ပ︀ေတ︀ရ︀ု ႑ 3:15 - Khamti Shan

¹⁵ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩬ︀ိုင︀် မ︀တ︀်ႉꩡ︀ဝ်ႛꩬ︀ီ က︀ူဝ်ႈယ︀မ︀်ႈက︀ꩫ︀်ႈတ︀ႃႉ။ ꩬ︀င︀်ဝႃႈလ︀ွင︀်ႈဢ︀ꩫ︀်ႈꩬ︀ူ တ︀ႂ်းထႃႛꩫ︀ႆ︀ႇ ပ︀ိူꩫ︀်ႈထၢမ︀်မ︀ႃးက︀ီး ꩭႂ်ႛပ︀ူဝ်းၵ︀ႆ︀ႈꩫ︀ႆ︀ႛꩫ︀ႆ︀ႇ ꩭႅမ︀်းထုက︀်ꩰဝႆ︀ႇတ︀ႃႉ။

ပ︀ေတ︀ရ︀ု ႑ 3:15 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 21:39

ပ︀ေႃလ︀ုယ︀ႃႇ “က︀ဝ်ႈယ︀ႃႇ က︀ျူးꩫ︀မ︀်။ က︀ူꩫ︀်းမ︀ိူင︀်းလ︀ူင︀်ꩫ︀မ︀်။ မ︀ိူင︀်းက︀ိလ︀ိက︀ိ ဝီင︀်းတ︀ႃꩬ︀ုမ︀ႆ︀ႛꩫ︀မ︀်က︀ဝ်ႈယ︀င︀်းမ︀ႃးꩫ︀ႆ︀ႇ။ ၵ︀ႅꩫ︀်းꩫ︀က︀ွတ︀် က︀ဝ်ႈၸ︀ုင︀်က︀ူꩫ︀်းမ︀ႆ︀ႛ ꩭႂ်ႛꩫ︀ႆ︀ႛတ︀ၢꩫ︀်ႛမ︀ႃးတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 24:25

ꩫ︀ႆ︀ႇꩫ︀က︀ေႃႇ ပ︀ေႃလ︀ုယ︀ႃႇ လ︀ွင︀်ႈꩬ︀ိုဝ်ႈတ︀ူဝ်၊ လ︀ွင︀်ႈက︀ꩫ︀်ႛက︀ႃမ︀က︀ုင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇၵ︀ဝ်ꩭူဝ်းက︀ီး ꩡ︀ဝ်ႛက︀ႅမ︀်ႈဝွင︀်ႇꩫ︀ႆ︀ႇက︀ူဝ်ႈꩬ︀ီ “တ︀ေႃႉ င︀ႆ︀ႚမ︀ႂ်းက︀ႃꩫ︀ႆ︀ႛယ︀ဝ်ႇ၊ က︀ꩫ︀်ႛလ︀င︀်မ︀ႆ︀ႛ မ︀ိူဝ်ႈတ︀ၢင︀်းတ︀ူဝ်ꩫ︀ႆ︀ႇပ︀ၢꩫ︀်ႈလ︀ိူင︀်ႈꩭွင︀်ႇပ︀ွက︀်ႉက︀ွတ︀်” ꩫ︀ဝꩫ︀်ႇ။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

က︀ေႃလ︀ေႃတ︀ႄ 1:27

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်း၊ ဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩫ︀ႂ်းꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ႅမ︀်က︀တ︀်ႉꩰဝႆ︀ႇ ဢ︀မ︀ႂ်း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်း၊ တ︀ၢင︀်းလ︀ိူင︀်ႈဝႃႈက︀ွတ︀်ꩫ︀က︀ီး ဢ︀ꩫ︀်ႈꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:5

ꩬ︀ူယ︀ႃႇ မ︀ွင︀်းꩬ︀ူꩫ︀ႆ︀ႛꩥ︀ိꩫ︀်းꩬ︀မ︀်မ︀ႃတ︀ြႃး ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ူးဢ︀ꩫ︀်ႈꩬ︀ူဝႃႈတ︀ႂ်းထႃႛ ဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႅမ︀်းꩭႂ်ႛဝႆ︀ႇꩫ︀ီႈꩫ︀ီႈမ︀ႆ︀ႛ တ︀ွင︀်းမ︀ႃးယ︀ဝ်ႇ။ ꩬ︀ူတ︀ႂ်းထႃႛꩬ︀ူးဢ︀မ︀ႂ်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈမ︀ႃးင︀ႆ︀း က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭၢက︀်ႉꩭွမ︀်မ︀ႃးယ︀ဝ်ႇ။

က︀ေႃလ︀ေႃတ︀ႄ 4:6

မ︀ိူဝ်ႈလ︀ႂ်ႈꩫ︀က︀ေႃႇ ၵ︀ၢမ︀်းဢ︀ꩫ︀်ႈꩬ︀ူတ︀ၢꩫ︀်ႛꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈထွမ︀်ꩫ︀ီႈ၊ ꩭႂ်ႛပ︀ူဝ်းပ︀ိူꩫ︀်ႈၵ︀ႂ်ႈထွမ︀်ꩫ︀ႆ︀ႇတ︀ၢꩫ︀်ႛက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛ ထၢမ︀်လ︀ွင︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩭလ︀ိုဝ်ဝႃႈတ︀ွပ︀်ထုက︀်ꩰပ︀ွက︀်ႉꩫ︀ꩫ︀ႆ︀ႇက︀ေႃႇ ꩭႅမ︀်းဝႆ︀ႇက︀ꩫ︀်ႈတ︀ႃႉ။

တ︀ိတ︀ု 1:2

ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ꩫ︀င︀်လ︀ုက︀်ႉမ︀ိူဝ်ႈက︀မ︀်ၸ︀ႃမ︀ႆ︀ႛ ꩵ︀ႈပ︀ႆ︀ၸ︀ၢꩫ︀်ꩬ︀ၢင︀်းပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ် ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်ꩫ︀ꩫ︀ႆ︀ႇမ︀ႆ︀ႛ ဢ︀ဝ်ႈဢ︀က︀မ︀်ꩭႂ်ႛဢ︀ူ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်ႛတ︀ိူင︀်ႈဢ︀ူ။

ꩭေပ︀ရ︀ူး 3:6

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ုက︀်ႉꩫ︀က︀ꩫ︀်ႈ ꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ုပ︀်ႉပ︀ိုင︀်ဢ︀ူ။ င︀ႆ︀းꩬ︀ီ ဢ︀ꩫ︀်ႈꩭဝ်းတ︀ႂ်းထႃႛမ︀ႆ︀ႛ ꩭဝ်းꩭတ︀်ꩰꩭၢꩫ︀်ꩰꩬ︀ီ ပ︀ꩫ︀်ႛၵ︀ိူင︀်ꩰက︀ီး ꩭဝ်းယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ꩭေပ︀ရ︀ူး 6:1

င︀ႆ︀းꩫ︀ႆ︀ႇꩬ︀ီ ꩭဝ်းတ︀ြႃးလ︀ွင︀်ႈꩡ︀ဝ်ႛၵ︀ရ︀ီတ︀် ꩡ︀ꩫ︀်ႇင︀ဝ်ႛမ︀ႆ︀ႛ ပ︀ူꩫ︀်ႇꩬ︀ီ ꩭႂ်ႛပ︀ူဝ်းက︀ေၵ︀ိူင︀်ꩫ︀ႆ︀ႇ ပ︀ႆ︀ႉၵ︀ိုꩫ︀်ႛဢ︀ိက︀်က︀ꩫ︀်ႈꩫ︀မ︀်။ တ︀ြႃးလ︀ွင︀်ႈလ︀ုက︀်ႉဢ︀ပ︀ႅတ︀်ႉမ︀ႆ︀ႛꩬ︀ၢင︀်ဝွေ၊ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ၊ လ︀ွင︀်ႈတ︀ၢင︀်မ︀ိုဝ်းꩬ︀ီ ပ︀ူင︀်ႈဢ︀က︀ိဝ်းꩭႂ်ႛ၊ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉ၊ လ︀ွင︀်ႈပ︀ႅတ︀်ႉတ︀ြႃးထႃဝရ︀ꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် င︀ႆ︀ႚင︀ႆ︀ႚ ꩵ︀ႈထုက︀်ꩬ︀ွꩫ︀်ပ︀ွက︀်ႉယ︀ဝ်ႇ။

ပ︀ေတ︀ရ︀ု ႑ 1:17

ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀တ︀်ႉပ︀ူဝ်ꩬ︀ီယ︀ွꩫ︀်းꩬ︀ူးꩫ︀ႆ︀ႇယ︀ႃႇ ꩫ︀ႃႛလ︀ီက︀်ႉꩫ︀ႃႛယ︀ႂ်ꩵ︀ႈလ︀ိူက︀်ႉ။ ဢ︀ꩫ︀်ႈꩫ︀င︀်ꩬ︀ူꩭီတ︀်မ︀ႃးꩫ︀က︀ꩫ︀်ႈ ꩬ︀ူမ︀ႆ︀ႛတ︀ီပ︀ႅတ︀်ႉတ︀ြႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ိုမ︀်ႇလ︀ိူင︀်ႈမ︀ိူဝ်ႈꩬ︀ူမ︀ိူင︀်းက︀ၢင︀်ႈမ︀ႆ︀ႛ ꩬ︀ွꩫ︀်ႈဢ︀ူꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီဢ︀ူက︀ꩫ︀်ႈတ︀ႃႉ။

ပ︀ေတ︀ရ︀ု ႑ 3:4

ꩡ︀ႂ်ႈဢ︀ꩫ︀်ႈဢ︀ူꩫ︀်ႛꩥ︀ေႈ၊ ဢ︀ꩫ︀်ႈယ︀ီꩫ︀်ႈꩬ︀ိင︀်ꩰꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩬ︀ႅꩫ︀်ႛဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ မ︀ဝ်ꩭႆ︀ၢက︀ႃꩡ︀ၢင︀်ႈꩫ︀ႆ︀ႇꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩬ︀ႅꩫ︀်ႛၸ︀ꩫ︀်းဢ︀မ︀ႂ်းမ︀ႆ︀ႛ ꩭီတ︀်လ︀ႅင︀်ႇလ︀ူင︀်ꩫ︀မ︀်။