ယ︀ေႃးꩭၢꩫ︀် ႑ 2:28 - Khamti Shan28 လ︀ုက︀်ႉꩭၢက︀်ႉၵ︀ဝ်ꩴ︀း မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈꩬ︀ီ ꩭႂ်ႛပ︀ူဝ်းဢ︀ꩫ︀်ႈဝႃႈက︀ူဝ်ႈꩰဢ︀ႆ︀ၢႈꩰမ︀ဝ်ယ︀င︀်းꩫ︀ႆ︀ႇ က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛဢ︀ူက︀ꩫ︀်ႈတ︀ႃႉ။ အခန်းကိုကြည့်ပါ။ |
ယ︀ေႃးꩭၢꩫ︀် ႑ 2:28
29 ပူးပေါင်းရင်းမြစ်များ
ꩡ︀ူဝ်ႈပ︀ၢꩫ︀်ႈင︀ႆ︀ႚ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ၸ︀ြႃးတ︀ြႃးမ︀ဝ်ယ︀င︀်းꩬ︀ီ ယ︀ုက︀်ႉꩭင︀်ႛꩫ︀ႆ︀ႇမ︀ႆ︀ႛ လ︀ၢႆ︀းပ︀ိူဝ်ႈက︀ဝ်ႈꩫ︀ၵ︀ႃ လ︀ၢႆ︀းပ︀ိူဝ်ႈတ︀ြႃးက︀ဝ်ႈꩬ︀ီ ꩬ︀င︀်ဝႃႈꩬ︀ူဢ︀ၢႆ︀ႈက︀ီး က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းက︀ေႃႇ မ︀ိူဝ်ႈဢ︀ဝ်ႈမ︀ူꩫ︀်ႈၸ︀ုင︀်းပ︀ူဝ်ꩡ︀ဝ်ႛထႃဝရ︀ၸ︀ြႃးင︀ႆ︀း တ︀င︀်းၵ︀ုꩫ︀်ꩬ︀ၢင︀်က︀ဝ်ႈၵ︀ဝ် က︀ျွႃးလ︀ူင︀်းမ︀ႃးꩫ︀ႆ︀ႇ ꩡ︀ႃႇꩭင︀်းꩬ︀ူတ︀ီဢ︀ၢႆ︀ႈꩫ︀မ︀်” ꩫ︀ဝꩫ︀်ႇ။
ဢ︀မ︀ႂ်းယ︀ႃႇ ꩫ︀င︀်ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀မ︀်။ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “က︀ꩫ︀်ႛꩫ︀ိူဝ်ꩫ︀ွႆ︀ႈꩡ︀ီဢ︀ုꩫ︀်မ︀ႆ︀ႛ ꩭိꩫ︀်ဢ︀ꩫ︀်ႈပ︀ိူꩫ︀်ႈတ︀ီတ︀ွင︀်ႛꩫ︀ႆ︀ႇ က︀ဝ်ႈတ︀မ︀်းဝႆ︀ႇဢ︀ူ။ ꩭိꩫ︀်ဢ︀မ︀ႂ်းမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀ီတ︀ွင︀်ႛလ︀ူမ︀်ႇက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛဢ︀ႆ︀ၢႈ” ꩫ︀ဝꩫ︀်ႇ။
ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈꩭႂ်ႛꩫ︀ႆ︀ႇ ꩬ︀ူမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈ ꩭႂ်ႛဢ︀ဝ်ႈမ︀ူတ︀်ꩡ︀ၢင︀်က︀ႃတ︀ႃႉ။ တ︀ူဝ်ထိုင︀်ဝꩫ︀်းဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ တ︀ူဝ်ႈꩬ︀ူ၊ ꩡ︀ႂ်ႈꩬ︀ူ၊ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛမ︀ိုင︀်ႇပ︀ွင︀်ႈက︀ႃတ︀ႃႉ။
င︀ႆ︀းꩫ︀ႆ︀ႇꩬ︀ီ ꩬ︀ူးပ︀ွင︀်းꩬ︀ႅင︀်ꩡ︀ႃႇက︀ဝ်ႈ ၸ︀ြႃးပ︀ီꩫ︀်ႈꩡ︀ဝ်ႛꩭႅမ︀်းဝႆ︀ႇယ︀ဝ်ႇꩰ။ ꩬ︀ူးဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်း ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူမ︀ႃးꩫ︀ႆ︀ႇၵ︀ဝ်ꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ု၊ ꩡ︀ဝ်ႛတ︀ြႃးဢ︀ꩫ︀်ႈꩬ︀ိုဝ်ႈတ︀ူဝ်က︀ျွႃးမ︀ႃးꩫ︀ႆ︀ႇ က︀ဝ်ႈမ︀ႆ︀ႛ ꩬ︀ူးဢ︀မ︀ႂ်း တ︀ီꩭႂ်ႛꩫ︀မ︀်။ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ႂ်ႇထႃႛင︀ွက︀်ႉꩰꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛက︀ေႃႇ ꩬ︀ူးဢ︀မ︀ႂ်းတ︀ီꩭႂ်ႛꩫ︀မ︀်။
ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛၵ︀ရ︀ီတ︀်က︀ေႃႇ ꩭႂ်ႛပ︀ူဝ်းဢ︀ပ︀ႅတ︀်ႉက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈၵ︀ွတ︀်ꩫ︀ႆ︀ႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ပ︀ၢꩫ︀်ႈလ︀ိူင︀်ႈꩫ︀ႆ︀ၢႈ ပ︀ုက︀်ႉꩡ︀ူဝ်ယ︀ဝ်ႇက︀ီး တ︀င︀်းဢ︀ပ︀ႅတ︀်ႉမ︀ဝ်ꩡ︀ၢပ︀်ႉလ︀ႅင︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ေꩬ︀ေꩫ︀ႆ︀ႇ တ︀ီပ︀ွက︀်ႉမ︀ႃးꩫ︀မ︀်။
ဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်း ဢ︀ꩫ︀်ႈꩬ︀ူꩭူပ︀်ႉꩭꩫ︀်ဢ︀ꩫ︀်ႈꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ေႇတ︀ေႇယ︀ုမ︀်ယ︀မ︀်ႈ၊ မ︀ဝ်ယ︀ုမ︀်ယ︀မ︀်ႈꩫ︀ꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩡ︀ၢမ︀်းꩫ︀မ︀်။ ၵ︀မ︀်းဢ︀ꩫ︀်ႈလ︀ူႇꩡ︀ၢင︀်ႈမ︀ႆ︀ႛꩫ︀ႆ︀ၢႈက︀ေႃႇ က︀ူꩫ︀်းꩫ︀ႆ︀ႇၵ︀ဝ် ꩡ︀ီၸ︀ႆ︀းꩬ︀ီဢ︀ဝ်ႈတ︀ွင︀်ဢ︀ူ။ ꩡ︀ႂ်ႈဢ︀ꩫ︀်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇယ︀ႃႇ က︀ႃႈၵ︀မ︀်းမ︀ဝ်က︀ႃးၵ︀ꩫ︀်ယ︀ႂ်ꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ိူင︀်ꩫ︀ႆ︀ႇ ဝႃႈꩡ︀ၢမ︀်းꩫ︀မ︀်။ င︀ႆ︀းꩬ︀ီ ꩬ︀ူမ︀ႆ︀ႛၵ︀ႂ်ႈလ︀ႂ်ႈꩡ︀ၢမ︀်းꩫ︀က︀ေႃႇ ꩬ︀ူၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီဢ︀ူက︀ီး မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ယ︀ူဝ်းယ︀ွင︀်ႛင︀ႆ︀း ၸ︀ုင︀်းꩭႂ်ႛꩬ︀ီတ︀ီဢ︀ဝ်ႈꩫ︀ႆ︀ႛꩫ︀ႃႛꩫ︀မ︀်။
ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။
လ︀ႅမ︀်းတ︀ႃႉ။ မ︀ꩫ︀်းꩡ︀ဝ်ႛဢ︀ဝ်ႈမ︀ွက︀်ၸ︀ူꩫ︀် တ︀ီက︀ျွႃးမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ျွႃးမ︀ႃးꩫ︀ႆ︀ႇမ︀ႆ︀ႛ က︀ူꩫ︀်းက︀ူႈက︀ူဝ်ႇ ꩡ︀ိူမ︀်ႈက︀ႃႈက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႅင︀်းတ︀ႆ︀ၢႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩫ︀ႆ︀ႛꩭꩫ︀်က︀ꩫ︀်ႈꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းတ︀င︀်းက︀မ︀်ၸ︀ႃ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛꩬ︀ီ တ︀ီꩫ︀ႆ︀ႛꩭႆ︀ႛꩭႆ︀ႛမ︀ိုင︀်ႈꩰက︀ꩫ︀်ႈꩫ︀မ︀်။ တ︀ီပ︀ီꩫ︀်ႈင︀ႆ︀း တ︀ေႇတ︀ေႇꩫ︀မ︀်။ ꩭႂ်ႛပ︀ီꩫ︀်ႈက︀တ︀ႃႉ။
ကြော်ငြာတွေ