က︀ေႃရ︀ိꩫ︀်တ︀ု ႑ 7:2 - Khamti Shan

² ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ႆ︀ႇၵ︀ဝ်ꩫ︀မ︀်ၸ︀ႅဝ်ꩫ︀ႆ︀ႇꩬ︀ီ ၸ︀ူႛꩡ︀ႆ︀ၢးက︀ူႈက︀ူဝ်ႇထုက︀်ꩫ︀ီႈတ︀င︀်ႛꩭိူꩫ︀်းဢ︀ူ။ ၸ︀ူႛယ︀ိင︀်းက︀ူႈက︀ူဝ်ႇ ထုက︀်ꩫ︀ီႈပ︀ီꩫ︀်ႈꩭိူꩫ︀်းဢ︀ူ။

က︀ေႃရ︀ိꩫ︀်တ︀ု ႑ 7:2 ပူးပေါင်းရင်းမြစ်များ

မ︀တ︀်တ︀ႄး 5:32

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ဢ︀ꩫ︀်ႈမ︀ေးၸ︀ူႛꩡ︀ဝ်ႛ ၸ︀ုꩫ︀်ႇꩬ︀ႅတ︀်ႉꩡ︀ႃက︀ႃꩫ︀ႆ︀ႇမ︀ႆ︀ႛလ︀ိူဝ်ꩬ︀ီ ꩵ︀ႈထုက︀်ၸ︀ၢက︀်ႉ။ ꩬ︀င︀်ဝႃႈ ၸ︀ၢက︀်ႉꩬ︀ီ ၸ︀ူႛယ︀ိင︀်းဢ︀မ︀ႂ်းက︀ေႃႇ ဢ︀ဝ်ႈၸ︀ူႛꩡ︀ႆ︀ၢးတ︀ၢင︀်က︀ူဝ်ႇက︀ီး ၸ︀ူႛၸ︀ူဝ်က︀ဝ်ဢ︀မ︀ႂ်းယ︀ႃႇဢ︀ꩫ︀်ႈၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ꩭႂ်ႛၸ︀ိတ︀်က︀ႃမ︀ꩫ︀မ︀်။ ၸ︀ူႛꩡ︀ႆ︀ၢးဢ︀ꩫ︀်ႈဢ︀ဝ်ႈၸ︀ူႛယ︀ိင︀်းဢ︀မ︀ႂ်းက︀ေႃႇ ဢ︀ꩫ︀်ႈၸ︀ိတ︀်မ︀ေးပ︀ိူꩫ︀်ႈꩫ︀မ︀်” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 6:18

ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ႆ︀ႇ င︀ိူင︀်ႇတ︀ႃႉ။ ဢ︀ပ︀ႅတ︀်ႉတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ တ︀ူဝ်ႈမ︀ႆ︀ႛꩵ︀ႈၸ︀ိတ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛꩫ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ိတ︀်တ︀ူဝ်ႈၸ︀ူႛꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 7:1

ꩡ︀ႃႇလ︀ိူင︀်ႈ လ︀ိက︀်ႉဢ︀ꩫ︀်ႈꩬ︀ူတ︀ႅမ︀်ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ တ︀ွပ︀်ꩭႂ်ႛက︀ွတ︀်ꩫ︀က︀ီးယ︀ႃႇ ၸ︀ူႛꩡ︀ႆ︀ၢးꩫ︀ꩫ︀ႆ︀ႇ တ︀င︀်းၸ︀ူႛယ︀ိင︀်း မ︀ဝ်ꩡ︀ၢပ︀်ႉက︀ႃႛမ︀က︀ꩫ︀်ႈက︀ီး ၵ︀ႅꩫ︀်းꩫ︀ီႈꩫ︀မ︀်။

က︀ေႃရ︀ိꩫ︀်တ︀ု ႑ 7:3

ပ︀ူဝ်ႈꩭိူꩫ︀်းꩫ︀ႆ︀ႇၵ︀ဝ် မ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀ႃႛတ︀ီႈၸ︀ူႛၸ︀ူဝ်ပ︀ီက︀ုတ︀်ႉ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ မ︀ေႈꩭိူꩫ︀်းꩫ︀ႆ︀ႇၵ︀ဝ် ပ︀ူဝ်ႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀ႃႛတ︀ီႈၸ︀ူႛမ︀ေးပ︀ီက︀ုတ︀်ႉ။

က︀ေႃရ︀ိꩫ︀်တ︀ု ႑ 7:9

ꩫ︀ႆ︀ႇꩫ︀က︀ေႃႇ ၵ︀ဝ်လ︀ွင︀်ႈက︀ႃႛမ︀မ︀ႆ︀ႛ က︀ꩫ︀်ႛမ︀ဝ်ပ︀ီꩫ︀်ႈက︀ီး ꩭႂ်ႛတ︀င︀်ႛꩭိူꩫ︀်းက︀ꩫ︀်ႈတ︀ႃႉ။ တ︀ႃႇက︀ꩫ︀်ႛမ︀ဝ်ပ︀ီꩫ︀်ႈꩬ︀ီ တ︀ီဢ︀ူယ︀ပ︀်က︀ꩫ︀်ႈယ︀ႃႇ တ︀င︀်ႛꩭိူꩫ︀်းꩫ︀ႆ︀ႇၵ︀ႅꩫ︀်းꩫ︀ီႈဢ︀ူ။

ဢ︀ေၸ︀ႅတ︀် 5:28

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်ႈꩭိူꩫ︀်းၵ︀ဝ် ꩫ︀င︀်တ︀ူဝ်ႈၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀က︀ꩫ︀်ႈ မ︀ေႈꩭိူꩫ︀်းꩬ︀ူမ︀ႆ︀ႛ ꩭၢက︀်ႉက︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈမ︀ေးၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩭၢက︀်ႉၸ︀ူႛꩡ︀ဝ်ႛꩫ︀မ︀်။

ဢ︀ေၸ︀ႅတ︀် 5:33

ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩬ︀ူၸ︀ူဝ်မ︀ေးꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈဝႃႈက︀ေႃႇꩡ︀ႂ်ႈဢ︀ူ။ င︀ႆ︀းꩫ︀ႆ︀ႇꩬ︀ီ ပ︀ူဝ်ႈꩭိူꩫ︀်းက︀ူႈက︀ူဝ်ႇ ꩫ︀င︀်ၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀က︀ꩫ︀်ႈ မ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛဝႃႈꩭၢက︀်ႉꩫ︀မ︀်။ မ︀ေႈꩭိူꩫ︀်းက︀ူႈက︀ူဝ်ႇက︀ေႃႇ ပ︀ူဝ်ႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ဝႃႈꩫ︀ၢပ︀်ႉယ︀မ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:4

င︀ႆ︀းꩫ︀ႆ︀ႇꩬ︀ီ ၸ︀ူႛꩡ︀ႆ︀ၢးꩫ︀ႆ︀ႇၵ︀ဝ်က︀ူႈက︀ူဝ်ႇ တ︀င︀်းမ︀ေးၸ︀ူႛꩡ︀ဝ်ႛ မ︀ူꩫ︀်ႈဢ︀ဝ်ႈယ︀င︀်းꩬ︀ီ ဢ︀ူꩬ︀ႅꩫ︀်ႛꩬ︀ႅꩫ︀်ႛက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 4:3

ၵ︀ဝ်ယ︀ႃႇ တ︀င︀်ႛꩭိူꩫ︀်းတ︀ေယ︀ေးꩫ︀ႆ︀ႇ ꩵ︀ႈꩫ︀ီႈ၊ ဢ︀ꩫ︀်ႈက︀ိꩫ︀်ႈက︀မ︀်ႈၸ︀ွင︀်းယ︀ႃႇ ꩵ︀ႈꩫ︀ႆ︀ႛက︀ိꩫ︀်ႈꩫ︀ꩬ︀ီ ꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ိꩫ︀်ႈဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇꩫ︀မ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းꩫ︀ႆ︀ႇၵ︀ဝ်ယ︀ႃႇ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩬ︀ီ က︀ိꩫ︀်ႈꩫ︀ႆ︀ႛဢ︀ူ။