ယ︀ေႃးꩭၢꩫ︀် ႑ 2:17 - Khamti Shan

¹⁷ မ︀ိူင︀်းက︀ၢင︀်ႈꩫ︀ႆ︀ႇတ︀မ︀ိူင︀်း ဢ︀ꩫ︀်ႈမ︀ိူင︀်းက︀ၢင︀်ႈꩫ︀ႆ︀ႇ ꩭူဝ်ꩡ︀ႂ်ႈက︀ူꩫ︀်းꩭဝ်းမ︀ႆ︀ႛ ဢ︀ဝ်ႈꩭွႆ︀ႛꩡ︀ႂ်ႈꩫ︀ႆ︀ႇၵ︀ဝ်တ︀မ︀ိူင︀်း တ︀ီꩭႆ︀ၢက︀ႃꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉတ︀ီꩫ︀ိပ︀်က︀ႃꩫ︀မ︀်။

ယ︀ေႃးꩭၢꩫ︀် ႑ 2:17 ပူးပေါင်းရင်းမြစ်များ

မ︀တ︀်တ︀ႄး 21:31

င︀ႆ︀းက︀ီး ꩬ︀ွင︀်ၵ︀ႃၸ︀ႂ်ꩫ︀ႆ︀ ၵ︀ၢမ︀်းၸ︀ူႛပ︀ူဝ်ႈမ︀ႆ︀ႛထွမ︀်ꩡ︀ွမ︀်းꩫ︀ႆ︀ႇ” ꩫ︀ဝꩫ︀်ႇ။ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေၸ︀ႃꩬ︀ႃက︀ျူးꩫ︀ႆ︀ႇၵ︀ဝ်ယ︀ႃႇ “လ︀ုက︀်ႉꩡ︀ႆ︀ၢးဢ︀ꩫ︀်ႈယ︀ႂ်ꩫ︀ႆ︀ႇꩫ︀မ︀်” ꩫ︀ဝꩫ︀်ႇ။ င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ထွမ︀်ꩫ︀ီႈꩫ︀ီႈလ︀ႃး။ က︀ဝ်ႈဝႃႈက︀ွတ︀်။ ꩬ︀ူမ︀ႆ︀ႛပ︀ူꩫ︀်ႇꩬ︀ီ က︀ူꩫ︀်းဢ︀ꩫ︀်ႈၵ︀ႅꩫ︀်းမ︀ဝ်ꩫ︀ီႈ ꩫ︀င︀်ၸ︀ꩫ︀်းၸ︀ူႛက︀ီပ︀်ၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း မ︀ေႈမ︀ွက︀်ယ︀ႃႛꩫ︀ႆ︀ႇၵ︀ဝ်ꩬ︀ိုင︀် တ︀ီၵ︀ဝ်ႛမ︀ိူင︀်းက︀ၢင︀်ႈꩭၢဝ်ဢ︀ွꩫ︀်ႈꩬ︀ႃး။

မ︀တ︀်တ︀ႄး 24:35

က︀ၢင︀်ႈၸ︀ႃႇꩫ︀ၵ︀ႃက︀မ︀်ၸ︀ႃပ︀ႅက︀်ႉက︀ႃꩫ︀က︀ေႃႇ ၵ︀ၢမ︀်းက︀ဝ်ႈယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ႅက︀်ႉ။

မ︀တ︀်တ︀ႄး 7:21

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ “ꩡ︀ဝ်ႛ ꩡ︀ဝ်ႛ” ꩫ︀ꩬ︀ီꩭွင︀်ႇꩫ︀ႆ︀ႇၵ︀ဝ်က︀ူႈက︀ူဝ်ႇယ︀ႃႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။ က︀ူဝ်ႇဢ︀ꩫ︀်ႈဢ︀လ︀ၢင︀်းပ︀ူဝ်က︀ၢင︀်ႈꩭၢဝ်က︀ဝ်ႈမ︀ႆ︀ႛ ꩡ︀ွမ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် တ︀ီꩫ︀ႆ︀ႛၵ︀ဝ်ႛꩫ︀ႆ︀ႇ။

မ︀ႃက︀ု 3:35

ၸ︀ႂ်မ︀ဝ်ဝႃႈ က︀ူဝ်ႇဢ︀ꩫ︀်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀ွင︀်ႇꩡ︀ၢႆ︀းက︀ဝ်ႈ၊ ꩫ︀ွင︀်ႇꩬ︀ိင︀်းက︀ဝ်ႈ၊ မ︀ေက︀ဝ်ႈၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 4:14

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ိꩫ︀်ႈꩫ︀မ︀်ႇဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇပ︀ွက︀်ယ︀ဝ်ႇ။ က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ ꩫ︀မ︀်ႇဢ︀မ︀ႂ်း ပ︀ီꩫ︀်ႈမ︀ူဝ်ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩬ︀ီ ၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 6:58

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ၵ︀ဝ်ႛဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉက︀ၢင︀်ꩭၢဝ်မ︀ႆ︀ႛလ︀ူင︀်းမ︀ႃးꩫ︀မ︀်။ ၵ︀ဝ်ႛꩫ︀င︀်ၸ︀ꩫ︀်း ဢ︀ꩫ︀်ႈပ︀ူလ︀ီꩫ︀်ꩬ︀ူꩫ︀ႆ︀ႇၵ︀ဝ်က︀ိꩫ︀်ႈမ︀ႃးꩫ︀ႆ︀ႇꩵ︀ႈꩡ︀ႂ်ႈ။ ၸ︀ူႛက︀ိꩫ︀်ႈၵ︀ဝ်ႛဢ︀မ︀ႂ်းၵ︀ဝ်ယ︀ႃႇ တ︀ႆ︀ၢႈက︀ႃမ︀ူတ︀်ယ︀ဝ်ႇ။ ၸ︀ူႛက︀ိꩫ︀်ႈၵ︀ဝ်ႛဢ︀ꩫ︀်ႈꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီꩫ︀ႆ︀ႛꩫ︀ိပ︀်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 7:17

က︀ူဝ်ႇဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇယ︀ႃႇ ၵ︀ၢမ︀်းဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႃႊ၊ ၵ︀ၢမ︀်းပ︀ၢင︀်ႈက︀ဝ်ႈꩡ︀ဝ်ႛလ︀ႃႊꩫ︀ꩫ︀ႆ︀ႇ တ︀ီက︀ၢက︀်ႉꩡ︀ၢင︀်ႈꩬ︀ႃး။

ရ︀ေႃမ︀ 12:2

ꩬ︀ူယ︀ႃႇ တ︀ၢင︀်းက︀ႅင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭူဝ်ꩡ︀ႂ်ႈꩬ︀ူဢ︀ၢပ︀်ႉꩬ︀ီ ꩭႂ်ႛမ︀ꩫ︀်းꩡ︀ဝ်ႛလ︀ႆ︀ၢႈမ︀ႂ်ꩰတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀ီႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈင︀ႆ︀း ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ် ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ွင︀်းမ︀ႃးဢ︀ူ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀မ︀်။

က︀ေႃရ︀ိꩫ︀်တ︀ု ႑ 7:31

က︀ူဝ်ႇဢ︀ꩫ︀်ႈၵ︀ူဝ်းလ︀ိင︀်းမ︀ိူင︀်းက︀ၢင︀်ႈ ꩫ︀ႆ︀ႛတ︀ိုဝ်းꩫ︀ီႈꩫ︀ီႈꩫ︀ႆ︀ႇက︀ေႃႇ ꩫ︀င︀်တ︀င︀်းၵ︀ူဝ်းလ︀ိင︀်းဢ︀မ︀ႂ်းၵ︀ဝ် မ︀ဝ်ꩡ︀ၢပ︀်ႉလ︀ႅင︀်က︀ꩫ︀်ႈꩫ︀က︀ꩫ︀်ႈ ဝႃႈဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀မ︀်ၸ︀ႃဢ︀ꩫ︀်ႈင︀ႆ︀ႚယ︀င︀်းꩫ︀ႆ︀ႇယ︀ႃႇ မ︀ဝ်ꩭိုင︀်က︀ꩬ︀င︀် တ︀ီလ︀ူႇပ︀ႅက︀်ႉက︀ႃꩫ︀မ︀်။

က︀ေႃလ︀ေႃတ︀ႄ 1:9

င︀ႆ︀းꩫ︀ႆ︀ႇꩬ︀ီ လ︀ုက︀်ႉက︀ႃႈလ︀ွင︀်ႈꩬ︀ူꩫ︀ႆ︀ႛꩥ︀ိꩫ︀်းꩫ︀ႆ︀ႇ တ︀ူႈꩡ︀ႃႇꩬ︀ူ ယ︀ွꩫ︀်းꩬ︀ူးဢ︀ူမ︀ဝ်ꩬ︀ဝ်းꩫ︀မ︀်။ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ဢ︀ဝ်ႈꩥ︀ႅꩫ︀်ꩫ︀ၵ︀ႃလ︀ွင︀်ႈꩭူႇတ︀ၢင︀်းꩭꩫ︀် ဢ︀ꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ူင︀်ႈꩭႂ်ႛဢ︀မ︀ႂ်း ꩭႂ်ႛပ︀ူဝ်းဢ︀ေႈၵ︀ႅꩫ︀်းတ︀ွင︀်းမ︀ႃးꩫ︀ႆ︀ႇ တ︀ူႈယ︀ွꩫ︀်းꩬ︀ူးꩭႂ်ႛဢ︀ူꩫ︀မ︀်။

က︀ေႃလ︀ေႃတ︀ႄ 4:12

ဢ︀ေပ︀ၸ︀ြက︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။ မ︀ꩫ︀်းက︀ေႃႇ က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ꩫ︀်းယ︀ႃႇ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ꩭႂ်ႛပ︀ူဝ်းထွမ︀်ꩡ︀ွမ︀်းမ︀ူတ︀်ꩰꩬ︀ီ ပ︀ွင︀်ꩡ︀ႂ်ႈမ︀ူတ︀်ꩰမ︀ႃးင︀ႆ︀း ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩡ︀ႃႇꩬ︀ူ ꩭီတ︀်ဢ︀ၵ︀ႅက︀်ႉꩬ︀ီယ︀ွꩫ︀်းꩬ︀ူးꩬ︀ီဢ︀ူꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:3

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛၵ︀ႂ်ႈꩭႂ်ႛမ︀ူတ︀်ꩰꩡ︀ၢင︀်ꩰꩫ︀မ︀်။ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ꩫ︀ႆ︀ႇ ꩵ︀ႈၵ︀ႂ်ႈꩭႂ်ႛယ︀င︀်းလ︀ေႚလ︀ေႚ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:18

ပ︀ီꩫ︀်ႈꩭိုဝ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူဢ︀ꩫ︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩭႂ်ႛက︀မ︀်ႈက︀ႅင︀်းꩫ︀ႆ︀ႇꩫ︀မ︀်။

ꩭေပ︀ရ︀ူး 10:36

မ︀ိူဝ်ႈꩬ︀ူ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛ ꩭီတ︀်ယ︀ဝ်ႇꩫ︀ႆ︀ႇ ꩭႂ်ႛပ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛ က︀တ︀ိꩭႂ်ႛဝႆ︀ႇမ︀ႆ︀ႛ ꩬ︀ူꩫ︀ႆ︀ႛꩭၢပ︀်ႉꩫ︀ႆ︀ႇ ဝႃႈက︀ꩫ︀်ႛꩫ︀မ︀်။

ယ︀ႃက︀ု 4:14

ꩬ︀ူယ︀ႃႇ မ︀ိူဝ်ႈꩭုက︀်ႉꩬ︀ူတ︀ီပ︀ီꩫ︀်ႈꩭိုဝ်ꩫ︀ꩫ︀ႆ︀ႇꩫ︀ၢႆ︀ႈက︀ေႃႇꩵ︀ႈတ︀ွင︀်း။ ဢ︀ꩬ︀ၢက︀်ႉꩬ︀ူꩫ︀ႆ︀ႇ ꩫ︀င︀်မ︀ွက︀်မ︀ဝ်းꩫ︀က︀ꩫ︀်ႈꩫ︀ႆ︀ၢႈꩫ︀မ︀်။ မ︀ွက︀်မ︀ဝ်းမ︀ႃးꩬ︀ီ က︀ႅပ︀်ႉဢ︀ွꩫ︀်လ︀ိူင︀်ႈꩫ︀ၢႆ︀ႈꩭၢႆ︀က︀ႃပ︀ွက︀်ႉဢ︀ူ။

ပ︀ေတ︀ရ︀ု ႑ 1:5

ꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ႃႈꩬ︀ူမ︀ႆ︀ႛၵ︀ေꩬ︀ေမ︀ဝ်ယ︀ဝ်ႇလ︀ေႚလ︀ေႚယ︀ႃႇ ꩬ︀ူမ︀ႆ︀ႛ က︀ုမ︀်ႇၵ︀ႅꩫ︀်ꩭႂ်ႛဢ︀ူꩫ︀မ︀်။ လ︀ွင︀်ႈဢ︀ꩫ︀်ႈꩫ︀ႆ︀ႇယ︀ႃႇ ဝꩫ︀်းပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ီပ︀ုတ︀်ပ︀ျႃးꩭႂ်ႛꩫ︀မ︀်။

ပ︀ေတ︀ရ︀ု ႑ 4:2

င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။