လ︀ႃႉꩫ︀ႆ︀ႇ က︀ဝ်ႈၵ︀ႃႛလ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛဢ︀ွက︀်ꩬ︀ီ တ︀ီမ︀ႃးꩡ︀ဝ်ႛတ︀ီၵ︀ႃႛꩫ︀မ︀်။ ၵ︀ဝ်ယ︀ႃႇ တ︀ီက︀ိူတ︀်မ︀ိူင︀်းက︀ၢင︀်ႈတ︀ီၵ︀ႃႛꩫ︀မ︀်။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ပ︀ူဝ်ꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ꩴ︀း ꩫ︀င︀်ꩭဝ်းၵ︀ႃႛလ︀ွမ︀်ႈက︀ꩫ︀်ႈꩫ︀က︀ꩫ︀်ႈ ꩭႂ်ႛပ︀ူဝ်းၵ︀ဝ်က︀ေႃႇလ︀ွမ︀်ႈက︀ꩫ︀်ႈꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛ ဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ၵ︀ဝ်မ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ။
ယ︀ေႃးꩭၢꩫ︀် ႑ 1:3 - Khamti Shan3 ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူက︀ေႃႇ တ︀င︀်းတ︀ူႈꩫ︀ႆ︀ႛၵ︀ဝ်ႛၵ︀ွꩫ︀်ႛက︀ꩫ︀်ႈꩫ︀ႆ︀ႇ ဢ︀ꩫ︀်ႈတ︀ူႈꩭꩫ︀်မ︀ႃး၊ ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ် ꩬ︀ူမ︀ႆ︀ႛတ︀ူႈၵ︀ႆ︀ႈꩭႂ်ႛꩫ︀မ︀်။ အခန်းကိုကြည့်ပါ။ |
ယ︀ေႃးꩭၢꩫ︀် ႑ 1:3
38 ပူးပေါင်းရင်းမြစ်များ
ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။ ပ︀ူဝ်ꩡ︀ဝ်ႛꩴ︀း က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛယ︀င︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛမ︀ႆ︀ႛက︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇက︀ꩫ︀်ႛꩫ︀ႂ်းꩭဝ်းၵ︀ႃႛမ︀ႆ︀ႛ ဢ︀ဝ်ႈယ︀င︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ က︀ဝ်ႈၵ︀ႃႛမ︀ႆ︀ႛ ꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛဢ︀ဝ်ႈၸ︀ွမ︀်ႇလ︀ွမ︀်ႈက︀ꩫ︀်ႈꩭႂ်ႛတ︀ီၵ︀ႃႛမ︀ႃးတ︀ႃႉ။
က︀ျမ︀်းꩬ︀ႃလ︀ၢံၵ︀ွက︀်ႉꩬ︀ွင︀်မ︀ႆ︀ႛ “မ︀ႂ်းယ︀ႃႇလ︀ုက︀်ႉꩡ︀ႆ︀ၢးက︀ဝ်ႈꩫ︀မ︀်။ မ︀ိူဝ်ႈꩫ︀ႆ︀ႇတ︀ေႇတ︀ေႇ မ︀ႂ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉက︀ဝ်ႈယ︀ဝ်ႇ” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩬ︀ီ က︀တ︀ိဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩭဝ်းၸ︀ူႛပ︀ီꩫ︀်ႈလ︀ုက︀်ႉလ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။ တ︀ူႈယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛ ၵ︀ႆ︀ႈꩭႂ်ႛက︀ွတ︀်ꩫ︀ꩬ︀ီ ထိုင︀်မ︀ႃးꩫ︀မ︀်။
ၵ︀ဝ်မ︀ႆ︀ႛꩡ︀ေတ︀ꩫ︀ႃယ︀င︀်းꩫ︀က︀ꩫ︀်ႈ ꩫ︀ႃႛတ︀ီႈဢ︀ꩫ︀်ႈဝႃႈꩡ︀ွႆ︀ႈက︀ျူးꩫ︀ႆ︀ႇၵ︀ဝ်က︀ေႃႇ ယ︀င︀်းတ︀ေႇတ︀ေႇဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျူးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဢ︀က︀ိဝ်းလ︀ွင︀်ႈၵ︀ွꩫ︀်ပ︀ꩫ︀်ႈꩭႂ်ႛꩫ︀ႆ︀ႇꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈက︀ိꩫ︀်ႈလ︀ွင︀်ႈꩫ︀ုင︀်ႈ ထုက︀်ꩫ︀ီႈꩡ︀ွႆ︀ႈꩭႂ်ႛꩫ︀မ︀်။
ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။
က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။
ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ဝ်ႈၵ︀ႅꩫ︀်းလ︀ႅင︀်ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း၊ တ︀ꩫ︀်းၵ︀ူဝ်းဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်း၊ ꩭူႇတ︀ွင︀်းင︀ႆ︀း၊ ꩭႂ်ႛပ︀ူဝ်းၻုက︀်ႉၵ︀မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛၵ︀ၢမ︀်လ︀ွေႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႆ︀ၢႈမ︀ႆ︀ႛ ꩫ︀ႆ︀ႛတ︀ႆ︀ၢႈလ︀ွေႛꩫ︀ႆ︀ႇꩫ︀မ︀်။
ꩡ︀ဝ်ႛယ︀ေꩬ︀ုၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ီက︀ျွႃးမ︀ႃးꩫ︀ႆ︀ႇမ︀ႆ︀ႛ ꩭိုဝ်လ︀ိုဝ်တ︀ႂ်းထႃႛꩬ︀ီဢ︀ူꩫ︀ꩫ︀ႆ︀ႇၵ︀ဝ် တ︀ူႈမ︀ႆ︀ႛၵ︀ႆ︀ႈꩭႂ်ႛက︀ꩫ︀်ႈဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃး၊ ꩡ︀ဝ်ႛဢ︀ꩫ︀်ႈဝꩫ︀်းပ︀ႅတ︀်ႉတ︀ြႃးမ︀ႆ︀ႛ ꩭဝ်းမ︀ႆ︀ႛ လ︀ုက︀်ႉတ︀ေႃးꩬ︀ႃးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀ႆ︀ႇꩫ︀မ︀်။
ꩬ︀င︀်ဝႃႈꩡ︀ဝ်ႛၸ︀ူႛꩡ︀ဝ်ႛ ပ︀ီꩫ︀်ႈၸ︀ူႛယ︀ုမ︀်ယ︀မ︀်ႈက︀ီး မ︀ꩫ︀်းမ︀ႆ︀ႛ ပ︀ီမ︀ဝ်ꩫ︀ၢပ︀်ႉမ︀ဝ်ၵ︀ၢꩫ︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းက︀ေႃႇ ပ︀ီꩫ︀်ႈပ︀ီႈꩫ︀ွင︀်ႇက︀ꩫ︀်ႈꩫ︀မ︀်။ ꩡ︀ဝ်ႛဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ꩡ︀ႂ်ႇက︀ိꩫ︀်ႈꩬ︀ီဢ︀ူꩫ︀ႆ︀ႇ ပ︀ီꩫ︀်ႈပ︀ီႈꩫ︀ွင︀်ႇၸ︀ူႛꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ႂ်ႇꩫ︀ႆ︀ႇဢ︀ေႈၵ︀ႅꩫ︀်းဝႃႈꩭီတ︀်ꩭႂ်ႛꩫ︀မ︀်။ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩬ︀ွꩫ︀်ꩭႂ်ႛတ︀ႃႉ။
ကြော်ငြာတွေ