ယ︀ေႃးꩭၢꩫ︀် ႑ 3:21 - Khamti Shan

²¹ က︀ူဝ်ႇꩬ︀ေႛꩭၢက︀်ႉၵ︀ဝ်ꩴ︀း ꩭဝ်းၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ပ︀ႅတ︀်ႉယ︀င︀်းဢ︀ူꩫ︀ꩬ︀ီ မ︀ဝ်ၵ︀ၢꩫ︀်ꩡ︀ႂ်ႈက︀ီး ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းꩵ︀ႈဝႃႈက︀ူဝ်ႈ။

ယ︀ေႃးꩭၢꩫ︀် ႑ 3:21 ပူးပေါင်းရင်းမြစ်များ

ရ︀ေႃမ︀ 14:22

ဢ︀ꩫ︀်ႈꩫ︀ႆ︀ႇၵ︀ဝ်က︀ိꩫ︀်ႈ မ︀ဝ်က︀ိꩫ︀်ႈꩫ︀က︀ေႃႇ ဢ︀ပ︀ႅတ︀်ႉꩵ︀ႈယ︀င︀်းꩫ︀ꩬ︀ီ ꩬ︀ူယ︀ုမ︀်ꩫ︀က︀ေႃႇ ဝူင︀်ႈက︀ၢင︀်ႈꩬ︀ူꩫ︀ၵ︀ႃ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀်ဝႆ︀ႇတ︀ႃႉ။ က︀ူဝ်ႇဢ︀ꩫ︀်ႈꩫ︀င︀်ဢ︀ꩫ︀်ႈၸ︀ူႛꩡ︀ဝ်ႛယ︀ုမ︀်ꩫ︀က︀ꩫ︀်ႈ ꩭီတ︀်ꩬ︀ီ ၸ︀ူႛꩡ︀ဝ်ႛမ︀ႆ︀ႛ ဢ︀ပ︀ႅတ︀်ႉꩵ︀ႈယ︀င︀်းꩫ︀ꩬ︀ီ တ︀မ︀်းꩡ︀ႂ်ႈꩫ︀ႆ︀ႇ မ︀ၢင︀်က︀လ︀ႃယ︀င︀်းဢ︀ူ။

က︀ေႃရ︀ိꩫ︀်တ︀ု ႑ 4:4

က︀ဝ်ႈ ဢ︀ꩫ︀်ႈမ︀ဝ်ꩡ︀ႂ်ႈꩵ︀ႈꩭီတ︀်ꩫ︀ꩫ︀ႆ︀ႇ တ︀မ︀်းꩡ︀ႂ်ႈꩫ︀ီႈꩫ︀ီႈ ဢ︀ူ။ ꩫ︀ႆ︀ႇꩫ︀က︀ေႃႇ ဝႃႈင︀ႆ︀းꩬ︀ီ က︀ဝ်ႈꩭူဝ်ꩡ︀ႂ်ႈၵ︀ၢဝ်ဢ︀ူꩫ︀ꩬ︀ီဝႃႈꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ꩡ︀ႅပ︀်ႉꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

ဢ︀ေၸ︀ႅတ︀် 3:12

ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီလ︀ိူင︀်ႈ၊ မ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီလ︀ိူင︀်ႈ ဢ︀ၵ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ပ︀ႆ︀ၢႛဝႆ︀ႈꩫ︀ႆ︀ႇ ꩫ︀ႆ︀ႛမ︀ႃးယ︀ဝ်ႇ။

တ︀ိမ︀ေႃတ︀ေ ႑ 2:8

င︀ႆ︀းꩫ︀ႆ︀ႇꩬ︀ီ က︀ဝ်ႈဝႃႈက︀ွတ︀်။ မ︀ိူဝ်ႈꩬ︀ူꩭူမ︀်ႈပ︀ႆ︀ၢႛၸ︀ြႃးꩫ︀ႆ︀ႇ ၸ︀ူႛꩡ︀ႆ︀ၢးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၵ︀ႂ်ႈꩡ︀ႃႇက︀ꩫ︀်ႈ၊ ꩫ︀ꩫ︀်းက︀ꩫ︀်ႈမ︀ဝ်ဢ︀ဝ်ႈယ︀င︀်းꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်းဝႃႈယ︀ွꩫ︀်းꩬ︀ူးꩫ︀မ︀်။

ꩭေပ︀ရ︀ူး 10:22

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩬ︀ိုဝ်ႈꩰတ︀ူဝ်ꩰꩡ︀ူးက︀ႂ်ႛက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်ꩡ︀ႂ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ၢင︀်းꩫ︀ႆ︀ႇ ဢ︀ဝ်ႈꩫ︀ိူတ︀်ႉꩡ︀ဝ်ႛၵ︀ရ︀ီတ︀်ၸ︀ွက︀်င︀ႆ︀း တ︀ူဝ်ႈꩭဝ်းမ︀ႆ︀ႛက︀ေႃႇ ဢ︀ဝ်ႈꩫ︀မ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ꩬ︀ုက︀်ႉꩭႂ်ႛယ︀ဝ်ႇꩰ။

ꩭေပ︀ရ︀ူး 4:16

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩭဝ်းꩭၢင︀်ႇꩫ︀ႆ︀ႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩬ︀ီꩡ︀ွႆ︀ႈꩭႂ်ႛꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛꩭၢပ︀်ႉꩫ︀ႆ︀ႇ ပ︀ႆ︀ႉꩭဝ်း ပ︀လ︀ၢင︀်က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ ꩡ︀ူးက︀ႂ်ႛက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 2:28

လ︀ုက︀်ႉꩭၢက︀်ႉၵ︀ဝ်ꩴ︀း မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ꩭႂ်ႛပ︀ူဝ်းဢ︀ꩫ︀်ႈဝႃႈက︀ူဝ်ႈꩰဢ︀ႆ︀ၢႈꩰမ︀ဝ်ယ︀င︀်းꩫ︀ႆ︀ႇ က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛဢ︀ူက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 2:7

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ꩬ︀ိꩫ︀်ဢ︀ꩫ︀်ႈင︀ႆ︀ႚက︀ဝ်ႈꩬ︀ူမ︀ႆ︀ႛတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩬ︀ိꩫ︀်မ︀ႂ်ꩵ︀ႈꩡ︀ႂ်ႈ။ ꩬ︀ိꩫ︀်က︀ဝ် ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်လ︀ေႚလ︀ေႚပ︀ုꩫ︀်ႛ ꩬ︀ူꩭၢပ︀်ႉဢ︀ဝ်ႈမ︀ႃးꩫ︀ႆ︀ႇꩫ︀မ︀်။ ꩬ︀ိꩫ︀်ဢ︀မ︀ႂ်းယ︀ႃႇ တ︀ြႃးဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် ႑ 3:2

ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။

ယ︀ေႃးꩭၢꩫ︀် ႑ 3:20

ꩬ︀င︀်ဝႃႈꩭဝ်း ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ပ︀ႅတ︀်ႉယ︀င︀်းဢ︀ူꩫ︀ꩬ︀ီၵ︀ႂ်ႈꩡ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩭဝ်းၵ︀ၢꩫ︀်ꩡ︀ႂ်ႈမ︀ႆ︀ႛ ယ︀ႂ်မ︀ႅတ︀်ႉꩬ︀ႃꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛတ︀ွင︀်းဢ︀ူꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ယ︀ေႃးꩭၢꩫ︀် ႑ 4:17

ꩭဝ်းပ︀ိူꩫ︀်ႈမ︀ႆ︀ႛꩭၢက︀်ႉꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈဢ︀ူက︀ီး ဝꩫ︀်းမ︀ိူဝ်ႈမ︀ꩫ︀်းꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ꩭဝ်းဢ︀ꩫ︀်ႈဝႃႈက︀ူဝ်ႈꩵ︀ႈယ︀င︀်း။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈမ︀ႅတ︀်ႉတ︀ႃꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭလ︀ိုဝ်ဢ︀ဝ်ႈတ︀ီမ︀်ႈက︀ုမ︀်ꩫ︀ꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် ႑ 5:14

ꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩬ︀င︀်ယ︀ွꩫ︀်းꩫ︀က︀ေႃႇ ဢ︀လ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းꩬ︀ီယ︀ွꩫ︀်းက︀ီး မ︀ꩫ︀်းꩡ︀ဝ်ႛထွမ︀်ꩭႂ်ႛဢ︀ူꩫ︀ꩫ︀ႆ︀ႇ ꩭဝ်းတ︀မ︀်းꩡ︀ႂ်ႈဢ︀ူ။