ ꩬ︀ူꩭꩫ︀်ꩫ︀က︀ꩫ︀်ႈ မ︀ꩫ︀်းꩡ︀ဝ်ႛတ︀ီလ︀ူင︀်းပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:21

ပ︀ရ︀ေႃးၸ︀ႅတ︀်ႉမ︀ိူဝ်ႈꩫ︀ꩫ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ူဝ်ႈက︀ႃႈယ︀ၢမ︀်းဢ︀ꩫ︀်ႈတ︀င︀်းမ︀ိူင︀်းမ︀ႆ︀ႛ တ︀ီမ︀ေးဢ︀ဝ်ႈပ︀ီꩫ︀်ႈဢ︀ꩫ︀်ႈမ︀ႂ်မ︀ဝ်ထိုင︀်မ︀ႃးယ︀ႃႇ ꩡ︀ဝ်ႛယ︀ေꩬ︀ုဝႃႈဢ︀ူ က︀ꩫ︀်ႛꩫ︀ိူဝ်မ︀ိူင︀်းက︀ၢင︀်ႈꩭၢဝ်မ︀ႆ︀ႛꩫ︀မ︀်။

ရ︀ေႃမ︀ 8:34

င︀ႆ︀းꩫ︀ႆ︀ႇꩬ︀ီ ၸ︀ႂ်ꩫ︀ႆ︀ၵ︀ဝ်မ︀ႆ︀ႛ ပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႛꩫ︀ႆ︀ႇ။ ၸ︀ႂ်က︀ေႃႇꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ ၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛꩫ︀ိပ︀်ပ︀ွက︀်ႉမ︀ႃးꩬ︀ီ ပ︀ႃႛၵ︀ႃမ︀ိုဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူꩬ︀ီꩫ︀မ︀်။

ရ︀ေႃမ︀ 8:38

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းမ︀ႆ︀ႛက︀ꩬ︀င︀်က︀ေႃႇ လ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။ ꩭဝ်းတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ုဢ︀ဝ်ႈၸ︀ၢက︀်ႉꩵ︀ႈꩫ︀ႆ︀ႛ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်၊ ဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈင︀ႆ︀ႚပ︀ီꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈꩫ︀ႆ︀ႇၵ︀ဝ်၊

က︀ေႃရ︀ိꩫ︀်တ︀ု ႑ 15:24

ယ︀ဝ်ႇက︀ီး ꩡ︀ဝ်ႛၵ︀ရ︀ီတ︀်ယ︀ႃႇ ၵ︀ုꩫ︀်ၵ︀ွꩫ︀်ꩭႆ︀ၢႇꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈၵ︀ွတ︀်မ︀ူတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛ ဢ︀ၢပ︀်ႉယ︀ဝ်ႇက︀ီး က︀မ︀်ၸ︀ႃတ︀ီꩬ︀ိုင︀်ႛꩬ︀ုတ︀်က︀ႃꩫ︀မ︀်။

က︀ေႃလ︀ေႃတ︀ႄ 3:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ꩬ︀ူလ︀ွင︀်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ မ︀ိူင︀်းဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႃႛၵ︀ႃမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈမ︀ႅတ︀်ႉလ︀ူင︀်မ︀ႆ︀ႛ ꩫ︀င︀်ႈꩬ︀ီဢ︀ုပ︀်ႉပ︀ိုင︀်ဢ︀ူꩫ︀မ︀်။

ꩭေပ︀ရ︀ူး 1:13

ၸ︀ြႃးပ︀ီꩫ︀်ႈꩡ︀ဝ်ႛ ၵ︀ုꩫ︀်ꩬ︀ၢင︀်ပ︀ႃးလ︀ႂ်ႈမ︀ႆ︀ႛက︀ေႃႇ “လ︀ꩫ︀်ꩬ︀ူၵ︀ိင︀်းတ︀ူဝ်ꩡ︀ဝ်ႛၵ︀ဝ်မ︀ႆ︀ႛ က︀ႃႈက︀ꩫ︀်ႛတ︀ႂ်ႛတ︀ိꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ ပ︀ႃႛၵ︀ႃက︀ဝ်ႈမ︀ႆ︀ႛ ꩫ︀င︀်ႈဢ︀ူတ︀ႃႉ” ꩫ︀ꩬ︀ီ ꩵ︀ႈꩭွꩫ︀်ဝႃႈမ︀ႃး။

ꩭေပ︀ရ︀ူး 1:3

လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။

ꩭေပ︀ရ︀ူး 1:6

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉꩭူဝ်လ︀ႃႈမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛꩭွင︀်ႇမ︀ႃးꩫ︀ႆ︀ႇယ︀ႃႇ “ꩡ︀ဝ်ႛꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ꩭေပ︀ရ︀ူး 10:12

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ယ︀ႃႇ ꩡ︀ႃႇဢ︀ပ︀ႅတ︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်း ၵ︀ႅက︀်ဢ︀ꩫ︀်ႈလ︀ိူင︀်ႈꩫ︀ႆ︀ၢႈ ꩡ︀ႃႇထႃဝရ︀ပ︀ုက︀်ႉꩡ︀ူဝ်ယ︀ဝ်ႇက︀ီး ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း

ꩭေပ︀ရ︀ူး 12:2

ပ︀ႆ︀ႉꩭဝ်း ꩡ︀ဝ်ႛယ︀ေꩬ︀ု ꩡ︀ဝ်ႛဢ︀ꩫ︀်ႈတ︀ၢင︀်းယ︀ုမ︀်ယ︀မ︀်ႈꩭဝ်းမ︀ႆ︀ႛ က︀ူဝ်တ︀ေမ︀ႃးꩬ︀ီ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႆ︀ႛ ꩡ︀ိက︀်ꩫ︀ူႈꩬ︀ီဢ︀ူꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ တ︀ၢင︀်းဢ︀ႆ︀ၢႈဢ︀ꩫ︀်ႈဝႃႈၵ︀ၢမ︀်တ︀ႆ︀ၢႈ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈလ︀ႅင︀်ႇမ︀ႃး။ လ︀ႆ︀ၢးပ︀ိူဝ်ႈဢ︀ꩫ︀်ႈꩡ︀ူမ︀်းꩭုမ︀် ဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛꩭႅမ︀်းဝႆ︀ႇꩫ︀ႆ︀ႇꩬ︀ီ တ︀ၢင︀်းဢ︀ႆ︀ၢႈဢ︀မ︀ႂ်းမ︀ႆ︀ႛက︀ꩫ︀်ႛမ︀ႃးင︀ႆ︀းꩬ︀ီ ပ︀ႃႛၵ︀ႃပ︀လ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ႈဢ︀ူ။

ꩭေပ︀ရ︀ူး 4:14

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈယ︀ႂ်လ︀ူင︀် ဢ︀ꩫ︀်ႈ ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩭဝ်းမ︀ႆ︀ႛယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း တ︀ၢင︀်းယ︀ုမ︀်ယ︀မ︀်ႈꩭဝ်းဢ︀ꩫ︀်ႈꩭဝ်းတ︀ႅဝ်ဝႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈက︀ွတ︀်။

ꩭေပ︀ရ︀ူး 6:20

ꩡ︀ဝ်ႛယ︀ေꩬ︀ုယ︀ႃႇ ꩫ︀င︀်မ︀ေလ︀ၵ︀ိꩡ︀ေတ︀ိက︀်ꩫ︀က︀ꩫ︀်ႈ က︀ူႈꩡ︀ူဝ်ႈလ︀ၢႆ︀ၵ︀ႃး ပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉင︀ႆ︀း က︀ꩫ︀်ႛꩫ︀ႂ်းၸ︀ႃႛက︀င︀်ႛဢ︀မ︀ႂ်းမ︀ႆ︀ႛ က︀ꩫ︀်ႛꩫ︀ႃႛꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီ ၵ︀ဝ်ႛက︀ႃယ︀ဝ်ႇ။

ꩭေပ︀ရ︀ူး 8:1

ꩭုမ︀်းꩬ︀ီဝႃႈက︀ွတ︀်ꩫ︀က︀ီး ꩭဝ်းမ︀ႆ︀ႛ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉ ၸ︀ꩫ︀်းꩫ︀ႆ︀ႇယ︀င︀်းတ︀ေႇတ︀ေႇဢ︀ူꩫ︀ꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃပ︀လ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈယ︀ႂ်မ︀ႅတ︀်ႉမ︀ႆ︀ႛ ꩫ︀င︀်ႈင︀ႆ︀းꩬ︀ီ

ꩭေပ︀ရ︀ူး 9:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းပ︀ူက︀်မ︀ႆ︀ႛꩵ︀ႈꩡ︀ႂ်ႈ ၵ︀ဝ်ႛက︀ႃꩫ︀ႆ︀ႇ။ တ︀ီႈဢ︀ꩫ︀်ႈတ︀ႅက︀်ႉပ︀ုင︀်ꩭၢင︀်ႈမ︀ႆ︀ႛမ︀ဝ်ꩡ︀ႂ်ႈꩬ︀ီ က︀ၢင︀်ႈꩭၢဝ်တ︀ေႇတ︀ေႇမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛၵ︀ဝ်ႛက︀ႃင︀ႆ︀း င︀ႆ︀ႚ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီဢ︀ူဢ︀ူꩫ︀မ︀်။