ယ︀ေႃးꩭၢꩫ︀် ႑ 3:16 - Khamti Shan16 ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ီ မ︀ႅတ︀်ႉတ︀ႃယ︀ႃႇ ꩫ︀င︀်ꩭိုဝ်ꩫ︀ꩫ︀ႆ︀ႇ ꩭဝ်းတ︀ွင︀်းမ︀ႃးက︀ꩫ︀်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ꩡ︀ႃႇပ︀ိူꩫ︀်ႈထုက︀်ꩫ︀ီႈၵ︀ွတ︀်ဢ︀ꩬ︀ၢက︀်ႉꩫ︀မ︀်။ အခန်းကိုကြည့်ပါ။ |
က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛလ︀ုက︀်ႉꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ꩬ︀င︀်က︀ေႃႇမ︀ဝ်ꩡ︀ႂ်ႈ ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩬ︀ူမ︀ႆ︀ႛꩫ︀ႆ︀ႛဢ︀မ︀ွေမ︀ႃးမ︀ႆ︀ႛ ဢ︀ဝ်ႈက︀ꩬ︀င︀်ꩬ︀ေꩬ︀ီထွတ︀်ꩭႂ်ႛမ︀ႃးꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ꩬ︀ေထွတ︀်ꩭႂ်ႛမ︀ႃးꩫ︀ႆ︀ႇ ဢ︀ဝ်ႈင︀ိူꩫ︀်းဢ︀ဝ်ႈၵ︀မ︀်း ဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။
ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။
ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛꩬ︀ၢက︀်ႉꩬ︀ေဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚꩫ︀ိပ︀်ပ︀ွက︀်ႉမ︀ႃးꩬ︀ီ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။ မ︀ꩫ︀်းꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛယ︀ဝ်ႇက︀ီး
ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။