ယ︀ေႃးꩭၢꩫ︀် ႑ 4:18 - Khamti Shan

¹⁸ မ︀ိူဝ်ႈမ︀ႅတ︀်ႉတ︀ႃꩭဝ်းတ︀ီမ︀်ႈက︀ုမ︀်ꩫ︀ႆ︀ႇ ꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈဝႃႈက︀ူဝ်ႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ႅတ︀်ႉတ︀ႃၸ︀ꩫ︀်းဢ︀မ︀ႂ်းယ︀ႃႇ ဢ︀ꩫ︀်ႈက︀ူဝ်ႈတ︀င︀်းလ︀ုင︀်မ︀ႆ︀ႛ ဢ︀ဝ်ႈၵ︀ွတ︀်ꩭႂ်ႛꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ူင︀်ႈတ︀ၢမ︀်မ︀ႆ︀ႛ က︀ူဝ်ႈꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈတ︀ီမ︀်ႈက︀ုမ︀်ꩵ︀ႈယ︀င︀်း။

ယ︀ေႃးꩭၢꩫ︀် ႑ 4:18 ပူးပေါင်းရင်းမြစ်များ

မ︀တ︀်တ︀ႄး 9:34

ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းꩭူဝ်ႛၸ︀ီꩫ︀ႆ︀ႇ မ︀ꩫ︀်းမ︀ႆ︀ႛ ၵ︀ုꩫ︀်ၸ︀ီꩭၢႆ︀ႇတ︀ꩫ︀်းၵ︀ူဝ်းꩭႂ်ႛဝႆ︀ႇꩬ︀ီꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။

ရ︀ေႃမ︀ 8:15

ၵ︀ွꩫ︀်ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈပ︀ီꩫ︀်ႈၵ︀ႃႛမ︀ꩫ︀်းꩡ︀ဝ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈက︀ူဝ်ႈပ︀ွက︀်ႉꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ပ︀ူဝ်ꩭဝ်း” ꩫ︀ꩬ︀ီꩭွင︀်ႇပ︀ီꩫ︀်ႈꩫ︀ႆ︀ႇက︀ေႃႇ ꩡ︀ွႆ︀ႈꩭႂ်ႛဢ︀ူ။

တ︀ိမ︀ေႃတ︀ေ ႒ 1:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭႂ်ႛဝႆ︀ႇꩫ︀ႆ︀ႇယ︀ႃႇ ꩭဝ်းမ︀ႆ︀ႛꩡ︀ႂ်ႈဢ︀ꩫ︀်ႈက︀ူဝ်ႈꩭႆ︀ၢႇ မ︀ဝ်ဢ︀ဝ်ႈယ︀င︀်းꩭႂ်ႛꩬ︀ေႇမ︀ဝ်က︀ႃး ဢ︀ဝ်ႈꩭတ︀်ꩭၢꩫ︀်ꩭႂ်ႛဢ︀ူ။ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛꩭၢက︀်ႉပ︀ီꩫ︀်ႈꩬ︀ီ ꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛထိꩫ︀်ပ︀ေႇက︀ေႃႇ ꩡ︀ွႆ︀ႈꩭႂ်ႛဢ︀ူ။

ꩭေပ︀ရ︀ူး 12:28

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇ မ︀ိူင︀်းဢ︀ꩫ︀်ႈၵ︀ွꩫ︀်းမ︀ဝ်ꩫ︀ႆ︀ႛမ︀ႆ︀ႛ ꩫ︀ႆ︀ႛဝႆ︀ႇꩫ︀ႆ︀ႇꩬ︀ီ ပ︀ႆ︀ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ယ︀ႃက︀ု 2:19

ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ၢႆ︀ႈꩫ︀မ︀်ယ︀င︀်းꩫ︀ႆ︀ႇꩫ︀ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇꩫ︀ီႈဢ︀ူ။ ꩫ︀ႆ︀ႇꩫ︀က︀ေႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ် ꩫ︀ႆ︀ၢႈက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ꩬ︀ီ က︀ူဝ်ႈတ︀ႆ︀ၢႈꩰက︀ꩫ︀်ႈဢ︀ူ။

ယ︀ေႃးꩭၢꩫ︀် ႑ 4:12

က︀ူꩫ︀်းꩭဝ်းၸ︀ႂ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ ꩭဝ်းက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈက︀ီး ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛꩫ︀ႂ်းꩭဝ်းမ︀ႆ︀ႛယ︀င︀်းꩬ︀ီ ဢ︀ဝ်ႈမ︀ႅတ︀်ႉတ︀ႃမ︀ꩫ︀်းꩡ︀ဝ်ႛ ꩭဝ်းမ︀ႆ︀ႛဢ︀ဝ်ႈတ︀ီမ︀်ႈက︀ုမ︀်ꩭႂ်ႛဢ︀ူ။