က︀ေႃရ︀ိꩫ︀်တ︀ု ႑ 7:35 - Khamti Shan

³⁵ ဢ︀ꩫ︀်ႈက︀ဝ်ႈဝႃႈꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းꩬ︀ူꩫ︀ႆ︀ၢႈꩫ︀မ︀်။ ဢ︀ꩫ︀်ႈꩬ︀ူမ︀ႆ︀ႛ ꩭၢမ︀်ႛꩡ︀တ︀်ꩵ︀ႈꩡ︀ႂ်ႈ။ ꩭႂ်ႛပ︀ူဝ်းꩬ︀ူဢ︀ူꩫ︀ီႈꩫ︀ီႈꩬ︀ီ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭီတ︀်ꩫ︀ႆ︀ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 7:35 ပူးပေါင်းရင်းမြစ်များ

မ︀တ︀်တ︀ႄး 19:12

က︀ူꩫ︀်းꩫ︀ႆ︀ႇၵ︀ဝ် တ︀င︀်ႛꩭိူꩫ︀်းမ︀ဝ်ပ︀ီꩫ︀်ႈꩫ︀ႆ︀ႇ လ︀ွင︀်ႈက︀ူႈၸ︀ꩫ︀်းယ︀င︀်းဢ︀ူ။ က︀မ︀်ႈၸ︀ွင︀်းယ︀ႃႇ လ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ ꩡ︀ႂ်ႈဢ︀ꩫ︀်ႈၵ︀ႂ်ႈတ︀င︀်ႛꩭိူꩫ︀်း၊ ၵ︀ႂ်ႈပ︀ီꩫ︀်ႈꩭိူꩫ︀်း မ︀ဝ်ယ︀င︀်းမ︀ႃးꩫ︀မ︀်။ က︀မ︀်ႈၸ︀ွင︀်းယ︀ႃႇ ပ︀ိူꩫ︀်ႈꩬ︀ိုင︀်ဢ︀ဝ်ႈၸ︀ႅင︀်းꩬ︀ီ တ︀င︀်ႛꩭိူꩫ︀်းမ︀ဝ်ꩫ︀ႆ︀ႛꩫ︀မ︀်။ က︀မ︀်ႈၸ︀ွင︀်းယ︀ႃႇ ꩫ︀ူႈဢ︀က︀ိဝ်းမ︀ိူင︀်းက︀ၢင︀်ႈꩭၢဝ်ꩬ︀ီ မ︀ဝ်တ︀င︀်ႛꩭိူꩫ︀်းꩬ︀ီဢ︀ူꩫ︀မ︀်။ က︀ူဝ်ႇဢ︀ꩫ︀်ႈမ︀ဝ်တ︀င︀်ႛꩭိူꩫ︀်းꩬ︀ီ ဢ︀ူꩫ︀ႆ︀ႛꩫ︀ႆ︀ႇ ꩵ︀ႈထုက︀်တ︀င︀်ႛ” ꩫ︀ဝꩫ︀်ႇ။

မ︀တ︀်တ︀ႄး 22:15

ꩫ︀ႆ︀ႇမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ် ဢ︀ွက︀်က︀ႃင︀ႆ︀း ꩡ︀ဝ်ႛယ︀ေꩬ︀ုမ︀ႆ︀ႛ ꩭီတ︀်ꩥ︀ႅꩫ︀်င︀ွင︀်ႇꩬ︀ီ တ︀ီꩭလ︀ိုဝ်ထၢမ︀်ꩫ︀ꩫ︀ႆ︀ႇ က︀ႃမ︀ူꩫ︀်ႈက︀ꩫ︀်ႈဢ︀ူ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

လ︀ုက︀ႃ 8:14

ပ︀ႃယ︀ုမ︀်းမ︀ႆ︀ႛ ꩭွေၸ︀ꩫ︀်းတ︀ူက︀်ꩫ︀ꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩫ︀က︀ေႃႇ ဢ︀ꩫ︀်ႈက︀ပ︀်ႉꩡ︀ႂ်ႈလ︀ွင︀်ႈက︀ိꩫ︀်ႈꩫ︀ုင︀်ႈ၊ ဢ︀ꩫ︀်ႈꩭွႆ︀ႛꩡ︀ႂ်ႈꩡ︀ေးꩡ︀ိမ︀်၊ ဢ︀ꩫ︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ပ︀ေႇထူမ︀်ႛꩬ︀ီ မ︀က︀်မ︀ဝ်တ︀ၢင︀်ꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 7:2

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ႆ︀ႇၵ︀ဝ်ꩫ︀မ︀်ၸ︀ႅဝ်ꩫ︀ႆ︀ႇꩬ︀ီ ၸ︀ူႛꩡ︀ႆ︀ၢးက︀ူႈက︀ူဝ်ႇထုက︀်ꩫ︀ီႈတ︀င︀်ႛꩭိူꩫ︀်းဢ︀ူ။ ၸ︀ူႛယ︀ိင︀်းက︀ူႈက︀ူဝ်ႇ ထုက︀်ꩫ︀ီႈပ︀ီꩫ︀်ႈꩭိူꩫ︀်းဢ︀ူ။

က︀ေႃရ︀ိꩫ︀်တ︀ု ႑ 7:28

က︀ူꩫ︀်းလ︀ွတ︀်ႉꩫ︀ႆ︀ႇၵ︀ဝ် တ︀င︀်ႛꩭိူꩫ︀်း၊ ပ︀ီꩫ︀်ႈꩭိူꩫ︀်းꩫ︀ႆ︀ႇ ဢ︀ပ︀ႅတ︀်ႉꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ တ︀င︀်ႛꩭိူꩫ︀်းပ︀ီꩫ︀်ႈꩭိူꩫ︀်းက︀ီး ꩬ︀ူတ︀ီꩫ︀ႆ︀ႛယ︀ပ︀်ယ︀ၢက︀်ႉꩫ︀မ︀်။ ꩬ︀ူမ︀ႆ︀ႛၵ︀ၢꩫ︀်ႇꩭႂ်ႛယ︀ပ︀်ယ︀ၢက︀်ႉꩬ︀ီꩫ︀မ︀် က︀ဝ်ႈဝႃႈꩫ︀ႆ︀ႇ။

က︀ေႃရ︀ိꩫ︀်တ︀ု ႑ 7:36

ၸ︀ူႛꩡ︀ႆ︀ၢး ဢ︀ꩫ︀်ႈတ︀င︀်းၸ︀ူႛယ︀ိင︀်းမ︀ႆ︀ၢက︀ꩫ︀်ႈဝႆ︀ႇꩫ︀ႆ︀ႇ မ︀ဝ်တ︀င︀်ႛꩭိူꩫ︀်းက︀ွတ︀်ꩫ︀ꩬ︀ီ တ︀ႅပ︀်တ︀တ︀်ဝႆ︀ႇဢ︀ူꩫ︀က︀တ︀ႃႉ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛꩡ︀ႂ်ႈဢ︀ꩫ︀်ႈၵ︀ႂ်ႈꩭူမ︀်ႈဢ︀ူꩫ︀ႆ︀ႇ ꩭႅင︀်းပ︀ူꩫ︀်ႇမ︀ႃးꩬ︀ီ ထုက︀်ꩫ︀ီႈဢ︀ဝ်ႈဢ︀ူꩫ︀ꩬ︀ီ မ︀ꩫ︀်းၵ︀ႂ်ႈꩡ︀ႂ်ႈမ︀ႃးက︀ီး ꩫ︀င︀်မ︀ꩫ︀်းၵ︀ႂ်ႈꩡ︀ႂ်ႈꩫ︀ႆ︀ႇꩫ︀က︀ꩫ︀်ႈ ဢ︀ဝ်ႈꩫ︀ႆ︀ႛဢ︀ူ။ ဢ︀ဝ်ႈက︀ꩫ︀်ႈꩫ︀ႆ︀ႇ ဢ︀ပ︀ႅတ︀်ႉꩵ︀ႈꩡ︀ႂ်ႈ။

ဢ︀ေၸ︀ႅတ︀် 5:3

ꩬ︀ူယ︀ႃႇပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ် ꩵ︀ႈဝႃႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းၵ︀ဝ် လ︀ုက︀်ႉꩬ︀ူပ︀်မ︀ႆ︀ႛꩫ︀ႆ︀ၢႈက︀ေႃႇ ပ︀ီဢ︀ွက︀်ပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ꩵ︀ႈထုက︀်ပ︀ိူင︀်ႈလ︀ူင︀်။

ၸ︀ိလ︀ိပ︀်ပ︀ၢႆ︀ 4:8

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈဝႃႈꩫ︀ႆ︀ႇယ︀ႃႇ ꩭူဝ်ꩡ︀ႂ်ႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈ၊ ဢ︀ꩫ︀်ႈꩫ︀ီႈမ︀ျတ︀်ႉ၊ ဢ︀ꩫ︀်ႈꩥ︀ႃးလ︀ွင︀်ႈ၊ ꩡ︀ႂ်ႈဢ︀ꩫ︀်ႈၵ︀ၢဝ်၊ တ︀ၢင︀်းက︀ႅင︀်းဢ︀ꩫ︀်ႈꩬ︀ႅꩫ︀်ႛ၊ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩭုမ︀်ꩫ︀ႆ︀ႇၵ︀ဝ် ꩡ︀ႂ်ႈဢ︀ꩫ︀်ႈမ︀ျတ︀်ႉလ︀ူင︀်ꩬ︀ီ ၵ︀ိူင︀်ႈꩫ︀ီႈယ︀ူဝ်းယ︀ွင︀်ႛꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈဢ︀ူတ︀ႃႉ။

တ︀ိတ︀ု 2:3

ၸ︀ူႛယ︀ိင︀်းဢ︀ꩫ︀်ႈမ︀ႂ်းမ︀ႆ︀ႛ က︀ေꩬ︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩫ︀င︀်ၸ︀ူႛမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ထုက︀်ꩫ︀ီႈဢ︀ူꩫ︀က︀ꩫ︀်ႈ ꩭႂ်ႛပ︀ူဝ်းဢ︀ူက︀ꩫ︀်ႈꩫ︀ႆ︀ႇꩬ︀ွꩫ︀်ꩭႂ်ႛတ︀ႃႉ။ ဢ︀ꩫ︀်ႈၵ︀ႃႇပ︀ိူꩫ︀်ႈလ︀ေ၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။ ၵ︀ဝ်ယ︀ႃႇပ︀ိူꩫ︀်ႈမ︀ႆ︀ႛ လ︀ွင︀်ႈꩫ︀ီႈဝႃႈꩬ︀ွꩫ︀်ꩡ︀ၢင︀်ႈ၊ ၸ︀ူႛယ︀ိင︀်းဢ︀ꩫ︀်ႈꩫ︀ုမ︀်ꩫ︀ႆ︀ႇၵ︀ဝ်မ︀ႆ︀ႛ ဝႃႈꩬ︀ွꩫ︀်ꩭႂ်ႛၸ︀ိူက︀်ꩭႂ်ႛꩫ︀မ︀်။ င︀ႆ︀းက︀ီး ၵ︀ဝ်က︀ေႃႇ ၸ︀ူႛၸ︀ူဝ်ၸ︀ူႛꩡ︀ဝ်ႛ၊ လ︀ုက︀်ႉၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭၢက︀်ႉꩡ︀ၢင︀်ႈမ︀ႃးဢ︀ူ။