ယ︀ေႃးꩭၢꩫ︀် ႑ 2:1 - Khamti Shan

¹ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ꩭီတ︀်ꩫ︀ႆ︀ႇ ꩬ︀ူမ︀ႆ︀ႛꩫ︀င︀်လ︀ုက︀်ႉက︀ဝ်ႈၵ︀ဝ်ꩫ︀က︀ꩫ︀်ႈမ︀တ︀်ႉꩬ︀ီ လ︀ွင︀်ႈꩫ︀ႆ︀ႇၵ︀ဝ် က︀ဝ်ႈတ︀ႅမ︀်ႛမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇꩬ︀င︀်ဝႃႈꩭဝ်းဢ︀ပ︀ႅတ︀်ႉꩭီတ︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ိုဝ်ႈတ︀ူဝ် ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩫ︀ႆ︀ၢꩫ︀ႃႛꩭႂ်ႛꩫ︀ႆ︀ႇယ︀င︀်းဢ︀ူ။

ယ︀ေႃးꩭၢꩫ︀် ႑ 2:1 ပူးပေါင်းရင်းမြစ်များ

လ︀ုက︀ႃ 10:22

ပ︀ူဝ်က︀ဝ်ႈၵ︀ႃႛ က︀ဝ်ႈၵ︀ႃႛမ︀ႆ︀ႛတ︀င︀်းလ︀ုင︀်တ︀င︀်းမ︀ိူင︀်း ပ︀ူင︀်ႈဢ︀ၢပ︀်ႉꩭႂ်ႛမ︀ႃးယ︀ဝ်ႇ။ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇ ပ︀ူဝ်ꩡ︀ဝ်ႛမ︀ႆ︀ႛလ︀ိူဝ်ꩬ︀ီ ၸ︀ႂ်က︀ေႃႇꩵ︀ႈတ︀ွင︀်း။ ပ︀ူဝ်ꩡ︀ဝ်ႛပ︀ီꩫ︀်ႈၸ︀ႂ်ꩫ︀ꩫ︀ႆ︀ႇက︀ေႃႇ လ︀ုက︀်ႉၵ︀ိင︀်းတ︀ူဝ်ꩡ︀ဝ်ႛꩫ︀ၵ︀ႃ က︀ူဝ်ႇဢ︀ꩫ︀်ႈလ︀ုက︀်ႉၵ︀ိင︀်းတ︀ူဝ်ꩡ︀ဝ်ႛ ၵ︀ႂ်ႈꩭႂ်ႛတ︀ွင︀်းꩬ︀ီ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်ꩫ︀ၢႆ︀ႈꩫ︀မ︀်တ︀ွင︀်းꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇ ၸ︀ႂ်က︀ေႃႇꩵ︀ႈတ︀ွင︀်းတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 13:33

လ︀ုက︀်ႉက︀ဝ်ႈၵ︀ဝ်ꩴ︀း က︀ဝ်ႈတ︀င︀်းꩬ︀ူဢ︀ၢꩫ︀်တ︀ၢꩫ︀်ꩵ︀ႈꩫ︀ႆ︀ႛဢ︀ူဢ︀ိက︀်ယ︀ဝ်ႇ။ က︀ဝ်ႈမ︀ႆ︀ႛꩬ︀ူတ︀ီၵ︀ႃက︀ꩫ︀်ႈꩬ︀ႃး။ ꩫ︀ႆ︀ႇꩫ︀က︀ေႃႇ ꩫ︀င︀်ꩭူဝ်က︀ေယ︀ုတ︀ၵ︀ဝ်မ︀ႆ︀ႛ က︀ဝ်ႈဝႃႈမ︀ႃးꩫ︀က︀ꩫ︀်ႈ တ︀ီႈဢ︀ꩫ︀်ႈက︀ဝ်ႈတ︀ီက︀ႃမ︀ႆ︀ႛ ꩬ︀ူက︀ႃꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 14:16

က︀ဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ဝ်ႛၸ︀ူႛꩡ︀ွႆ︀ႈတ︀ၢင︀်ပ︀ႃးꩡ︀ႃႇꩭၢင︀်းꩬ︀ူတ︀ီယ︀ွꩫ︀်းꩫ︀မ︀်။ င︀ႆ︀းꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈတ︀င︀်းꩬ︀ူမ︀ိူဝ်ႈလ︀ႂ်ႈက︀ေႃႇတ︀ီဢ︀ူလ︀ွေႛꩫ︀ႆ︀ႇ တ︀ီပ︀ွႆ︀ꩡ︀ႂ်ႇꩭႂ်ႛမ︀ႃးꩫ︀မ︀်။

ယ︀ေႃးꩭၢꩫ︀် 14:6

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩬ︀ီꩫ︀်ႛတ︀ၢင︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်။ ၸ︀ႂ်ꩫ︀က︀ေႃႇက︀ဝ်ႈမ︀ႆ︀ႛမ︀ဝ်မ︀ႃးက︀ီး ပ︀ူဝ်က︀ဝ်ႈမ︀ႆ︀ႛဢ︀ဝ်ႈထိုင︀်ꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 21:5

ꩡ︀ဝ်ႛယ︀ေꩬ︀ုယ︀ႃႇ “ꩡ︀ႆ︀ၢးၵ︀ဝ်ꩴ︀း ပ︀ႃႈꩫ︀ႆ︀ႛဢ︀ေႃး” ꩫ︀က︀ီးၵ︀ဝ်ယ︀ႃႇ “ꩵ︀ႈꩫ︀ႆ︀ႛက︀ိူဝ်း” ꩫ︀ဝꩫ︀်ႇ။

ယ︀ေႃးꩭၢꩫ︀် 5:14

ဝႆ︀ၢးဢ︀မ︀ႂ်း မ︀ꩫ︀်းမ︀ႆ︀ႛ ꩡ︀ဝ်ႛယ︀ေꩬ︀ု က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩭꩫ︀်ပ︀ွက︀်ႉက︀ီး “လ︀ႅမ︀်းလ︀ႃး၊ မ︀ႂ်းင︀ႆ︀ႚဢ︀ူꩫ︀ီႈမ︀ႃးယ︀ဝ်ႇ။ လ︀ႃႉꩫ︀ႆ︀ႇ ဢ︀ပ︀ႅတ︀်ႉပ︀ီꩭီတ︀်ဢ︀ိက︀်ဢ︀ိူဝ်၊ ꩫ︀ႆ︀ႇမ︀ဝ်ꩡ︀ႂ်ႈက︀ီး ၵ︀ႆ︀ႇမ︀ဝ်က︀ႃးတ︀ီပ︀ီꩫ︀်ႈꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 5:36

ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ ယ︀င︀်းဢ︀ူ။ ဢ︀ꩫ︀်ႈင︀ႆ︀ႚက︀ဝ်ႈꩭီတ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢပ︀်ႉꩭႂ်ႛꩫ︀ႆ︀ႇၵ︀ဝ်ꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈ က︀ဝ်ႈမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 6:27

ꩬ︀ူ ꩡ︀ႃႇၵ︀ဝ်ႛဢ︀ꩫ︀်ႈꩫ︀ဝ်ႈꩫ︀ွက︀်ꩡ︀ၢင︀်ႈꩫ︀ႆ︀ႇ ပ︀ီꩭီတ︀်၊ ꩡ︀ႃႇၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။ ၵ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းတ︀ီꩭႂ်ႛꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ူꩫ︀်းမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်လ︀ွင︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 8:11

ၸ︀ူႛယ︀ိင︀်းဢ︀မ︀ႂ်းယ︀ႃႇ “ၸ︀ႂ်က︀ေႃႇ ꩵ︀ႈတ︀ၢင︀်ဢ︀ပ︀ႅတ︀်ႉတ︀ီၵ︀ႃႛ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈက︀ေႃႇမ︀ႂ်းမ︀ႆ︀ႛꩵ︀ႈတ︀ၢင︀်ဢ︀ပ︀ႅတ︀်ႉ။ မ︀ႂ်းက︀ႃꩫ︀ႆ︀ႛယ︀ဝ်ႇ။ လ︀ႃႉꩫ︀ႆ︀ႇ ဢ︀ပ︀ႅတ︀်ႉပ︀ီꩭီတ︀်ယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 7:52

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ လ︀ွင︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈတ︀ီက︀ျွႃးမ︀ႃးꩫ︀ႆ︀ႇ ꩭူဝ်းꩬ︀ီ ၵ︀ဝ်မ︀ႆ︀ႛꩬ︀ူဢ︀ဝ်ႈတ︀ၢႆ︀ႈမ︀ူတ︀်မ︀ႃးယ︀ဝ်ႇ။ မ︀ဝ်ꩡ︀ႂ်ႈက︀ျႃး။ ပ︀လ︀ေႃး င︀ႆ︀ႚꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ꩬ︀ူၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ယ︀ဝ်ႇ။

ရ︀ေႃမ︀ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်းပ︀ီꩫ︀်ႈလ︀ꩫ︀်ꩬ︀ူၵ︀ႂ်ႈလ︀ႂ်ႈꩫ︀က︀ေႃႇ က︀ွပ︀်ႉပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈက︀ႃꩫ︀ႆ︀ႇꩬ︀ီ ꩭဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉမ︀ႃးယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ီ ꩭဝ်းမ︀ႆ︀ႛဢ︀ေႈၵ︀ႅꩫ︀်းတ︀ီၵ︀ေꩬ︀ေꩭႂ်ႛꩫ︀မ︀်။

ရ︀ေႃမ︀ 6:15

ꩫ︀ႆ︀ႇက︀ီး ꩭဝ်းဢ︀ူက︀ꩫ︀်ႛတ︀ႂ်ႛက︀ျမ︀်းꩬ︀ိꩫ︀်မ︀ဝ်ꩡ︀ႂ်ႈ၊ ဢ︀ူက︀ꩫ︀်ႛတ︀ႂ်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဝႃႈꩭီတ︀်ဢ︀ပ︀ႅတ︀်ႉက︀ျႃး။ ꩵ︀ဝႃႈꩭီတ︀်ပ︀ိူင︀်ႈလ︀ူင︀်ယ︀ဝ်ႇ။

ရ︀ေႃမ︀ 8:34

င︀ႆ︀းꩫ︀ႆ︀ႇꩬ︀ီ ၸ︀ႂ်ꩫ︀ႆ︀ၵ︀ဝ်မ︀ႆ︀ႛ ပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႛꩫ︀ႆ︀ႇ။ ၸ︀ႂ်က︀ေႃႇꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ ၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛꩫ︀ိပ︀်ပ︀ွက︀်ႉမ︀ႃးꩬ︀ီ ပ︀ႃႛၵ︀ႃမ︀ိုဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

က︀လ︀ႃတ︀ိ 4:19

လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴ︀း က︀ႃႈꩬ︀ူမ︀ႆ︀ႛ ꩭူဝ်ꩡ︀ႂ်ႈꩫ︀င︀်ၸ︀ꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ယ︀င︀်းမ︀ႃးယ︀ႃႇ က︀ဝ်ႈꩫ︀င︀်ၸ︀ူႛယ︀ိင︀်းဢ︀ꩫ︀်ႈတ︀ီယ︀င︀်းလ︀ုက︀်ႉꩫ︀က︀ꩫ︀်ႈ ၵ︀ူႈꩡ︀ႂ်ႈၵ︀ၢꩫ︀်ꩡ︀ႂ်ႈဢ︀ူꩫ︀မ︀်။

ဢ︀ေၸ︀ႅတ︀် 2:18

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ က︀ျူးတ︀မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈတ︀မ︀ိူင︀်း ꩭဝ်းတ︀င︀်းမ︀ိူင︀်း ပ︀ၢင︀်ႈꩫ︀ႃႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ပ︀ႃးလ︀ိဝ်ႈꩫ︀ႆ︀ၢႈ ꩫ︀ႆ︀ႛယ︀ွꩫ︀်းꩬ︀ူးꩫ︀မ︀်။

ဢ︀ေၸ︀ႅတ︀် 4:26

မ︀ိူဝ်ႈꩬ︀ူၵ︀ႂ်ႈꩡ︀ႃႇꩫ︀ႆ︀ႇ ꩭႂ်ႛပ︀ူဝ်းဢ︀ပ︀ႅတ︀်ႉမ︀ဝ်ꩭီတ︀်ꩫ︀ႆ︀ႇꩬ︀တ︀ိတ︀ႃႉ။ ၸ︀ႃႇတ︀င︀်းဝꩫ︀်းယ︀ႃႇ ပ︀ီၵ︀ႂ်ႈꩡ︀ႃႇက︀ꩫ︀်ႈ။

တ︀ိမ︀ေႃတ︀ေ ႑ 2:5

ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ႆ︀ၢႈယ︀င︀်းꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈပ︀ီꩫ︀်ႈက︀ူꩫ︀်းမ︀ႃး ဢ︀ꩫ︀်ႈဝူင︀်ႈက︀ၢင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ က︀ူꩫ︀်းꩭဝ်းမ︀ႆ︀ႛ က︀ၢပ︀်က︀ႆ︀ၢꩫ︀ႆ︀ၢꩫ︀ႃႛꩬ︀ီ ဢ︀ဝ်ႈထုက︀်က︀ꩫ︀်ႈꩭႂ်ႛꩫ︀ႆ︀ႇက︀ေႃႇ ပ︀ႃးလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။

တ︀ိမ︀ေႃတ︀ေ ႑ 3:14

တ︀ိမ︀ေႃတ︀ေꩴ︀း မ︀ဝ်ꩭိုင︀်က︀ꩬ︀င︀် မ︀ႂ်းမ︀ႆ︀ႛ က︀ဝ်ႈꩬ︀ၢင︀်မ︀ႃးလ︀ေဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈ က︀ဝ်ႈꩡ︀ိဝ်းꩰမ︀ဝ်ထိုင︀်မ︀ႃးက︀ီး ပ︀ီႈꩫ︀ွင︀်ႇ က︀ူꩫ︀်းꩡ︀ိူဝ်းဢ︀ꩫ︀်ႈပ︀ီꩫ︀်ႈ ꩡ︀ုမ︀်ႛꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇၵ︀ဝ် ꩭိုဝ်လ︀ိုဝ်ဝႃႈက︀မ︀်ႈက︀ႅင︀်းꩫ︀ꩫ︀ႆ︀ႇ မ︀ႂ်းꩭႂ်ႛတ︀ွင︀်းက︀ွတ︀်ꩫ︀ꩬ︀ီ လ︀ိက︀်ႉꩫ︀ႆ︀ႇတ︀ႅမ︀်ႛမ︀ႃးꩫ︀မ︀်။ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ဝ်ဢ︀ꩫ︀်ႈက︀မ︀်ႇꩬ︀မ︀်မ︀ႃတ︀ြႃးꩫ︀က︀ꩫ︀်ႈꩫ︀မ︀်။

ꩭေပ︀ရ︀ူး 9:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းပ︀ူက︀်မ︀ႆ︀ႛꩵ︀ႈꩡ︀ႂ်ႈ ၵ︀ဝ်ႛက︀ႃꩫ︀ႆ︀ႇ။ တ︀ီႈဢ︀ꩫ︀်ႈတ︀ႅက︀်ႉပ︀ုင︀်ꩭၢင︀်ႈမ︀ႆ︀ႛမ︀ဝ်ꩡ︀ႂ်ႈꩬ︀ီ က︀ၢင︀်ႈꩭၢဝ်တ︀ေႇတ︀ေႇမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛၵ︀ဝ်ႛက︀ႃင︀ႆ︀း င︀ႆ︀ႚ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီဢ︀ူဢ︀ူꩫ︀မ︀်။

ယ︀ႃက︀ု 1:27

ꩬ︀ိꩫ︀်ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇယ︀ႃႇ လ︀ုက︀်ႉတ︀ိမ︀်ၸ︀ႃႇ၊ မ︀ေႈမ︀ၢႆ︀ႛဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈမ︀ိုင︀်ႇပ︀ွင︀်ႈꩬ︀ီ လ︀ွင︀်ႈလ︀ေႃးက︀ီဢ︀ꩫ︀်ႈꩭင︀်ႛꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈꩫ︀ႆ︀ႇꩫ︀မ︀်။

ယ︀ႃက︀ု 3:9

ꩡ︀ဝ်ႛꩭဝ်း၊ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ ꩭဝ်းဢ︀ဝ်ႈလ︀ိꩫ︀်ႇယ︀ူဝ်းယ︀ွင︀်ႛဢ︀ူ။ က︀ူꩫ︀်းတ︀ၢင︀်က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀် ꩬ︀ၢင︀်းဝႆ︀ႇဢ︀ဝ်ႈမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈလ︀ိꩫ︀်ႇဢ︀မ︀ႂ်းပ︀ၢဝ်ꩰက︀ိꩫ︀်ꩰဢ︀ူ။

ပ︀ေတ︀ရ︀ု ႑ 2:22

မ︀ꩫ︀်းꩡ︀ဝ်ႛယ︀ႃႇ ဢ︀ပ︀ႅတ︀်ႉꩵ︀ႈꩭွꩫ︀်ꩭီတ︀်မ︀ႃး။ ꩵ︀ႈꩭွꩫ︀်ၸ︀ႅတ︀်ႉမ︀ႃး။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 3:18

လ︀ုက︀်ႉꩭၢက︀်ႉၵ︀ဝ်ꩴ︀း ꩭဝ်းပ︀ိူꩫ︀်ႈမ︀ႆ︀ႛ ဢ︀ဝ်ႈꩬ︀ူပ︀်ꩫ︀ႆ︀ၢႈမ︀ဝ်ꩭၢက︀်ႉꩬ︀ီ တ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွႆ︀ႈꩬ︀ီ ထုက︀်ꩫ︀ီႈꩭၢက︀်ႉတ︀ေႇတ︀ေႇက︀ꩫ︀်ႈဢ︀ူ။

ယ︀ေႃးꩭၢꩫ︀် ႑ 3:5

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ယ︀င︀်းꩫ︀က︀ေႃႇ ဢ︀ပ︀ႅတ︀်ႉꩭဝ်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ွတ︀်ꩭႂ်ႛက︀ွတ︀်ꩫ︀ꩬ︀ီ မ︀ိူင︀်းက︀ၢင︀်ႈမ︀ႆ︀ႛ က︀ျွႃးမ︀ႃးꩫ︀မ︀်ꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။

ယ︀ေႃးꩭၢꩫ︀် ႑ 3:7

လ︀ုက︀်ႉꩭၢက︀်ႉၵ︀ဝ်ꩴ︀း ꩬ︀ူမ︀ႆ︀ႛၸ︀ႂ်က︀ေႃႇ ပ︀ီꩭႂ်ႛၸ︀ၢမ︀်း။ က︀ူဝ်ႇဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ိုဝ်ႈတ︀ူဝ်ꩫ︀က︀ꩫ︀်ႈ ꩬ︀ိုဝ်ႈတ︀ူဝ်ꩫ︀မ︀်။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ယ︀ေႃးꩭၢꩫ︀် ႑ 5:17

ဢ︀ꩫ︀်ႈက︀ႃႈꩡ︀ိုဝ်ႈꩭီတ︀်ၸ︀ိတ︀်ꩫ︀ႆ︀ႇ ဢ︀ပ︀ႅတ︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ပ︀ႅတ︀်ႉဢ︀ꩫ︀်ႈၵ︀ွꩫ︀်ဢ︀ꩬ︀ၢက︀်ႉက︀ူꩫ︀်းမ︀ႆ︀ႛ ဢ︀ဝ်ႈလ︀ူႇꩬ︀ုမ︀်းꩫ︀ꩫ︀ႆ︀ႇၸ︀ꩫ︀်းလ︀ိူင︀်ႈယ︀င︀်းဢ︀ူ။

ယ︀ေႃးꩭၢꩫ︀် ႑ 5:21

လ︀ုက︀်ႉက︀ဝ်ႈၵ︀ဝ်ꩴ︀း ၸ︀ြႃးဢ︀ꩫ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇတ︀ႃႉ။

ယ︀ေႃးꩭၢꩫ︀် ႓ 1:4

လ︀ုက︀်ႉက︀ဝ်ႈၵ︀ဝ် ꩫ︀င︀်ꩬ︀မ︀်မ︀ႃတ︀ြႃးꩫ︀က︀ꩫ︀်ႈ ဢ︀ူက︀ꩫ︀်ႈꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩫ︀ႆ︀ႛꩥ︀ိꩫ︀်းꩬ︀ီ က︀ဝ်ႈꩡ︀ူမ︀်းꩭုမ︀်လ︀ူင︀်ꩫ︀မ︀်။ ဢ︀ꩫ︀်ႈလ︀ွင︀်ႈꩫ︀ႆ︀ႇမ︀ႆ︀ႛ ꩡ︀ူမ︀်းꩭုမ︀်ꩬ︀ႃꩫ︀ႆ︀ႇ က︀ꩬ︀င︀်က︀ေႃႇꩵ︀ႈယ︀င︀်း။