ပ︀ေတ︀ရ︀ု ႑ 3:14 - Khamti Shan

¹⁴ ꩬ︀င︀်ဝႃႈꩬ︀ူꩭီတ︀်လ︀ွင︀်ႈꩫ︀ီႈꩬ︀ီ ၸ︀ေးထိုင︀်မ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ႆ︀ႛက︀ေႃႇ ပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈ။

ပ︀ေတ︀ရ︀ု ႑ 3:14 ပူးပေါင်းရင်းမြစ်များ

မ︀တ︀်တ︀ႄး 10:28

က︀ူꩫ︀်းဢ︀ꩫ︀်ႈတ︀ူဝ်ႈမ︀ႆ︀ႛꩫ︀ႆ︀ၢႈꩬ︀ိုင︀် ဢ︀ဝ်ႈတ︀ႆ︀ၢႈꩬ︀ီ ၵ︀ွꩫ︀်မ︀ႆ︀ႛဢ︀ဝ်ႈတ︀ႆ︀ၢႈမ︀ဝ်ꩫ︀ႆ︀ႛမ︀ႆ︀ႛ ပ︀ီက︀ူဝ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ူဝ်ႈမ︀ႆ︀ႛတ︀မ︀ိူင︀်း ၵ︀ွꩫ︀်မ︀ႆ︀ႛတ︀မ︀ိူင︀်း ပ︀ွႆ︀တ︀ူက︀်င︀ႃးလ︀ႆ︀ၢးပ︀ီꩫ︀်ႈမ︀ႆ︀ႛꩬ︀ိုင︀် က︀ူဝ်ႈယ︀မ︀်ႈက︀ꩫ︀်ႈတ︀ႃႉ။

မ︀တ︀်တ︀ႄး 10:31

င︀ႆ︀းꩫ︀ႆ︀ႇꩬ︀ီ ꩬ︀ူပ︀ီက︀ူဝ်ႈ။ ꩬ︀ူမ︀ႆ︀ႛယ︀ႃႇ ꩫ︀ူက︀်ႉꩡ︀ွက︀်ဢ︀ၢꩫ︀်တ︀ၢꩫ︀်မ︀ႆ︀ႛမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛလ︀ႅင︀်ႇꩬ︀ႃဢ︀ူ။

မ︀တ︀်တ︀ႄး 10:39

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ူꩫ︀်ႇလ︀ိူဝ်ꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛလ︀ႅင︀်ႇꩬ︀ႃꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ႃႇက︀ဝ်ႈꩬ︀ီ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်လ︀ႅင︀်ႇꩫ︀ႆ︀ႇယ︀ႃႇ ဢ︀ꩬ︀ၢက︀်ႉꩫ︀ႆ︀ႛဢ︀ူ။

မ︀တ︀်တ︀ႄး 16:25

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩬ︀ၢက︀်ႉꩬ︀ူၸ︀ူႛꩡ︀ဝ်ႛမ︀ႆ︀ႛ ၵ︀ႂ်ႈက︀ုမ︀်ႇက︀ီး ဢ︀ꩬ︀ၢက︀်ႉꩬ︀ူꩬ︀ုမ︀်းဢ︀ူ။ က︀ွပ︀်ႉပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ꩬ︀ူꩫ︀ႆ︀ႛတ︀ႆ︀ၢႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။

မ︀တ︀်တ︀ႄး 19:29

ꩡ︀ႃႇလ︀ိူင︀်ႈ က︀ူဝ်ႇဢ︀ꩫ︀်ႈလ︀ႆ︀ၢးပ︀ိူဝ်ႈထွမ︀်ၵ︀ၢမ︀်းက︀ဝ်ႈꩬ︀ီ ပ︀ူဝ်မ︀ေ၊ ပ︀ီႈꩫ︀ွင︀်ႇ၊ လ︀ုက︀်ႉလ︀ၢင︀်းꩫ︀ႆ︀ႇၵ︀ဝ်၊ ꩭိူꩫ︀်း၊ ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ွတ︀်ꩫ︀ႆ︀ႇယ︀ႃႇ ဢ︀က︀ိဝ်းပ︀ၢက︀်ꩡ︀ူးꩫ︀ႆ︀ႛပ︀ွက︀်ႉꩬ︀ေႇမ︀ဝ်က︀ႃးဢ︀ꩬ︀ၢက︀်ႉထႃဝရ︀တ︀မ︀ိူင︀်းꩫ︀ႆ︀ႛဢ︀ူ။

မ︀ႃက︀ု 10:29

မ︀ꩫ︀်းꩡ︀ဝ်ႛယ︀ႃႇ “ဢ︀ိူဝ်း က︀ဝ်ႈတ︀ေႇတ︀ေႇဝႃႈက︀ွတ︀်။ ၸ︀ႂ်မ︀ဝ်ဝႃႈ လ︀ၢႆ︀းပ︀ိူဝ်ႈက︀ဝ်ႈင︀ႆ︀း လ︀ၢႆ︀းပ︀ိူဝ်ႈၵ︀ၢဝ်ႈၵ︀ၢမ︀်ႈꩫ︀ီႈꩬ︀ီ ꩭိူꩫ︀်း၊ ပ︀ီႈꩫ︀ွင︀်ႇ၊ ပ︀ူဝ်မ︀ေ၊ လ︀ုက︀်ႉလ︀ၢင︀်း၊ ꩫ︀ႃးꩫ︀ႆ︀ႇၵ︀ဝ်မ︀ႆ︀ႛ ၵ︀ွတ︀်က︀ီး က︀ူဝ်ႇဢ︀မ︀ႂ်းယ︀ႃႇ

မ︀ႃက︀ု 8:35

ꩬ︀ူၵ︀ႂ်ႈၵ︀ေꩬ︀ေဢ︀ꩬ︀ၢက︀်ႉၸ︀ူႛꩡ︀ဝ်ႛက︀ီး ဢ︀ꩬ︀ၢက︀်ႉꩬ︀ူꩬ︀ုမ︀်းဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩬ︀ူ ꩡ︀ႃႇက︀ဝ်ႈꩫ︀ၵ︀ႃ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈ ၵ︀ွတ︀်ဢ︀ꩬ︀ၢက︀်ႉက︀ီး ဢ︀ꩬ︀ၢက︀်ႉꩬ︀ူꩫ︀ႆ︀ႛပ︀ွက︀်ႉဢ︀ူ။

ယ︀ေႃးꩭၢꩫ︀် 14:1

ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “ꩬ︀ူပ︀ီက︀ပ︀်ႉꩡ︀ႂ်ႈက︀ꩫ︀်ႈ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈက︀ꩫ︀်ႈတ︀ႃႉ။ က︀ဝ်ႈမ︀ႆ︀ႛက︀ေႃႇယ︀ုမ︀်ယ︀မ︀်ႈက︀ꩫ︀်ႈတ︀ႃႉ။

ယ︀ေႃးꩭၢꩫ︀် 14:27

ꩫ︀င︀်က︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩬ︀ူမ︀ႆ︀ႛ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈက︀ဝ်ႈꩭီတ︀်ꩭႂ်ႛꩫ︀ႆ︀ႇယ︀ႃႇ ꩫ︀င︀်ၸ︀ꩫ︀်းဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။

ထဝ်ꩡ︀တ︀်ႉၵ︀ဝ် 9:16

မ︀ꩫ︀်းယ︀ႃႇ ꩡ︀ႃႇꩭၢင︀်းက︀ဝ်ႈ ၵ︀ႂ်ႈလ︀ႂ်ႈတ︀ီꩫ︀ႆ︀ႛယ︀ပ︀်တ︀ီꩫ︀ႆ︀ႛၵ︀ိူက︀်ႉꩫ︀ꩫ︀ႆ︀ႇ မ︀ꩫ︀်းမ︀ႆ︀ႛက︀ဝ်ႈꩡ︀ဝ်ႛ တ︀ီပ︀ျႃးꩭႂ်ႛꩫ︀မ︀်” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

ၸ︀ိလ︀ိပ︀်ပ︀ၢႆ︀ 1:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩫ︀ႆ︀ၢႈမ︀ဝ်က︀ႃး ဢ︀ၵ︀ၢင︀်းဢ︀ꩫ︀်ႈꩡ︀ႃႇမ︀ꩫ︀်းꩡ︀ဝ်ႛ ၵ︀ၢမ︀်ၻုက︀်ႉၵ︀တ︀မ︀ိူင︀်းꩫ︀မ︀်ꩭႂ်ႛမ︀ႃးꩫ︀ႆ︀ႇ။

ယ︀ႃက︀ု 1:12

မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ် ၵ︀ဝ်ႛမ︀ႃးꩫ︀ႆ︀ႇ က︀ꩫ︀်ႛပ︀ီꩫ︀်ႈက︀ီး မ︀ၢင︀်က︀လ︀ႃယ︀င︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈက︀ꩫ︀်ႛပ︀ေႇ၊ ၸ︀ူႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩬ︀ူးဢ︀ꩬ︀ၢက︀်ႉꩭႂ်ႛက︀ွတ︀်ꩫ︀ꩬ︀ီ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩬ︀ီꩫ︀မ︀်။

ယ︀ႃက︀ု 5:11

က︀ွပ︀်ႉပ︀ိူဝ်ႈၵ︀ဝ် က︀ꩫ︀်ႛပ︀ီꩫ︀်ႈမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃယ︀င︀်းဢ︀ူꩫ︀ꩬ︀ီ ꩭဝ်းဝႃႈꩫ︀မ︀်။ ယ︀ေႃၿꩫ︀ႆ︀ႇ ꩭလ︀ိုဝ်က︀ꩫ︀်ႛမ︀ႃးꩬ︀ီ ပ︀ၢႆ︀ႈꩭၢင︀်လ︀ေႚလ︀ေႚမ︀ႆ︀ႛ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭလ︀ိုဝ် ပ︀ူင︀်ႈဢ︀က︀ိဝ်းꩭႂ်ႛမ︀ႃးꩫ︀ꩫ︀ႆ︀ႇꩬ︀ူတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ႅတ︀်ႉတ︀ႃယ︀ႂ်လ︀ူင︀် ꩡ︀ႂ်ႈဢ︀ꩫ︀်ႈဢ︀ီꩫ︀ူႈယ︀ႂ်လ︀ူင︀်ꩬ︀ီꩫ︀မ︀်။

ပ︀ေတ︀ရ︀ု ႑ 3:6

ၵ︀ိူင︀်ႈၵ︀ၢမ︀်းဝႃႈက︀ွတ︀်ꩫ︀က︀ီး ꩬ︀ႃရ︀ႃယ︀ႃႇ ꩡ︀ဝ်ႛၸ︀ူႛꩡ︀ႆ︀ၢးမ︀ꩫ︀်းဢ︀ႃပ︀ြႃꩭၢမ︀်မ︀ႆ︀ႛ ꩡ︀ဝ်ႛꩫ︀ꩬ︀ီꩭွင︀်ႇꩬ︀ီ ၵ︀ၢမ︀်းမ︀ꩫ︀်းက︀ေႃႇထွမ︀်မ︀ႃးဢ︀ူ။ ꩬ︀ူက︀ေႃႇ က︀ꩬ︀င︀်မ︀ႆ︀ႛက︀ေႃႇမ︀ဝ်က︀ူဝ်ႈꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇꩭီတ︀်က︀ီး လ︀ုက︀်ႉꩬ︀ၢဝ်ꩬ︀ႃရ︀ႃꩫ︀မ︀်။