က︀ေႃရ︀ိꩫ︀်တ︀ု ႑ 9:19 - Khamti Shan

¹⁹ က︀ဝ်ႈယ︀ႃႇ က︀ူꩫ︀်းလ︀ွတ︀်ႉꩫ︀မ︀်။ ၵ︀ႃႛၸ︀ႂ်က︀ေႃႇ ꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈထိုင︀်တ︀ၢင︀်းၵ︀ေꩬ︀ေꩭႂ်ႛꩫ︀ႆ︀ႛꩫ︀ႆ︀ႇ က︀ဝ်ႈၸ︀ူႛꩡ︀ဝ်ႛ ꩭီတ︀်ၵ︀ႃႛက︀ူꩫ︀်းတ︀င︀်းမ︀ိူင︀်းယ︀ဝ်ႇ။

က︀ေႃရ︀ိꩫ︀်တ︀ု ႑ 9:19 ပူးပေါင်းရင်းမြစ်များ

မ︀တ︀်တ︀ႄး 18:15

ꩬ︀ူမ︀ႆ︀ႛၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈၸ︀ိတ︀်မ︀ႃးက︀ီး မ︀ꩫ︀်းမ︀ႆ︀ႛက︀ႃꩬ︀ီ ဢ︀ပ︀ႅတ︀်ႉမ︀ꩫ︀်းꩡ︀ိုဝ်ႇပ︀ျႃးတ︀ႃႉ။ ꩫ︀ႆ︀ႇꩫ︀က︀ေႃႇ ၸ︀ႂ်မ︀ႆ︀ႛက︀ေႃႇပ︀ီꩭႂ်ႛတ︀ွင︀်း။ ꩬ︀ွင︀်ၵ︀ိူဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈတ︀ႃႉ။ မ︀ꩫ︀်းꩬ︀ၢင︀်ဝွေမ︀ႃးက︀ီး တ︀င︀်းမ︀ꩫ︀်းထုက︀်က︀ꩫ︀်ႈပ︀ွက︀်ႉယ︀ဝ်ႇ။

ရ︀ေႃမ︀ 1:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဝီင︀်း၊ က︀ူꩫ︀်းမ︀ၢꩫ︀်ႛထိူꩫ︀်မ︀ဝ်ဝႃႈ၊ က︀ူꩫ︀်းဢ︀ꩫ︀်ႈလ︀ိက︀်ႉလ︀ၢႆ︀းꩡ︀ၢင︀်ႈ၊ ဢ︀ꩫ︀်ႈလ︀ိက︀်ႉလ︀ၢႆ︀းမ︀ဝ်ꩡ︀ၢင︀်ႈမ︀ဝ်ဝႃႈ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ဝ်ႈမ︀ႆ︀ႛꩫ︀ႃႛတ︀ီႈယ︀င︀်းဢ︀ူ။

ရ︀ေႃမ︀ 11:14

လ︀ႆ︀ၢးပ︀ိူဝ်ႈဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်ꩬ︀ီ ၸ︀ꩫ︀်းက︀ဝ်ႈၵ︀ဝ်တ︀ႃႈꩫ︀ႅင︀်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေမ︀ႆ︀ႛ ၵ︀ႂ်ႈꩭႂ်ႛꩭၢပ︀်ႉမ︀ႃးက︀ꩫ︀်ႈဢ︀ူ။

ရ︀ေႃမ︀ 15:2

ꩭဝ်းတ︀င︀်းမ︀ိူင︀်း ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ် က︀ေၵ︀ိူင︀်မ︀ႃးꩫ︀ႆ︀ႇ ဢ︀က︀ိဝ်းၵ︀ဝ်မ︀ႆ︀ႛꩫ︀ူႈꩬ︀ီ ဢ︀လ︀ၢင︀်းၵ︀ဝ်မ︀ႆ︀ႛ ဝႃႈꩡ︀ွမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 10:29

ꩡ︀ႃႇꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ဢ︀ꩫ︀်ႈယ︀ပ︀်မ︀ဝ်ယ︀င︀်းꩫ︀က︀ေႃႇ ꩡ︀ႃႇꩡ︀ႂ်ႈၵ︀ွꩫ︀်မ︀ꩫ︀်းယ︀ႃႇ ဝႃႈၵ︀ႂ်ႈꩡ︀ႂ်ႈꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈဢ︀ၵ︀ၢင︀်းဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ႇꩬ︀ီ ꩬ︀ူမ︀ႆ︀ႛပ︀ိူꩫ︀်ႈပ︀ီꩭႂ်ႛတ︀ၢင︀်ဢ︀ပ︀ႅတ︀်ႉ။

က︀ေႃရ︀ိꩫ︀်တ︀ု ႑ 10:33

က︀ဝ်ႈၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩭၢပ︀်ႉꩫ︀ႆ︀ႇ ဢ︀က︀ိဝ်းၸ︀ူႛꩡ︀ဝ်ႛမ︀ဝ်ၵ︀ႃꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛပ︀ူဝ်းက︀ူႈက︀ူဝ်ႇမ︀ႃးꩡ︀ႂ်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 7:16

မ︀ေႈꩭိူꩫ︀်းၵ︀ရ︀ီတ︀်ယ︀ၢꩫ︀်ၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩬ︀ီ ပ︀ူဝ်ႈꩭိူꩫ︀်းꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ၢင︀်ႈယ︀ုမ︀်ယ︀မ︀်ႈမ︀ႃးဢ︀ူꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ပ︀ူဝ်ႈꩭိူꩫ︀်းၵ︀ရ︀ီတ︀်ယ︀ၢꩫ︀်ၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩬ︀ီ မ︀ေႈꩭိူꩫ︀်းꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ၢင︀်ႈယ︀ုမ︀်ယ︀မ︀်ႈမ︀ႃးဢ︀ူꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။

က︀ေႃရ︀ိꩫ︀်တ︀ု ႑ 9:1

က︀ဝ်ႈယ︀ႃႇ ၵ︀ႃႛꩵ︀ႈꩡ︀ႂ်ႈ။ က︀ူꩫ︀်းလ︀ွတ︀်ႉꩫ︀မ︀်။ တ︀မ︀ၢꩫ︀်ꩡ︀ဝ်ႛက︀ေႃႇꩡ︀ႂ်ႈဢ︀ူ။ က︀ဝ်ႈက︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭꩫ︀်မ︀ႃးဢ︀ူ။ ꩬ︀ူꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇက︀ေႃႇ ဢ︀က︀ိဝ်းဢ︀ꩫ︀်ႈက︀ဝ်ႈ ꩭီတ︀်ဢ︀မ︀ူးမ︀ႃးꩬ︀ႃး။

က︀ေႃရ︀ိꩫ︀်တ︀ု ႒ 12:14

က︀ဝ်ႈင︀ႆ︀ႚꩬ︀ူမ︀ႆ︀ႛ ꩭႃတ︀တ︀ိယ︀မ︀ႃးက︀ွတ︀်ꩫ︀ꩬ︀ီ ꩬ︀ၢင︀်ဢ︀ူꩫ︀မ︀်။ ꩭလ︀ိုဝ်ꩫ︀က︀ေႃႇ က︀ဝ်ႈꩬ︀ူမ︀ႆ︀ႛက︀ꩬ︀င︀်က︀ေႃႇ ꩵ︀ႈယ︀ွꩫ︀်း။ ဢ︀ꩫ︀်ႈက︀ဝ်ႈၵ︀ႂ်ႈꩫ︀ႆ︀ႛꩫ︀ႆ︀ႇယ︀ႃႇ ꩬ︀ူꩫ︀မ︀်။ င︀ိူꩫ︀်းꩬ︀ူꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉꩫ︀ႆ︀ႇၵ︀ဝ်ယ︀ႃႇ ပ︀ူဝ်မ︀ေမ︀ႆ︀ႛꩵ︀ႈက︀မ︀်ႇထွက︀်ႉ။ ပ︀ူဝ်မ︀ေꩫ︀မ︀် လ︀ုက︀်ႉꩫ︀ႆ︀ႇၵ︀ဝ်မ︀ႆ︀ႛ ထုက︀်က︀မ︀်ႇထွက︀်ႉꩫ︀ႆ︀ႇ။

က︀ေႃရ︀ိꩫ︀်တ︀ု ႒ 4:15

လ︀ွင︀်ႈꩫ︀ႆ︀ႇၵ︀ဝ်တ︀င︀်းလ︀ုင︀် ပ︀ီꩫ︀်ႈမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းꩬ︀ူꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ၵ︀ႂ်ႈလ︀ႂ်ႈဢ︀ီꩫ︀ူႈꩭၢက︀်ႉꩭွမ︀်ꩫ︀ꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် တ︀ွင︀်းမ︀ႃးꩬ︀ီ ꩭႂ်ႛပ︀ူဝ်းမ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းတ︀ၢင︀်က︀ျေးꩡ︀ူးက︀ꩫ︀်ႈ၊ ယ︀ူဝ်းယ︀ွင︀်ႛက︀ꩫ︀်ႈꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 4:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်းꩫ︀ႆ︀ႇယ︀ႃႇ လ︀ွင︀်ႈတ︀ူႈၸ︀ူႛꩡ︀ဝ်ႛꩵ︀ႈꩡ︀ႂ်ႈ။ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈꩡ︀ဝ်ႛꩫ︀ိူဝ်ꩭူဝ်တ︀င︀်းမ︀ိူင︀်းꩫ︀ႆ︀ႇꩫ︀မ︀်။ တ︀ူႈၸ︀ူႛꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩬ︀ူ ဢ︀ꩫ︀်ႈဢ︀ဝ်ႈတ︀ီမ︀်ႈက︀ုမ︀်ဢ︀မ︀ိင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

က︀လ︀ႃတ︀ိ 5:1

ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။

က︀လ︀ႃတ︀ိ 5:13

ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းလ︀ွတ︀်ႉꩫ︀ႆ︀ႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ွတ︀်ႉယ︀ဝ်ႇꩫ︀ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛယ︀ႃႇ ꩬ︀ူပ︀ီꩡ︀ွမ︀်းဝၢင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈမ︀ႅတ︀်ႉတ︀ႃꩬ︀ိုင︀်ꩡ︀ွႆ︀ႈက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 4:16

ꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈမ︀ႂ်းꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀တ︀ိꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ႂ်းꩭူဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

ပ︀ေတ︀ရ︀ု ႑ 3:1

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈꩭိူꩫ︀်းꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းၸ︀ူႛꩡ︀ႆ︀ၢးꩬ︀ူမ︀ႆ︀ႛ ထွမ︀်က︀ꩫ︀်ႈတ︀ႃႉ။ င︀ႆ︀းက︀ီး ၸ︀ူႛꩡ︀ႆ︀ၢးဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀င︀်းꩫ︀က︀ေႃႇ တ︀ၢင︀်းက︀ႅင︀်းꩬ︀ူဢ︀ꩫ︀်ႈꩫ︀ီႈ၊ ဢ︀ꩫ︀်ႈၵ︀ိူင︀်ႈꩫ︀ီႈꩫ︀ၢပ︀်ႉယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်မ︀ႃးက︀ီး မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈမ︀ႃးဢ︀ူ။ ၵ︀ဝ်မ︀ႆ︀ႛ ဢ︀ဝ်ႈၵ︀ၢမ︀်းꩫ︀ႆ︀ၢႈက︀ေႃႇ ꩵ︀ႈဝႃႈဝႃႈယ︀ဝ်ႇ။