ယ︀ေႃးꩭၢꩫ︀် ႑ 2:20 - Khamti Shan

²⁰ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇင︀ႆ︀းꩵ︀ႈꩡ︀ႂ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ လ︀ူဝ်ꩬ︀ႂ်ꩭႂ်ႛမ︀ႃးꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်း ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းက︀ꩫ︀်ႈယ︀ဝ်ႇ။

ယ︀ေႃးꩭၢꩫ︀် ႑ 2:20 ပူးပေါင်းရင်းမြစ်များ

မ︀တ︀်တ︀ႄး 13:11

ꩡ︀ဝ်ႛယ︀ေꩬ︀ုယ︀ႃႇ “ꩬ︀ူမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈမ︀ိူင︀်းက︀ၢင︀်ႈꩭၢဝ်ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ုတ︀်ပ︀ျႃးꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ တ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩵ︀ႈပ︀ုတ︀်ပ︀ျႃးꩭႂ်ႛ။

မ︀ႃက︀ု 1:24

“က︀လ︀ွေး ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်တ︀ီၵ︀ႃႛ၊ တ︀ူႈၵ︀ႃႛမ︀ႆ︀ႛ မ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ မ︀ႃးယ︀ႃႇတ︀ူႈၵ︀ႃႛတ︀ီၵ︀ႃႛက︀ျႃး။ မ︀ႂ်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျွႃးမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ” ꩫ︀ꩬ︀ီဢ︀ိဝ်ဢ︀ူ။

လ︀ုက︀ႃ 4:18

“ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛꩫ︀ိူဝ်က︀ဝ်ႈမ︀ႆ︀ႛ ၵ︀ိင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ꩭၢင︀်းက︀ူꩫ︀်းၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈ လ︀ိူက︀်ႉဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇယ︀ႃႇ ꩭၢင︀်းက︀ူꩫ︀်းထွင︀်ꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်တ︀ၢင︀်းလ︀ွတ︀်ႉဢ︀ွက︀်ꩭႂ်ႛ၊ ꩭၢင︀်းဢ︀ꩫ︀်ႈတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭꩫ︀်ꩭႂ်ႛ၊ ꩭၢင︀်းဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛင︀ႆ︀း

လ︀ုက︀ႃ 4:34

“ꩡ︀ဝ်ႛယ︀ေꩬ︀ု က︀ူꩫ︀်းꩫ︀ႃꩡ︀ရ︀ႅတ︀်ꩴ︀း မ︀ႂ်းꩡ︀ဝ်ႛ မ︀ႃးꩭီတ︀်က︀ꩬ︀င︀်တ︀ီၵ︀ႃႛꩫ︀ႆ︀။ မ︀ႃးယ︀ႃႇတ︀ူႈၵ︀ႃႛတ︀ီၵ︀ႃႛက︀ျႃး။ ၵ︀ိင︀်းတ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ မ︀ႂ်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျွႃးမ︀ႃးတ︀ီၵ︀ႃႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 14:26

ၵ︀ွꩫ︀်ၸ︀ြႃးပ︀ီꩫ︀်ꩡ︀ဝ်ႛ ꩡ︀ဝ်ႛၸ︀ူႛꩡ︀ွႆ︀ႈက︀ျွႃးမ︀ႃးꩬ︀ီꩬ︀ူမ︀ႆ︀ႛတ︀ီမ︀ႃးꩡ︀ွႆ︀ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ီႈက︀ဝ်ႈꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ွႆ︀ꩡ︀ႂ်ႇမ︀ႃးꩬ︀ီꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈꩬ︀ူမ︀ႆ︀ႛ ဝႃႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။

ယ︀ေႃးꩭၢꩫ︀် 16:13

ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ႆ︀ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰꩫ︀ႆ︀ႇ တ︀ီက︀ျွႃးမ︀ႃးꩫ︀မ︀်။ မ︀ꩫ︀်းꩡ︀ဝ်ႛမ︀ႃးက︀ီး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်း ꩬ︀ူမ︀ႆ︀ႛတ︀ီꩬ︀ွꩫ︀်ꩭႂ်ႛꩬ︀ိုဝ်ႈꩰꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩫ︀င︀်မ︀ꩫ︀်းꩡ︀ဝ်ႛၵ︀ႂ်ႈဝႃႈꩫ︀ႆ︀ႇꩵ︀ႈဝႃႈ။ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ၢႈꩫ︀မ︀်တ︀ီၵ︀ႆ︀ႈꩫ︀ႆ︀ႇ။ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛတ︀ီၵ︀ႆ︀ႈꩫ︀မ︀်။

ထဝ်ꩡ︀တ︀်ႉၵ︀ဝ် 10:38

ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းလ︀ွေႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ူႈတ︀ီႈမ︀ႆ︀ႛပ︀ꩫ︀်လ︀ေင︀ႆ︀း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭီတ︀်က︀ျေးꩡ︀ူးꩭႂ်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 3:14

ꩬ︀ူ ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ꩫ︀ီႈမ︀ႅတ︀်ႉမ︀ႆ︀ႛယ︀ႃႇ ၵ︀ွတ︀်ꩬ︀ီ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းမ︀ႆ︀ႛꩬ︀ိုင︀် ꩭႂ်ႛပ︀ွႆ︀လ︀ွတ︀်ႉမ︀ႃးဢ︀ူ။

က︀ေႃရ︀ိꩫ︀်တ︀ု ႑ 2:15

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀ႅပ︀်ၵ︀ꩫ︀်ꩡ︀ၢင︀်ႈဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛယ︀ႃႇၸ︀ႂ်က︀ေႃႇ တ︀ႅပ︀်ၵ︀ꩫ︀်ꩵ︀ႈပ︀ီꩫ︀်ႈ။

ꩭေပ︀ရ︀ူး 1:9

ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈတ︀ူဝ်မ︀ႆ︀ႛ ထုက︀်ꩡ︀ႂ်ႈꩬ︀ီ ဢ︀ꩫ︀်ႈမ︀ဝ်တ︀ြႃးမ︀ႆ︀ႛꩡ︀င︀်းဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ၊ ၸ︀ြႃးၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ လ︀ိူက︀်ႉဝႆ︀ႇင︀ႆ︀း က︀ꩫ︀်ႛꩫ︀ိူဝ်ၸ︀ူႛလ︀ွမ︀်ႇလ︀ၢမ︀်ၵ︀ိင︀်းတ︀ူဝ်ꩡ︀ဝ်ႛ တ︀င︀်းမ︀ိူင︀်းမ︀ႆ︀ႛ ယ︀ွင︀်ႛꩭႂ်ႛꩬ︀ီ ဢ︀ဝ်ႈꩡ︀ူမ︀်းꩭုမ︀်ꩬ︀ႃꩭႂ်ႛဢ︀ူ” ꩫ︀ဝꩫ︀်ႇ။

ꩭေပ︀ရ︀ူး 8:11

မ︀ိူဝ်ႈဢ︀မ︀ႂ်းယ︀ႃႇ ၸ︀ႂ်က︀ေႃႇ က︀ူꩫ︀်းꩭိမ︀်းꩭိူꩫ︀်းမ︀ႆ︀ႛပ︀တ︀ု၊ ပ︀ီꩫ︀ွင︀်ႇမ︀ႆ︀ႛပ︀တ︀ု “ꩡ︀ဝ်ႛထႃဝရ︀ၸ︀ြႃးမ︀ႆ︀ႛ တ︀ွင︀်းတ︀ႃႉ” ꩫ︀ꩬ︀ီ က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ꩵ︀ႈဝႃႈꩬ︀ွꩫ︀်က︀ꩫ︀်ႈ။ လ︀ုက︀်ႉဢ︀ꩫ︀်ႈက︀ွႆ︀ႛမ︀ႆ︀ႛ တ︀ူဝ်ထိုင︀်ဢ︀ꩫ︀်ႈၵ︀ႅꩫ︀်းယ︀ႂ်တ︀င︀်းလ︀ုင︀် က︀ဝ်ႈမ︀ႆ︀ႛ တ︀ီတ︀ွင︀်းက︀ꩫ︀်ႈꩫ︀မ︀်။

ယ︀ေႃးꩭၢꩫ︀် ႑ 2:27

ꩫ︀ႆ︀ႇꩫ︀က︀ေႃႇ ꩬ︀ူမ︀ႆ︀ႛꩡ︀ဝ်ႛၵ︀ရ︀ီတ︀် ၵ︀ွꩫ︀်မ︀ꩫ︀်းꩡ︀ဝ်ႛ ꩬ︀ႂ်ꩭႂ်ႛꩫ︀ႆ︀ႇꩬ︀ီ က︀ႃႈꩫ︀င︀်ၵ︀ွꩫ︀်မ︀ꩫ︀်းꩡ︀ဝ်ႛ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ꩬ︀ူမ︀ႆ︀ႛၸ︀ႂ်က︀ေႃႇ ꩵ︀ႈဝႃႈꩬ︀ွꩫ︀်ꩭႂ်ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩬ︀ူမ︀ႆ︀ႛက︀ူႈꩡ︀ွင︀်ႈက︀ူႈလ︀ွင︀်ႈꩬ︀ွꩫ︀်ꩭႂ်ႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇက︀ေႃႇ ꩬ︀ိုဝ်ႈꩡ︀ႂ်ႈဢ︀ူ။ ဢ︀ꩫ︀်ႈၸ︀ိတ︀်ꩵ︀ႈလ︀ွေႛ။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛမ︀ႆ︀ႛ ထွမ︀်ꩡ︀ွမ︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်မ︀ႆ︀ႛဢ︀ူက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 4:13

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩬ︀ီ ꩭဝ်းဢ︀ူꩫ︀ႂ်းမ︀ꩫ︀်းꩡ︀ဝ်ႛꩫ︀မ︀်ꩫ︀ꩫ︀ႆ︀ႇလ︀ိူင︀်ႈ မ︀ꩫ︀်းꩡ︀ဝ်ႛက︀ေႃႇ ဢ︀ူꩫ︀ႂ်းꩭဝ်းမ︀ႆ︀ႛꩫ︀မ︀်ꩫ︀ꩫ︀ႆ︀ႇလ︀ိူင︀်ႈ ꩭဝ်းတ︀ွင︀်းꩫ︀ီႈꩫ︀ီႈဢ︀ူ။

ယ︀ုတ︀ 1:5

ꩬ︀ူတ︀ွင︀်းယ︀ဝ်ႇၵ︀ႂ်ႈလ︀ႂ်ႈꩫ︀က︀ေႃႇ လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩬ︀ူဢ︀ွက︀်ꩡ︀ႂ်ႈက︀ꩫ︀်ႈမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ၵ︀ေꩬ︀ေဢ︀ွက︀်မ︀ႃးꩫ︀က︀ေႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈလ︀ူႇတ︀ႆ︀ၢႈမ︀ႃးဢ︀ူ။

ၿျႃၻိက︀်ႉ 3:7

“ၵ︀ုꩫ︀်ꩬ︀ၢင︀် ꩡ︀ိူဝ်းၸ︀ိလ︀ႃတ︀ႄၸ︀ိယ︀မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ႆ︀ႇ တ︀ႅမ︀်ႛꩭႂ်ႛတ︀ႃႉ။ ꩫ︀ႆ︀ႇယ︀ႃႇ ၵ︀ၢဝ်ႈၵ︀ၢမ︀်းꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်၊ ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈတ︀ိုဝ်းꩬ︀ူဝ်းပ︀တ︀ူႈꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ပ︀တ︀ူႈဢ︀ꩫ︀်ႈမ︀ꩫ︀်းꩡ︀ဝ်ႛပ︀ုတ︀်မ︀ႆ︀ႛ ၸ︀ႂ်က︀ေႃႇ ꩭၢပ︀်ꩵ︀ႈꩫ︀ႆ︀ႛ၊ ဢ︀ꩫ︀်ႈမ︀ꩫ︀်းꩡ︀ဝ်ႛꩭၢပ︀်ဝႆ︀ႇမ︀ႆ︀ႛက︀ေႃႇ ၸ︀ႂ်က︀ေႃႇ ပ︀ုတ︀်ꩵ︀ႈꩫ︀ႆ︀ႛ။

ၿျႃၻိက︀်ႉ 4:8

တ︀ူဝ်ႈꩬ︀တ︀်ႉꩬ︀ီပ︀ႃးဢ︀မ︀ႂ်းၵ︀ဝ်ယ︀ႃႇ ပ︀ိက︀်ꩭူက︀်ဢ︀ꩫ︀်ႈꩭူက︀်ဢ︀ꩫ︀်ႈယ︀င︀်းဢ︀ူ။ တ︀ူဝ်ႈၵ︀ဝ်မ︀ႆ︀ႛယ︀ႃႇ တ︀င︀်းတ︀ူဝ်ႈမ︀ႆ︀ႛ ꩭွေတ︀ႃႈꩫ︀ႆ︀ၢႈတ︀ီမ︀်ႈက︀ꩫ︀်ႈꩫ︀မ︀်။ ၵ︀ဝ်ယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ဢ︀ꩫ︀်ႈꩡ︀ူဝ်ႈပ︀ူꩫ︀်ႇမ︀ႃး၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းဢ︀ူꩫ︀ႆ︀ႇယ︀ႃႇ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ။ မ︀ူတ︀်ꩡ︀ၢင︀်ဢ︀ူ” ꩫ︀ꩬ︀ီမ︀ဝ်ꩫ︀ႂ်မ︀ဝ်ꩬ︀ဝ်း ဢ︀ွေၵ︀ၢမ︀်းက︀ꩫ︀်ႈဢ︀ူ။