က︀ေႃရ︀ိꩫ︀်တ︀ု ႑ 9:27 - Khamti Shan

²⁷ ပ︀ိူꩫ︀်ႈမ︀ႆ︀ႛၵ︀ၢဝ်ႈၵ︀ၢမ︀်းꩫ︀ီႈꩬ︀ွꩫ︀်ꩭႂ်ႛꩬ︀ီ ꩭႂ်ႛပ︀ူဝ်းၸ︀ူႛꩡ︀ဝ်ႛ မ︀ဝ်လ︀ူႇꩬ︀ုမ︀်းက︀ႃꩫ︀ႆ︀ႇ က︀ဝ်ႈယ︀ႃႇ ꩫ︀င︀်ၸ︀ူႛလ︀ီꩫ︀်ႛꩭႅင︀်းꩫ︀က︀ꩫ︀်ႈ ပ︀ႅင︀်ႈမ︀ႆ︀ႛꩡ︀ွမ︀်းꩫ︀ီႈꩫ︀ီႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩥ︀ႅပ︀်ႉ​ပ︀ေႇပ︀ေႇဢ︀ူ။

က︀ေႃရ︀ိꩫ︀်တ︀ု ႑ 9:27 ပူးပေါင်းရင်းမြစ်များ

လ︀ုက︀ႃ 18:5

ꩫ︀ႆ︀ႇꩫ︀က︀ေႃႇ မ︀ေႈမ︀ႆ︀ၢႛꩫ︀ႆ︀ႇ က︀ဝ်ႈမ︀ႆ︀ႛယ︀ုင︀်ႛၸ︀ႅဝ်ꩫ︀ႆ︀ႇꩬ︀ီ ꩡ︀ႃႇမ︀ꩫ︀်းဝႃႈပ︀ႅတ︀်ႉတ︀ြႃးꩬ︀ိုဝ်ႈꩰꩭႂ်ႛယ︀ဝ်ႇ။ ꩫ︀ႆ︀ႇမ︀ဝ်ꩡ︀ႂ်ႈက︀ီး င︀ႆ︀ႚင︀ႆ︀ႚမ︀ႃးယ︀ုင︀်ႛဢ︀ိက︀်ꩬ︀ီ ပ︀ႆ︀ၢႈꩭၢင︀်မ︀ႆ︀ႛ ဢ︀ေႈၵ︀ႅꩫ︀်းဢ︀ဝ်ႈꩫ︀ွေꩡ︀ႂ်ႈꩫ︀ွေၵ︀ူဝ်းမ︀ႃးဢ︀ူ” ꩫ︀ဝꩫ︀်ႇ။

လ︀ုက︀ႃ 9:25

ꩬ︀င︀်ဝႃႈꩬ︀ူ က︀မ︀်ၸ︀ႃတ︀င︀်းလ︀ုက︀်ႉ ꩫ︀ႆ︀ႛဝႆ︀ႇꩫ︀က︀ေႃႇ ꩬ︀ူၸ︀ူႛꩡ︀ဝ်ႛလ︀ူႇꩬ︀ုမ︀်းက︀ီး ဢ︀က︀ိဝ်းက︀ꩬ︀င︀်ꩫ︀ႆ︀တ︀ီယ︀င︀်းꩫ︀ႆ︀ႇ။

ရ︀ေႃမ︀ 8:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ီး ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉဢ︀မ︀ႂ်းမ︀ႆ︀ႛ ဢ︀ဝ်ႈꩭႅင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႃႛလ︀ေႚလ︀ေႚက︀ီး ꩬ︀ူဢ︀ꩬ︀ၢက︀်ႉꩫ︀ိပ︀်ဢ︀ူ။

က︀ေႃရ︀ိꩫ︀်တ︀ု ႑ 8:13

င︀ႆ︀းꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈဢ︀ꩫ︀်ႈက︀ိꩫ︀်ႈꩬ︀ီ ၵ︀ရ︀ီတ︀်ယ︀ၢꩫ︀်တ︀ၢင︀်က︀ူဝ်ႇမ︀ႆ︀ႛ က︀ဝ်ႈတ︀ီဢ︀ဝ်ႈၸ︀ိတ︀်ꩫ︀မ︀်ꩫ︀က︀ီး က︀ဝ်ႈယ︀ႃႇꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛ မ︀ဝ်ဢ︀ဝ်ႈၸ︀ိတ︀်ꩫ︀ႆ︀ႇ ꩫ︀ိူဝ်ႇꩫ︀ႆ︀ၢႈက︀ေႃႇ ꩡ︀ူဝ်ႈဢ︀ꩬ︀ၢက︀်ႉၵ︀ၢမ︀်ၸ︀ႃႛꩫ︀မ︀်။

က︀ေႃရ︀ိꩫ︀်တ︀ု ႑ 9:25

က︀ူꩫ︀်းဢ︀ꩫ︀်ႈလ︀ီꩫ︀်ႛꩭႅင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းꩫ︀ႆ︀ႛ ပ︀ွင︀်းꩬ︀ူးဢ︀ꩫ︀်ႈတ︀ီꩭိဝ်ꩭႆ︀ၢက︀ႃꩫ︀ႆ︀ႇ ꩡ︀ွမ︀်းၸ︀ိင︀်ႛပ︀ႅင︀်ႈꩬ︀ီ ၸ︀ိူက︀်ဢ︀ၵ︀ႅက︀်ႉက︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇ ꩭႂ်ႛပ︀ူဝ်းꩫ︀ႆ︀ႛပ︀ွင︀်းꩬ︀ူးဢ︀ꩫ︀်ႈတ︀ီမ︀ဝ်ꩭိဝ်ꩭႆ︀ၢက︀ႃꩫ︀ႆ︀ႇꩫ︀မ︀် ꩬ︀ေႈꩡ︀ႃႉက︀ꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 11:27

ဢ︀ꩫ︀်ႈꩫ︀ႆ︀ႛꩬ︀ွင︀်ႈဢ︀မ︀ူး၊ ဢ︀ꩫ︀်ႈꩫ︀ွꩫ︀်းလ︀ႅင︀်ႇ၊ ဢ︀ꩫ︀်ႈတ︀ွင︀်ႇမ︀ႆ︀ႛ၊ ဢ︀ꩫ︀်ႈက︀ုတ︀်ꩫ︀မ︀်ႇ၊ ဢ︀ꩫ︀်ႈင︀ႆ︀ႚင︀ႆ︀ႚမ︀ဝ်ပ︀ူဝ်းက︀ိꩫ︀်ႈ၊ ဢ︀ꩫ︀်ႈꩫ︀ႆ︀ႛꩫ︀ၢဝ်က︀တ︀်ၵ︀ိုတ︀်ႉꩰ၊ ဢ︀ꩫ︀်ႈၵ︀ိူင︀်ႈꩫ︀ုင︀်ꩡ︀ႃꩡ︀ုတ︀်ႉꩡ︀ႃꩡ︀တ︀်ႉꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်မ︀ႃးဢ︀ူ။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ိမ︀ေႃတ︀ေ ႒ 2:22

င︀ႆ︀းꩫ︀ႆ︀ႇꩬ︀ီ တ︀ၢင︀်းပ︀ိဝ်ဢ︀ꩫ︀်ႈꩬ︀ူ က︀ူꩫ︀်းꩫ︀ုမ︀်ꩫ︀ႆ︀ႇၵ︀ဝ်ပ︀ိဝ်၊ ဢ︀ꩫ︀်ႈꩬ︀ူမ︀ႆ︀ႛက︀ဝ်းꩬ︀ီတ︀ီဢ︀ဝ်ႈၸ︀ေႛက︀ႃꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈတ︀ႃႉ။ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀်ꩭီတ︀်တ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ႅတ︀်ႉꩡ︀ႃယ︀င︀်းတ︀ႃႉ။ ပ︀ိူꩫ︀်ႈမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉꩭွမ︀်တ︀ႃႉ။ တ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူတ︀ႃႉ။ လ︀ွင︀်ႈꩫ︀ႆ︀ႇၵ︀ဝ်တ︀င︀်းက︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ိုဝ်ႈꩰꩫ︀ꩫ︀်ႈꩰပ︀ႆ︀ၢႛဝႆ︀ႈꩫ︀ႆ︀ႇၵ︀ဝ် ꩭူမ︀်ႈꩭီတ︀်တ︀ႃႉ။

ပ︀ေတ︀ရ︀ု ႑ 2:11

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူယ︀ႃႇမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ူꩫ︀်းတ︀ၢင︀်မ︀ိူင︀်းꩫ︀က︀ꩫ︀်ႈꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇယ︀ႃႇ ꩭိူꩫ︀်းꩬ︀ူတ︀ေႇတ︀ေႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀်၊ ꩡ︀ႂ်ႈဢ︀ꩫ︀်ႈꩭွႆ︀ႛꩡ︀ႂ်ႈတ︀ၢင︀်းပ︀ိဝ်မ︀ိူင︀်းက︀ၢင︀်ႈ ꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းက︀ꩫ︀်ႈယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ွꩫ︀်ꩬ︀ူမ︀ႆ︀ႛ တ︀ိက︀်တ︀ူဝ်းꩬ︀ီဢ︀ူꩫ︀မ︀်။

ပ︀ေတ︀ရ︀ု ႒ 2:15

ၵ︀ဝ်ယ︀ႃႇ လ︀ုက︀်ႉတ︀ၢင︀်းꩡ︀ဝ်ႛယ︀ေꩬ︀ုမ︀ႆ︀ႛ ဝၢင︀်က︀ႃꩬ︀ီ တ︀ၢင︀်းက︀ႅင︀်းၿႃလ︀မ︀် ၸ︀ူႛလ︀ုက︀်ႉပ︀ႃတ︀ေႃမ︀ႆ︀ႛꩬ︀င︀် ယ︀ီင︀်ႈꩡ︀ွမ︀်းဢ︀ူꩫ︀မ︀်။ ပ︀ႃလ︀မ︀်ယ︀ႃႇ က︀ူဝ်ႇဢ︀ꩫ︀်ႈလ︀ေႃးၸ︀ႃးင︀ိူꩫ︀်းၸ︀ႅဝ်ꩫ︀ႆ︀ႇꩬ︀ီ ꩭီတ︀်ၸ︀ိတ︀်မ︀ႃးꩫ︀ႆ︀ႇꩫ︀မ︀်။