ယ︀ေႃးꩭၢꩫ︀် ႑ 2:13 - Khamti Shan

¹³ ဢ︀ွႃးၵ︀ဝ်ꩴ︀း ꩡ︀ဝ်ႛဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛယ︀င︀်းမ︀ႆ︀ႛ ꩬ︀ူတ︀ွင︀်းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းꩫ︀ုမ︀်ၵ︀ဝ်ꩴ︀း ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛပ︀ေႇဢ︀ွင︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 2:13 ပူးပေါင်းရင်းမြစ်များ

မ︀တ︀်တ︀ႄး 11:27

မ︀ꩫ︀်းꩡ︀ဝ်ႛယ︀ွꩫ︀်းꩬ︀ူးယ︀ဝ်ႇက︀ီး က︀ၢပ︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇမ︀ႆ︀ႛ ၸ︀ႂ်က︀ေႃႇမ︀ဝ်တ︀ွင︀်းꩫ︀က︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ င︀ႆ︀းꩬ︀ီလ︀ုက︀်ႉမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛဢ︀ူ။

မ︀တ︀်တ︀ႄး 13:19

က︀ူꩫ︀်းဢ︀ꩫ︀်ႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ꩭွေၸ︀ꩫ︀်းဢ︀ꩫ︀်ႈတ︀ူက︀်တ︀ၢင︀်းꩫ︀က︀ꩫ︀်ႈꩫ︀မ︀်။ ၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႂ်းꩡ︀ႂ်ႈၵ︀ဝ်မ︀ႆ︀ႛဝၢꩫ︀်ဝႆ︀ႇꩫ︀ႆ︀ႇ ၵ︀ုꩫ︀်ꩬ︀ူင︀်မ︀ႃးꩡ︀ႆ︀ၢႛက︀ႃဢ︀ူ။

မ︀တ︀်တ︀ႄး 13:38

ꩫ︀ႃးယ︀ႃႇ မ︀ိူင︀်းက︀ၢင︀်ႈꩫ︀ႆ︀ႇꩫ︀မ︀်။ ၸ︀ꩫ︀်းၵ︀ဝ်ႛꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။ ꩭွေၸ︀ꩫ︀်းဝင︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်ꩫ︀မ︀်။

မ︀တ︀်တ︀ႄး 5:37

ꩡ︀ႂ်ႈက︀ီးꩡ︀ႂ်ႈဢ︀ူ။ မ︀ဝ်ꩡ︀ႂ်ႈက︀ီးꩵ︀ႈꩡ︀ႂ်ႈꩫ︀ꩫ︀ႆ︀ၢႈဝႃႈတ︀ႃႉ။ ဢ︀မ︀ႂ်းမ︀ႆ︀ႛလ︀ိူဝ်ꩬ︀ီဝႃႈက︀ီး ၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၵ︀ုꩫ︀်ꩬ︀ူင︀်မ︀ႆ︀ႛမ︀ႃးꩫ︀မ︀်။

လ︀ုက︀ႃ 10:22

ပ︀ူဝ်က︀ဝ်ႈၵ︀ႃႛ က︀ဝ်ႈၵ︀ႃႛမ︀ႆ︀ႛတ︀င︀်းလ︀ုင︀်တ︀င︀်းမ︀ိူင︀်း ပ︀ူင︀်ႈဢ︀ၢပ︀်ႉꩭႂ်ႛမ︀ႃးယ︀ဝ်ႇ။ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ပ︀ူဝ်ꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇꩵ︀ႈတ︀ွင︀်း။ ပ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇက︀ေႃႇ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛꩫ︀ၵ︀ႃ က︀ူဝ်ႇဢ︀ꩫ︀်ႈလ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ၵ︀ႂ်ႈꩭႂ်ႛတ︀ွင︀်းꩬ︀ီ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်ꩫ︀ၢႆ︀ႈꩫ︀မ︀်တ︀ွင︀်းꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇ ၸ︀ႂ်က︀ေႃႇꩵ︀ႈတ︀ွင︀်းတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:7

က︀ဝ်ႈပ︀ီꩫ︀်ႈၸ︀ႂ်တ︀ေႇတ︀ေႇꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ႆ︀ႇꩬ︀ီ ပ︀ူဝ်က︀ဝ်ႈမ︀ႆ︀ႛက︀ေႃႇ ꩬ︀ူတ︀ွင︀်းဢ︀ူ။ လ︀ုက︀်ႉင︀ႆ︀ႚက︀ူဝ်ꩬ︀ီ ꩬ︀ူပ︀ူဝ်က︀ဝ်ႈမ︀ႆ︀ႛတ︀ွင︀်းယ︀ဝ်ႇ။ ꩭꩫ︀်ယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 14:9

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈတ︀င︀်းꩬ︀ူ ၵ︀ႆ︀ႇလ︀ိူင︀်ႈဢ︀ူမ︀ႃးꩫ︀ႆ︀ႇ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇꩫ︀ႆ︀ၢႈက︀ေႃႇ ꩵ︀ႈပ︀ႆ︀တ︀ွင︀်းက︀ျႃးၸ︀ိလ︀ိပ︀်ꩴ︀း။ မ︀ႂ်းက︀ဝ်ႈမ︀ႆ︀ႛꩭꩫ︀်က︀ီး ပ︀ူဝ်က︀ဝ်ႈမ︀ႆ︀ႛက︀ေႃႇꩭꩫ︀်ယ︀ဝ်ႇꩬ︀ႃး။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ “တ︀ူႈၵ︀ႃႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ျႃးꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇ။

ယ︀ေႃးꩭၢꩫ︀် 16:3

ꩬ︀ူမ︀ႆ︀ႛၵ︀ဝ်ꩭီတ︀်င︀ႆ︀းꩫ︀ႆ︀ႇ ပ︀ူဝ်က︀ဝ်ႈမ︀ႆ︀ႛတ︀မ︀ိူင︀်း က︀ဝ်ႈမ︀ႆ︀ႛတ︀မ︀ိူင︀်း မ︀ဝ်တ︀ွင︀်းꩬ︀ီꩫ︀မ︀်။

ယ︀ေႃးꩭၢꩫ︀် 16:33

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈꩫ︀ႆ︀ႇၵ︀ဝ်ဝႃႈꩫ︀ႆ︀ႇ ꩭႂ်ႛပ︀ူဝ်းꩬ︀ူက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛယ︀ီꩫ︀်ႈꩡ︀ႂ်ႈယ︀ီꩫ︀်ႈၵ︀ူဝ်းꩫ︀ႆ︀ႇꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩭတ︀်ꩭၢꩫ︀်က︀ꩫ︀်ႈတ︀ႃႉ။ က︀ဝ်ႈတ︀ꩫ︀်းၵ︀ူဝ်းမ︀ိူင︀်းက︀ၢင︀်ႈမ︀ႆ︀ႛပ︀ေႇယ︀ဝ်ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 17:21

ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ပ︀ူဝ်ꩡ︀ဝ်ႛꩴ︀း က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛမ︀ႆ︀ႛက︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇက︀ꩫ︀်ႛꩫ︀ႂ်းꩭဝ်းၵ︀ႃႛမ︀ႆ︀ႛ ဢ︀ဝ်ႈယ︀င︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 17:3

တ︀ၢင︀်းဢ︀ꩫ︀်ႈꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀ꩫ︀ႆ︀ႇယ︀ႃႇ မ︀ႂ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉꩬ︀ူလ︀ိဝ်ႈꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 8:19

င︀ႆ︀းက︀ီးၵ︀ဝ်ယ︀ႃႇ “ပ︀ူဝ်မ︀ႂ်းယ︀ႃႇ ဢ︀မ︀ႆ︀ႚꩫ︀ႆ︀” ꩫ︀ဝꩫ︀်ႇ။ ꩡ︀ဝ်ႛယ︀ေꩬ︀ုယ︀ႃႇ “ꩬ︀ူက︀ဝ်ႈမ︀ႆ︀ႛꩵ︀ႈတ︀ွင︀်း၊ ပ︀ူဝ်က︀ဝ်ႈမ︀ႆ︀ႛက︀ေႃႇꩵ︀ႈတ︀ွင︀်း။ ꩬ︀င︀်ဝႃႈꩬ︀ူက︀ဝ်ႈမ︀ႆ︀ႛတ︀ွင︀်းက︀ီး ပ︀ူဝ်က︀ဝ်ႈမ︀ႆ︀ႛက︀ေႃႇတ︀ွင︀်းဢ︀ူ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႒ 4:6

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။

တ︀ိမ︀ေႃတ︀ေ ႑ 5:1

က︀ူꩫ︀်းꩡ︀ႆ︀ၢးဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ဢ︀ꩬ︀ၢက︀်ႉယ︀ႂ်ꩬ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီꩭိူတ︀်ပ︀ီထႃးဢ︀ဝ်ႈ၊ ꩫ︀င︀်ပ︀ူဝ်ၸ︀ူႛꩡ︀ဝ်ႛꩫ︀က︀ꩫ︀်ႈ ၵ︀ႅꩫ︀်းဝွꩫ︀်းꩬ︀ီဝႃႈတ︀ႃႉ။ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ဢ︀ွꩫ︀်ꩬ︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀တ︀်ႉꩫ︀ွင︀်ႇၸ︀ူႛꩡ︀ဝ်ႛတ︀ႃႉ။

တ︀ိတ︀ု 2:6

ၸ︀ူႛꩡ︀ႆ︀ၢးဢ︀ꩫ︀်ႈꩫ︀ုမ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႂ်ႛပ︀ူဝ်းထိꩫ︀်တ︀ူဝ်ႈၵ︀ိင︀်းၸ︀ူႛꩡ︀ဝ်ႛပ︀ီꩫ︀်ႈꩫ︀ႆ︀ႇ ꩬ︀ွꩫ︀်ꩭႂ်ႛတ︀ႃႉ။

ယ︀ေႃးꩭၢꩫ︀် ႑ 1:1

ဢ︀ꩫ︀်ႈꩫ︀ႆ︀ႇယ︀ႃႇ လ︀ွင︀်ႈတ︀ြႃးဢ︀ꩬ︀ၢက︀်ႉꩫ︀မ︀်။ တ︀ြႃးꩫ︀ႆ︀ႇယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛယ︀င︀်းမ︀ႃးꩫ︀မ︀်။ တ︀ြႃးꩫ︀ႆ︀ႇမ︀ႆ︀ႛ တ︀ူႈၸ︀ူႛꩡ︀ဝ်ႛ ꩫ︀ႆ︀ႛꩥ︀ိꩫ︀်းမ︀ႃး၊ ဢ︀ဝ်ႈတ︀ႃႈတ︀ူႈၸ︀ူႛꩡ︀ဝ်ႛꩭꩫ︀်မ︀ႃးꩬ︀ီ ဢ︀ဝ်ႈမ︀ိုဝ်းတ︀ူႈၸ︀ူႛꩡ︀ဝ်ႛ ꩫ︀ႆ︀ႛက︀မ︀်းမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 2:1

ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ꩭီတ︀်ꩫ︀ႆ︀ႇ ꩬ︀ူမ︀ႆ︀ႛꩫ︀င︀်လ︀ုက︀်ႉက︀ဝ်ႈၵ︀ဝ်ꩫ︀က︀ꩫ︀်ႈမ︀တ︀်ႉꩬ︀ီ လ︀ွင︀်ႈꩫ︀ႆ︀ႇၵ︀ဝ် က︀ဝ်ႈတ︀ႅမ︀်ႛမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇꩬ︀င︀်ဝႃႈꩭဝ်းဢ︀ပ︀ႅတ︀်ႉꩭီတ︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩫ︀ႆ︀ၢꩫ︀ႃႛꩭႂ်ႛꩫ︀ႆ︀ႇယ︀င︀်းဢ︀ူ။

ယ︀ေႃးꩭၢꩫ︀် ႑ 2:12

လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩬ︀ူလ︀ုက︀်ႉဢ︀ပ︀ႅတ︀်ႉမ︀ႆ︀ႛꩫ︀ႆ︀ႛလ︀ွတ︀်ႉꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 2:14

လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ွင︀်းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ဢ︀ွႃးၵ︀ဝ်ꩴ︀း ꩡ︀ဝ်ႛဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛယ︀င︀်းမ︀ႆ︀ႛ ꩬ︀ူတ︀ွင︀်းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းꩫ︀ုမ︀်ၵ︀ဝ်ꩴ︀း ꩬ︀ူယ︀ႃႇꩭႅင︀်းယ︀င︀်းဢ︀ူ။ ꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းင︀ႆ︀း ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ေႇဢ︀ွင︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 3:12

ꩭဝ်းယ︀ႃႇ ꩫ︀င︀်က︀ႃဢ︀ိꩫ︀ꩫ︀က︀ꩫ︀်ႈ ꩵ︀ႈဝႃႈꩭီတ︀်။ မ︀ꩫ︀်းယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀ႆ︀ႇꩬ︀ီ ၸ︀ူႛꩫ︀ွင︀်ႇမ︀ꩫ︀်းဢ︀ႃၿေလ︀မ︀ႆ︀ႛ ဢ︀ဝ်ႈတ︀ႆ︀ၢႈꩫ︀မ︀်။ မ︀ꩫ︀်းလ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ ၸ︀ူႛꩫ︀ွင︀်ႇမ︀ꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈꩫ︀ႆ︀ႇꩫ︀က︀ီး ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩫ︀ႆ︀ႇၸ︀ိတ︀်င︀ႆ︀း ဢ︀ꩫ︀်ႈꩫ︀ွင︀်ႇꩡ︀ႆ︀ၢးမ︀ꩫ︀်းꩭီတ︀်ꩫ︀ႆ︀ႇယ︀ႃႇ ꩬ︀ိုဝ်ႈꩡ︀ႂ်ႈꩬ︀ီꩫ︀မ︀်။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ယ︀ေႃးꩭၢꩫ︀် ႑ 5:18

က︀ူဝ်ႇဢ︀ꩫ︀်ႈပ︀ီꩫ︀်ႈ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် က︀ၢပ︀်ꩬ︀ီꩵ︀ႈꩭီတ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ က︀ုမ︀်ႇꩭႂ်ႛꩫ︀ႆ︀ႇꩬ︀ီ ၵ︀ုꩫ︀်ꩬ︀ူင︀်ယ︀ႃႇ ၵ︀ဝ်မ︀ႆ︀ႛꩭီတ︀်ၸ︀ေးꩵ︀ႈꩫ︀ႆ︀ႛ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။

ၿျႃၻိက︀်ႉ 12:11

ၵ︀ုꩫ︀်ꩬ︀ူင︀်ဢ︀ꩫ︀်ႈ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉမ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩫ︀ၵ︀ႃ ဢ︀ဝ်ႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ ၵ︀ဝ်ယ︀ႃႇ ꩬ︀င︀်ဝႃႈထုက︀်ꩫ︀ီႈတ︀ႆ︀ၢႈက︀ီး ၵ︀ၢမ︀်တ︀ႆ︀ၢႈက︀ွတ︀်ꩫ︀ꩬ︀ီတ︀မ︀ိူင︀်း ꩭႅမ︀်းဝႆ︀ႇက︀ꩫ︀်ႈဢ︀ူ။

ၿျႃၻိက︀်ႉ 2:7

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။