ပ︀ေတ︀ရ︀ု ႑ 3:11 - Khamti Shan

¹¹ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ၸ︀ႃႛꩬ︀ီ ဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ်ꩭီတ︀်က︀ꩫ︀်ႈတ︀ႃႉ။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ထုက︀်က︀ꩫ︀်ႈꩬ︀ီဢ︀ူꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ပ︀ေတ︀ရ︀ု ႑ 3:11 ပူးပေါင်းရင်းမြစ်များ

မ︀တ︀်တ︀ႄး 5:45

င︀ႆ︀းက︀ီး ꩬ︀ူပ︀ီꩫ︀်ႈလ︀ုက︀်ႉပ︀ူဝ်ꩡ︀ဝ်ႛက︀ၢင︀်ႈꩭၢဝ်ꩬ︀ူဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛက︀ၢင︀်ႈꩭၢဝ်ယ︀ႃႇ က︀ူꩫ︀်းꩬ︀ိုဝ်ႈတ︀ူဝ် က︀ူꩫ︀်းꩭႆ︀ၢႇမ︀ဝ်ဝႃႈ တ︀င︀်းမ︀ိူင︀်းမ︀ႆ︀ႛ ၸ︀ူꩫ︀်ဢ︀ဝ်ႈတ︀ူက︀်ꩭႂ်ႛ၊ ၸ︀ႃႇဢ︀ဝ်ႈꩫ︀ႅတ︀်ꩭႂ်ႛꩬ︀ီꩫ︀မ︀်။

မ︀တ︀်တ︀ႄး 5:9

က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈထုက︀်က︀ꩫ︀်ႈꩫ︀ီႈက︀ꩫ︀်ႈꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ လ︀ုက︀်ႉမ︀ꩫ︀်းꩡ︀ဝ်ႛꩫ︀ꩬ︀ီ တ︀ီꩭွင︀်ႇꩫ︀မ︀်။

မ︀တ︀်တ︀ႄး 6:13

ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းတ︀ူႈၵ︀ႃႛမ︀ဝ်လ︀ွေႛက︀ႃꩫ︀ႆ︀ႇ ဢ︀ွꩫ︀်ႈတ︀ၢင︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛက︀ေႃႇ တ︀ူႈၵ︀ႃႛမ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးတ︀ႃႉ။

မ︀ႃက︀ု 14:7

ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇတ︀ၢႆ︀ႛꩬ︀ူမ︀ႆ︀ႛယ︀င︀်းဢ︀ူ။ မ︀ိူဝ်ႈၵ︀ဝ်မ︀ႆ︀ႛ ꩬ︀ူၵ︀ႂ်ႈꩭီတ︀်က︀ျေးꩡ︀ူးꩭႂ်ႛꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇꩭီတ︀်ꩫ︀ႆ︀ႛဢ︀ူ။ က︀ဝ်ႈယ︀ႃႇတ︀င︀်းꩬ︀ူ တ︀ီဢ︀ူꩭိုင︀်ꩵ︀ႈꩡ︀ႂ်ႈ။

လ︀ုက︀ႃ 1:79

က︀ူꩫ︀်းꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀် ဢ︀ꩫ︀်ႈတ︀ၢင︀်းတ︀ႆ︀ၢႈꩭူမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ွင︀်လ︀ႅင︀်းꩭႂ်ႛင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ႆ︀ႛ ဝႃႈဢ︀ဝ်ႈꩭꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 6:35

ꩬ︀ူယ︀ႃႇ င︀ႆ︀းပ︀ီꩭီတ︀်။ လ︀ꩫ︀်ꩬ︀ူမ︀ႆ︀ႛ ꩭၢက︀်ႉတ︀ႃႉ။ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ဢ︀ꩫ︀်ႈတ︀ီꩫ︀ႆ︀ႛပ︀ွက︀်ႉမ︀ႆ︀ႛမ︀ဝ်တ︀ႂ်းꩬ︀ီ က︀ူႛꩭႂ်ႛက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူဢ︀က︀ိဝ်းလ︀ူင︀်ꩫ︀ႆ︀ႛꩬ︀ီ တ︀ီပ︀ီꩫ︀်ႈၸ︀ူႛလ︀ုက︀်ႉၸ︀ြႃးဢ︀ꩫ︀်ႈၵ︀ႅꩫ︀်းꩬ︀ုင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်းꩫ︀ႆ︀ႇၵ︀ဝ် က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ီႈဢ︀ူ။

လ︀ုက︀ႃ 6:9

ယ︀ဝ်ႇက︀ီး ꩡ︀ဝ်ႛယ︀ေꩬ︀ုယ︀ႃႇၵ︀ဝ်မ︀ႆ︀ႛ “က︀ဝ်ႈထၢမ︀်က︀ွတ︀်။ ဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ တ︀ြႃးယ︀ႃႇꩭဝ်းမ︀ႆ︀ႛ ꩭႂ်ႛꩭီတ︀်က︀ꩬ︀င︀်ꩫ︀ႆ︀။ ꩭႂ်ႛꩭီတ︀်လ︀ွင︀်ႈꩫ︀ီႈက︀ျႃး။ ꩭႂ်ႛꩭီတ︀်လ︀ွင︀်ႈꩡ︀ႃႇက︀ျႃး။ ꩭႂ်ႛၵ︀ေꩬ︀ေဢ︀ꩬ︀ၢက︀်ႉပ︀ိူꩫ︀်ႈက︀ျႃး။ ꩭႂ်ႛဢ︀ဝ်ႈတ︀ႆ︀ၢႈက︀ျႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 17:15

ꩡ︀ဝ်ႛမ︀ႆ︀ႛ က︀ဝ်ႈၵ︀ႃႛယ︀ွꩫ︀်းꩬ︀ူးꩫ︀ႆ︀ႇ ၵ︀ဝ်မ︀ႆ︀ႛလ︀ုက︀်ႉꩫ︀ႂ်းမ︀ိူင︀်းက︀ၢင︀်ႈမ︀ႆ︀ႛ ꩭႂ်ႛယ︀ုတ︀်ဢ︀ွက︀်ꩵ︀ႈꩡ︀ႂ်ႈတ︀ီၵ︀ႃႛ။ ꩭႂ်ႛပ︀ူဝ်းၵ︀ဝ်မ︀ႆ︀ႛ ꩡ︀ဝ်ႛ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛ က︀ုမ︀်ႇꩭႂ်ႛꩫ︀ႆ︀ႇတ︀ီၵ︀ႃႛꩫ︀မ︀်။

ရ︀ေႃမ︀ 12:18

တ︀င︀်းက︀ူꩫ︀်းက︀ူႈက︀ူဝ်ႇ ꩭႂ်ႛပ︀ူဝ်းထုက︀်က︀ꩫ︀်ႈꩫ︀ႆ︀ႇ က︀ႃႈꩫ︀င︀်ပ︀ီꩫ︀်ႈꩫ︀ႆ︀ႛꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ရ︀ေႃမ︀ 14:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။

ရ︀ေႃမ︀ 14:19

င︀ႆ︀းꩫ︀ႆ︀ႇꩬ︀ီ ꩭဝ်း ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ထႅမ︀်ꩭႅင︀်းꩭႂ်ႛက︀ꩫ︀်ႈꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဝႃႈꩬ︀ေႈꩡ︀ႃႉꩬ︀ီဢ︀ူꩫ︀မ︀်။

ရ︀ေႃမ︀ 5:1

င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛမ︀ꩫ︀်းꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈထုက︀်က︀ꩫ︀်ႈယ︀ဝ်ႇ။

ရ︀ေႃမ︀ 7:19

က︀ဝ်ႈယ︀ႃႇ လ︀ွင︀်ႈꩫ︀ီႈဢ︀ꩫ︀်ႈက︀ဝ်ႈၵ︀ႂ်ႈꩭီတ︀်ꩫ︀ႆ︀ႇꩵ︀ႈꩭီတ︀်။ လ︀ွင︀်ႈဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈက︀ဝ်ႈၵ︀ၢꩫ︀်ႇꩭီတ︀်ꩫ︀ႆ︀ၢႈꩬ︀ိုင︀် ꩭီတ︀်ဢ︀ူꩫ︀မ︀်။

ရ︀ေႃမ︀ 7:21

င︀ႆ︀းꩫ︀ႆ︀ႇꩬ︀ီ တ︀ြႃးဢ︀ꩫ︀်ႈလ︀ိူင︀်ႈက︀ဝ်ႈꩭꩫ︀်မ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈၵ︀ႂ်ႈꩭီတ︀်လ︀ွင︀်ႈꩫ︀ီႈꩫ︀ႆ︀ႇ င︀ိူင︀်ႇမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀ိုင︀် က︀ဝ်ႈꩭီတ︀်က︀ႃꩫ︀မ︀်ꩫ︀ꩫ︀ႆ︀ႇꩫ︀မ︀်။

ရ︀ေႃမ︀ 8:6

ꩭဝ်း ဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩫ︀ႆ︀ၢႈꩬ︀ိုင︀် ꩭွႆ︀ႛꩡ︀ႂ်ႈဢ︀ူက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩬ︀င︀် ꩭွႆ︀ႛꩡ︀ႂ်ႈဢ︀ူက︀ီး ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛꩬ︀ီ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။

က︀လ︀ႃတ︀ိ 5:22

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊

က︀လ︀ႃတ︀ိ 6:10

င︀ႆ︀းꩫ︀ႆ︀ႇꩬ︀ီ က︀ႃႈꩫ︀င︀်တ︀ၢင︀်းတ︀ူဝ်ꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩭီတ︀်ꩭႂ်ႛတ︀ႃႉ။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 6:18

ꩭႂ်ႛပ︀ူဝ်းၵ︀ဝ် လ︀ွင︀်ႈꩫ︀ီႈမ︀ႆ︀ႛ င︀ိူꩫ︀်းၵ︀မ︀်းၵ︀ဝ်တ︀ိုဝ်းꩡ︀ၢင︀်ႈꩫ︀ႆ︀ႇလ︀ိူင︀်ႈ၊ လ︀ွင︀်ႈꩫ︀ီႈဢ︀ၢꩫ︀်တ︀ၢꩫ︀်ꩭီတ︀်ꩬ︀ီ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛ ၵ︀ွင︀်းꩰလ︀ွင︀်းꩰꩭႂ်ႛꩭႂ်ႛပ︀ꩫ︀်ႈꩰꩡ︀ၢင︀်ႈ ꩡ︀ွႆ︀ႈꩡ︀ၢင︀်ႈꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။

ꩭေပ︀ရ︀ူး 12:14

တ︀င︀်းပ︀ိူꩫ︀်ႈက︀ူႈက︀ူဝ်ႇ ꩬ︀ေႈꩡ︀ႃႉꩬ︀ီ ဢ︀ဝ်ႈထုက︀်က︀ꩫ︀်ႈတ︀ႃႉ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ꩬ︀ေႈꩡ︀ႃႉꩬ︀ီ ဢ︀ဝ်ႈမ︀ူတ︀်ꩡ︀ၢင︀်က︀ꩫ︀်ႈတ︀ႃႉ။ မ︀ဝ်မ︀ူတ︀်ꩡ︀ၢင︀်က︀ီး ၸ︀ႂ်က︀ေႃႇ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ ꩵ︀ႈꩫ︀ႆ︀ႛꩭꩫ︀်။

ꩭေပ︀ရ︀ူး 13:16

ဢ︀ꩫ︀်ႈꩭီတ︀်လ︀ွင︀်ႈꩫ︀ီႈ ဢ︀ꩫ︀်ႈꩡ︀ွႆ︀ႈက︀ꩫ︀်ႈꩫ︀ႆ︀ႇၵ︀ဝ်က︀ေႃႇ ပ︀ီလ︀ုမ︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ႅက︀်ၸ︀ꩫ︀်းꩫ︀ႆ︀ႇၵ︀ဝ်ꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛ မ︀ႃးꩡ︀ႂ်ႈꩫ︀ႆ︀ႇ။

ယ︀ႃက︀ု 4:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀ꩫ︀်ႈꩫ︀ီႈမ︀ႆ︀ႛတ︀ွင︀်းꩬ︀ီ မ︀ဝ်ꩭီတ︀်က︀ီးဢ︀ပ︀ႅတ︀်ႉယ︀င︀်းဢ︀ူ။

ပ︀ေတ︀ရ︀ု ႑ 3:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ုမ︀်ႇၵ︀ႅꩫ︀်ꩬ︀ီဢ︀ူꩫ︀မ︀်။ ဢ︀ꩫ︀်ႈၵ︀ဝ်ယ︀ွꩫ︀်းꩬ︀ူးမ︀ႆ︀ႛ ထွမ︀်ꩬ︀ီ ဢ︀ူꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩭီတ︀်ဢ︀ꩫ︀်ႈ မ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛꩡ︀ႃႇဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။

ယ︀ေႃးꩭၢꩫ︀် ႓ 1:11

က︀ူဝ်ႇꩬ︀ေႛꩭၢက︀်ႉꩴ︀း တ︀ၢင︀်းက︀ႅင︀်းမ︀ꩫ︀်းဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ပ︀ီꩡ︀ွမ︀်း။ ဢ︀ꩫ︀်ႈꩫ︀ီႈမ︀ႆ︀ႛꩫ︀ႆ︀ၢႈꩬ︀ိုင︀်ꩡ︀ွမ︀်းတ︀ႃႉ။ က︀ူဝ်ႇဢ︀ꩫ︀်ႈꩭီတ︀်လ︀ွင︀်ႈꩫ︀ီႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈပ︀ႆ︀ꩭꩫ︀်။