Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ပ︀ေတ︀ရ︀ု ႑ 2:15 - Khamti Shan

15 ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းမ︀ိူက︀်ႉဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ဝ်တ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉꩫ︀ႆ︀ႇ ꩬ︀ူမ︀ႆ︀ႛꩭႂ်ႛဢ︀ူꩫ︀ီႈꩫ︀ီႈ ꩫ︀ၢမ︀်းꩰꩫ︀မ︀်။

အခန်းကိုကြည့်ပါ။ ကော်ပီ




ပ︀ေတ︀ရ︀ု ႑ 2:15
23 ပူးပေါင်းရင်းမြစ်များ  

ꩫ︀ႂ်းၵ︀ဝ်မ︀ႆ︀ႛ ꩭႃႛက︀ူဝ်ႇယ︀ႃႇ ပ︀ိင︀်ꩥ︀ႃယ︀င︀်းဢ︀ူ။ ꩭႃႛက︀ူဝ်ႇယ︀ႃႇ ꩵ︀ႈယ︀င︀်း။


က︀ူဝ်ႇဢ︀ꩫ︀်ႈၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩫ︀က︀ေႃႇ မ︀ဝ်ထွမ︀်ꩡ︀ွမ︀်းꩫ︀ႆ︀ႇယ︀ႃႇ က︀ူꩫ︀်းမ︀ိူက︀်ႉဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ႆ︀ၢးမ︀ႆ︀ႛ ပ︀ူက︀်ꩭိူꩫ︀်းꩫ︀က︀ꩫ︀်ႈꩫ︀မ︀်။


ၵ︀ဝ်ယ︀ႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈထုက︀်ယ︀ူဝ်းယ︀ွင︀်ႛꩫ︀က︀ꩫ︀်ႈ ꩵ︀ႈယ︀ူဝ်းယ︀ွင︀်ႛ။ က︀ျေးꩡ︀ူးက︀ေႃႇꩵ︀ႈတ︀ၢင︀်။ ၵ︀ဝ်ယ︀ႃႇ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ၵ︀ႂ်ႈꩡ︀ႂ်ႈက︀ꩫ︀်ႈꩬ︀ီ၊ ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်တ︀ိက︀်ႉꩰက︀ꩫ︀်ႈꩫ︀မ︀်။


က︀ူꩫ︀်းဝီင︀်းက︀လ︀ႃတ︀ိၵ︀ဝ်ꩴ︀း ꩬ︀ူမ︀ိူက︀်ႉလ︀ူင︀်ꩥ︀ႃ။ ꩬ︀ူမ︀ႆ︀ႛပ︀ိူꩫ︀်ႈၸ︀ၢမ︀်းဝႆ︀ႇက︀ႃက︀ျႃး။ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈက︀ႃꩫ︀ႆ︀ႇ ပ︀ၢင︀်ႈꩫ︀ႃႛꩬ︀ူမ︀ႆ︀ႛ ပ︀ူဝ်းၵ︀ႆ︀ႈꩡ︀ုꩫ︀်ႈꩰပ︀ျႃးမ︀ႃးက︀ေႃႇ ꩭလ︀ိုဝ်ꩬ︀ီပ︀ီꩫ︀်ႈင︀ႆ︀းက︀ႃက︀ꩫ︀ႆ︀။


ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛၵ︀ႂ်ႈꩭႂ်ႛမ︀ူတ︀်ꩰꩡ︀ၢင︀်ꩰꩫ︀မ︀်။ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ꩫ︀ႆ︀ႇ ꩵ︀ႈၵ︀ႂ်ႈꩭႂ်ႛယ︀င︀်းလ︀ေႚလ︀ေႚ။


ပ︀ီꩫ︀်ႈꩭိုဝ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူဢ︀ꩫ︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩭႂ်ႛက︀မ︀်ႈက︀ႅင︀်းꩫ︀ႆ︀ႇꩫ︀မ︀်။


မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ဝ်ႈၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းမ︀ႃးဢ︀ူ။ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩫ︀ိက︀်ႉꩬ︀ၢက︀်ႉမ︀ႃး၊ ꩡ︀ူဝ်က︀ႃးမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ က︀ဝ်ႈၸ︀ိတ︀်မ︀ႃးꩫ︀ႆ︀ႇ က︀ွပ︀်ႉပ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇꩬ︀ီ က︀ဝ်ႈက︀ꩬ︀င︀်ꩭီတ︀်ꩫ︀ꩫ︀ႆ︀ႇမ︀ဝ်တ︀ွင︀်းမ︀ႃးꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ီꩫ︀ူႈꩭႂ်ႛမ︀ႃးဢ︀ူ။


ဢ︀ꩫ︀်ႈၸ︀ိတ︀်မ︀ဝ်ꩭႂ်ႛလ︀ွေႛꩬ︀ီ ꩬ︀ွꩫ︀်ထက︀်ꩰꩭႂ်ႛတ︀ႃႉ။ င︀ႆ︀းက︀ီး ꩬ︀ြႃဢ︀ꩫ︀်ႈမ︀ႂ်းမ︀ႆ︀ႛၸ︀ုꩫ︀်ႇပ︀ိꩫ︀်ႛꩫ︀ႆ︀ႇၵ︀ဝ် ꩭဝ်းမ︀ႆ︀ႛၵ︀ႃဢ︀ပ︀ႅတ︀်ႉမ︀ဝ်ꩫ︀ႆ︀ႛꩬ︀ီ ဢ︀ႆ︀ၢႈက︀ႃဢ︀ူ။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။


ꩬ︀ူဝူင︀်ႈက︀ၢင︀်ႈက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩬ︀ီဢ︀ူꩫ︀ီႈꩫ︀ီႈ တ︀ႃႉ။ င︀ႆ︀းက︀ီး ꩬ︀ူမ︀ႆ︀ႛ ၵ︀ဝ်ꩡ︀ိုဝ်တ︀ၢင︀်းၸ︀ိတ︀်မ︀ႃးꩫ︀က︀ေႃႇ တ︀ၢင︀်းက︀ႅင︀်းꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ဢ︀ွက︀်ꩡ︀ႂ်ႈမ︀ႃးꩬ︀ီ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛ မ︀ႃးပ︀ႅတ︀်ႉတ︀ြႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛၵ︀ဝ် တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။


ꩫ︀ႆ︀ႇꩫ︀က︀ေႃႇ မ︀ိူဝ်ႈၵ︀ႆ︀ႈꩫ︀ႆ︀ႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰ ꩫ︀ၢပ︀်ႉꩰယ︀မ︀်ႈꩰꩬ︀ီဝႃႈတ︀ႃႉ။ ꩬ︀ူမ︀ႆ︀ႛၵ︀ႂ်ႈဢ︀ဝ်ႈꩬ︀ူဝ်ႇꩬ︀ီ ပ︀ိူꩫ︀်ႈဢ︀လ︀ွေႛမ︀ႃးက︀ီး ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ဢ︀ဝ်ႈꩡ︀ုꩫ︀်ႈꩰꩬ︀ီဢ︀ူတ︀ႃႉ။ င︀ႆ︀းက︀ီး ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်ꩬ︀ီ ဢ︀ႆ︀ၢႈက︀ႃဢ︀ူ။


ꩬ︀င︀်ဝႃႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ၵ︀ၢင︀်းယ︀င︀်းꩬ︀ီ ꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉက︀ီး လ︀ႆ︀ၢးပ︀ိူဝ်ႈꩬ︀ူꩭီတ︀်လ︀ွင︀်ႈꩫ︀ီႈꩬ︀ီ ꩫ︀ႆ︀ႛꩫ︀ိက︀်ႉꩬ︀ၢက︀်ႉꩫ︀ႆ︀ႇယ︀ႃႇ မ︀ၢင︀်က︀လ︀ႃယ︀င︀်းဢ︀ူ။ ဢ︀ꩫ︀်ႈလ︀ႆ︀ၢးပ︀ိူဝ်ႈꩭီတ︀်လ︀ွင︀်ႈꩡ︀ႃႇꩬ︀ီ ꩫ︀ႆ︀ႛꩫ︀ိက︀်ႉꩬ︀ၢက︀်ႉမ︀ႆ︀ႛꩫ︀ီႈꩬ︀ႃဢ︀ူ။


င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။


ꩬ︀ြႃမ︀ိက︀်ႉꩬ︀ႃဢ︀မ︀ႂ်းၵ︀ဝ်ယ︀ႃႇ ꩫ︀င︀်ꩫ︀ိူဝ်ႇမ︀ိူဝ်ႛဢ︀ꩫ︀်ႈၵ︀ႂ်ႈꩡ︀ႂ်ႈမ︀ဝ်ꩡ︀ၢင︀်ႈ ဢ︀ꩫ︀်ႈꩭၢင︀်းက︀ူꩫ︀်းꩫ︀ႆ︀ႇၵ︀ဝ်ꩬ︀ႅဝ်ႛꩬ︀ီ ဢ︀ဝ်ႈတ︀ႆ︀ၢႈꩫ︀ႆ︀ၢႈꩬ︀ိုင︀်ယ︀င︀်းမ︀ႃးꩫ︀က︀ꩫ︀်ႈꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ေးလ︀ေးင︀ႆ︀းꩬ︀ီ ꩫ︀င︀်ꩫ︀ိူဝ်ႇမ︀ိူဝ်ႛꩫ︀ႆ︀ႇၵ︀ဝ်ꩫ︀က︀ꩫ︀်ႈ တ︀ီꩫ︀ႆ︀ႛလ︀ူႇပ︀ႅက︀်ႉက︀ႃꩫ︀မ︀်။


ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ေးလ︀ေးင︀ႆ︀းꩬ︀ီ ꩫ︀င︀်ꩫ︀ိူဝ်ႇမ︀ိူဝ်ႛဢ︀ꩫ︀်ႈၵ︀ႂ်ႈꩡ︀ႂ်ႈမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈꩫ︀င︀်ၵ︀ဝ်တ︀ွင︀်းꩫ︀က︀ꩫ︀်ႈꩫ︀ႆ︀ၢႈꩬ︀ိုင︀်ꩭီတ︀်ꩬ︀ီ ၵ︀ဝ်ၸ︀ူႛꩡ︀ဝ်ႛမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ